Tímasprengja í Norðurhöfum

tifar á okkur.

Stærsta mengunarógnin á norðurslóðum  stafar af fyrrum Sovétríkjunum og ónýtum kjarnorkuflota þeirra.

 Kjarnorku kafbátnum   K-27 var sökkt í byrjun 1980 eftir að Sovétmenn gáfust upp við að ná stjórn á kjarnakljúf hans  áður en þeir sökktu honum  í Kara haf.

Bohmer hjá  Bellona Foundation sem er kjarneðlisfræðingur, sagði að  K-27 sé með tvo tilraunakjarnaljúfa um borð sem kældir eru með  fljótandi málmi sem eru  mikil ógnun við vistkerfi heimskautahafanna.  Ef hlíf kljúfanna brestur  og sjór kemst í mjög auðgað úran- eldsneyti þeirra þá getur þetta náð krítisku ástandi sem þýðir að annaðhvort sprenging getur átt sér stað eða meira hægfara ástand myndast. Skrifuð hefur verið norsk skýrsla um þessi mál sem enginn les auðvitað.

Í tilviki kjarnorkusamruna sem færi á stað við krítískt ástand, þá þýðir þetta ekki endilega að þetta springi í Kara-sjó num, sem þá yrði mjög alvarlegur atburður. En í staðinn getur þetta orðið að hægvirkara en sambærilegu Chernobyl-slysi  þegar yfirhitað eldsneytið  streymir úr kljúfnum  og puðrar geislavirkni í allar áttir. Afleiðingin yrðu allavega mjög mikil á allt lífríki í nágrenninu.

Handan við Kara-hafið eru að minnsta kosti tveir  kjarnorkukafbátar Sovétríkjanna sálugu  með hættulegum kjarnakljúfum.  K-159 í Barentshafi  og K-278 í Noregshafi. The K-278, einnig þekktur  sem Komsomolets, er of djúpt til þess að hægt sé að ná honum upp.

K-159 fór niður árið  2003 á meðan  verið var að draga það til niðurrifs til  Polyarny – aðal- skipasmíðastöðvar  Rússlands til viðhalds og eyðingar  kjarnorkubáta. Níu sjómenn létust við að reyna að halda bátnum  á floti þegar ofsaveður eyðilagði flotholtin sem héldu honum á floti svo að ryðgaður skrokkurinn myndi ekki gefa sig við sjóferðina. Áætlað er  að í kringum 800 kíló af úran eldsneyti séu   um borð í K-159, samkvæmt Bellona.

Aragrúi sovéskra kjarnorkubáta og sokkinna flaka liggur á norðurslóðum sem bíða þess að ryðga í sundur sem getur haft skelfilegar afleiðingar í för með sér fyrir öll norðurhöf. Rússar geta ekkert gert í málunum og bíða bara og vona.Við líklega líka. Sovétríkin eru horfin og Rússland og Pútín mikli eru á nýrri kennitölu svo enginn er ábyrgur. 

En tímasprengjan í Norðurhöfum  tifar og fer ekki neitt.

Murphy segir

If it works, don´t fix it.

Ef það virkar reyndu þá ekki að laga það.

Af hverju má ekkert vera í friði hér á Íslandi? Af hverju þurfa vinstri grænir að fara að skipta sér af klukkunni sem við erum búnir að hafa svona í 50 ár og allt gengið vel?

Af hverju má maður ekki þetta eða hitt? Af hverju má ég ekki vera eins og ég er? Af hverju þarf þetta vinstra lið alltaf að skipta sér af öllu? Geta þeir ekki séð neitt í friði þessir menn?

Klukkan er búin að vera svona í hálfa öld. Flestir eru ánægðir með þetta sem var ákveðið eftir mikla íhugun og yfirlegu. Af hverju þurfa þessir menn sem voru varla fæddir þá að fara að skipta sér af henni núna? Hvern fjáran vita þeir betur en allir hinir?  Við viljum bara ekki sjá neinar breytingar á þessari klukku, hún er ágæt eins og er. Og ég vil líka sjá sem minnst vinstri grænt.Það er mín bjargfasta skoðun að grænt sé grænt og eigi að vera hægra megin á skipinu og rautt vinstra megin. 

Ég og 82 % þjóðarinnar viljum hafa Reykjavíkurflugvöll kyrran þar sem hann er. Einhverjir vinstri villingar sem eru 18 % þjóðarinnar ætla samt að hafa vit fyrir öllum hinum og eyðileggja flugvöllinn. Sem virkar vel og þá er óþarfi að breyta því. Reynum heldur að bæta það sem er en ekki eyðileggja það sem virkar.Byggja mannsaæmandi aðstöðu fyrir flugið á Reykjavíkurflugvelli. Alveg án tillits til þess hversu lengi völlurinn verður þarna. Við erum búnir að búa við frost á öllum framkvæmdum í áratugi vegna þessarar þvælu í þessum 18 %. Af hverju megum við hin ekki núna fá einhver ár í sólinni? Af hverju er betra að gera aldrei neitt frekar en að gera eitthvað þó það sé kannski vitlaust?

Geta þeir vinstri grænir niðri á þingi ekki bara farið eftir honum Murphy sem hefur sýnt sig að vita miklu betur en meðal Alþingismaður og þá auðvitað miklu betur en nokkur siglingablindur vinstri grænn Alþingismaður?

If it works, don´t fix it segir Murphy´s lögmálið.

Golan

er aðeins að herða á sér. Ef menn fara á síðuna hans Gústa frænda,www.agbjarn.blog.is þá geta menn séð óveðrið í rauntíma. Mjög gaman að glápa á goluþytinn.

Á að sekta Íslendinga?

við Geysi eða Gullfoss  ef þeir hafa ekki náttúrupassa til að sýna?

Er ekki betra að láta okkur borga passann með nefskatti og útlendinga alla við komuna til landsins? Ekkert passakontról sem kostar.

Þá geta yfirvöld farið frjálslega með skatttekjurnar eins og þau gera með  nefskattinn til Útvarpsins sem fer í gæulverkefni ráðherrans sem svo býsnast yfir blánkheitum á Gufunni? 

GMT

Greenwich Mean Time er tíminn á Íslandi. Svo er búið að vera í nær hálfa öld.

Nú vilja VG og fleiri seinka klukkunni. Færa tímann afturábak. Þó vonandi ekki alla leið aftur til velmektarára Stalíns.

Læknir í Háskólanum segir að við höfum vitlausa sólarklukku og við eigum að seinka hennni. Þá verður klukkan hér GMT -1.

30.mars flýta Bretar sinni klukku í GM+1. 26 Október flytja þeir klukkuna til baka á GMT. Þýskaland byrjaði á þessari vitleysu með sumartímann á vígvöllunum í gamla striðinu 1916. Enda töpuðu þeir stríðinu nokkru seinna.  Maður er búinn að lenda í mörgum kárínum af þessu vestan hafs eða austan. Missa af þessu eða hinu og verða of seinn.

Er þetta eitthvað sniðugt? Munum við ekki bölvað hringlið með klukkuna hjá okkur sem við höfðum loks vit á að hætta og tókum upp GMT allt árið um kring. Hér er sólargangur það langur að sólarklukkan stjórnar okkur ekki neitt og við notum gardínurnar til þess stjórna svefntímanum. Það er bara dimmt í Desember og svo lagast það.

Eins og allt sem kemur frá afturhaldinu skulum við láta þetta lönd og leið og halda okkur við GMT. 

Einkabíllinn

 

 er sá fararskjóti sem nútímamaðurinn hefur valið sér. Þessi litlii reykspúandi  málm-og plastkassi á fjórum gúmmíhjólum er uppspretta lífsgæða fjölskyldanna.

Ég man eftir því hvað við hjónin urðum sæl þegar hún amma mín heitin, hún Sigríður Jónsdóttir Ólafssonar ritsjóra "lánaði" okkur þrjúhundruðþúsund (hálfsárs laun) fyrir fyrsta bílnum okkar. Tveggjadyra 13 ára Bjúikk. Við bjuggum í kjallara inn í Skipasundi, hennar fólk var á Selfossi en mitt niður á Snorrabraut og þar í mýrinni umhverfis.

Það var reynt að fara í strætó,  labba og hjóla en þetta var ekkert líf. Bjúkkinn breytti öllu og lífið fór á stjá. Mynd af honum og númerið prýðir heimilið hjá okkur ennþá.

Við borguðum henni aldrei því hún gaf okkur seinna eftir skuldina því hún sagðist sjálf ekki vera að fara neitt annað en til himnaríkis sem hún þó ekki gerði fyrr en löngu síðar. Hún var stórkostleg manneskja hún Sigríður amma mín. Hún var langveik og var lengi á spítölum en kvartaði aldrei og var alltaf í góðu skapi og glettin. Þar sagði hún sjúkrahúsprestinum sem spurði hana hvort hann ætti ekki að biðja fyrir henni. "Æ þakka yður kærlega fyrir Magnús minn en ég er viss um að hann Drottinn muni alveg sjá fyrir mér þó að þér séuð ekki að rella í honum." Þannig var hún amma mín, utan kirkju eins og það hét, þótti undurvænt um hann séra Jakob frænda sinn og var það gagnkvæmt. Hún sagði mér að hún vissi að til væri annað líf og þegar ég efaðist lofaði hún að gera mér viðvart ef hún gæti ef svo reyndist vera.

Nú er komin einhver ný tegund af stjórnmálamönnum, að vísu nokkuð bundin við Reykjavík, sem segir okkur að við hjónin höfum miksskilið allt þarna um 1963 þegar við fengum Bjúkkann. Við hefðum átt að höndla hamingjuna án hans.

Ég bísaði þessu línuriti hjá honum Ívari Pálssyni. Það sýnir svo ekki verður um villst nútímamaðurinn vill hafa fleiri en eitt bílastæði við hverja íbúð. Gefur það enga vísbendingu um hvað fólkið vill í borgarskipulagi?  Samt skipuleggja menn heilu hverfin án þess að teljandi bílastæði eigi að fylgja? 

Maður undrast byggingar Háskólans í nágrenni Flugvallarins í Vatnsmýrinni. Á þessu dýra svæði eru heilu hektararnir lagðir undir ofanjarðar bílastæði. Gönguleiðir í öllum veðrum í hinar ýmsu byggingar eru ofanjarðar. Ég spurði í einfeldni minni á einum kynningarfundi hvort arkitektar hefðu velt því fyrir sér að nota jarðvegsdýpið sem þarna er til að búa til parkhús og hafa síðan túnnela og torg undir byggingunum þar sem vagnar gengju milli þeirra þannig að fólk kæmist þurrum fótum og fljótt  á milli hinna ýmsu Háskóladeilda? Þeir horfðu á mig eins og þeir hefðu séð draug og þar með endaði sá fundur.

Maður horfir líka á Háskólann í Reykjavík þar sem bílastæðin þenja sig yfir stærri flöt en húsin. Þarna er líklega ekki verið að spá í lóðarverðið né heldur það að trufla flugvöllinn sem minnst.

Mér finnst að bíllinn sé máttarstoð efnahagslífsins og því sé siðferðislega rangt að leggja skatta á hann og eldsneytið eins og þetta sé lúxus. Þeir stjórnmálamenn sem það gera ættu ekki að tala um það fyrir kosningar hvað þeim þykir vænt um einstæðar mæður, aldraða og öryrkja. Mannsins lífsgæði eru svo nátengd því að komast á milli þeirra staða sem hann kýs.

Einkabíllinn er og verður lengi enn heimilisarinn fjölskyldunnar.

Bjarni Benediktsson

formaður Sjálfstæðisflokksins og fjármálaráðherra var á geysifjölmennum fundi hjá Sálfstæðisflokkknum í Kópavogi  kl 10:00 í morgun.

Bjarni flutti langt og ítarlegt erindi um störf og athafnir ríkisstjórnarinnar. Hann skýrði fyrirhugaðar og þegar orðnar gjaldalækkanir á almenning þessa lands, Hann fór yfir skuldaleiðréttinguna og hvernig ríkisstjórnin hefði sótt fjármuni til slitabúa gömlu bankanna. Hann rakti við hvaða vandamál væri að kljást varðandi  afléttingu fjármagnshaftanna. Skuldir ríkissjóðs  væri ennn of miklar, hvernig ríkisstjórnin hefði getað lagt fram hallalaus fjárlög og snúið af leið fyrri ríkisstjórnar sem safnaði upp 400 milljarða halla á ríkissjóði og 300 milljörðum í skuldum til viðbótar.

Allt horfði nú til betri vegar. Tekist hefði að auka framlög til margra nauðsynlegra málaflokka, til dæmis kæmi Arnarnesvegurinn á blað núna. Við þau orð lá við að Ármann bæjarstjóri færi heljarstökk á gólfinu svo ákaflega glaður hann varð. Enda vegurinn sýnt sig að vera nauðsynlegur þó ekki væri nema vegna umferðaröryggis þegar útaf bar með færð á dögunum.

Bjarni sýndi línurit af vef fjármálaráðuneytisins sem sýna svo ekki verður um villst að þessi ríkisstjórn hefur afskrifað gamla rekstrarhalla Landspítalans og aukið framlög til spítalans að raungildi um tugi prósenta og hafið tækjakaup í stórum stíl til spítalans eftir óskalista læknanna. Þeir væru í raun búnir að fylla holuna sem myndaðist í tíð fyrri ríkisstjórnar vegna hins mikla niðurskurðar sem þá var ráðist í þannig að nú væri spítalinn á réttri siglingu.

Hann sagði að ríkisstjórnin lægi undir stöðugum árásum vegna þess að semja ekki umsvifalaust við læknana og stórhækka laun þeirra. En þær árásir kæmu frá því sama fólki sem hefði stórlækkað laun lækna og annarra með beinum skattahækkunum á laun þessara sömu lækna, sem hefði haft stórkostlega kjaraskerðingu þeirra í för með sér í tíð síðustu ríkisstjórnar. 

Hann ræddi álit EFTA-dómstólsins um verðtrygginguna. Hann sagði það niðurstöðu dómsins að verðtryggingin sem slík stæðist. En auðvitað verður það íslenskra dómstóla að kveða upp úr með það atriði. Hann taldi litlar líkur á að þessi niðurstaða myndi breytast. Hann spurði hvort menn sæju stórmun á því að láta reikna fyrir sig afborganatöflu við lántöku í banka við núverandi verðbólgu sem væri um 1 % eða hvort reiknað væri með 0 % eins og bankar hefðu gert? Eða gera það að skyldu að reikna með 8 % verðbólgu eins og í tíð fyrri ríkisstjórnar?

Bjarni rakti deilurnar um Rammaáætlun og nauðsyn þess að hagvæmir virkjanakostir yrðu rannsakaðir nánar. En vísaði til bókar Össurar Skarphéðinssonar þar sem lýst er hvernig hin pólitíska samstaða um tækniniðurstöður nefndarinnar á þeim tíma hefði verið skotin niður í hrosskaupum við Steingrím J. Sigfússon  gegn þvi að hann styddi umsóknaraðildina að Evrópusambandinu. Hann sagði að formleg slit aðildarviðræðnanna væru á dagskrá þingsins í vetur enda myndi engin ríkisstjórna héðan af geta gerst aðili að því sambandi öðruvísi en að hafa fullt umboð til. Og Evrópusambandið sjálft myndi aldrei taka upp viðræður við nokkra ríkisstjórn sem ekki væri ákveðin í því að gerast aðili að sambandinu. Því væri í raun sjálfhætt þessu gamla aðildarferli síðustu ríkisstjórnar.

Bjarni ræddi skattamál á fjörlegan hátt. Menn rykju upp til handa og fóta og töluðu um matarskatt. Ríkisstjórnin væri að afnema vörugjöldin og sykurskattinn sem væru hinn eini sanni matarskattur. Vörugjöldin upp á jafnvel 18 % væru hinn sanni matarskattur því þau legðust á alla matvöru. Hann barði fast í vegginn fyrir aftan ræðupúltið  og sagði að gipsplöturnar í byggingum bæru þessu vörugjöld, benti fram í eldhús og sagði að vaskurinn þar og kranarnir bæru þessi gjöld líka, benti á ljósin í loftinu til viðbótar. Allt þetta og hvaðeina í húsinu stuðlaði að háum byggingakostnaði með vörugjöldunum. Það væri þetta sem ríkisstjórnin væri að gera til þess að létta öllum landsmönnum byrðarnar. Það væri komið nóg af að láta ríkið hirða 70 % af verði allra flatskjáa með vörugjöldum, tollum og virðisaukskatti.

Sykurskatturinn hefði bara hækkað vöruverð með þvi að leggjast á sykurlausa gosdrykki sem og aðra gosdrykki og neysluvöru. Lýðheilsustefnan hefði hvergi fengið framgang í honum. Allt þetta yrði afnumið um næstu áramót og myndi bæta hag allra landsmanna ekki bara sumra. Skattar myndu lækka á öllum. Persónuafsláttur ætti að sjá um að nauðþurftum væri fullnægt. Síðan ættu allir að greiða hóflega skatta og helst allir sömu prósentu. Bjarni sagði allar ástæður væru núna fyrir hendi fyrir þjóðina að vera bjartsýna og trúa á landið sitt. .

Formaðurinn svaraði aragrúa af fyrirspurnum fundarmanna um hin óskyldustu mál. Var það rómur manna eftir fundinn að margir hefðu undrast hvílíkt óhemju vel Bjarni Bendiktsson. formaður Sjálfstæðisflokksins og fjármálaráðherra væri vel heima í  öllum málum og hversu einlægur hann er í því þegar hann er að tala um að bæta hag allra, ekki sérstakra hópa með sértækum lausnum  heldur raunverulega bæta hag allra landsmanna. jafnt. 

 

 

Kreditkort eða Visa

er ekki lengur eins og þau voru. Allsherjar greiðslumiðilar og misvinsælir. En drógu menn ekki í dilka. Ekki lengur.

Nýlokið er viðskiptum Landsbankans og Íslandsbanka þar sem ríkisbankinn selur Borgun, sem er í meirihlutaeigu erlenda vogunarsjóðabankans Íslandsbanka, þriðjungshlut sinni í MasterCard. Þeir í Landsbankanum  vilja ekki vera með þeim MasterCard-mönnum lengur í minnihluta þar sem Íslandsbanki á meirihluta í Borgun. Ekki leyfa viðskiptamönnum sínum að velja kort. Eins og velja á milli Olís, N1 og Skeljungs.Ef þú ert með reikning í Íslandsbanka þá skaltu hafa MasterCard hér eftir eða öfugt með Landsbanka.

2.2 milljarðar. Ekkert mál. Ekkert útboð. Engin skýring. Bara þeir í Landsbankanum selja þennan hlut eftir sínum smekk.Ekkert talað um að jafna hlutina á milli bankanna svo að allir hafi jafnan aðgang?

Svo kemur rúsínan í pylsuendanum. Ríkið á 98 % í Landsbankanum. Hver er æðsti yfirmaðurinn? 

Aðeins er  eftir að ræða þá  staðreynd að einhverjir frændur Bjarna Benediktssonar eru víst meðal hluthafa í Borgun að því að sagt er. Höfum við fengið nóg af lekamálinu þá er ólíklegt annað en nú fari aftur að færast fjör í leikinn.

Mér finnst það fáránlegt að það eigi að bjóða neytendum upp á þvinganir af þessari gerð. Visa er kort sem maður hefur notað lengi og meira en MasterCard. Af hverju á einhver bankakurfur út í bæ að ákveða það fyrir mig hvort ég vil heldur?

Af hverju má ég ekki ráða því sjálfur hvaða kort ég nota, Kreditkort eða Visa?

Baunabyssurnar burtu

þá hlýtur gargliðinu niður á þingi að líða betur.

Spurning er hvort hinum almenn borgara líður betur eða verr að vita að okkur gæti vantað vopn ef passalausir kalífarnir til dæmis kæmu að heimsækja okkur.

Það er víst sagt í henni Ameríku að það eina sem geti stöðvað vondan gæja með byssu eins og Breivík til dæmis, sé góður gæji með byssu. Kunnum við eitthvað að fást við múslíma eins og liðamenn kalífaveldisins sem skirrast einskis við manndráp? Þeir hafa sýnt það og sannað til dæmis á tíð Kómenis í Íran að þeim verður lítið fyrir. Þeir eru öðruvísi en vestrænt fólk sem er flest hvítt og kristið á borði að minnsta kosti.

Maður getur ímyndað sér ræðurnar hjá Sigríði Ingibjörgu eða Lilju Rafney eða Árna Páli ef til þess hefði komið að það vantaði byssur fyrir 11 milljónir króna einhversstaðar í ríkisrekstrinum.Þau myndu líklega verða fljót að kenna ríkisstjórninni og Sjálfstæðisflokknum um það og við yrðum að hlusta á langar ræður þeirra um það.

Nú fara baunabyssurnar sem sé úr landi, allt búið með trúnaðarsamband milli lögþvingunaraðila landanna Noregs og Íslands, en ekki einu sinni bergmál eftir að fretinu í þessu fólki í sölum Alþingis.

Veröld sem var

var heiti á frægri bók Stefáns Zweig. 

Hún fékkst að sönnu við allt annan veruleika en við blasir á hafinni öld.Í tímaritinu Politico koma nokkur línurit um þessi mál.

 

 

 

 

 

 

 

 

 

 

 

Þessi línurit vekja athygli á miklum breytingum sem  eru að eiga sér stað í hlutfalli þeirra  kynþátta sem Bandaríkin byggja. Sjá má undansig hvíta kynstofnsins fyrir öðrum. Hvort sem okkur líkar betur eða ver þá verða Bandaríkin önnur en þau eru núna. Innrás spönskumælandi fólk virðist vera í fullum gangi. Bandaríkjamenn eru að gefast upp í þeirri baráttu að stjórna innflæði ólöglegra innflytjenda. Nú ætlar Obama enn að auka við vægi þeirra með því að gera þá að löglegum borgurum.Líklegra er en ekki að hann sé að gera þetta með hagsmuni síns flokks í huga og til að vinna andstæðingaflokkum tjón.Stjórnmálamenn virðast hvergi þekkja takmörk þegar hagsmunir þjóðar rekast á við flokkshagsmuni. Þá virðist allt vera til sölu.

Ráða má af línuritunum að hvítir verða komnir í minnihluta í Bandaríkjunum eftir fáa áratugi. Hvaða áhrif þetta mun hafa á Bandaríkin eins og við þekkjum þau í dag er erfitt að segja. Hvaða stjórnmálaflokkar munu stíga og falla, hvernig efnahagsmál verða, hvernig heilbrigðiskerfið og skólakerfið verða eða hvert opinbera tungumálið verður.Hvaða áhrif hefur þetta á Nato og herstyrk Bandaríkjanna? Hvaða áhrif hefur þetta á okkur?

Á Íslandi eru þessar breytingar líka hafnar. Okkar menntaða fólk flýr land, gefst upp á litlum gæðum stjórnmálanna í landinu og stefnuleysi. Inn streymir öðruvísi menntað fólk af jafnvel öðrum kynstofnum. Þessi staðreynd er að breyta því Íslandi sem við þekkjum, menningararfi, námsefni í skólum , heilbrigðiskerfinu sem og matarvenjum og tónlist.Stjórnmálaumræðan er bæld og margar skoðanir eru bannaðar eða enginn þorir að orða þær eins og til dæmis skoðanir á innflytjendum.Þau mál er þó það eina sem smáflokkaflóran á Alþingi sem,  sbr. síðasta kjörtímabil. tefur Alþingi mest, er algerlega sammála um að þagga niður.  Þröskuldurinn til þess að fá mann kjörinn á þing af framboðslista þarf greinilega að hækka til þess að fá starfhæfara Alþingi.

Með breytingum á ethnografíu Íslands mun margt breytast frá því sem nú er. Verða haldin málþing á Íslandi um Sturlu Þórðarson eftir 100 ár? Hversu hátt hlutfall þeirra sem þá byggja landið munu þekkja til Njálu eftir 200 ár? Hvaða þjóð verður hér eftir 300 ár?

Sú stefna að hafa enga stefnu í innflytjendamálum virðist ráðandi í landinu okkar. Ekkert má gera til að stjórna aðstreymi þeirra. Þó að hryðjuverkaógn sé farin að kasta skugga sínum á Ísland, þá má ekki ræða það að taka upp vegabréfaeftirlit með öðrum en Íslendingum af því að við erum útverðir ESB í krafti Schengen. Hvað þá að búa sig undir slíkt með því að eiga hríðskotabyssur fyrir lögreglu. Allt ómumbreytanlegt eins og Rammaáætlun. Líklega hafa flestir sem horfðu og hlustuðu á ræðurnar á Alþingi í gær spurt sig alvarlegra spurninga um takmörk hins mögulega á þeim vettvangi. 

Hvernig sem fer, þá verður okkar heimur hægt og bítandi að veröld sem var.