Lýðræðishallinn

í Reykjavík kemur glöggt í ljós í frábærri grein Hróbjarts Jónatanssonar í Morgunblaðinu í dag. Þar kemur fram að 2/3 Borgarfulltrúa búa í mið-og vesturbæ og hverfisstjóri Breiðholsins líka. Það eru "miðbæjarotturnar" sem ráða öllu um stjórn Borgarinnar með borðliggjandi árangri.

Þessi grein Hróbjarts er frábær áminning til allra sveitarfélaga um að bæjarstjórnarmönnum ber að sinna nærumhverfi sínu en ekki hlaupa eftir fjarstýrðum pípum stjórnmálaflokka á landsvísu. Fjölgun þeirra er hvergi trygging fyrir betri afgreiðslu mála enda gefast yfirleitt heimskra manna ráð því verr sem fleiri koma saman..

Dagur Bergþóruson og Hjálmar Sveinsson eru erkidæmi um hvert lýðræðishalli í stjórnunarháttum í sveitarfélagi leiðir til hnignunar þess sem þeir áttu að hugsa um á kostnað eigin pomps og pragtar. 

Megi sveitarstjórnarmenn hugsa sín ráð um lýðræðishallann eftir lestur greinar lögmannsins.

Gengisfall

strax segir Óttar Proppé, hljóðmaður, rokkari og og bóksali með gagnfræðapróf frá  Bandaríkjunum.

Endurskoðun peningastefnunnar og tenging við Evruna segir hann líka. Og svo verði greidd atkvæði um viðræður við ESB.Skilur hann yfirleitt hugtök hagfræðinnar?

Benedikt úr TM Software hefur líka látið uppi sína skoðun um nauðsyn gengisfalls og áframhald viðræðna við ESB. Hann ætti að geta skilið afleiðingar tillagna sinna en kýs að ræða þær ekki.

 

Við erum ekki að fara í aðildarviðræður við ESB segir Bjarni Benediktsson. Við eigum eftir að ræða stjórnarskrármálið og fleira sem útaf stendur.

Allt í lygnum sjó og Viðreisn komin 87.5 % til að vera framvegis keppinautur Sjálfstæðisflokksins segir Benedikt. Þorgerður Katrín kemst kannski aftur einhverja túra sem ráðherra á næstu Ólympíuleika.

Gerir almenningur sér ljóst hvaða áhrif það hefur á lífskjörin ef þessir menn fá að ráða genginu með brjóstviti sínu en ekki Seðlabankinn? Allt hækkar í verði og kaupmáttur hrapar.Bílar og bensín rýkur upp.  Grímur í Bláalóninu græðir meira, ferðaþjónustan og útgerðin  fá fleiri mölétnar verðbólgukrónur í vasann til að borga almúganum lægra kaup. Gott innlegg í komandi kjaraviðræður eða hvað finnst Vilhjálmi Birgissyni um það?.

Á að blása á allt vit í peningamálum sem hefur kristallast í Má Guðmundssyni? Hafa þeir Óttar Proppé og  Benedikt Jóhannesson allt í einu vit á við hann og Seðlabankann í hagfræði? Lækka vexti fyrir lántakendur í eftirspurnarþenslunni segja þeir líka. Má bara reka Má sem óþarfan mann?

Á ég virkilega a trúa því að Bjarni Benediktsson ætli að leiða þessa hagfræðilegu ESB-rugludalla í ríkisstjórn?

Auðunn Svavar læknir

skrifar þarfa grein í Morgunblaðið í dag:

"Vikulegar fréttir bárust af hetjuskap Björns Pálssonar flugmanns þar sem hann flaug bráðveikum og slösuðum sjúklingum utan af landi til Reykjavíkurspítalanna. Þetta gerði hann á eigin vegum í rúm tuttugu ár eftir miðja síðustu öld.

Á þriðja áratug síðustu aldar eru til átakanlegar lýsingar lækna utan af landi um börn sem dóu af einföldum sjúkdómum eins og botnlangabólgu vegna þess að ekki var hægt að koma þeim á spítala í aðgerð (Jónas Sveinsson, Lífið er dásmlegt, bls. 52). Óöryggi þeirra sem bjuggu á afskekktum stöðum landsins var algert þegar þurfti á bráðri læknisþjónustu að halda. Samgöngur voru víða hvar erfiðar.

 Uppbygging héraðs- og fjórðungssjúkrahúsa landsins mætti mjög þessari brýnu þörf fyrir einfaldari bráðaþjónustu og með sjúkraflugi Björns Pálssonar gaf þetta fólki í strjálum byggðum landsins öryggistilfinningu .

 Mikil sérhæfing í læknisfræði hefur átt sér stað s.l. 30 ár og kemur bæði til aukin þekking og ekki síður aukin og flókin tæknivæðing læknisfræðinnar sem helst í hendur við auknar kröfur sjúklinga og aðstandenda þeirra um gæði og árangur. Þetta hefur komið fram í því að sérhæfð sjúkrahúsþjónusta hefur að mestu flust á einn spítala í landinu Landspítalann sem eðlilegt er í svo fámennu landi og mjög hefur dregið úr allri spítalaþjónustu úti á landsbyggðinni. Búast má við að þessi þróun muni halda enn áfram á næstu árum. Forsenda þessara breytinga í spítalaþjónustu sem veitt var úti á landi eru góðar og öruggar samgöngur við Reykjavík. Sjúkraflug gegna hér lykilhlutverki enda voru 645 slík flug árið 2015 með sjúklinga og helmingur þeirra voru í lífshættu (F-1 og F-2 ).

 Það skýtur því skökku við að neyðarbrautinni hafi verið lokað í sumar þrátt fyrir viðvaranir fagaðila. Flugmálafélag Íslands sendi frá sér tilkynningu nýlega vegna stöðunnar: »Ljóst er að varnaðarorð flugstjóra og sérfræðinga í flugmálum áttu við full rök að styðjast og að stjórnmálamenn hafa gert alvarleg mistök með því að loka neyðarbrautinni. Nú skiptir miklu máli að bregðast hratt við,« segir í tilkynningunni. Nú hefur þegar komið til þess að ekki er hægt að lenda með sjúklinga í Reykjavík vegna veðurs, beinlínis vegna lokunar neyðarbrautarinnar. Hér eru líf sett í hættu.

 Vinstri meirihluti Reykjavíkurborgar hefur farið fram með offorsi í málefnum Reykjavíkurflugvallar hann gerir ekkert með undirskriftalista tugþúsunda til stuðnings vellinum og allar skoðanakannanir sem staðfesta yfirgnæfandi stuðning við flugvöllinn.

 Maður hefði haldið að borgarstjórinn hefði lært af reynslunni hann var varaformaður Samfylkingarinnar þegar þjóðin kaghýddi ríkisstjórn Samfylkingarinnar í Icesave-þjóðaratkvæðagreiðslu í tvígang og hefur flokkur hans nær þurrkast út af þingi síðan. Verulegt óöryggi hefur skapast í bráða-sjúkrahúsþjónustu á landsbyggðinni vegan misráðinna ákvarðanna embættis- og stjórnmálamanna. Nú ber Alþingi skylda til að grípa inn í stöðuna og opna neyðarbrautina strax þar sem almannahagsmunir liggja undir.

 Það væri afturhvarf til liðins tíma ef ekkert yrði að gert og sjúkraflugi stefnt í óþarfa hættu."

Þjóðin þarf að gríða í taumana til að stöðva skemmdarverk Dags Bergþórusonar og Hjálmars Sveinssonar  á Reykjavíkurflugvelli. Hún hefur ekki aðra leið til þess  en að Alþingi láti málið til sín taka með beinum hætti þar sem forherðing þessa meirihluta er slík að sjötíuþusund undirskriftir eru sem goluþytur í hans eyrum.

Og Alþingi ætti að gera meira. Það ætti að kaupa blokkirnar sem eru í flugbrautarstefnunni og láta lækka þær nægilega til þess að brautin geti orðið öruggari.

Auðunn læknir á þakkir skildar fyrir sína tillögu.

Hvað með sparandann?

Forsætisráðherrann kemur í sjónvarpið og heimtar vaxtalækkun og gengisfall fyrir alla.

Lántakendur eiga ekki að greiða svona háa vexti segir hann. Og lækka gengið er bráðnauðsynlegt. Alveg sama þó að hann sé sjálfur búinn að hesthúsa 40 % kauphækkun. Alveg eins og að slíkar kauphækkanir hafi engin áhrif á verðbólguna? Alveg eins og að vextir skipti engu máli ef að þvingaðar kauphækkanir keyra upp verðbólguna. Það skal bara lækka vexti og tryggja það að allir sem eiga einhverja aura í banka skuli tapa þeim örugglega.

Er enginn sem reynir lengur að spara í þessu þjóðfélagi og geyma aurana sína þangað til seinna?

Af hverju má ekki leyfa verðtryggða innlánsreikninga á jafnvel núll vöxtum í bönkunum óháð tímalengd innistæðu? Bara óraunhæfa bindingu til þriggja ára sem enginn treystir sér til?

Af hverju má enginn sparandi njóta öryggis. Af hverju getur enginn hugsað neitt nema útfrá hagsmunum lántakenda sem vilja fyrst og femst ekki borga tlil baka það sem þeir fá lánað? Bara rafkrónuframleiðsla bankanna á að lánast út ókeypis? Hverskonar hagvísindi eru þetta?

Svona einhliða vaxtalækkunar-og gengisfellingarboðskapur forsætisráðherrans er ekki sérlega sannfærandi.

Og svo kemur Benedikt Jóhannesson af öllum mönnum líklega á morgun  til að hnykkja á þessu enn frekar til að kaffæra rödd Más Guðmundssonar og Seðlabankans um ábyrgð og aðhald endanlega.

Hvað með sparandann?

 

Er ég stoltur?

Er ég stoltur af því að tilheyra mannkyninu við þessi áramót?

Maður er búinn að horfa á myndir frá Aleppo og sjá brjálaðan Arabalýð skjóta og myrða allt sem hreyfist,sjá iðnveldin henda sprengjum á spítala og drepa lækna og hjúkrunarfólk,  sjá blóð barnanna fljóta og sundurtætta borgina hrunda. Og þetta eru ekki fyrstu fólskuverkin í mannkynssögunni. Allt löðrandi í blóði og bardögum.

Heyra um 7 ára börn sem eru klædd í sprengjubelti og send inn á meðal saklauss fólks í mannþröng  þar sem þau  eru sprengd af múslíma í nafni Kóransins og Allah í þeim tilgangi að drepa sem allra flesta sem eru nálægt. Hlusta á fréttastofur voga sér að kalla þetta sjálfsmorðsárásir.

Líklega er trúarbrjálæðið verst viðfangs af öllu sem mannkynið hrjáir. Þar sem vitfirringar í grímubúningum og slæðum  æsa fólkið til fordæðuskapar eftir forskriftum úr gömlum skruddum. Og leggja líflát við því einu að andmæla eða efast.

Nei ég er ekki stoltur að tilheyra sömu dýrategund og er þarna að verki.

Úti í geimnum sveimar Hubble sjónaukinn umhverfis jörðu. Hann hefur birt okkur myndir af súlum sköpunarinnar. Gríðarlegum ryk-og gasmekkjum þar sem sólirnar fæðast og byrja líf sitt í hinum rámu regindjúpum himingeimsins.Milljóna ljósára fjarlægðir segja ævagamlar sögur af einhverju sem var. En hvað skyldi vera að gerast þarna núna? Hvernig getur geimurinn verið að þenjast stöðugt út? Erum við utaná himnu tímarúmsins þar sem eitthvað óþekkt er á innrabyrðinu? 

Að hugsa sér að þessi litla örsmæð miklu minni en baktería í hlutfalli  við þessar víddir,- maðurinn-, skuli vita þetta og sjá. Mann sundlar við hugsunina eina. En samt getur maður fundið fyrir stolti af því að þetta hefur okkar tegund gert. 

Að mannkynið skuli hafi átt einstaklinga eins og Einstein sem skildi lögmálin sem himingeimurinn hlítir í tímarúminu, mann eins og Stephen Hawking sem þrátt fyrir algera fötlun líkamans hefur með hugarorku sinni jafnvel skilið tímann og sögu hans sem og margt annað. 

Já ég er þá stoltur af af því að tilheyra þessu mannkyni sem getur þetta.  

Ég horfi á Nýjárskonsertinn í Vín og heyri þessa dýrðlegu tóna og sé alla þessa fegurð sem birtist á skjánum. Ég er bergnuminn af því sem ég sé. Svo óendanleg fegurð er til í heiminum. Og svo óendanlegur viðbjóður. Heimska, brjálæði,hugsun og þekking, kærleikur og botnlaus illska.

 

Ég er samt stoltur og þakklátur fyrir að tilheyra þessu mannkyni sem getur allt þetta fagra. Ég er ekki stoltur af því að tilheyra þeim hluta mannkyns sem anar fram í blindri heimsku myrðandi og drepandi allt sem fyrir verður. Þetta sama mannkyn sem átti Maó, Hitler, Stalín og Pol Pot.

Hvílíkar andstæður eru ekki í þessu mannlífi við þessi áramót? Brjálaðir einstaklingar sem geta ekki fengið nóg af drápum og ofbeldi. Aðrir sem helga allt líf sitt kærleika og umhyggju til að reyna að bæta böl og auka við þekkingu manna til framþróunar? Vísindamenn sem finna læknislyf við ólæknandi sjúkdómum. Er það sanngjarnt að kenna einhverjum Guði um þetta allt?

 

Er ég ekki samt stoltur af því að tilheyra mannkyninu?

Ávarp Forsetans

okkar nú á Nýársdag var vel heppnað. 

Forsetinn kom víða við í ræðu sinni og snerti ýmsa strengi.

Meðal annars boðaði hann komu 40 flóttamanna frá Sýrlandi á næstunni.

Væri nú ekki hægt að velja þennan hóp af vandvirkni og sjá til þess að eitthvað af honum væru ekki múslímar sem hefðu meiri líkur á að falla inn í okkar samfélag. Eitthvað af hópnum væri menntað fólk sem við höfum þörf fyrir fremur en ómenntaðir múslímar sem hafa ekkert annað en innbrennda forneskju í farteskinu? 

Þetta fyrsta ávarp nýkjörins Forseta Íslands til þjóðarinnar var með prýði af hendi leyst. 

Vesturlönd og múslímavæðingin

er alvarlegasta ógnin sem steðjar að okkur sem Vesturlönd byggja.

Svo skrifar konungur bloggaranna Páll Vilhjálmsson:

,,Lýðræði, réttarríkið og þýsk gildi eru vörnin gegn hatursfullum hryðjuverkum," er meginboðskapur Angelu Merkel kanslara Þýskalands, samkvæmt Spiegel. Hatursfullu hryðjuverkin eru að stærstum hluta framkvæmd í nafni múslímatrúar.

Múslímatrú er ekki trú í vestrænum skilningi, segir þýsk-egyptski höfundurinn Hamed Abdel-Samad, heldur lífsháttur. Í bókinni Uppgjör við Múhameð útlistar Abdel-Samad hvernig þrenningin Múhameð, Allah og Kóraninn gegnsýra lifnaðarhætti múslíma. Vestrænn skilningur er að trú sé einkamál hvers og eins. Múslímar skilja trú sem pólitískt og félagslegt samfélag manna þar sem orð spámannsins eru ofar öllum mannasetningum. Vestræn gildi og múslímsk eru ósamrýmanleg. Annað tveggja verður að víkja.

Þjóðverjar eru óðum að átta sig á valkostunum. Trjóuhestur múslímavæðingarinnar heitir fjölmenning. Enda eru þýskir alveg hættir að tala um fjölmenningu. Ríkið ætlar sér að þýskvæða múslíma sem búa í landinu. Kannski tekst það - en kannski ekki."

 

Ég  held að þarna sé komið að kjarna málsins.Vesturlönd verða að grípa til varna gegn innrás Islams.

Fyrsta skrefið er að takmarka aðstreymi fólks af þessum flokki fólks með öllum ráðum. Eina von okkar á Vesturlöndum að sá skaði sem þegar er orðinn muni minnka með yngri kynslóðum þessa fólks, sem mun láta af fordæðuskap sínum þegar áhrif okkar menningar og upplýsingar vinna á hindurvitnum þess.

Það mun taka langan tíma að snúa áorðnum skaða við. Ísland er enn sem komið er í miklu betri stöðu en til dæmis Norðlandaþjóðirnar þar sem vandamálin eru orðin yfirþyrmandi.Þessvegna ber okkur að stíga hægt en yfirvegað til jarðar.

Hér á landi hafa okkar meira en þúsund múslímar verið til friðs og fallið að mestu inn í þjóðfélagið okkar. En við  verðum að vinna öllum árum að því að hér verði ekki sú þróun að múslímsk ghettó myndist með innflutningi ómenntaðs fólks af þessum flokki manna.Draugatrú Íslendinga hvarf með raflýsingunni og fornaldarlegt Islam mun fara sömu leið með tíð og tíma.

Með öðrum orðum verðum við að vanda mjög til valsins þegar kemur að nóttöku kvótaflóttamanna frá stríðsátakasvæðum. Velja kristið fólk frekar en múslíma. Líta til menntunar þeirra og okkar eigin þarfa fyrir hæfni framboðinna flóttamanna.

Við verðum að hafna algerlega því handahófsvali sem ráðið hefur för fyrir tilstilli misskilnings góðafólksins sem ráðið hefur för til þessa.

Við verðum að setja íslenska hagsmuni í efsta sæti þegar kemur að móttöku kvótaflóttamanna og vali á viðtöku hælisleitenda.

Múslímavæðing Vesturlanda er nefnilega mikið alvörumál.