Er Jón Gunnarsson?

langt til að vera búinn að espa allt afturhald landsins upp á móti sér?

Bara með því að stinga upp á því að hraða vegaframkvæmdum með því að láta nýbyggingar standa undir sér?

Allt afturhald landsins rís upp á afturlappirnar við svona bandarískum hugmyndum. Heldur holur og hossing heldur en eitthvað nýtt? Um að gera að breyta engu? Mogginn troðfullur af vitnisburðum músarholumanna.

Ætlar Jóni Gunnarssyni ekki að takast að verða spámaður í eigin föðurlandi?

Er ég orðinn kommatittur?

þegar ég stend mig að því að vera sammála Steingrími J. Sigfússyni í afstöðunni til brennivínsfrumvarpsins?

Ég sé ekkert að brennivínssölunni eins og er. Ég sé ekki að neitt liggi á að breyta því sem er í lagi? Ég gef ekkert fyrir afstöðu þingmanna Sjálfstæðisflokksins sem finnst einhver sáluhjálp vera í Bónusbrennivíni?

Af hverju að vera að ergja kjósendur til að kjósa ekki Sjálfstæðisflokkinn út af tittlingaskít? Er ekki nóg af öðrum málum sem meira liggur á? Vegakerfislagfæringum? Vegatollum? Jarðgangnagerð?

Murphy segir:

Ef það er ekki bilað, reyndu þá ekki að gera við það.

Er ég orðinn kommatittur í hugsun?

Dagur eða Stólpi-Gámar?

Varla líður sú vika að Dagur Bergþóruson tilkynni ekki um lausn húsnæðisvandans sem hann hefur átt þátt í að skapa meðal annars með móttöku hælisleitenda umfram getu.

Það er tilkynnt um ný hverfi hér og ný hverfi þar með hundruðum íbúða.Þau muni leysa vanda  húsnæðislausra- hugsanlega bráðum þegar búið er að byggja annarsstaðar en í Úlfarsfelli.

Á sama tíma auglýsir Stólpi-Gámar íbúðagáma sem hægt er að flytja inn í næstu viku eða svo ef leyfi fæst til að setja þá niður.

Hvernig væri að auglýsa samkeppni?

Stólpi-Gámar fá úthlutað lóð t.d. í Úlfarsfelli með plássi fyrir 1000-2000 gáma með frárennsli, hita og rafmagni.

Dagur hefur allar sínar lóðir til umráða.

Samkeppnin felst í því að hvor aðili bjóði fram 200-1000  ca. hundrað fermetra leiguíbúðir á sanngjörnu  leiguverði frá 1.júní næstkomandi.

Munar ekki um 200-1000 leiguíbúðir? Er ekki hugguleg gámaíbúð fullboðleg fyrir þá sem eru á götunni eða komast ekki af Hótel Mömmu?

Dagur B eða Stólpi-Gámar, hvor skyldi vinna?

 

Heimasíða RÚV

er undirlögð af máli Muhamed Juhel Miah

Hvað varðar Íslendinga eiginlega um það hversvegna Bandaríkjamenn vilja ekki hleypa honum inn í landið? Höfum við eitthvað með það að gera?

Til hvers erum við að eyða fé Ríkisútvarpsins með þessum hætti? Birta hverja fregnina af annarri um mál þessa manns sem okkur kemur ekki við á heimasíðu RÚV?

 

Tær sannleikur Stormskersins

birtist í Mogga í alltof langri grein skáldsins sem hefði átt að hafa hana í tveimur hlutum:

"Gríðarleg móðursýki hefur gripið um sig eftir að Adolf Hitler - en svo kalla vinstri öfgamenn Donald Trump - setti 90 daga bann við komu fólks frá nokkrum vara- og vafasömum ríkjum sem að mestu heyra undir alræðisstefnuna íslam. Flest þessi ríki eiga það sameiginlegt að hafa verið bombarderuð af Obama, friðarverðlaunahafa Nóbels, og því var talið líklegt að þau væru ekki í sjöunda himni með það og vildu hugsanlega svara fyrir sig á sínu tungumáli - með hryðjuverkum. Þessi ríki voru því ekki valin af handahófi. Obama sá um þetta á sínum tíma og enginn sagði neitt við því.

 

Trump var ekkert að finna upp hjólið í þessum efnum. Hann uppgötvaði ekki harðar reglur í innflytjenda- og varnarmálum. Ríki Vesturlanda eru hvert af öðru að vakna upp af óværri þyrnirósarmartröð og taka upp strangari landamæragæslu, gott ef ekki öll, nema Ísland að sjálfsögðu.

 

Vissulega er Trump stórtækur í þessu sem öðru og situr ekki við orðin tóm. Það finnst mörgu góðu fólki mjög slæmur ókostur.

 

Kosningarnar

 

eru búnar - Skiljú?

 

Fjölmargir Bandaríkjarforsetar hafa sett svipuð ferðabönn á undan Trump og enginn hefur gert óveður út af því en þar sem Trump á í hlut þá er náttúrulega um að gera að reyta og tæta hár sitt og skegg og öskra afar vinsæl blótsyrði eins og »fasisti rasisti nasisti kvenhatari« og ganga alveg af göflunum og hnífunum. Það þarf varla að taka það fram að þessi móðursýki er að megninu til í höfðinu á vinstrimönnum sem hata kallinn einsog pestina og prestana og geta með engu móti sætt sig við að hann hafi sigrað óspilltu friðardúfuna hana Hillary í lýðræðislegum kosningum eftir þeim leikreglum sem gilda í USA. Á ensku heitir þetta að vera libtard, en það orð er samsett úr orðunum liberal (frjálslyndur) og retard (þroskaheftur).

 

Íslamófóbía - Nasismófóbía - Einhver munur?

 

Móðursýkin er komin á það svakalegt stig að nú segjast Píratar ekki lengur geta sofið á nóttunni sökum angistar og þeir sjá eld og brennistein og gasklefa í hverju horni og eru með klærnar fastar uppí sér í vitfirringslegri skelfingu, titrandi og skjálfandi á beinunum með sængina breidda uppfyrir haus, muldrandi í svitakófi og óráði að nú sé heimsendir í nánd því vondi kallinn hann Trump (Hitler) ætli sér að sprengja okkur öll í loft upp. Svo gægjast þeir undir rúmið með geðveikislegan hræðsluglampa í augunum til að athuga hvort skrímslið hann Trump (Hitler) sé nokkuð mættur á svæðið.

 

Vinstrimenn verða að fara að róa sig. Slaka aðeins á. Taka svefnpillu eða arsenik eða eitthvað. Það er Hillary en ekki Trump sem vill stríð við Rússa. Það var Hillary en ekki Trump sem talaði Obama inná að sprengja Lýbíu í tætlur. Obama friðarhöfðingi var í stríði hvern og einn einasta dag sem hann sat á forsetastóli, en Trump (Hitler) hefur hinsvegar ekki farið í stríð við neinn ennþá - nema hvað hann mun alveg örugglega taka blessuðu englana í ISIS í bakaríið - svo farið nú að anda með rananum kæru óttaslegnu taugabiluðu vinstri öfgamenn hvar í flokki sem þið standið og hættið að gleypa allt hrátt sem stendur í falsfréttamiðlunum ykkar og látið af angist ykkar og andúð og taumlausu hatri og ofsa og ofstæki og grynnkið aðeins á þráhyggjukenndri heiftúðugri hatursorðræðu ykkar sem þið eruð alltaf að ásaka aðra fyrir að viðhafa. Þið verðið að fara að láta af þessari nasismófóbíu ykkar svo þið öðlist svefnsamar nætur.

 

Vinstriflokkarnir 3 -

 

Gísli, Eiríkur og Helgi

 

Ég er náttúrulega að tala við vegg (múr) því nú hafa vinstriflokkarnir þrír, semsé Vinstri græningjar, Samfylkingin (þriggja manna »fylking«) og systurflokkur þeirra - Píratar - tekið sig til og drullumallað gjörsamlega tilgangslausa þingsályktunartillögu þar sem tilskipun Trumps er harðlega mótmælt og farið fram á að »Alþingi fordæmi og saki Bandaríkjaforseta um fordæmalausa mannfyrirlitningu og fordóma,« eins og þeir orða það svo fágað og fordómafullt. Popúlisminn og pólitíska rétthugsunin í algleymingi.

 

Ef það á að vera eitthvert samræmi í þessu óráði þeirra og ofstæki og ef þeir ætla að vera sjálfum sér samkvæmir þá verða þeir einnig að senda harðorð mótmæli til þjóðhöfðingja Japans, Austurríkis, Ungverjalands, Póllands, Slóveníu, Króatíu o.s.frv. en öll þessi ríki hafa verið mun harðari í innflytjendamálum og landamæravörslu sinni en Bandaríkin. En munu þeir gera það? Nebb. Hversvegna ekki? Sumir myndu segja að það væri vegna þess að þeir væru libtard, en það er bara hluti af skýringunni. Annað brot af skýringunni er inngróin kommalufsuhræsni og eðlislægur popúlismi stefnulausra rekalda. Það er t.d. mikill misskilningur hjá Sjálfstæðisflokknum að halda að það sé til fylgisaukningar og vinsælda fallið að stökkva uppá bögglabera vinstri öfgaflokkanna og þeirra úrelta útrunna útbrunna pólitíska rétttrúnaðar. Svoleiðis reiðhjólatúr er dæmdur til að enda útí skurði.

 

Trumpófóbía

 

En fyrst og fremst beinast mótmæli háttfirrtra þingmanna og fordæmalaus mannfyrirlitning og fordómar þeirra eingöngu gegn Trump vegna þess að þeir hata hann út af lífinu og orðræðan eftir því. Hann stendur fyrir allt sem þeir hata og svo snúa þeir hatri sínu á honum yfir á hann sjálfan og segja að hann sé kvenhatari og kynþáttahatari o.s.frv. Tóm vitleysa og rugl. En það er ansi margt sem þeir hata við hann:

 

Hann er t.d. ekki femínisti. Hann er ekki hálfviti, sem er mjög slæmt því ef hann væri það þá væri hann hugsanlega femínisti. Hann er kjaftfor ráðríkur ákveðinn og óheflaður (ruddaleg týpa með vonlausan tónlistarsmekk). Svo er hann að sjálfsögðu Hitler með afrakaða hormottu og uppfærða hárgreiðslu. Hann er ómútanlegur (það hlýtur að hafa hneykslað Hillary). Hann er öðruvísi (allir verða að vera eins í dag). Hann stendur við kosningaloforð sín og er snöggur að því (algerlega ófyrirgefanlegt). Hann er ekki kelling í neinum skilningi. Hann er með pung í öllum skilningi. Hann er ekki pólitískt rétthugsandi viðrini (skelfilegt. Hvert er þessi heimur að fara?). Hann tengir saman öfgaíslam og hryðjuverk (öfugt við Hillary og Obama sem þorðu ekki að nefna öfgaíslam á nafn og hvað þá að fordæma hryðjuverk íslamista). Hann er hreinskilinn og segir hug sinn umbúðalaust án fílters og án tillits til hvort það falli í kramið eða ekki (öfugt við popúlista). Hann þorir að vera hann sjálfur (glæpur). Hann hefur heilbrigða þjóðerniskennd (en það er bannað í dag og er kallað þjóðremba). Hann vill landi sínu og þjóð allt hið besta og vill verja landamærin mynduglega (öfugt við vinstrimenn). Hann gerir sér grein fyrir að galopin landamæri þýða eyðileggingu þjóðríkisins, hann vill ekki að land sitt fari til helvítis eins og Evrópa stefnir hraðbyri í undir forystu Merkel. Hann er semsé ekki dæmigerður vestrænn stjórnmálaslúbbert.

 

Menn hafa nú verið hataðir fyrir minna en þetta. Og svo er hann með hárgreiðslumeistara sem hlýtur að vera mikill húmoristi.

 

Auðvitað er kallinn egóisti, klámkjaftur, frekur, hefnigjarn, gráðugur, móðgandi, ögrandi, »karlrembusvín,« en svo hefur hann eflaust líka einhverja ókosti. Enginn er fullkominn.

 

Hagsmunir Íslands

 

aukaatriði að venju

 

En hvaða árangri vilja þessir íslensku vinstriflokkar ná með þessari þingsályktunartillögu sinni og fordæmingu og formælingum? Hverju vilja þeir ná fram? Halda þeir að þetta komi Íslandi vel? Það finnst þeim náttúrulega aukaatriði enda haldnir Íslandófóbíu. Halda þeir að þetta bæti samskipti ríkjanna? Aukaatriði. Íslandófóbían. Halda þeir að Trump breyti stefnu sinni vegna þessa? Ég þykist vita að þeir séu að slá sig til réttlætisriddara með þessu dómgreindarlausa tilfinningalega frumhlaupi sínu en halda þeir virkilega að Trump segi við ráðherrana sína skjálfandi röddu: »Ég var að fá hérna fordæmingu og svívirðingar frá Alþingi Íslands og það þýðir að ég verð að hætta þessum komubannspælingum einn tveir og bingó. Ég er lamaður af ótta og er alveg við það að spræna í buxurnar og gubba af stressi. Ég veit að þið hafið aldrei heyrt á Ísland minnst en ég get sagt ykkur það að Ísland er smáhólmi norður í rassgati með nokkrum hræðum. Við byggðum handa þeim flugvöll og höfum varið þá í um sjö áratugi endurgjaldslaust. Þingmenn þessa eyjakrílis eru ofboðsleg gáfnaljós og vammlausir stálheiðarlegir óspilltir siðavandir réttlætisriddarar og eru gríðarlega áhrifamiklir í alheiminum þannig að það er mjög mikilvægt að hafa þá góða. Ég er hættur við öll áform um ferðabann og ég verð að fara að ganga í brúnum buxum svo það sjáist ekki þegar ég drulla á mig úr hræðslu.«

 

Ekki vaxa dvergar yfir höfuð

 

Eru þetta viðbrögðin sem vinstrivitringarnir búast við? Ef ekki, til hvers eru þeir þá að þessu?

 

Árangurinn af svona óráðstillögu verður að liggja fyrir. Það þarf engan stjórnvitring til að sjá að þetta vanhugsaða tilfinningalega óðagot mun engu skila nema fullkomnu antípati valdamesta manns heims á okkur. Trump er ekkert að fara að taka við fíflalegum umvöndunum og formælingum einnar spilltustu þjóðar Evrópu með brosi á vör án þess að svara með rothöggi til baka eins og hann er frægur fyrir. Það er kýrskýrt.

 

Það er nú þegar búið að eyðileggja móralinn milli Íslands og Rússlands með þátttöku okkar í fáránlegu viðskiptabanni og nú á að myndast við að rústa vinskapnum milli Íslands og Bandaríkjanna, sem alltaf hafa reynst okkur vel, rétt eins og Rússland.

 

Fyrir rúmu ári stakk borgarstjórinn í Reykjavík uppá því að sniðganga vörur frá Ísrael, sem var náttúrulega gaga, og um svipað leyti toppaði kafteinn Pírata hann í ruglinu með sniðgöngutillögu á Kína og sagði: »Ég legg til að við skoðum innkaupastefnu Alþingis um það hvort við eigum að kaupa vörur frá Kína.«

 

Hvað er að? Mikilmennskubrjálæði? Veruleikafirring? Eigum við ekki bara að slíta öll tengsl við umheiminn og fara að búa í leðurblökuhelli í öllum okkar heilagleika úr því að siðferði okkar er á svona líka miklu hærra plani en allra annarra? Hvað höldum við eiginlega að við séum? Íslendingar verða að fara að fatta að þeir eru dvergar í dvergríki og hafa ekki beint úr háum söðli að detta í neinu tilliti. Dvergar stækka ekkert við það að tylla sér á tá og reyna að breiða úr sér. Trump er ekki Hitler. Óhætt að fara að sofa. Það vill gleymast að meirihluti Bandaríkjamanna styður forseta sinn í þessu máli og svo má geta þess að samkvæmt nýrri viðamikilli breskri skoðanakönnun kemur fram að meirihluti fólks í 10 ESB-löndum vill alfarið stöðva innflutning fólks frá löndum múslima. Ekki tímabundið eins og Trump er að gera heldur alfarið.

 

Þessi tíu vondu ESB-lönd kunna greinilega ekki að meta góða »fjölmenningu« og nútímalega sharia dómstóla. Hvað ætla háttfirrtir vinstriþingmenn á Íslandi að gera í því? Krefjast viðskiptabanns á þau? Sniðganga vörur frá þeim? Fordæma þessar þjóðir og gangsetja sína dæmigerðu hatursorðræðu gegn þeim og úthrópa þær sem rasista og fasista? Heimta að þær taki við fólki frá löndum múslima með góðu eða illu og raði því á 5 stjörnu hótel á kostnað skattgreiðenda eins og gert er á Íslandi?

 

Traust og virðing Alþingis mælist skiljanlega í frostmarki en samt halda þessir óhæfu óvitar að þeir séu þess umkomnir að skipta sér af innanríkismálum Bandaríkjanna og vanda um fyrir Bandaríkjaforseta með blammeringum og fasistauppnefningum og segja honum til í þjóðaröryggismálum og jafnvel í fóstureyðingarmálum. Síðan hvenær fór rottan að hafa efni á að halda siðaprédikun yfir fílnum? Á hún ekki að vera að taka til í sinni illa þefjandi rottuholu? Þessir háttfirrtu þingmenn eru með allt í rusli hér heimafyrir í öllum málaflokkum og með allt niðrum sig og saursletturnar langt uppá hnakka en halda samt að þeir séu akkúrat réttu mennirnir til að segja Trump hvernig hann eigi að stjórna landi sínu. Hvað eru þessir jólasveinar eiginlega að reykja? Þurrkaðan grameðluskít? Finnst þeim þeir virkilega hafa efni á að leika einhvern Tarzan útí heimi? Þessi gúmmí-Tarzan er ekki einusinni í skýlu eða með bleyju. Hann er ekki apabróðir heldur bara api.

 

Ísland fyrst

 

Svo lengi hafa værukærir krónískir vinstrimenn legið maríneraðir í sínum pólitíska rétthugsunarsora eins og klóakrottur að það er ekki nema von að þeir fái hland fyrir hjartað þegar fram kemur harðduglegur sjálfstætt þenkjandi hreingerningamaður sem lætur hendur standa fram úr ermum og fer að skrúbba allt hátt og lágt. Ef þessir háttfirrtu þingmenn vilja fordæma forseta Bandaríkjanna og saka hann um mannfyrirlitningu og fordóma og rasisma og fasisma og þessháttar ekkisensdellu og prumphænsnapíp þá eiga þeir að gera það í sínu eigin nafni, ekki í nafni Alþingis eða þjóðarinnar - en það er örugglega til of mikils mælst. Þetta eru nefnilega að uppistöðu til sömu flokkarnir og vildu að við borguðum Icesave og slógu tjaldborg um heimilin. Þeir virðast haldnir Íslandófóbíu á háu stigi. Þessir háttfirrtu þingmenn mættu gjarnan taka Trump sér til fyrirmyndar og fara að setja hagsmuni eigin lands og þjóðar í fyrsta sæti. Það væri tímabær tilbreyting. Til þess voru þeir kjörnir og til annars ekki - þó þeir skilji það greinilega ekki ennþá.

 

Til að taka ómakið af góða og gáfaða fólkinu með réttu skoðanirnar þá skal ég titla mig með ofnotuðustu blótsyrðum þess: Nasisti, rasisti, kvenhatari etc."

Þarna rassskellir Stormskerið skoðanaelítuna og alla fábjánana sem vaða uppi með vitleysuna um Trump. Þeir kommatittir sem ekki lesa Moggann hafa gott af að lesa þennan tæra sannleika Stormskersins.

 

Ömurleg tímaeyðsla

er að horfa uppá Svandísi Svavarsdóttur fara margar ferðir upp í pontu undir liðnum óundirbúnar fyrirspurnir til að spyrja Sigríði Andersen um gersamlega einskisverða hluti eins og kynjahæfi dómara meðan allur þingheimur situr og geispar.Hluti sem hægt væri að svara í tölvupósti því ekki nokkrum þingmanni kemur þetta við né hefur hann áhuga á þessu froðusnakki.

Skelfilegt að horfa upp á þessa sóun á verðmætum. Þennan dagskrárlið á að taka út því hann er ömurleg tímaeyðsla og ekki sæmandi nútímafólki.

Dreifarinn á fullu hjá RÚV

"Carl Bildt, fyrrverandi forsætisráðherra Svíþjóðar, segir Donald Trump, forseta Bandaríkjanna, í hópi fávísustu manna í heimi og hann hafi flutt falsfréttir af Svíþjóð. Trump tvítaði í dag enn á ný um Svíþjóð og stefnu landsins í málefnum innflytjenda og sagði að falsmiðlar láti sem allt sé í lagi en svo sé ekki.

 

Fake news media is trying to say that large scale immigration in Sweden is working out just beautifully. NOT! skrifar Bandaríkjaforseti.

Löfven varfærinn

Ummæli Trumps um Svía í ræðu í Florida hafa orðið aðhlátursefni um allan heim og ekki óx hann í áliti Svía við nýjustu skrifin. Stefan Löfven, forsætisráðherra, var þó varkár á fundi með fréttamönnum vegna heimsóknar landsstjóra Kanada, er hann var spurður um ummæli Trumps. Löfven benti á að Alþjóðaefnahagsráðið, World Economic Forum, teldi Svía fremsta allra þjóða í nánast öllu. Auðvitað væri landið ekki laust við vandamál.

Bildt ómyrkur í máli

Ummæli Carls Bildts, fyrrverandi forsætisráðherra, um yfirlýsingar Trumps um Svía urðu í Flórídaræðunni urðu fleyg. Bildt spurði þá hvað forsetinn hefði reykt. Hann var ekki eins diplómatískur og Löfven í dag. Hann sagði að menn væru vanir því að Bandaríkjaforsetar væru meðal best upplýstu manna veraldar, núverandi forseti væri meðal þeirra sem verst upplýstir. Orð Bandaríkjaforseta skiptu máli og fólk hefði vanist því að yfirlýsingar þeirra væru byggðar á staðreyndur, þetta hefðu hins vegar verið falsfréttir."

Allt er þetta lygi og óhróður um Bandaríkjaforseta sem Íslendingar sem eigendur RÚV ætti að skammast sín fyrir. Að fyrrverandi forsætisráðherra Svíþjóðar skuli láta annað eins útúr sér og þessi Evrópusambandsgosi Bildt. Vonandi hefur hann það sér til afbötunar að hafa verið fullur þegar hann fór i fjölmiðlana  að tala um Trump.  Sem Trump var örugglega ekki því hann er alger bindindismaður.

Trump var aðeins að vitna í sjónvarpsþátt á Fox-News kvöldið áður sem hann hafði séð.Það er RÚV nóg til að birta þessa dellu og rógsfrétt um vonandi fylleríisrövl Carl Bildts um Trump. Annars hef ég alltaf haft heldur lítið álit á þessum Carl Bildt allan þann tíma sem ég hef fylgst með honum á pólitíska sviðinu. Hef aldrei skilið hvernig Svíum gat dottið í hug að gera þennan mann að forsætisráðherra. Enda sitja þeir uppi með afleiðingarnar í Evrópusambandinu núna.  

 

RÚV þarf að fara í gagngera innanhúss hreingerningu til að þess að landsmenn geti tekið þennan "fréttamiðil" sinn alvarlega. Nokkrir einstaklingar á stofnuninni eru að verða gersamlega búnir með mannorð hennar í fréttatúlkun  í hugum landsmanna.

Það þarf að stinga út á RÚV og aftengja villudreifarann.   

Af hverju gratís á Geysi?

Er ekki ríkið búið að eignast Geysissvæðið?

Þar buna inn túristarnir og borga ekkert. Bara traðka.Bara éta lax á Hótel Geysi.Rúturnar borga ekkert fyrir slitið á vegunum. Vegurinn stórskemmdur upp að Gullfossi.

Af hverju er ekki selt inn á Geysissvæðið og eitthvað farið að gera til úrbóta?

Jón Gunnarsson

ráðherra stendur frammi fyrir risavöxnu verkefni. 

Ferðamannastraumurinn er að valda þvílíkum skemmdum á vegakerfi landsmanna að vegafé dugir fyrirsjáanlega hvergi til að bæta skemmdirnar. Hver rúta með 10 tonna öxulþunga skemmir veginn 10.000 sinnum meir en fólksbíll með 1 tonns öxulþunga. Hún ætti að borga samkvæmt því en gerir hvergi.

Það er ekki furða þótt Jón velti upp hugmyndum um að umferðin greiði fyrir sig. Þá rjúka kommúnistar upp og finna hugmyndunum allt til foráttu. Rifja upp brennuna á Tollskýlinu og alla þá "réttlætiskennd" sem að baki þess spellvirkis lá.

Svo voru lögð Vestfjarðagöng og svo Héðinsfjarðargöng og ekkert veggjald tekið. Hvalfjarðargöng lögð í einkaframkvæmd og eru búin að borga sig á næsta ári. Á þá að fella gjaldið niður eða halda því áfram til þess að nota í næstu göng?

740 bílar fara frítt um Héðinsfjarðargöng á dag. Hversu margir um Vestfjarðagöng ókeypis?

Af hverju ekki að hafa þetta einfalt? Ef einhver vill leggja Autobahn austur fyrir fjall og selja inn á hann þá má hann það svo lengi sem menn geta farið hjáleið. Þú getur keyrt fyrir Hvalfjörð ef þú vilt ekki borga i göngin.Þú mátt keyra yfir Fjarðarheiði ef þú vilt ekki borga í væntanleg göng.

Það er óþarfi að hlusta bara á svartasta afturhaldið í þjóðmálum í líki Katrínar Jakobsdóttur hvenær sem fitjað er upp á einhverju nýju. Af hverju ekki að ræða málin af einhverri skynsemi?

Jón Gunnarsson vill ræða málin við okkur af einhverju viti.

 

dr. Vilhjálmur Ari Arason

skrifar svo um Landspítalann:

"Nýtt mat æpir fyrir öruggara aðgengi sjúkra og slasaðra í framtíðinni að fyrirhuguðum Nýjum Landspítala við Hringbraut og sem tengist í dag m.a. 1000 sjúkraflugum á ári, þar af um 300 með þyrlum LHG og sem langflest eru til þjóðarspítalans okkar í Reykjavík (LSH). Alger óvissa er nú um rekstur Reykjavíkurflugvallar og sem var megin forsenda fyrir upphaflegu staðarvali spítalans um aldarmótin síðustu vegna sjúkraflugsins, eða allt til ársins 2012 þegar ákvörðun var skyndilega tekin af borgaryfirvöldum  að Reykjavíkurflugvöllur skyldi með tímanum burt úr Vatnsmýrinni og reyndar borginni allri.

Sér í lagi vantar nú strax nýtt áhættumat fyrir væntanlegt sjúkraþyrluflug til spítalans og þar sem neyðarbrautin er svo gott sem farin. Megin aðflugs/fráflugsbraut að spítalanum og upphaflegar hugmyndir gerðu alltaf ráð fyrir hjá SPITAL hópnum og þegar sótt um um leyfi flugmálayfirvalda að reisa þyrlupall á spítalanum. Þegar er farið að byggja á Valslóðinni og stefnan tekin hjá Reykjavíkurborg með byggingar í sjálfri Vatnsmýrinni. Miklu verri skilyrði þar með fyrir þyrlurnar að athafna sig við spítalann og engin opin öryggissvæði (fyrir neyðarlendingar) í kringum þyrlupallinn eina á 5. hæð rannsóknarhússins, rétt fyrir utan glugga legudeilda meðferðarkjarnans. Gjörbreyttar forsendur þannig og upphaflegar áætlanir um nauðsynlegt þyrluflug gerðu alltaf ráð fyrir. Allt til ársins 2012 og sem flestar þjóðir kappkosta að hafa í sem bestu lagi við hönnun nýrra spítala.

Afar mikil og almenn ánægja ríkir til að mynda með ákvörðunum stjórnvalda nú í Noregi og Danmörku á byggingum nýrra þjóðarspítala til framtíðar. Svo sem í Kalnes, Aarhus, Herlev og Hilleröd sem allt hefur tekið innan við áratug að skipuleggja og byggja, á sem bestum stað. Metnaðarfull og afar hagkvæm byggingaverkefni þar sem byggt er á opnum svæðum m.t.t. hagkvæmni (sparnaðar), góðs aðgengis almennings, öruggra sjúkraflutninga og þróunarmöguleika byggðar síðar (stækkunarmöguleika spítalana þar á meðal). Af hverju ætlum við þá að þurfa að byggja okkar þjóðarspítala á eins óhagkvæman og óöruggan máta og hugsast getur. Hvað sérhagsmunahópar í gamla miðbænum í Reykjavík ráða þarna öllu. Þokkaleg þjóðargjöf það fyrir þjóðina fyrir a.m.k. 150 milljarða ISK þegar upp verður staðið frá verkefninu í lokin, kannski árin 2030-2035.

Öll þessi mál hefur ekki mátt ræða sl. misseri á RÚV, útvarpi og sjónvarpi allra landsmanna. Þrátt fyrir endurteknar ábendingar til að mynda SBSBS (staðfest skriflega af fréttastjóra Kastljóss 14.12.2015 til undirritaðs og að stjórnendur RÚV líti á málið sem endanlega afgreitt og ekki eigi að rugga bárnum meira!). Ekki til frekari kynningar fyrir þjóðinni og sér í lagi landsbyggðinni! Mál sem samt allar skoðanakannanir hingað til styðja og sýna að meirihlutavilji sé til að endurskoða í heild sinni. Ein alvarlegasta þöggun í opinberri stjórnsýslu á seinni árum að mínu mati og sem varðar velferð og öryggi okkar allra í framtíðinni. Og þar sem sjálft Alþingi þar að auki stingur bara hausnum í sandinn!

https://www.facebook.com/vilhjalmur.arason/posts/10203013599378471?pnref=story "

Og nú á að hanna nýjan spítala í Vatnsmýrinni þaðan sem Reykjavíkurflugvöllur á að fara ef Dagur og Hjálmar fá því ráðið.

Í Dubai er nýbúið að byggja 10 hæða spítala og taka í notkun. Af hverju fáum við ekki teikningarnar lánaðar og byggjum eftir henni í stað þess að láta einhverja íslenska arkitekta sem aldrei hafa teiknað spítala byggja flatarmálsspítala þar sem allt ferðast lárétt í stað hraðgengra lyfta?

Af hverju er spítalinn ekki byggður þarna sem háhýsi í stað þess að þekja fótboltavelli? Er menn hræddir um að flugvélar sem ekki verða þarna rekist á?

Dr. Vilhjálmur hreyfir þörfu máli.