Parísarbull

hinna fjörtíuþúsund fífla Al Gore hefur verið afsannað.

"Síðasta ár snéri fremsta rannsóknastöð öreinda í heiminum umræðunni um hnattræna hlýnun á hvolf. CERN fann út í fyrstu rannsókn á rannsóknastofu á efnafræði skýja að breytileiki í sólgeislun, ekki CO2 mólekúl, eru aðaláhrifavaldar í nýlegri hlýnun jarðar Til að sýna sanngirni þá hafa skýjamódelsmiðir alltaf viðurkennt að skýin eru hin mesta óleysta ráðgáta í loftslagsbreytingum.

Niðurstöður CERN’s CLOUD experiment, eru nú notaðar til að gera spálíkön fyrir næstu 100  ár og líkanið sýnir að sólblettalágmark muni brátt lækka heimshitastigið um hálfa gráðu C°. Hin langa kólnun mun verða um 2040 og slík lágmörk hafa yfirleitt staðið í um 60 ár. Jafnþýðingarmikið er að lágmarkið mun koma á hæla hinnar 20 ára hlýnunar sem hefur verið í mótsögn við loftslagsmódelin.

Saman gætu  þessir tveir viðburðir þýtt engan stigul í hitastigi jarðar frá 1998 þar til 2100 ! Þetta er heil öld engrar hitunar og hvorugur viðburðurinn er tengdur breytingum á CO2. Þessi niðurstaða lækkar hlutverk CO2 niður í aukahlutverk sem gefur aðeins 1 gráðu í hlýnun fyrir tvöföldun á CO2.

Hið nýja módel er gert af new modeling was done by four European institutes, sem allar studdu sterklega við CO2 gróðurhúsalofts kenninguna. : The Physical Meteorological Observatory Davos (PMOD), the Swiss Federal Institute of Aquatic Science and Technology (EAWAG), ETH Zurich and the University of Bern. 

 

 

Hin nýja sólarheildun er nauðsynleg til að skilja þætti loftslagsbreytinga.Röksemdir fyrir úrslitaáhrifa sólarinnar á loftslagsbreytingar eru að aukast en samt ekki fullkomnar. Til dæmis hefur hvorki verið hægt að mæla áhrif segulvirkni sólar eða útfjólublárrar geislunar hennar.

CERN staðfesti að á litlu ísöldinni var skýjaðra en talið hefur verið.  Til viðbótar fann stofnunin út að nútíma mengun af brennslu jarðefnaeldsneytis var þýðingarminni en tölulíkön höfðu spáð. Það þýðir að litla ísöldin breyttist beint í nútíma hlýnun eftir 1850  Hinar aldalöngu  hlýnanir og kólnanir hinna náttúrlegu  Dansgaard-Oeschger loftslagssveifla, gáfu jörðinni Miðaldahlýnunina (950–1300 AD), hinar köldu myrku aldir, (60–-950 AD) hina löngu rómversku hlýnun  (200 BC– 600 AD) sem og hundruð fyrri skyndilegra loftslagsbreytinga. 

CERN notaði háorku öreindahraðal og risavaxinn ryðfrían skýjatank til að sanna að veikburða sól leyfir meiri rafhlöðnum geimgeislum að koma inn í gufuhvolfið , geislarnir splundra mólekúlum lofthjúpsins niður í litlar sáðeiningar fyrir ský. Þær jónisérast svo þær draga að sér önnur mólekúl og mynda meiri hitaendurkastandi ský. CERN segir jóniséringuna auka skýjatöluna um eina til tvær stærðargráður. Til viðbótar þá endurkasta jóniséruð ský meiri hita og endast lengur."

Trump forseti er búinn að átta sig á þessu og sagði Bandaríkin frá þessari vitleysu og falsvísindum.  

Við Íslendingar höldum sjálfsgat áfram að hengja okkur í bullið og leggja á okkur fjárhagslega byrðar til að moka sandi í botnlausa tunnu eins og sagt var að gert væri á Kleppi í gamla daga.

Parísarbull hinna fjörtíuþúsund fífla hefur verið afsannað.

(Textanum snaraði bloggari óvandað eftir að hafa stolið honum af Facebook hjá Gústa frænda H.Bjarnason)

 

"Ein leeres Land"

Hörður Þormar skrifar mér eftirfarandi:

"Ég sá fyrir skömmu, í þýskum sjónvarpsþætti, viðtal við heimshornaflakkara sem hafði komið til Íslands. Það sem sló hann mest við komuna hingað var að

"Island ist ein leeres Land", þ.e. "óbyggt land".

Hvað segir það mönnum sem koma frá löndum þar sem fólksfjöldinn er svo yfirþyrmandi að fólk getur ekki dregið fram lífið?"

Mér finnst ekki ólíklegt að fleiri komi auga á þetta. Sér í lagi þegar vingulsháttur okkar veldur því að við tökum enga afstöðu til fjölda innflytjenda. Sumir ráðamanna vilja galopna allt. Aðrir hafa efasemdir og þeir sem þora að hafa skoðun eru stimplaðir rasistar og fábjánar. Öll vitræn umræða er barin niður af þessu gáfaða fólki með réttu skoðanirnar.

Okkur er sagt að hér sé fjölmenningarsamfélag. Við höfum aldrei verið spurð álits á því hvort það hafi einhvern tímann verið viðurkennt sem þjóðfélagslegt markmið. Það er bara svona eitthvað sem okkur er sagt að búið sé að afgreiða í eitt skipti fyrir öll. Eitthvað Íslenskt samfélag með siði og menningarsögu sé eitthvað sem tilheyri fortíðinni sem búið sé að afgreiða í eitt skipti fyrir öll. Ef ég mótmæli þá er ég bara fífl og fábjáni ef ekki nasisti líka ef ég er bara ekki þaggaður niður sem ómarktækur.

Er ekki líklegt að margir hælisleitendur hafi áttað sig á þessu. Hér sú tækifærin til að gera hvað sem er. Aldrei sé það verra heldur en að fá að vera hér frítt og upp á kaup og húsnæði mánuðum saman meðan Rauði Krossinn fer með málaþras gagnvart máttlitlum íslenskum yfirvöldum sem borga svo brúsann allan?

Óbyggt land bíður efir hverjum sem hafa vill. 

 

 

Hættuleg spurning Styrmis

er efni greinar ritstjórans í Morgunblaðinu í dag.

Þar drepur Styrmir á þann vanda sem að Vesturlöndum steðjar vegna betlisóknar þriðjaheimslýðsins sem þangað sækir til að sjúga betri lífskjör eins og tilberar þjóðsagnanna.

Styrmir segir svo m.a.:

".....Fyrir nokkrum dögum sat ég á tali við ungan mann sem hefur komið svolítið að því að vinna í tengslum við fólk sem leitar hér hælis. Ég sagði sem svo: Nú er svo komið að um 10% þeirra sem búa á Íslandi í dag eru komin frá öðrum löndum og sumir þeirra frá öðrum menningarsvæðum. Hvað getum við, sem höfum búið hér á þessari eyju í bráðum 1200 ár, mann fram af manni, tekið á móti mörgum til viðbótar án þess að stofna sögu okkar og menningu í hættu? Getum við fallist á 20%, 25%, jafnvel 30%? Þessi ungi maður, sem getur rakið ættir sínar til þriggja landa á meginlandinu, auk Íslands og Palestínu, horfði á mig og sagði: Þetta er hættuleg spurning...."

Af hverju stöðvast ritstjórinn við 30%' 

Hann segir nefnilega svo síðar:

" ....Það er rétt hjá þessum unga manni að þetta er hættuleg spurning en engu að síður spurning sem við Íslendingar verðum að ræða, fyrr eða síðar. Við getum slegið því á frest en að því kemur að við verðum að svara spurningunni.

Fyrir nokkrum mánuðum sagði Jón Baldvin Hannibalsson, fyrrverandi utanríkisráðherra, við mig að eftir áratug yrðum við komin í sama vanda vegna flóttamanna og sum Evrópuríki eru nú. Og þá komumst við ekki undan því að svara. Það eru takmörk fyrir því hvað við getum tekið við mörgum – ef við á annað borð viljum viðhalda því samfélagi sem við höfum byggt upp á tæpum 1200 árum. Ella gætum við lent í þeirri stöðu að verða minnihluti í eigin landi...."

Og svo bætir hann við:

"...Fólk leitar hingað af tveimur ástæðum. Annars vegar eru þeir sem eru að flýja heimili sín vegna styrjaldarátaka. Það á við um fólk frá Sýrlandi, Írak og Afganistan. Yfirgnæfandi meirihluti Íslendinga er áreiðanlega þeirrar skoðunar að okkur beri skylda til að hjálpa því fólki.Hins vegar eru þeir sem búa í fátækum samfélögum...."

Ritstjórinn virðist ganga út frá því að hann og Jón Baldvin hafi hin réttu svör. Að við verðum að gera eitthvað í þessum flóttamannamálum og líklega í hefðbundum skilningi með móttöku og innflutningi.

Ég er ekki sammála þessu. Við eigum að ráða því sjálfur hversu mörgum við tökum við. Og við eigum líka að velja úr því fólki það fól sem mesta möguleika á að samlagast okkur sem fyrir eru. Það þýðir að við eigum ekki að taka hér inn Múhameðsfólk heldur kristið fólk eða af trúarskoðunum sem eru okkur skaðlausar. Sharíafólk höfum við ekkert að gera við  né ómenntað eða óupplýst fólk sem bara verður byrði.

Og við eigum að fara líka varlega i veitingu ríkisborgararéttar. Okkur vantar ekkert fólk til að fjölga þjóðinni ef við getum ekki gert það sjálfir sem fyrir erum. Gestaverkamenn mega alveg koma hingað tímabundið en það er ekki sama og að þeir eigi að setjast hér að nema öll rök hnígi að því að löngum tíma liðnum.

En þetta er hættuleg spurning sem íslenskir stjórnmálamenn eru ekki að svara frekar en mörgu öðru óþægilegu. Þeir þora ekki að gefa upp afstöðu sína gagnvart innflytjendum.

Styrmir á þakkir skildar fyrir að nefna tölur í sambandi við þessa hættulegu spurningu sem menn mættu hugsa um. Viljum við hafa annan hvern Íslending svartan múslíma þegar tímar líða eða hvernig viljum við að þjóðin líti út eftir hundrað ár?

 

Skynsamlegur leiðari

eftir Hörð Ægisson vakti athygli mína í Fréttablaðinu í dag. Yfirleitt leita ég nú ekki mikið eftir skynsemi á þeim bæ. Blaðið hefur veri fremur hallt undir Samfylkinguna og Evrópusæknina. En þarna er talað af raunsæi.  Hörður segir:

"Fyrr á árinu skipaði forsætisráðherra verkefnisstjórn sem á að koma með tillögur um endurmat á forsendum peninga- og gjaldmiðlastefnu Íslands. Óhætt er að segja að um sé að ræða eitt stærsta verkefni stjórnvalda.

Öllum má enda vera ljóst að núverandi stefna er ekki sjálfbær til lengri tíma litið. Endurskoða þarf peningastefnuna með hliðsjón af þeirri byltingu sem hefur orðið á grunngerð hagkerfisins, ekki hvað síst vegna tilkomu nýrrar og ört vaxandi gjaldeyrisskapandi atvinnugreinar. Verkefnisstjórnin er hins vegar ekki í öfundsverðri stöðu.

Á meðal forystumanna ríkisstjórnarinnar er djúpstæður ágreiningur um hvaða leiðir eigi að fara í þeim efnum – á meðan sumir telja réttast að bæta umgjörðina um krónuna halda aðrir að til séu patentlausnir til að ná fram auknum stöðugleika í efnahagslífinu og lægri vöxtum.

Fjármálaráðherra skipar seinni hópinn. Í grein í Fréttablaðinu í liðinni viku hafnaði hann krónunni sem gjaldmiðli og talaði fyrir fastgengisstefnu í formi myntráðs, sem áfanga í að taka upp evru í framtíðinni. Þótt sú skoðun ráðherrans sé vel þekkt eru slíkar yfirlýsingar – frá fjármálaráðherra landsins – augljóslega ekki til þess fallnar að auðvelda vinnu verkefnisstjórnarinnar.Eigi að takast að framfylgja fastgengisstefnu í gegnum myntráð er lykilatriði að það séu náin tengsl við hagsveiflu þess myntsvæðis sem gengið er fest við. Því er alls ekki fyrir að fara í tilfelli Íslands og evrópska myntbandalagsins.

Hagsveiflan hér á landi hefur lítil sem engin tengsl við hagsveifluna í kjarnaríkjum evrusvæðisins.Friðrik Már Baldursson, prófessor í hagfræði, benti á þessu augljósu sannindi fyrir skemmstu og sagði hagsveiflu evrusvæðisins undanfarin ár hafa verið gjörólíka þeirri íslensku. Myntráðsleið, með tengingu krónu við evru, hefði falið í sér sameiginlega peningastefnu sem hefði alls ekki hentað hér á landi.

Á sama tíma og mörg evruríki hafa þurft að glíma við mikið atvinnuleysi og lítinn hagvöxt, sem hefur þýtt að Evrópski seðlabankinn hefur haldið stýrivöxtum við núll prósent, þá er Ísland að upplifa fordæmalausan efnahagsuppgang sem endurspeglast meðal annars í gríðarlegri hækkun á raungengi krónunnar.

Þótt mikil styrking krónunnar sé farin að valda sumum útflutningsgreinum tímabundnum erfiðleikum þá hefur gengishækkunin skipt sköpum í að viðhalda jafnvægi í þjóðarbúskapnum samhliða miklum vexti ferðaþjónustunnar og stuðlað að minni verðbólgu og lægri vöxtum.

Krónan hefur unnið sitt verk.

Það er ekki hlutverk gjaldmiðils að þjóðnýta misfjárfestingu tiltekinna atvinnugreina sem ættu, í stað þess að kvarta undan háu gengi krónunnar, fremur að leita leiða til hagræðingar og samþjöppunar við núverandi aðstæður.

Fastgengisstefna í gegnum myntráð myndi útheimta margfalt stærri gjaldeyrisforða en þann sem Seðlabankinn hefur byggt upp á síðustu árum. Að öðrum kosti myndi slíka stefnu skorta trúverðugleika og framkalla áhlaup um leið og alþjóðlegir spákaupmenn gerðu sér grein fyrir því að fastgengið væri ekki í samræmi við undirliggjandi efnahagsþróun og Seðlabankinn hefði hvorki getu né vilja til að verja það.

Verkefni stjórnvalda er því ekki að leggja upp í myntráðsvegferð þar sem lokatakmarkið er upptaka evru, sem nýtur hvorki pólitísks né almenns stuðnings og yrði aðeins til þess fallin að leiða til óþarfa átaka í samfélaginu, heldur að einblína á raunhæfar aðgerðir til að bæta hagstjórnina og umgjörð peningastefnunnar.

Þar eru ekki í boði."

Það er eiginlega merkilegt að menn skuli ræða það í alvöru að íslenska krónan sé svo óstöðugt að hún sé óbrúklegur gjaldmiðill.

Að sama fólkið sem segir þetta skuli aldrei tala um af hverju krónan sé óstöðug? Það er eins og þeir telji það til náttúrufyrirbrigða sem orsakist af sveiflum í útgeislun sólar eða gangi halastjarna?

Af hverju vilja menn aldrei tala um orsökina fyrir falli krónunnar í gegn um áratugina? Víxlgengi kaupgjalds og verðlags.

Þegar vel árar þá koma fram snjallir verkalýðsleiðtogar og gera skrúfur og keyra upp kaupgjald umfram það sem atvinnureksturinn þolir. Svo getur líka komið niðursveifla á mörkuðum erlendis sem veldur því að kaupgjaldið innanlands verður of hátt.

Engin innlend stjórnvöld hafa þorað að ganga á hólm við kjarabaráttufólkið heldur alltaf gefist upp og þvaðrað um hinn heilaga samningsrétt. Sem auðvitað stenst ekki.

Stjórnvald sem segði við launafólkið í landinu. Þið megið semja um það sem þið viljið. En ef það er umfram hagvöxtinn síðasta hálfa árið, segjum 3 % þá tökum við það af ykkur umsvifalaust með sköttum. Þið megið ráða því sjálf hvort við tökum 3.5 % af ykkur til að taka ekki nema 1 % af öryrkjum og öldruðum en öðruvísi verður það ekki. Ef þið semjið bara um 3 % þá verður allt óbreytt, gengi og verðlag. Kjararáð verður bundið af þessu líka. Ef það verður verðfall á mörkuðum erlendis þá verðuð þið að semja um engar kauphækkanir eða jafnvel verðum við að lækka allt kaupgjald i landinu um einhverjar prósentur jafnt yfir alla eða því sem næst.

Þannig væri krónan stöðugur gjaldmiðill. Er ekki nokkuð ljóst hvað veldur því að fólk er að tala svona ábyrgðarlaust um saklausa krónuna?  Það er ekki krónan sem er óstöðug. Það erum við sjálf.

Erum við hugsanlega að leysa vandann með því að skipta sjálfum okkur út með því að flytja inn óskyldar þjóðir í auknum mæli í formi hælisleitenda og flóttamanna? Verður þjóðin stöðugri með þeirri þróun? Mun hún verða rólyndari og minna byltingarsinnuð í kjaramálum?

Höfundur þessa skynsamlega leiðara gerði vel í að athuga forsendur óstöðugleika krónunnar okkar sem virðist samt hafa dugað Íslandi betur en nokkur önnur mynt hefði gert þegar allt er metið.

Eitthvað annað

er ávallt krafa stórs hluta kjósenda sem er í stöðugri fýlu og heimtar sífellt að gert sé fyrir sig eitthvað annað en það sem stjórnvöld hverju sinni eru a reyna að gera. Þetta fólk lifir í mícrocosmos eigin bossa og hugsar ekkert um neitt annað en hvað þjóðfélagið, sem er í þeirra augum skattgreiðendur, geti gert til að láta því líða betur þar niðri.

Skoðanakannanauppgangur flokks fólksins hennar Ingu Sæland er nákvæmlega þetta. Hún talar fjálglega og með mikilli mælsku um að hún ætli að gera eitthvað annað. Nákvæmlega sömu klisjurnar og Björt Framtíð,Viðreisn,Píratar og hvað þeir hétu allir saman þessir óskipulögðu fjáröflunarflokkar með enga stjórnmálareynslu töluðu sem fjálglegast um.

Þegar þessir laustengdu hugsjónalausu flokkar koma svo til stykkisins fer eins fyrir þeim öllum. Þegar  menn sjá framan í Benedikt Jóhannesson flokksformann sem ráðherra kemur fljótt í  ljós að hann er ekkert eitthvað annað heldur bara verri endurtekning á einherju sem áður hefur verið og síðan stigmagnað af algeru reynslusleysi og skorti á stjórnmálalegri þekkingu. Hann fimbulfambar um aðild að ESB, bann á peningaseðlum fyrir léttara stórabróðurs-eftirlit, upptöku einhver óútskýrðs myntráðs sem annars forms á Evruupptöku, allt sýnir þetta þeim kjósendum sem héldu að þeir væru að kjósa eitthvað annað að þetta er aðeins stigbreytt verri útgáfa af einhverju gömlu sem er búið að margtyggja og því verra ef nokkuð er.

Óttar Proppé  og Björt Ólafsdóttir sanna þetta líka með sínum athöfnum að þau eru ekkert eitthvað annað heldur bara endurtekning á gömlu ráðleysi. Um Þorgerði Katrínu ætla ég ekki að hafa mörg orð en hún er bara afturganga sem kveðin verður endanlega niður í næstu kosningum og finnast mér það dapurleg pólitísk örlög gamallar hæfileikaríkrar vinkonu.

Íslenska  þjóðfylkingin er bara annað máttlaust apparat sem ekkert mun geta eða máli skipta. Jón Valur ætti að beina kröftum sínum fremur inná svið stjórnmála í sínum gamla flokki og hafa þar áhrif sem hann getur vegna hæfileika sinna.

Um Pírata þarf ekki að fjölyrða, sú skrípahreyfing er löngu búin að sanna sig í augum fólks í því að vera ekkert annað en flokkur fyrir sjálfa forystusauðina og þeirra bossa.

Bjarni Ben situr þarna í sínum gamla Sjálfstæðisflokki og heldur sjó sem rúmlega fjórðungs flokkur. Fátt virðist hann gera til að kveikja á pólitískum sjarma sínum til að afla fylgis sem hann þó býr yfir innst inni, Hann kemur hinsvegar helst ekki fram nema til að bera til baka að hann styðji bullið í Benedikti frænda. Þessi ólíkindastjórn hans virðist fáu muni koma fram og þeir eru líklega fáir sem búast við einhverju af henni. Hún er ekki eitthvað annað það sem af er. Hún verður hugsanlega grátin af fáum þegar hún fer ef þetta er allt og sumt sem við núna sjáum. Jón Gunnarsson hefur reynt að koma fram breytingum í fjármögnun samgöngumála sem eru hrikalegt viðfangsefni. En það er æst til andstöðu við hans hugmyndir á allskyns vígstöðvum svo ekki er vitað hvernig honum gengur. En víst er að verkefnin eru ærin í innviðum landsins. Guðlaugur Þór hefur fátt sjáanlegt gert í að reyna að vinda ofan af refsiaðgerðum á Rússland sem þjóðin er örugglega öll á móti að taka þátt í með ESB. 

Framsókn er í sárum vegna innanflokksátaka og er það mjög óheppilegt fyrir allt stjórnmálalíf landsins þar sem flokkurinn var á góðri siglingu þar til að RÚV gerði drullusokksárásina á Sigmund Davíð með aðstoð erlendis frá. Betur væri að þar færi að finnast einhver lending þar innanhúss en það er hreint ekki í augsýn.

Sem betur fer gerir stór hluti kjósenda sér ljóst að aðeins hinum gömlu, skipulögðu  og reyndu stjórnmálaflokkum, sem eru stundum var kallaður fjórflokkur, er treystandi til að fara með stjórn þjóðarinnar svo vel sé.  Samfylkinguna er ekki hægt að telja lengur með þar sem hún er ekki flokkur heldur hræringur ósamstæðra skoðana þannig að það er eiginlega bara þríflokkur eftir og svo þessi ósamstæði bossahugsjónalýður sem er óánægður með allt sem það fær eða hefur.Bossaflokkarnir gæti verið tegundarheitið vegna sameiginlegs hugsunarháttar.

Inga Sæland virðist enn sem komið er vera bara endurtekning á gömlum klisjum kjósenda sem eru að leita að einhverju þægilegra undir sig. Sem er skaði því hún hefur marga eiginleika Demosþenesar og Kleons sútara sem þarf til að tala fallega. En hvort hún hefur eitthvað annað sem til þarf veit ekki ég. Þangað til er hún bara von um eitthvað annað sem þessi sami hluti kjósenda er til í að elta í von um eitthvað annað fyrir sig.

Eitthvað annað er bara ekki í augsýn í stjórnmálum  um þessar mundir enda sumar og góðæri til  sjávar og sveita.

Jákvæð þróun í hælisleitendamálum

eftir því sem maður les í Mogga:

" Málsmeðferðartími kærunefndar útlendingamála styttist verulega á árinu 2016 miðað við það sem var á fyrsta starfsári nefndarinnar 2015.

Þessi þróun hefur haldið áfram það sem af er þessu ári. Í inngangi Hjartar Braga Sverrissonar, formanns kærunefndar útlendingamála, að ársskýrslu nefndarinnar fyrir árið 2016, kemur fram að gróflega áætlað megi gera ráð fyrir að þessi hraðari afgreiðsla hafi sparað ríkissjóði á 600 og 800 milljónir króna.

Meðalmálsferðartími nefndarinnar á öðrum ársfjórðungi 2015 var 333 dagar, á 3. ársfjórðungi 2015 var hann 199 dagar og á 4. 187 dagar. Málsferðartíminn hélt áfram að styttast allt árið 2016 og á 4. ársfjórðungi þess árs var hann kominn niður í 84 daga, en markmið stjórnvalda er að hann sé ekki lengri en 90 dagar.

 Fjölgun milli ára 220% Meðalmálsferðartími allt árið í fyrra var 94 dagar og hafði fækkað um 129 daga frá 2015. Fjöldi nýrra mála sem komu til nefndarinnar var 508 og fjölgunin milli ára var 220%. Fram kemur í skýrslunni að þegar nefndin hóf störf 2015 voru sex starfsmenn í fullu starfi en þeir voru 19 á seinni hluta ársins 2016. Auk formanns og varaformanns störfuðu 17 manns hjá nefndinni undir lok árs 2016, tveir yfirlögfræðingar, 13 lögfræðingar og 2 ritarar.

 Í ágúst í fyrra flutti nefndin í nýtt og stærra húsnæði að Skúlagötu 17. Fram kemur í skýrslunni að haustið 2016 setti kærunefndin upp sérstaka flýtimeðferðarferla fyrir bersýnilegar tilhæfulausar umsóknir frá öruggum upprunaríkjum. Ferlarnir gerðu ráð fyrir 10-14 daga málsmeðferðartíma, en málin voru að meðaltali afgreidd á 8,8 dögum. Slíkir ferlar eru ekki lengur nýttir af skilvirkniástæðum, þar sem flutningur einstaklinga úr landi gat, eftir lagabreytingu haustið 2016, farið fram strax að lokinni birtingu ákvörðunar Útlendingastofnunar.

Nefndin fékk 508 kærur vegna umsókna um alþjóðlega vernd á árinu 2016 en þær voru 159 árið áð- ur. Auk þess fékk nefndin 134 beiðnir um frestun réttaráhrifa úrskurða kærunefndar en 2015 voru þær 28. Árið 2016 afgreiddi nefndin 556 mál vegna umsókna um alþjóðlega vernd, að meðtöldum beiðnum um frestun réttaráhrifa, sem var næstum fjórfalt fleiri mál en 2015. Nefndin staðfesti 81% ákvarðana Útlendingastofnunar í málum sem varða alþjóðlega vernd, en 2015 var staðfestingarhlutfallið um 70%. Þeir sem kærðu frá 40 ríkjum Þeir einstaklingar sem kærðu synjanir um alþjóðlega vernd til kærunefndar útlendingamála árið 2016 komu frá 40 ríkjum. Um helmingur þeirra kom frá öruggum upprunaríkjum, aðallega Albaníu, en 158 einstaklingar þaðan kærðu synjunina. 33 einstaklingar frá Makedóníu kærðu synjun.

Í skýrslunni kemur fram að þótt einstaklingar frá Makedóníu, sem sóttu um alþjóðlega vernd, hafi verið mun fleiri en Albanir, hafi mjög hátt hlutfall umsækjenda frá Makedóníu dregið umsóknir sínar til baka þegar mál þeirra var hjá Útlendingastofnun eða ekki kært. Af þeim sökum hafi mál þeirra í minna mæli borist til kærunefndar en umsóknir einstaklinga frá Albaníu."

Það hefur sem sagt verið kveikt á þeirri hugmynd að hraðari afgreiðsla með fleira fólki gæti sparað mun meira en fjölgunin kostaði. Þetta ber að lofa og meta við ráðherra málalaflokksins.

Eftir stendur að þeirri spurningu er ósvarað hvernig á því standi að hælisleitandi geti komið hingað með flugvél og haldið því blákalt fram að hann hafi ekkert vegabréf. Hann þarf ekki að gera grein fyrir lyginni né svara einu né neinu sem hann ekki kærir sig um að svara. Það nægir til þess að honum er skipaður málsvari frá Rauðakrossinum á kostnað ríkisins, hann er settur í frjálst  húsnæði í stað fangelsis með vasapening og með frían aðgang að þjóðinni og eigum almennings. Af hverju er svona fólk ekki sett í afgirt hólf til öryggis. Þetta geta verið dráparar frá ISIS alveg eins og annað. Og hversvegna erum við að vandræðast með hælisleitendur sem hefur verið vísað frá í  öðrum Evrópulöndum?

En tölurnar sýna að það er jákvæð þróun í afgreiðslu mála hjá Útlendingastofnun þrátt fyrir allt. 

Kosningar strax?

nú þegar að skoðanakannanir benda til þess að fækkað geti í smáflokkaóværunni á Alþingi.

Þessi ríkisstjórn virðist fátt gera sér til frægðar nema að einstakir ráðherrar eru með bullyfirlýsingar í allar áttir sem forsætisráðherrann verður að bera til baka.

Hvað höfum við að gera með þetta limbóástand áfram.? Það eru allar líkur til að langþráð breytt valdahlutfall geti skapast á Alþingi efir kosningar. Og helst þyrfti að hækka þröskuldinn til að koma inn manni á þing úr 5 % í 7 % til að fækka þeim sérvitringum  sem sýnt hafa sig í því að vera einungis til óþurftar þar inni.

Er ekki allt í lagi að láta á það reyna í von um að það takist betur en hjá Theresu May?

Kosningar strax?

Hvaða texta gætum við haft?

á undirskriftaskjali þar sem skorað yrði á stjórnvöld að endurskoða lögin um viðtöku flóttamanna og hælisleitenda í því skyni að þrengja skilyrði til veitingu íslensks ríkisborgararéttar.

Þátttakendur hvettu stjórnvöld til að standa vörð um menningarsögu þjóðarinnar og íslenska tungu.Fjölmenningu verði hafnað og stefnt skal að því að í landinu skuli búa sem einsleitust og hægt fjölgandi þjóð svo sem verið hefur.

Innflytjendur verði valdir með það fyrir augum að þeir geti fallið sem best að íslensku þjóðfélagi hvað lífsviðhorf og menningu varðar. Það felur í sér að innflytjendur af Indo-Germönskum uppruna hafi forgang og menningarstig og menntun skuli vera þáttur í slíku mati. 

Okkur vantar tillögu að texta sem fjöldinn getur sætt sig við til þess að reisa varnir gegn hinni ágengu fjölmenningarstefnu sem hér er rekin í andstöðu við vilja þjóðarinnar.

Fólkið verður að rísa upp og láta okkar vilja í ljós. Hundraðþúsund undirskriftir gætu hugsanlega hreyft stjórnvöld til að láta af núverandi stefnu sinni í innflytjendamálum.

Hvaða texta getum við haft á slíku skjali sem fólk gæti sætt sig við en skilst fyllilega?

Alþingi fari að vinna fyrir þjóðina

en ekki eftir forskrift hinna fjörtíuþúsund fífla Al Gore í París.

Í Bændablaðinu 20.júlí er firnagóð grein eftir ritstjórann Hörð Kristjánsson. Þar flettir hann ofan af þeirri gerð Alþingis sem það framdi með lagasetningunni Nr.40 5 apríl 2013 sem nú þýðir að landsmenn verða að sæta 5 % íblöndun af ethanóli sem er hálfdrættingur af orku bensíns og  miklu dýrara per lítra en bensín. Til viðbótar er ethanólið framleitt úr maís sem er tekinn frá hungruðum börnum í Afríku sem eykur auðvitað á hælisleitendastrauminn til Evrópu.

Alþingismenn samþykktu þetta einróma líklega af því að þeir höfðu ekki kynnt sér málið eins og í fleiri tilvikum þegar fyrirskipanir koma frá hinni miklu móður í Brüssel. En ESB sendir okkur tilskipanir á færibandi sem við tökum upp hugsunarlaust hversu vitlausar og andsnúnar okkar eigin hagsmunum sem þær eru.

Kratar eins og Jón Baldvin eru iðnir við að grobba sig af því að hafa komið okkur undir EES tilskipanirnar og sannað sína alþjóðahyggju og ættjarðarfyrirlitningu.  En staðreyndin er að íhaldið kom þeim í gegn þó ekki batni þær fyrir það.

Þjóðinni er brýn nauðsyn á að fara að segja sig frá blindri hlýðni við þetta regluverk allt sem að mörgu leyti hefur orðið okkur til bölvunar þegar á heildina er litið, innifalið Schengen og öll afleidd vandamál þess samkomulags.

Alþingismenn eru fyrir löngu uppvísir af því að vinna ekki vinnuna sína og samþykkja blindandi alls kyns ólesið bull í blindni frá Brussel. Svo halda þeir ekki vatni hinn daginn yfir því hvað þeim þykir vænt um öryrkja og einstæðar mæður um leið og þeir leggja þessi óþarfa útgjöld á þetta fólk.

Það er kominn tími til að Alþingi fari að vinna fyrir þjóðina en ekki þrælakistu Evrópusambandsins og Parísarfíflanna fjörtíuþúsund.

Gjaldtaka af umferðinni

er bráðnauðsynleg.

Verkefnin sem við blasa í innviðamálum okkar lands eru svo risavaxin að við ráðum ekkert við þau með venjulegum smáskammtalækningum og skæklatogi þingmanna milli kjördæma.  Það er miklu nær að menn greiði sanngjarnt gjald fyrir afnot mannvirkja eins og jarðgangna.

Eins og Hvalfjarðargöngin hafa sannað sig með því að þau eru núna uppgreidd. Þá er viðhaldið og reksturinn og endurnýjunin eftir. Af hverju á nýr borgari landsins allt í einu að fá að keyra þau frítt? Það finnst mér bara grundvallarskekkja, svona álíka eins og að gefa krötum leyfi til að selja landið í erlendar hendur ESB eða gefa það til hælisleitenda og flóttamanna.

Verkefnin í innviðum landsins eru svo hrikaleg að við getum aldrei framkvæmt þau með bara fjárlögum.Ég styð  því hugmyndir Jóns Gunnarssonar ráðherra eindregið um að notendur greiði um leið og þeir nota og njóta alls staðar sem því verður við komið. Já útlendingar mega gjarnan greiða meira en innfæddir ef út í það er farið.

Það er ofarlega í mörgum að mega ekki heyra minnst á veggjöld öðruvísi en að rjúka upp í fússi og segja að það sé búið að stela svo og svo miklu af okkur af skattfénu sem átti að renna í vegina en endaði í niðurgreiðslum af lambaketi. Það er allt rétt.

En við af minni kynslóð sem erum búnir að borga allan þennan tíma  erum bráðum dauðir. Það er komið nýtt fólk sem hefur ekki borgað neitt. Af hverju á það að fá allt frítt núna?

Hversvegna á ekki að láta það borga fyrir alla notkun en ekki vera með þennan gamla söng um peningana sem var stolið af okkur þeim gömlu úr framkvæmdunum sem létu okkur hossast í holunum allt okkar blómaskeið?

Þess vegna vil ég fá að borga strax í öll jarðgöng á Íslandi sanngjarnt gjald í hvert sinn sem ég nota þau.  Annað er bara virðingarleysi við gengnar kynslóðir sem lögðu á sig að byggja þau. Og það er bara skömm fyrir þá sveitavargaþingmenn sem misnotuðu aðstöðu sína til að þeirra atvæði kæmust hjá að borga eins og Vestfjarðagöngin og Héðinsfjarðargöngin eru góð dæmi um.  

Sjáum Hvalfjarðargöngin sem dæmi. Hversvegna á 17 ára krakki sem er nýbúinn að fá bíl og bílpróf að fara að keyra þau frítt af því að einhver lán séu uppgreidd? Er ekki réttara að hann greiði eins og við erum búin að gera í tuttugu ár? Og gröfum þá jafnvel önnur göng samsíða fyrir aurinn? Og göng í gegn um Reynisfjall og Fjarðarheiði með sömu aðferð.

Hættum þessu væli um liðinn tíma og tökum gjald af umferðinni án þess að stela því í annað.