Hvar á þetta að enda?

með hælisleitendamálin hér?

Svo stendur í Mogga:

"Fordæmalaus fjölgun umsókna um alþjóðlega vernd hérlendis hefur leitt til þess að umsvif Rauða krossins hafa aukist töluvert, en Rauði krossinn sinnir talsmannaþjónustu fyrir hælisleitendur á grundvelli samnings við ríkið.

Ríkið veitti 731 milljón króna til Rauða krossins í fyrra og jókst það framlag um 357 milljónir frá árinu 2015, samkvæmt ársskýrslu félagsins.

„Samningurinn sem Rauði krossinn er með við íslenska ríkið um að sinna talsmannaþjónustu fyrir hælisleitendur skýrir að mestu leyti aukið umfang,“ segir Brynhildur Bolladóttir, upplýsingafulltrúi Rauða krossins í samtali við Morgunblaðið.

Heildarfjöldi hælisumsókna hérlendis var 1.132 í fyrra og er það nær þreföldun síðan árið 2015.

Tekjurnar aukast töluvert Brynhildur segir Rauða krossinn vaxa með auknum fjölda hælisleitenda, en heildartekjur Rauða krossins á síðasta ári námu 2.436 milljónum króna, sem er 30% aukning frá árinu 2015.

Rauði krossinn hefur annast talsmannaþjónustu fyrir hælisleitendur síðan árið 2014, en áður var þjónustan í höndum sjálfstætt starfandi lögmanna. Þjónustan felst meðal annars í því að veita hælisleitendum leiðbeiningar og ráðgjöf um samskipti þeirra við stjórnvöld. Auk þess að sinna talsmannaþjónustunni veitir Rauði krossinn einnig hælisleitendum ýmiss konar félagslegan stuðning og er starf Rauða krossins með hælisleitendum og flóttamönnum nú stærsti einstaki liðurinn í starfsemi félagsins innanlands.

Stöðugildum hefur fjölgað Á síðasta ári voru að meðaltali 100 starfsmenn á launaskrá hjá Rauða krossinum, en árið áður voru þeir 87 talsins, en Rauði krossinn sinnir margvíslegum verkefnum hérlendis og erlendis. Þá koma um þrjú þúsund manns að sjálfboðaliðastarfi á vegum Rauða krossins, að sögn Brynhildar. „Verkefni ganga flest mjög vel af því að það eru sjálfboðaliðar, en þeir mættu að sjálfsögðu vera fleiri, til að láta verkefnin vaxa og dafna,“ segir Brynhildur"

Þetta er orðinn mikill atvinnurekstur hjá Rauða krossinum. 100 manna starfslið er ekki líklegt til að minnka verkefnin eða umfang starfseminnar hvað þá allur fjöldi hins Góða fólks sem sinnir sjálfboðaliðastörfum.

Þriðjungs fjölgun hælisleitenda á rúmu ári er varla neinn endapunktur í þessum málaflokki. Búast má því við að fjöldinn muni hafa tvöfaldast um 2020. Það er nóg af fólki í heiminum sem sér sér hag í því að koma hingað til lands þar sem búast má við að orðspor Íslendinga hvað gestrisni varðar og fórnfýsi geti bara batnað. Það eru fáar þjóðir sem geta stært sig af því að taka öllum opnum örmum með fé og félagsþjónustu sem þeim sem minna hafa í þessu þjóðfélagi finnst vera á sig hallað. Enda eru nýjar átakanlegar sögur af vandræðum þessa fólks sem fær ekki húsnæði og liggur úti með börn sín. Opinber aðstoð felst í ábendingum um að reyna að koma börnum þess fyrir hjá vandalausum og flytja gamlamenni hreppaflutningum út á land í laus pláss. Lífeyrissjóðir landsmanna bólgna út sem aldrei fyrr en fjárskortur til allra vandamála  virðist vaxa í beinu hlutfalli. Ríkisstjórnir virðast ekkert geta gert í til að stjórna þessum málaflokki, sama hver er og hver er ráðherra.

Hvaða takmark er þjóðin  að setja sér fyrir árið 2020? Stefnum við að viðtöku 2000 hælisleitenda það ár og 200 starfsmönnum hjá Rauða krossinum  eða eigum við að setja markið enn hærra?

Eða hvar á þetta að enda?

Héðinsfjarðargöng

fór ég í fyrsta sinn í gær.

Þetta er stórkostlegt mannvirki sem þjóðin á að vera stolt af.

Ég er óáanægður með að fá ekki að borga til þessa mannvirkis eitthvað sem geti komið því til góða. 500 krónur fyrir bununa þætti mér lítið og vildi glaður greiða það til þessa stórvirkis því til heilla. Nú fara þúsund bílar um göngin á sólarhring. Hálfmilljón myndi nýtast til að gera göngin betri og viðhalda gæðunum. Ég vil líka fá að greiða í Hvalfjarðargöngin áfram til þess að önnur samsíða verði grafin sem gera þetta betra fyrir þjóðina. Það er hreinlega ósanngjarnt að við sem notum greiðum ekki til framtíðarinnar í samgöngumálum. Engin ókeypis göng meira.

Jón Gunnarsson:  Láttu okkur borga sanngjarnt gangnagjald öllum til heilla fyrir þessar stórkostlegu samgöngubætur þjóðarinnar.

Héðinsfjarðargöng eru stórkostlegt mannvirki sem við eigum að fara vel með og styrkja.

Do I hate Microsoft?

eftir þennan morgun þegar þeir töfðu mig í hálftíma frá því að geta byrjað. Updates í kortér, svo innsetning í annað kortér eða meira því ég var farinn út í fússi. Þessi fjandans update eru það leiðinlegasta sem maður lendir í.Og aldrei batnar Windows hætishót að mér finnst, alltaf jafn hundlélegt og leiðinlegt.

Af hverju í fjandanum geta þeir ekki útbúið þetta svoleiðis að þetta fari í gang þegar maður er hættur að vinna í einhvern ákveðinn tíma en ekki þegar mað kveikir upp? Bara sagt að slökkva ekki og apparatið gerir þetta utan vinnutíma?

Allur hugbúnaðararkitektúr Microsoft er líka að mínu viti hundleiðinlegur. Windows 10 fer í þvílíkar tilgangslausar slaufur þegar maður er að leita að því að finna týndan programlista sem eru skyndilega horfnir og hafa ekki fundist enn á þessari tölvu en ekki annarri. Berum þetta saman við arkitektúrinn hjá Autodesk. Allt vingjarnlegt og notendavænt. Microsoft, allt skelfilegt og klossað.En þeir hafa bara einokun á heiminum með þetta skelfilega Windows og allir eru neyddir til að vera með þetta dót.  Allir sem ég þekki reyna að nota Chrome, Google og Gmail en ekki Microsoft pródúkt. Að vísu er Word og Excel sæmilegt hjá þeim skal ég viðurkenna þó að maður hafi svo sem ekki neinn sérstakan samanburð né kunni á fleiri forrit.

Do I hate Microsoft?

Fjármálaráðherrann fordæmir krónuna

í grein í Fréttablaðinu í dag. Hann segir:

"Íslenska krónan er óútreiknanleg eins og glöggt hefur komið fram undanfarna daga. Örlitlar breytingar í utanríkisverslun og gjaldeyrisflæði geta haft ófyrirsjáanlegar afleiðingar á hag fyrirtækja og almennings. Sterk króna ógnar nú afkomu fyrirtækja sem græddu vel á veikri krónu fyrir fáeinum misserum. Störf í nýsköpun og þekkingariðnaði, sem áttu að tryggja fjölbreytni atvinnulífsins, streyma úr landi á ný. Krónan er hemill á heilbrigð viðskipti.

Við almenningi blasir ólík mynd. Eftir hrunið var krónan lítils virði og kaupmáttur dvínaði. Nú er öldin önnur. Krónan hefur náð sömu hæðum og fyrir hrun og það er lítið mál að skjótast á fjarlæg heimshorn. Kaupmáttur hefur aukist mikið á Íslandi að undanförnu og verkefni næstu missera er að varðveita hann.

Krónan leiðir til óstöðugleika, býr til sveiflur sem leiða til óábyrgra fjárfestingarákvarðana og óstöðugs kaupmáttar. Vextir eru og verða mun hærri á Íslandi en í viðmiðunarlöndum vegna óstöðugleika krónunnar. Þetta er ósanngjarnt og leiðir til óþarfa átaka í samfélaginu .

Viðreisn var stofnuð til þess að stuðla að sátt og stöðugleika. Slíkur stöðugleiki næst aldrei nema með stöðugum gjaldmiðli sem stendur undir nafni og býður upp á svipaða vexti og í nágrannalöndum. Viðreisn bendir á myntráð til þess að festa gengi krónunnar. Mörg Evrópuríki hafa nýtt slíka lausn í áratugi, flest sem áfanga í því að taka upp evru. Eftir hrun töldu sumir krónuvinir að það tæki Íslendinga áratugi að uppfylla skilyrðin fyrir upptöku evru. Eina skilyrðið sem við föllum á núna er of háir vextir.

En má fjármálaráðherra hafna krónunni? Fjármálaráðherrar í nítján Evrópulöndum hafa þegar hafnað sínum miðli fyrir evruna. Enn fleiri nýta sér evruna án beinnar aðildar eða tengja gjaldmiðil sinn beint við evru.

Já, fjármálaráðherra ber skylda til að leggja til þann kost sem er farsælastur fyrir Íslendinga. Nú er tíminn til þess að ýta gömlum kreddum til hliðar og þora að marka leið stöðugleika þar sem hagsmunir almennings og fyrirtækja fara saman. Viðreisn velur stöðugleikann, en til þess að öðlast hann þurfum við öll að vera óhrædd við breytingar eins fljótt og hægt er."

Fjármálaráðherra Íslands er á móti því að Íslendingar búi nú við betri lífskjör en nokkru sinni fyrr. Honum blæðir i augum að innflutningur hefur stórlækkað í verði síðan í hruninu og íslensk heimili búa við stóraukinn kaupmátt.

Hann er á móti því að Íslendingar búi við fullveldi í efnahagsmálum. Hann vill selja landið í hendur Evrópusambandinu og taka upp EVRU sem hann dulklæðir í eitthvað óútskýrt Myntráð.

Hann fullyrðir að við búum við hærri vexti vegna krónunnar.Það stenst ekki því vextir í viðskiptum erlendis eru síst lægr en hérlendis obg í mörgum tilvikum mun hærri.

Íslenska krónan býr ekki til óstöðugleika ef rétt er á haldið. Hún hefur fært okkur hagsæld í öllum tilvikum. Hún er öryggisventill þjóðarinnar gegn heimskum stjórnmálamönnum og verkalýðsbófum sem hafa staðið fyrir óþörfum efnhagslegum kollsteypum síðustu hálfa öldina.

Hann er fylgjandi Evrópusambandinu og vill ganga þar inn.Hann styður dýrara eldsneyti fyrir einstæðar mæður og vill hækka bílana í verði. Hann styður íblöndun eldsneytis með dýrari efnum sem gerir það kraftminna og eykur mengun. Ef hann hefði ráðið þá hefðum við Íslendingar þurft að borga Icesave á föstu gengi. 

Get ég stutt þennan fjármálaráðherra úr flokknum Viðreisn sem fordæmir krónuna og fullveldi Íslands?

 

Vörnin var frábær

og markvarslan hjá stelpunum okkar í gær.

Fúllbökkurnar voru hreint frábærar, alltaf mættar og spyrntu frá hverri hættunni af annarri. Ég gerði það sem ég geri ekki oft sem er að horfa á svona keppni. Ég bara þoli það ekki því ég verð svo æstur og æpi upp og öskra drepið dómarann eins og maður gerði á Meló í gamla daga.

En vítið var leiðinlegt og lítt verðskuldað fannst mér. Þær frönsku sóttu samt fjári vel fannst mér og ef ekki hefði verið fyrir vörnina frábæru þá veit ég ekki hvernig það hefði endað. 

En svona er þetta víst í boltanum, það gengur ekki allt upp þó annað sé frábært.

Þörf upprifjun á svínaríi

er ræða Vilhjálms Birgissonar á Sumarþingi Ingu á laugardaginn.

Villi sagði:

" Kæru vinir og félagar.

Við erum hér samankomin á þessum fundi því við ætlum alls ekki að taka þátt í meðvikni, þöggun og gagnrýnislausri hugsun eins og gerðist fyrir hrun. Við erum líka hér samankomin til að mótmæla því siðrofi, þeirri sjálftöku, spillingu og græðgivæðingu sem enn og aftur eru farin að skjóta föstum rótum í okkar samfélagi.

Það er svo ótrúlegt og miskunnarlaust það sem almenningi í þessu landi hefur verið boðið upp á undanfarnar vikur og ár hvað sjálftöku og græðgi varðar í ljósi þess sem gerðist hér fyrir hrun. 
Ég ætla að nefna nokkur dæmi um það sem hefur leitt til þess að siðferðis- og réttlætiskennd alþýðunnar er gjörsamlega að þrotum komin.

• Framkvæmdastjóri Framtakssjóðs fékk 20 milljónir fyrir að ná þriggja ára starfsaldri. Rétt er að geta þess að lífeyrissjóðirnir eiga um 70% í sjóðnum.

• Nokkrir aðilar fengi 90 milljóna bónus vegna uppgjörs til stjórnenda LBI sem heldur utan um eignir gamla Landsbankans.

• Kjararáð hefur hækkað laun æðstu stjórnenda ríkisins um 200 til 400 þúsund á mánuði með afturvirkni í allt að tæp 2 ár.

• Framkvæmdastjóri Lífeyrissjóðs verslunarmanna hefur hækkað í launum um 1,6 milljón á mánuði frá árinu 2009 og er með 40 milljónir á ári eða rúmar 3 milljónir á mánuði.

• Árið 2015 seldi Arion banki Símann til vildarvina á sérkjörum og högnuðust þeir um 722 milljónir á 48 dögum.

• Allir þekkja Borgunarmálið fræga frá árinu 2015 þar sem íslenskir skattgreiðendur töpuðu milljörðum króna til fárra útvaldra.

• Árið 2016 tilkynntu tryggingafélögin um 10 milljarða króna arðgreiðslur vegna breytinga á reikningsskilaaðferðum á bótasjóðum

• Samkeppniseftirlitið tilkynnti um þá niðurstöðu að neytendur hafi greitt 4,5 milljörðum of mikið fyrir bifreiðaeldsneyti í smásölu bara fyrir árið 2014. Ástæðan sé sú að samkeppni sé verulega skert

• Árið 2016 greiddi Íslandsbanki um 400 milljónir í bónusa til starfsmanna.

• Stjórn VÍS tilkynnti í fyrra um hækkun iðgjalda vegna slæmar stöðu en nokkrum dögum síðar tilkynnir stjórnin um 75% hækkun launa stjórnarmanna.

• Árið 2015 fengu 20 starfsmenn gamla Straums Burðarás greiddan bónus uppá 3,3 milljarða.

• Íslensk heimili eru að greiða tæpum 2 milljónum meira í húsnæðisvexti en Danir af 30 milljóna króna láni eða sem nemur 160 þúsundum á mánuði.

Á þessum fréttum síðustu tveggja ára eða svo sést að græðgin, okrið, spillingin, óréttlætið og misskiptingin grasserar aftur á fullu í íslensku samfélagi og allt á kostnað almennings. Það sorglega í þessu öllu saman er að þessir aðilar sem raka til sín auði á kostnað alþýðunnar komast alltaf upp með það. Þeir virðast vera búnir að læra inn á það að það hvessir hressilega í þjóðfélaginu í nokkra daga og síðan lygnir á nýjan leik. Kannski er uppáhaldslagið þeirra með Ragnari Bjarnasyni þar sem segir í textanum:

„Það hvessir, það rignir en það styttir alltaf upp og lygnir…“

Vilhjálmur Birgisson formaður Verkalýðsfélags Akraness.

Nú verða þingmenn og ráðamenn þessarar þjóðar að koma íslenskum almenningi til bjargar og taka á þessum gripdeildum. Það þýðir ekkert fyrir ráðamenn að koma alltaf fram þegar svona spillingarmál koma upp og segja þetta er klúður, okkur er misboðið og þeirra er skömmin og gera svo aldrei neitt. Hættið að tala og farið að standa með almenningi í þessu landi því yfirelíta landsins virðist líta á almennt alþýðufólk sem grálúsugt og það eigi bara að brosa, borga og þegja!

Munum kæru félagar að okurvextir, verðtrygging, misskipting, óréttlæti og ójöfnuður er ekkert náttúrulögmál heldur mannanna verk og öllu þessu er hægt að breyta, eina sem til þarf er kjarkur og vilji! Til þess þurfa stjórnvöld á hverjum tíma fyrir sig að vera á tánum en ekki hnjánum gagnvart valdaelítunni sem öllu vilja ráða og stjórna. Stöndum saman öll sem eitt, því við höfum fengið nóg!
Takk fyrir mig.„

Falleg orð og vel mælt.

Heldur einhver að þetta leiði til einhvers? Halda þessir aðilar ekki bara öllu sínu? Allir með sameiginlega hagsmuni af því að steinþegja og láta þetta gleymast. Halda menn að ríkisstjórnin muni gera eitthvað? Benedikt, Þorgerður Katrín, Óttar eða Þorsteinn  öll með réttlætiskenndina í þverpokum? 

Þetta er ágæt upprifjun á svínaríinu sem viðgengst þegjandi og hljóðalaust  í þessu spillta þjóðfélagi.

 

Sértu velkominn heim

Yfir hafið og heim... Þannig hljómar söngurinn sem býður hetjur hafsins velkomnar heim.

Var áður vitað um að þessar hetjur ættu alla þessa peninga í útlöndum?

Hvernig stemdur á þvi að einstakir menn gátu fengið afskrifað 63 milljarða í hruninu á meðan þeir áttu plentí skæs í útlandinu sem þeir koma svo með til að græða 20% þegar þeim er boðið til slíkrar veislu af Seðlabankanum?

Æ, hvað er maður annars að öfundast yfir velgengi annarra sem hafa það sem mann vantar sjálfum? Viðskiptavit.

Sértu velkominn heim, yfir hafið og heim, þau verma þau þögulu orð.

Óli Björn

hugsjónalegur Sjálfstæðismaður eins og raunar Eykon var einna mestur allara. Annar sannur hugsjónamaður, Hrólfur Hraundal, skrifar eins og Óli Björn í Morgunblað dagsins og er farinn að bila í trúnni á að hugsjónir okkar Sjálfstæðismanna geti ræst.

Hrólfi finnst greinilega að Sjálfstæðisflokkurinn sé ekki lengur það sem hann var. Enda enn ekki vitað hvort næsti Landsfundur flokksins verður minni poppsamkunda en sá síðasti varð með þeim skrílslátum sem þar fóru fram undir forsæti Áslaugar Örnu og Unnar Brár. Sá flokkur þarf að fara í hugsjónalega tiltekt innandyra eigi hann að komast úpp úr því hjólfari sem hann er greinilega búinn að spóla sig fastan í með fjórðungs fylgi eða svo.

En hugsjónir innblásinna manna einar eru ekki nóg meðan spillingin grassérar í samfélaginu og gefur öllum draumsýnum Eykons, Óla Bjarnar og Sjálfstæðisflokksins langt nef.

Óli Björn skrifar svo í niðurlagi sinnar greinar :

"..... Það er í takt við grunntón í stefnu Sjálfstæðisflokksins að beita sér fyrir því að innleiða að nýju skattalega hvata til hlutabréfakaupa. Hin einfalda leið er að veita heimild til að draga frá tekjuskattsstofni ákveðna fjárhæð vegna hlutabréfakaupa líkt og áður, eða innleiða svipaða reglu og gildir í Svíþjóð. Það væri við hæfi að slíkur afsláttur tæki gildi á komandi ári þegar hálf öld er frá því að Eyjólfur Konráð Jónsson kynnti hugmyndir sínar í áðurnefndri bók.

Hlutabréfaafsláttur og almenningsvæðing bankakerfisins er í anda Eykons. Ríkisstjórn Sjálfstæðisflokks, Viðreisnar og Bjartrar framtíðar hefur gefið fyrirheit um almenningsvæðinguna. Við sjálfstæðismenn gáfum kjósendum loforð um að landsmenn eignist beinan hlut í bönkunum. Með almenningsvæðingu eykst aðhald að fjármálakerfinu, tortryggni minnkar, hlutabréfamarkaður styrkist og eignastaða heimilanna styrkist enn frekar.

Hið sama á við um aukna þátttöku launafólks í atvinnulífinu. Almenningsvæðing og hlutabréfaafsláttur eru leið til aukinnar valddreifingar, líkt og Eykon barðist fyrir og um leið eykst jöfnuður þegar tugþúsundir Íslendinga verða eignamenn."

Það er fallegt að trúa á hugsjónir hinnar ómenguðu Sjálfstæðisstefnu eins og við Óli Björn gerum báðir. En hvað stoðar okkar barnatrú gegn raunveruleikanum? 

Allar tilraunir til auðstjórnar almennings stranda á því að allt samfélagið er sýkt af fjárhagslegu krabbameini sem spennir þræði sína um allt samfélagið. Það er viss hópur Hallbjarna, Friðrika, Ólavíusa, Lýða og andlitslausra lifeyrissjóðafursta sem hafa forgang að öllu fjármagni landsmanna af því að þeir eru þegar í fremstu röð. Þessi lýður sölsar allt sem þann kærir sig um undir sig og veður um í skjóli aðgangsins að fjármagninu því það er nefnilega vitlaust gefið þegar þú spilar við ríkið eins og Steinn Steinar áttaði sig á.

Almenningur má sín einskis gegn þessu fólki sem telur honum trú um að samrunar á þeirra vegum  séu hagræðing til hagsældar fremur en samsæri gegn almenningi.Skoðið bara listann um þá sem komu svindilleiðina sem Seðlabankinn bjó til handa þeim. Hvað getur almenningur eða Óli Björn gert gegn þessu liði? Það gerir það sem því sýnist og gefur öðrum puttann.

Þetta fólk myndi leggja undir sig eignarhluti almenning í bönkunum á örskotsstund þó að Óli Björn ætli að afhenda öllum almenningi einhvern hluta af þýfi ríkisins í bönkunum sem það stal af mér og öðrum hluthöfum í Landsbankanum í hruninu. Þetta fólk gerir það sem því sýnist innan tukthúsa eða utan þeirra. Almenningur hefur ekkert í þessa menn og selur þeim hluti sína fyrir hálft orð  því að einn fugl í hendi er betri en þrír í skógi hvað sem hugsjónum líður. Sjáið Sundabyggðina og örlög Sundabrautar? Eru almannahagsmunir einhversstaðar settir fram fyrir einkahagsmuni þó að einhverjir sjálfútnefndir fulltrúar fólksins séu við völd?

Því miður eru hugsjónir Eykons og Sjálfstæðisflokksins líklega bara draumsýnir í því samfélagi klíku og skipulagðra bófaflokka sem við erum búnir að skapa og afhenda öll völd á Íslandi með regluverkjum um lífeyrissjóðina, bankana og stjórnsýsluna sem ekki verður undið ofan af í einni hendingu og verður líklega seint úr þessu.

Óli Björn þarf að átta sig á því að við lifum ekki í Shangríla heldur fremur í einskonar bófasamfélagi þar sem enginn jöfnuður ríkir en kjaftavaðall er notaður til að strá sandi í svefndrukkin augu almennings þegar kosningar nálgast.

 

 

Fylgjum fordæmi Trumps

og segjum Íslendinga frá Parísarsamkomulagi hinna fjörtíuþúsund fífla Al Gore.

Það er eru aðallega tveir umhverfisofstopamenn, þeir Árni Finnsson og Ari Trausti, sem eru að leiða þjóðina í þá vitleysu sem hún er stödd í varðandi CO2 losunarbullið þó Hjörleifur sé nú drjúgur líka.Skoðanalausir og óupplýstir stjórnmálamenn okkar láta teyma sig áfram á asnaeyrunum af gervivísindamönnum sem hafa engin haldbær rök önnur en alhæfð og upplogin fyrir sínum málstað. Losun okkar Íslendinga skiptir nákvæmlega engu máli fyrir heiminn en veldur okkur óheyrilegum kostnaði.Kínverjar hlæja að okkur á Vesturlöndum og taka engan þátt í losunartakmörkunum.

Við erum að blanda innfluttu efni orkusnauðara efni í bensínið og gera orkuna dýrari fyrir okkar minnstu bræður, öryrkja  og einstæðar mæður. Þar sleppir kærleikanum hjá umhverfisfasistunum og góðafólkinu.Svo látum við gjaldþrota Hellisheiðarvirkjun og aðrar slíkar blása út brennisteinssýru án takmörkunar sem er til dæmis búin að eyðileggja sllt stál í nágrenninu í háspennumöstrum þjóðarinnar og enginn veit hversu miklu tjóni er búið að valda á lungum fólksins sem fer þarna um. 

Sautján flutningaskip losa meira CO2 en  allur bílafloti jarðarinnar. Holuhrunsgosið losaði meira en allt Evrópusambandið í hundrað ár og Eyjafjallajökull þar áður. CO2 er byggingarefni náttúrunnar. Án þess er ekkert líf mögulegt á jörðinni. Það var margfalt magn af því í andrúmsloftinu fyrir milljónum ára áður en maðurinn kom til og allur gróður stóð risaeðlunum til boða. Bullið er algert og bara bísness fyrir Al Gore og skálka hans í þessum falsvísindum sem Parísarsamkomulagið byggist á. Þeir þeytast um heiminn á einkaþotum sínum og skilja eftir svartan útblástur í háloftunum. Eigum við Íslendingar að fækka ferðum Flugleiða og WowAir til að þóknast þessu liði? Eigum við að láta þesa tvo menn aðallega stjórna skattlagningu á bílana okkar á grundvelli órökstuddrar dellu og hefta framfarasókn þjóðarinnar? Það stóð ekki á ráðuneytiströllunum að taka myndarlega undir sönginn þeirra og boða stóraukin gjöld á bíla einstæðu mæðranna.

 

Lesið þessa grein í Sámi fóstra https://issuu.com/radandi_auglysingastofa/docs/samur_fostri_1_tbl_april_2017_280x4  til að skoða vísindalegar röksemdir.

Við eigum að hætta íblönduninni í bensínið sem bara eykur magnið sem brenna þarf og berjast á móti lífdísilnotkun af öllum mætti því hún er mannfjandsamleg og veldur hungursneyð um allan heim þar sem maísinn er notaður í þessa pólitísku framleiðslu meðan fátækt fólk sveltur.

Það er sjálfsagt að stuðla að sparsemi í útblæstri með hvatningum. En kúgunaraðgerðir eru ekki aðferðin eins og þursarnir okkar leggja ætíð til.

Fylgjum fordæmi Trumps því hann sér í gegn um vitleysuna.

Meira gúmúlade

úr skolpdælustöðinni á Ægissíðu.

Borgarstjórinn bara tilkynnir að á morgun verði bara hleypt út öllu sem fara vill. Neyðarlokurnar eru í viðgerð og verða bara opnaðar. Þeir nenna greinilega ekki að stífla þær og dæla skolpinu út þangað sem það á að fara. Nei nei, bara vesgú kæru kjósendur. Farið bara með Borgarlínunni eitthvað þangað sem þefurinn nær ekki til.

Hverskonar hönnun er þetta eiginlega? Ekkert hægt að gera nema bara gusa gúmúladinu í fjörurnar.