Hefur Trump trompað?

fréttaheiminn svo að hann nær sér ekki?

Já, það er líklegt að Donald Trump hafi hreinlega breytt fréttaheiminum með afgerandi hætti. Komið honum í svo opna skjöldu að hann hafi alls ekki náð að átta sig á breytingunni sem þessi maður er búinn að vinna.

Ómar Ragnarsson sá reynslubolti í fjölmiðlun hefur þetta að segja:

"...

Á öllum fjölmiðlum er í gildi fréttamat sem felst í orðinu "helst".

Orðið "helst" er meira að segja orðið að nafnorði í hvorugkyni.

Það er talað um "helstið", hvernig helstu fréttum er raðað upp. Hugtakið snýst um forgangsröðun frétta. 

Helstið er afar ráðandi atriði, svo mikilvægt, að lýsa má því í setningunni "fyrsta frétt er alltaf fyrsta frétt."

Sem getur verið hættulegt, því að hættan er sú að hin svonefnda fyrsta frétt fari út á ljósvakann án nægilegrar rannsóknar, - bara til þess að hún sé fyrsta frétt en ekki önnur frétt, þriðja eða fjórða.

Þetta nýtti Trump til hins ítrasta, og lét sér í léttu rúmi liggja þótt oft væri farið yfir strikið.

Rannsókn á kosningabaráttunni vestra sýndi, að Trump nældi sér í meira en 60 prósent af allri umfjölluninni um baráttu hans og Hillary Clinton, og hann hafði yfirburði í því að komast inn í helstið og fyrstu fréttina.

Þetta varð að hans kosningabaráttu, ekki hennar. 

Aðferðin var einföld: Nógu mikil iðni við kolanna, en ekki síður að leggja höfuðáhersluna á að segja eitthvað eins rosalegt og svakalegt og hægt færi.

Afbrigði af gamla orðtakinu að slæm auglýsing sé betri en engin.

Einnig afbrigði af því að sá sem ræður vettvangnum og hefur stjórn á atburðarásinni sé kominn í vinningsstöðu. 

Trump tókst að "spila sinn leik" og láta kosningabaráttuna litast af því.

Fjölmiðlun verður ekki söm eftir þetta, og það mun taka blaðamannastéttina mörg ár að bregðast við því breytta umhverfi, sem nútíma samfélagsmiðlun hefur innleitt."

Ég held að Ómar fari nálægt staðreyndunum um það að "helstið" hefur fengið aðra vigt eftir að Trump kom til sögunnar. Hann beitir einfaldri tækni á Twitter gegn fjölmiðlarisum eins og CNN og New York Times. Gengur fram af fólki í meinlegheitum og absúrdisma eins og fjölbragðglímuaatriðið nýjasta þar sem hann lúskrar á CNN-glímukappa. Elítufólkinu  finnst þetta gesamlega óviðeigandi af Forseta Bandaríkjanna að gera svona virðingarlaust sprell. Má vera að eitthvað sé til í því,- sumt getur í hæsta lagi gengið fyrir Organista hefði sr. Bjarni kannski sagt. En Trump virðist hafa hæfileika til að koma á óvart, búinn að leika annann leik áður en andstæðingurinn er búinn að meðtaka þann síðasta og orða hneykslun sína nægilega sterkt.

Trump virðist vera gjarn á að trompa út án þess að vara elítuna við, - og sleppa með það!

Lygaveitan New York Times

birti fyrir nokkrum dögum síðan "grein um Donald Trump og Rússland þar sem blaðið hélt því fram að allar sautján öryggisstofnanir Bandaríkjanna hefðu samþykkt skýrslu um aðkomu Rússa að tilraunum til kosningaáhrifa.  Nokkrum dögum síðar viðurkenndi New York Times að upprunalega greinin innihéldi falsfréttir. Aðweins fjórar öryggisstofnanir hefðu undirritað skýrluna, ekki sautján.

New York Times bar sem sagt á borð meðvitað eða ómeðvitað að 100 prósent af bandarískum öryggisstofnunum stæðu á bak við skýrsluna um "Rússlandgate" þegar sannleikurinn var aðeins 24%.

Sem blaðið Avpixlat hefur nýlega greint frá hefur  Sarah Palin stefnt New York Times fyrir falsfréttir í sambandi við það að blaðið hefur látið að því liggja að Palin tengdist vopnaðri árás á stjórnmálamann árið 2011.

Vinstrifrjálslyndir blaðamenn eru nú ákafir í að birta neikvæðar greinar um Donald Trump í því skyni að koma honum frá völdum að þeir gleyma eða vanrækja skyldur blaðamanna um siðfræði, staðreyndamat  eða að hafa það jafnan sem sannara reynist."

Hver sem les NYT kemst ekki hjá því að undrast það ofstæki sem í því blaði birtist í öllu neikvæðu sem hægt er að skrifa um Donald Trump. Blaðið New York Times  er orðið álíka trúverðugt og gamla Pravda var á tímum Stalíns sáluga.

Ömurlegur fréttaflutningur Stöðvar 2

af fundi Donalds Trumps með hermönnum Bandaríkjanna.

Fundurinn hófst vel segir Stöð 2 en svo fór Trump út í árásir á sér andsnúna fjölmiðla sem enginn vill heyra og samstarfsmenn hans eru alveg kexaðir á að sögn Stöðvarinnar.

Sannleikurinn var sá að fundarmenn trompuðust í fagnaðarlátum, stóðu upp og hoppuðu og klöppuðu og sýndu skilti til stuðnings við Forsetann.

Þvílíkar lygafréttir bera þessir ómerkilegu demokrata og kommatittafjölmiðlar á borð fyrir heiminn í þeim tilgangi að ófrægja þenna réttkjörna Forseta Bandaríkjanna að manni hreinlega blöskrar ósvífnin. Þeir eru samtaka í ofsóknum þar sem engin meðöl eru spöruð í lygum og rangfærslum.

Stöð 2 stimplaði sig svo um munaði í kvöld inn í þennan ómerkingahóp.

"Nýr kafli að hefjast í þróun fluglestar":

segir Bjarni Jónsson verkfræðingur.

"Samtök sveitarfélaga á höfuðborgarsvæðinu [SSH] og Fluglestin - þróunarfélag hafa gert með sér samstarfssamning um þróun skipulagsmála vegna hraðlestar, sem ætlað er að tengja saman Keflavíkurflugvöll og höfuðborgarsvæðið.  Hann bíður nú samþykkis sveitarfélaga."

Íbúar eiga heimtingu á því að fá að vita, hvað hér er verið að bralla.  Er þessu ævintýrafélagi, Fluglestinni - þróunarfélagi, veittur ádráttur um að taka dýrmætt land frá undir gríðarlegan hávaðavald meðfram ströndinni á Suðurnesjum í samningum þess við sveitarfélög þar og land fyrir biðstöðvar og op niður í lestargöngin í Hafnarfirði, Garðabæ, Kópavogi og Reykjavík ?  Af fréttum að dæma eru yfirvöld einum um of leiðitöm; sumir mundu jafnvel kveða svo rammt að orði, að þau láti ævintýramenn teyma sig á asnaeyrunum.  Ef þessi sömu sveitarfélög ætla að samþykkja að taka þátt í fjármögnun undirbúningsfélags, sem á að fá miaISK 1,5 til ráðstöfunar í rannsóknir, umhverfismat og frumhönnun, þá er of langt gengið, og munu þá væntanlega margir kjósendur sýna hug sinn í verki á vori komanda.  

Í fréttinni var þetta haft eftir Runólfi Ágústssyni, framkvæmdastjóra Fluglestarinnar - þróunarfélags um nýgerðan samning á milli félags hans og SSH:

"Runólfur segir samninginn mikinn áfanga.  "Þetta hefur þá þýðingu, að við getum farið í næsta fasa, og farið að fjármagna hann, sem eru skipulagsmál, mat á umhverfisáhrifum, frumhönnun og rannsóknir, sérstaklega á berglögum í gangastæðinu.  Þessi fasi kostar í heild 1,5 milljarða [ISK] og tekur 3 ár.  Við stefnum á að fjármagna þennan pakka í haust.""

Það væri synd að segja, að þær sveitarstjórnir og hugsanlega aðrir stjórnmálamenn, sem við þessa fluglest eru riðnir, hafi ekki verið varaðir rækilega við.  Allur kostnaður, beinn og óbeinn, sem af þessum skýjaborgum hlýzt, mun fara í súginn.  Í þeim tilvikum, að um skattfé verði að ræða, verða viðkomandi stjórnmálamenn látnir standa umbjóðendum sínum reikningsskil gerða sinna. "

Kemur þetta til viðbótar Borgarlínunni?  Ætla sveitarstjórnir Íhaldsins í Kraganum að láta Dag Bergþóruson teyma sig svona  áfram  á eyrunum í Fluglestina líka?

Eru ekki kosningar í vor áður en þessi nýji kafli kemur til framkvæmda?

 

English Muffins

er bakstur sem ég sakna frá Florida.Svona kringlóttar hálfbökur í tvennu lagi sem smella í ristavélina hvor helmingur sér. Ég kom með sýnishorn og gaf hérlendum bakara en hann kveikti ekki. Það voru auglýstar Muffins í Costco þegar ég koma þar en þær voru útseldar svo ég gat ekki séð þær.

Veit einhver hvort svona English Muffins eru bakaðar hérlendis?