ISAVIA-Bank

er víst í hættu með að tapa milljörðunum sínum af því að flugvélareigandinn sem leigði WOW vél sína þarf ekki að tapa henni samkvæmt úrskurði Héraðsdóms.

Björn bankastjóri ISAVIA hættir um svipað leyti og Höskuldur í ARION-Banka. En báðir voru hjálparhellur flugfélags Skúla Mogensen. Brotthvarf beggja tengist þó ekki falli WOW að neinu leyti segja þeir báðir. 

Manni skildist á Hreiðari á STRACTA-Banka að hann yrði að bjarga flugmálum landsmanna svo að ferðaiðnaðurinn biði ekki afhroð?

Páll Vilhjálmsson ofurbloggari er þó á annarri skoðun. Hann segir:

 

"Þegar WOW fór í gjaldþrot var talað um hrun ferðaþjónustunnar. Eitthvað gengur erfiðlega að framkalla hrunið í reynd.

Ekki einu sinni er hægt að tala um svokallað WOW-hrun, svo lítilfjörleg eru áhrifin.

Menn ættu að hugsa svolítið meira áður en þeir tala."

Íslendingar eru útlánaglaðir með besta móti og vilja helst ekki fá vexti af útlánafé ef marka má umræðuna hjá forystumönnum launþega.

Ásgeir Hannes Eiríksson gerði hinsvegar samning við Landsbankann um að bankinn seldi ekki pylsur meðan hann lánaði þær ekki vaxtalaust. Skynsamur maður Ásgeir Hannes og hefði kannski átt að stjórna stærri stofnunum. 

En kannski bjargast þessi flugmál til og frá landinu einhvern veginn án þess að STRACTA, ISAVIA eða ARION bankar  komi þar að?

 

 

Sílamávurinn

er orðinn einkennisfugl höfuðborgarsvæðisins. Og í Bláskógabyggð sá hann til þess síðasta ár að mófuglar sáust ekki mikið þar um slóðir.

Mér var sagt niðri við Reykjavíkurtjörn í gær, að andarungar sæjust orðið ekki á Tjörninni. Aðgangurinn í Sílamávinum yfirgengur allt annað við Tjörnina þegar fólk vill skoða sig um.

Gísli Marteinn vildi gera eitthvað í þessu þegar hann var Borgarfulltrúi, sem hann er ekki lengur. Þar með búið? Sílamávurinn, þessi fallegi og hæfi ræningi, virðist óáreittur búinn að leggja Tjörnina undir sig.

Hefur enginn áhuga á að koma þessu í betra jafnvægi? Hætta að fóðra fuglinn eins og gert er sumstaðar? 

Eða viljum við bara hafa Sílamávinn einan til yndisauka á vorinu?

Frábær stund í Fríkirkjunni

við Tjörnina var  þegar ég fékk að vera við fermingu dótturdóttur minnar í þessari virðulegu gömlu kirkju.

Meðan söfnuðurinn gekk til altaris á 0% messuvíni,  þá hugleiddi ég brunann í NotreDame.

Af hverju metum við okkar menningarverðmæti eins og þetta hús svona lítið eins og Frakkarnir mátu sína Frúarkirkju?

 

á leiðinni í veisluna gekk ég fram hjá Menntaskólanum mínum gamla. Önnur púðurtunna. Makalaust að við skyldum ekki kveikja í honum með sígarettunum hálffullir á dansæfingunum í gamla daga.

Engar sýnilegar brunavarnir eru í þessum  púðurtunnum eins og þakið í NotreDame reyndist vera.Óslökkvandi mneð öllu.

Brunaviðvörunarkerfi eru nánast einskis nýt í svona byggingum ef eldur verður laus.

Og það hefur verið gerð ákveðin tilraun til íkveikju í Fríkirkjunni var mér sagt af gömlum safnaðarmeðlimi.

5 rör í sprinklerkerfi í kirkjuna  kosta kannski 5 milljónir. Ef þau væru til staðar brynni hún aldrei.

Viljum við virkilega missa þetta timburlistaverk fyrir svona smáaura? Af hverju erum við svona kærulauss með okkar fágætu timburhús?

Erum við heiladauð?

Viljum við virkilega ekki eiga margar frábærar áhyggjuminni stundir í okkar Fríkirkju við Tjörnina í Reykjavík í stað þess að syrgja brunarústirnar eins og Frakkaræflarnir?

Kommarnir á Kjarnanum

eru alsælir með Orkupakkann.

Herbert Herbertsson ritstjóri skrifar svo:

 

"...Útflutn­ingur vist­væns raf­magns mun verða upp­spretta mik­illar vel­meg­unar á Íslandi til ófyr­ir­sjá­an­legrar fram­tíð­ar. Geta Íslend­ingar þar litið til olíu­sjóðs Norð­manna, sem mun þó löngu verða upp­ur­inn meðan vist­vænt raf­magn mun enn mala gull fyrir Ísland.

Aðeins verður að gæta þess að allar virkj­anir verði eign þjóð­ar­inn­ar, eins og olíu­vinnslan hjá Statoil Norð­manna. Það yrði þó að fá aðstoð erlendis frá við upp­bygg­ingu kerf­is­ins. Það gerðu Norð­menn einnig þegar þeir byggðu upp sitt olíu­vinnslu­kerfi. Stóru alþjóð­legu olíu­fé­lögin fengu hlut­deild í hagn­að­inum með því að leggja til sína þekk­ingu og fjár­magn við borun og úrvinnslu olí­unn­ar. Sá samn­ingur var þó aðeins í gildi í ákveðin ára­fjölda, eða þar til þau fyr­ir­tæki höfðu fengið sitt fram­lag end­ur­greitt í formi olíu og útlagðs fjár­magns. Í dag er Statoil einrátt í olíu­vinnslu við Noreg og allur hagn­aður hennar rennur beint til norsku þjóð­ar­inn­ar.

Með bestu kveðjum og áskor­unum til ungra Íslend­inga um að sækja fram og virkja auð­legð Íslands til hags­muna fyrir land og þjóð."

Kommarnir á Kjarnanum eru orðnir föðurlandsvinir hinir mestu og Evrópusinnar  með íhaldinu, viðreisn og  pírötunum

-Bravó!

 

 

 

Augljóst mál

að ég eigi að samþykkja það sem forysta Sjálfstæðisflokksins segir. ÞKRG segir að forystan eigi að leiða flokkinn.

Palli Vilhjálms ofurbloggari segir svo:

 

"....Rökstuðningur þeirra sem vilja samþykkja orkupakka 3 er í meginatriðum þessi:

1. það er hættulaust að samþykkja aðild að orkusambandi ESB, enda áhrif hans lítil.

2. við eigum að samþykkja 3. orkupakkann þar sem við höfum samþykkt pakka 1 og 2.

3. ef við samþykkjum ekki orkupakkann er aðild okkar að EES-samningnum í uppnámi.

Andstæðingar 3. orkupakkans segja á móti:

1. ESB tekur sér íhlutunarrétt í raforkumálum þeirra ríkja sem eiga aðild að orkusambandinu - sem Ísland yrði með samþykkt orkupakkans.

2. samþykkt orkupakka 1 og 2 var ekki loforð af hálfu Íslands að halda áfram á vegferð ESB i átt að miðstýringu orkumála.

3. engar heimildir eru fyrir því frá ESB að EES-samningurinn komist í uppnám þótt Ísland standi utan orkusambands ESB.

4. Ísland er ótengt raforkumarkaði ESB og því engin ástæða að taka upp ESB-reglur.

5. EES-samningurinn gerir ráð fyrir að EFTA-ríkin geti afþakkað lög og reglugerðir sem augljóst er að eigi ekki við um viðkomandi lönd. Ísland tekur t.d. ekki upp ESB-gerðir sem eiga við um skipaskurði og járnbrautalestir...."

Til viðbótar stendur í texta orkupakkans að tilgangur hans sé að koma á verslun með orku yfir landamæri í samræmi við stefnu ESB í orkumálum.

Svo hver getur þá verið á móti einhverjum sæstreng ef við bara græðum á honum?

Blasir þá ekki við að ég eigi að samþykkja það sem forystan leggur til?

Er það ekki alveg augljóst mál þegar meira að segja Björn Bjarnason er sammála V.G.,Pírötum, Samfylkingu, Þorgerði Katrínu og Þorsteini Pálssyni um það hversu sjálfsögð þessi samþykkt sé?

   

 

 

Til hamingju með Kára

Stefánsson íslenska þjóð vegna kjörs hans í vísindaakademíu Bandaríkjanna.Stórkostlegur heiður og sá mesti sem íslenskum vísindamanni hefur hlotnast.

James A. Watson gefur dr. Kára tvær síður í bók sinni DNA sem segir sitt um það álit sem hann hafði á Kára fyrir nær tuttugu árum síðan.

Kári hefur marga fjöruna sopið á sínum ferli og seint verður hann talinn við alþýðuskap. En það eina sem skiptir máli er að hann hefur lagt mikið af mörkum til að bjarga mannslífum með vísindarannsóknum.

Mér finnst líka persónulega gaman að lesa það sem hann skrifar fyrir alþýðu og vona að hann haldi áfram að gera slíkt öðru hverju.

En að öðru leyti óska ég þjóðinni til hamingju með Kára Stefánsson og hans störf og hann lengi lifi húrra!

Að lokum um O3

vil ég aðeins segja þetta.

Gulli minn og þið hinir. Gerið það sem ykkur finnst rétt.

En þið þurfið hugsanlega að læra  það að maður strýkur hundi venjulega með hárunum en ekki á móti þeim.

Það er eiginlega affarasælast að fara þannig að í pólitík og jafnvel á Landsfundum Sjálfstæðisflokksins þó að ýmsir fari ekki alltaf þannig að.

Ómar geirsson orðar þetta svo í tilskrifi til mín:

"Því þeir sem eru frjálsir eins og langfrændi minn Bjartur í Sumarhúsum, þeir eru ekki kommar, þó þeir geti vissulega verið kommatittir enda það allt önnur ella, og þeir eru ekki frjálshyggjumenn, því það er enginn munur á alræði öreiganna eða alræði auðsins.

Hvoru tveggja er alræði.

En það er grundvallarmunur á borgarlegum kapítalisma sem viðurkennir gildi kristinnar vestrænnar siðmenningar og ræningjakapítalisma frjálshyggjunnar sem viðurkennir engan sið.

Sá fyrri á rætur í þróun siðmenningarinnar, sá seinni í villidýrinu sem siðmenningin reynir að beisla svo mannkynið fái lifað og þróast, og lifað af.

En við erum sjálfsagt ekki sammála um þetta frekar en margt annað, en það er rétt Halldór, í vissum grundvallarmálum erum við alveg sammála.

En engu þjóðfélagi er hollt að allir séu sammála í öllu.

Kveðja að austan."

Ég svaraði honum svo:

"Þakka þér fyrir þessa kynningu Ómar. Ég skil þig mun betur eftir þetta. Og viti menn, við erum sammála um margt mun meira en ég hélt áður.

Jónas var mikill hugsjónamaður en líklega skorti hann mannúð og mildi.Hann virtist ekki vita hvenær hann átti að hætta og slá af.Og því fór sem fór að hann einangraðist.

Til eru þeir sem álíta mig nasista og rasista. Ég tel mig hinsvegar lausan við alla isma nema Trumpisma. Ég styð einstaklingsfrelsið sem endar þar sem það er að ganga á frelsi annarra einstaklinga.

Ég las bókina The Law efir einhvern löngu dauðan fransmann,Frédéric Bastiat.. Hann segir að lögin noti skálkar til að skerða réttindi fólksins. Lögin eigi hinsvegar að tryggja réttlætið og ekkert annað.

Þess vegna styð ég ekki ofbeldi þingmanna Sjálfstæðisflokksins sem birtist í kröfu um að við almennir flokksmenn beygjum okkur undir þeirra dómgreind og samþykkjum O3.

Ég geri það ekki."

Ég ætla svo ekki að þrasa meira um O3 sem segir beinlínis að aðilar eigi að greiða fyrir viðskiptum með orku yfir landamæri eins og aðra vöru og þjónustu.

Það má reikna það út að þjóðin græði meira á að hækka rafmagnið innanlands til almennra notenda, einhvern fimmtung heildarorkunnar,  um leið og Landsvirkjun fær miklu meira á samkeppnismarkaði fyrir hinn hlutann sem þá má nota til félagslegra þarfa og innviða.

En að leggja þann gróða í einhvern þjóðarsjóð finnst mér fráleit hugmynd því þá sé verið að skattleggja fólkið til að eyða í annað. Skera rófuna af hundinum til að gefa honum að éta eins og myndin hans Storm P. sýnir.

Þar sem eru peningar eru afætur. Þess vegna á að láta hagnaðinn renna strax beint til innviða en ekki til einhverra ókominna áfalla sem kannski koma aldrei og alla vega ekki á minni vakt.

Þess vegna læt ég ekki einhverja forystusveit Sjálfstæðisflokksins leiða mig eins og sauð til slátrunar bara af því að ég kaus þá einhvern tímann.

Að svo mæltu legg ég málið um O3 í dóm.

 

Tengsli RÚV og Kjarnans

hins mikla málgagns vinstri manna koma skemmtilega fram í grein Sigurðar Más Jónsssnar í Þjóðmálum.

Aðstandendur ritsins heyja nú harða baráttu við að koma uppsöfnuðum taprekstri um 50 milljónum yfir á almenning í landinu. Sem sagt einkavæða gróðann en þjóðnýta tapið eins og þeir hafa lengi sagt hægri menn gera.

RÚV hefur ítrekað verið látið taka við starfsmönnum af Kjarnanum á sína launaskrá þegar ekki var til fyrir launum þeirra á þeim bæ án þess að þeir hafi hætt öllum störfum fyrir Kjarnann.

Vilhjálmur Þorsteinsson, bróðir Viðars gullkistuvarðar Eflingar, sem er verulegur leyniþáttakandi í Tortóla- félögum jafnframt gjaldkerastörfum fyrir Samfylkinguna og tunnuberjari á Austurvelli í mótmælum gegn aflandsfélögum með þeim Birnu Þórðar og Illhuga Jökulssonar, kemur á óvart í fjölhæfni sinni. 

Sömuleiðis tengist Ágúst Ólafur Kjarnanum fjárhagslega í fjölþreifnimálum sínum sem tengjast Kjarnanum beint  en kemur nú á ný til starfa á Alþingi fyrir okkar minnstu bræður.Ennfremur er Fanney Birna á vinstra-Silfrinu meðal hluthafa Kjarnans

 

Ó þú mikla villta vinstri á RÚV og Kjarnanum frá Sigfúsarsjóði og til vorra daga. 

Hvernig væri?

að formaður Sjálfstæðisflokksins og forystan samanlögð færi að skipta sér af fólkinu í landinu og því sem á því brennur í stað þess að stýra þingflokkinum í umræðunni um O3 og EES samstarfið?

Ómar Ragnarsson segir m.a. á bloggi sínu:

"

....Og brýnir "lífskjarasamningar" fyrir alla aðra en þetta fólk, gera þennan stóra þjóðfélagshóp að lítilsvirtri afgangsstærð, sem hann hefur reyndar tilheyrt undanfarin ár og áratugi. 

Ef þetta fólk reynir að brjótast út úr fátækt er því haldið kyrfilega í henni með sérsniðnum ólögum, sem rænir það í raun lífeyri, sem það var búið að vinna sér inn. 

Fátæktargildran verður sífellt að stærri höfnun á rétti þess til lífs og lífsviðurværis, sannkallaðri lífskjarasviptingu á meðan aðrir fá kjarabætur í lífskjarasamningum. 

Athyglisvert var að sjá í sjónvarpsþættinum Kveik, að um það bil helmingur þeirra, sem verst fara út úr því að taka svonefnd smálán, er einmitt þetta illa stæða fólk, sem reynir í örvæntingu að grípa til örþrifaráða til að brjótast út úr fátæktarfangelsi, sem verður líka að ógeðslegu skuldafangelsi...."

Hvernig væri að Sjálfstæðisflokkurinn færi að spá í fólkið í landinu og því sem á því brennur? Hvernig væri að flokkurinn færi að minnast Ólafs Thors og Bjarna Ben sem ávallt voru  nátengdir almenningi í landinu og reyna að þurrka framan úr sér bara glóbalismann ?