Enn hrap í Hörpu

samkvæmt samantekt hins glögga skólabróður míns hans Örnólfs Hall arkitekts sem er manna fróðastur um það langdregna klúður sem bygging þessa húss er. 

Það var ráðist í þessa byggingu í hugljómun um að búa til glæsibyggingu fyrir þjóðina sem væri svo flott að engin dæmi yrðu um neitt slíkt fyrr né síðar og myndi fylla þjóðina nauðsynlegum eldmóði til að hrífa hana upp úr öldudal kreppu og hruns.

Allir færustu sérfræðingar landsins voru fengnir að hönnuninni. Byggð voru í raun tvö hús hvort utan um annað af þvílíku flækjustigi að engan enda virtist taka.

En hvað segir Örnólfur í sinni samantekt:

RI- ÁIÐ 2018 ER ENN EITT TAPÁR  HÖRPU  ÞRÁTT  FYRIR 
FJÖLDA TÓNLEIKA,ALLSKONAR VIÐBURÐA og SMÁRÁÐSTEFNA :

1)- Þrátt fyrir allan fjöldann af tónleikum og viðburðum er tapið um 462 milljónir (461.468.000) - og meira en 2017 sem var 243 milljónir (243.326.000).

2)-Þrátt fyrir öll stóru meðlögin (nú síðast 400 aukamilljónir frá ´ríki & borg´) og stóryrtu  loforðin (forkólfa/forystusauða) um að hún yrði örugglega sjálfbær í síðasta lagi 2014. -

Nb: Allar stórráðstefnur hafa brugðist (5-6 þúsund manna). Mest urðu 2 þúsund  tanntæknar-og læknar 2012.

3)- Hversvegna skyldi þetta nú vera ?:
a- Of lágt miðaverð ?
b- Gríðarlegar skuldir ?
c- Þung viðhaldsbyrgði ?
d- Lélegir og vanhæfir stjórnendur ?
e- Klúðurslegt  og flókið stjórnskipulag Hörpu ?
f- Stórráðstefnurnar hafa  brugðist ?

Es: Sem sagt 2018 tapar -enn einn ganginn- ´húsið okkar´ svokallaða  (dansk hannaða) 
462 milljónum !!!

(Es: Til upplýsinga: Háskóli Íslands hreppti stærstu ráðstefnuna hingað til árið 2011,um 5 þúsund stjórnmálafræðinga, sem bjargaði  fjárhag Háskóla Íslands sem betur fer eftir 260 milljóna króna niðurskurð Mennta- og Fjármálaráðuneyta.

Á meðan þau létu bruðlið með 130 milljóna króna glerþak Hörpu óátalið. Glerþakið þegar nú þegar þreytta sem fæstir sjá nema úr lofti.)

Mynd 1: Stiklur úr Hörpurekstrarsögu.

II- VILHJÁLMUR EGILSSON (Rektor í Bifröst) VARAFORMAÐUR STJÓRNAR HÖRPU
SKRIFAR UNDIR SKÝRSLU STJÓRNAR MEÐ FYRIRVARA:
Hann er harðorður um margt í skýrslunni og túlkun hennar og segir m.a. :

„En nú tel ég að mér sem stjórnarmanni  sé ekki lengur  stætt á að taka ábyrgð á því ástandi sem hefur skapast þegar samstæðan er komin með neikvætt eigið fé samkvæmt þessum ársreikningi.“

-„Til viðbótar tel ég að verðmæti fasteignarinnar sé ofmetið í efnahagsreikningi Hörpu ohf.“

(Sjá meðfylgjandi fyrirvara Vilhjálms E gilssonar (sjá viðhengi/fyrirvari VE))


-<0>-
III- VIÐHALD HÖRPU:
-Viðhald (annar húsnæðiskostnaður).
: - 2018-328.837
-do-  :-2017: 287.975.000
-do-  :-2016: 316.306.000
-do-  :-2015: 264.941.344
-do-  :-2014: 256.030.790
-do-  :-2013: 563.000.000
-do-  :-2012: 97.897.077
-do-  :-2011: 104.633.875

Samtals árin er viðhald Hörpu  (húsnæðiskostn.) : um 1.9 milljarðar

-<0>-

IV- HÖRPU HRAÐSMÍÐIN (danskhannaða) og ÍSLANDSLÆGÐIRNAR-
Gífurlegur viðhaldskostnað vegna galla m.a. leka vegna bévítans Íslandslægðanna hryssingslegu (sjá ársskýrslur og svör til fjárlaganefndar).

Es:-Minnt er á leka á ABBA-tónleikum í den og undir og frá glerstássþaki þar sem forstjórinn stóð blautur í fætur í bleytunni í Norðurljósasal.

Mynd 2,3- Harpan hraðsmíðaða á verulega bágt í bévítans ´lægðabestíunum´  og þarf að kalla út hjúkrunarlið með ´plástra-kítti´ á þreyttu glerstássveggina og þétta sílikonlista og klæðningar (sjá myndir).
 NB: Pressan forðast að tala um þetta (tabú(?)) !

Viðhaldskostnaður var gefinn upp fyrir 2010 í Fjárlögum Alþingis 2011-(02-969/6.23) var sagður 44.2 milljónir vegna viðhalds Hörpu (nb: það fyrir opnun /er ekki með þarna).
Mynd 3,4,5-

V-ÝMISLEGT ANNAÐ ER Á BRAUÐFÓTUM Í HÖRPU:
´BRAUÐ-SMURSTÖÐIN´er FARIN á HAUSINN
og ÞAR ÁÐUR HRAPAÐI ´MUNNHARPAN´MEÐ TORRÆÐU
HÓPKAUPASÚPURNAR-

Es: Harpan greiddi 655.468 kr. (án vsk.) vegna breytinga á &#39;Munnhörpu´ yfir í &#39;Smurstöð&#39; - en allt kom fyrir ekki !! 
Mynd 3- Túristum ofbjóða þarna prísarnir á smursneiðunum í ´Smurstöðinni‘ og opna frekar ´skotteldhús´ sitt  útí bíl fyrir utan Hörpu !

Mynd 6.

VI- AÐ LOKUM :
VEIT EINHVER HVAÐ HARPAN KOSTAR RAUNVERULEGA FRÁ A-Ö Í DAG ?
Es: Annað t.d.: Getur nokkur upplýst okkur skattgreiðendur um öll feitu launin og kostnaðinn af
´silkihúfunum´(sama fólkið þvers og kruss m.a.

Hörpustýran Sv.Kon.): Portus, Situs, Totus, Ago, Hospes (m.a. peningarnir sem fóru í mangið um Hörpuhótelið &#39;Hospes&#39;?),Castos og ekki má gleyma sér Hörpubankanum ´Hringi´ (CircleHarpBank)?

-Ekki má heldur gleyma verkfræðinga-og vertakaklúðrinu (ónýti glerstássveggurinn/suðurveggur) sem við ´alsaklausir´ skattgreiðendur fengum að vera með í að borga !

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Er ekki kominn tími til að setja hálfanmilljarð í Hörpuhrap  sem fastan lið í fjármálaáætlun ríksisins?

Bárumótabrenna

"Bára Halldórsdóttir eyddi upprunalegu Klausturs-upptökunni með viðhöfn á Gauknum í gærkvöldi. Með úrskurði Persónuverndar var Báru gert að eyða upptöku sinni. Vitni þurfa að vera að eyðingu slíkra gagna og ákvað Bára að slá því upp í sýningu með heitinu Báramótabrenna. Margrét Erla Maack dansari túlkaði eldinn á listrænan hátt. FRÉTTABLAÐIÐ/ERNIR"

Er þessi sandkassaleikur Persónuverndar fyrir fullorðana eða bannaður yfir 12 ára?

Vonandi eru til nóg af afritum úti um allt svo blautlegir draumar þingmanna um hitt kynið á þingi og langanir þeirra gleymist ekki. Það þótti nú víst einu sinni mannsbragur að því að sýni hinu kyninu athygli en það er víst búið að banna það alveg.

En hvaða tilgangur var með þessari fyrirskipun Helgu Þórisdóttur? Hver græddi mest á framkvæmdinni. Miðflokkurinn eða Bárumótabrennan á Gauknum?

 

Reiknivél Tryggingastofnunar

er allgóð en vildi samt festast í fjármagnstekjum 100.000 kr. af ástæðum sem ég fann ekki.

Ég skellti mér í hana með fjóra tilbúna einstaklinga:

1, Vann svart alla ævi, borgaði aldrei neitt
í lífeyrissjóði
Aðeins Ellilífeyrir	240185
frádregin staðgreiðsla	-35203
Samtals ráðstöfunartekjur	212902
2. Næsti maður vann alla ævi löglega
Ellilífeyrir og 250000 lífeyrissjóður	146855
frádreginn skattur	-54248
persónuafsláttur	54248
samtals frá TR	146855
Greiðsla frá lífeyrissjóði	250000
frádregin staðgreiðsla	-92350
Samtals ráðstöfunartekjur	304505
3.maður vann löglega alla ævi
Ellilífeyrir, 250.000 lífeyrissjóður
og svo seldur sumarbústaður
Ellilífeyrir	101855
greiðslur frá lífeyrissjóði	250000
frádreginn skattur	-92350
Fjármagnstekjur	100000
frádreginn  fjármagnstekjuskattur	-22000
Samtals ráðstöfunartekjur	337505
4.maður vann löglega alla ævi
Ellilífeyrir, 400.000 lífeyrissjóður
og svo seldur sumarbústaður
Ellilífeyrir	0
greiðslur frá lífeyrissjóði	400000
frádreginn skattur	-147760
Fjármagnstekjur	100000
frádreginn  fjármagnstekjuskattur	-22000
Samtals ráðstöfunartekjur	330240

Athugið að allar greiðslur falla niður frá T.R. þegar aðrar tekjur fara yfir 500.000 og ráðstöfunartekjur minnka.

 

Þá sér maður hversu langt maður er kominn frá árdaga lífeyrissjóðanna, þegar manni var sagt að þetta væri kerfi sem ætti að bæta upp slaka elliaðstoð ríkisins.

Nú svarar Bjarni Benediktsson því að tryggingakerfið eigi fyrst og fremst að halda utan um þá sem ekkert annað hafa en strípaðan ellilífeyrinn. Sem getur verið af fleiri en einni ástæðu og misgeðslegum. Sumir eru þrælbein en aðrir hafa átt virkilega bágt. 

En aðalatriðið er að það dregur hratt úr aðstoð Tryggingakerfisins ef menn hafa sýnt einhverja fyrirhyggju og heiðarleika í lífinu, önglað saman einhverju til elliáranna og borgað heiðarlega í lífeyrissjóði.

Tökurnar tala sínu máli úr reiknivélinni frá T.R.

Er bloggið enn læst?

eða reynir enginn að skrifa neina athugasemd?

Til hvers var Geysir keyptur?

fyrir mörgum árum?

Vinur minn kom í heimsókn og hafði verið á Geysi um helgina. Þar voru þúsundir á hverasvæðinu: Stór hluti át lax á Hótelinu og jólaköku fyrir þúsundir.

Enginn borgaði neitt til svæðisins eða aðstöðunnar þar. Af hverju ekki?

Hann fór svo fram hjá Kerinu. Þar er fullt allan daginn. Kostar 2 evrur inn án klósetts.

Ef hverju hegðar ríkið sér svona?

Til hvers var Geysir  keyptur ef ríkið getur sóað þúsundum evra yfir daginn vegna aulaháttar meðan útlendingum finnst sjálfsagt að borga fyrir afnot? 

Vonandi fúnkérar

bloggið núna rétt. Hann Árni Matt á Mogganum kom mér til bjargar. 

Ég valdi að samþykkja athugasemdir áður en þær birtast. Sé til, vonandi fúnkérar þetta núna.

Hjálp!

Einhver bloggfróður óskast til að veita mér leiðbeiningar um hvernig ég stjórna athugasemdum. Ég bara finn ekki út úr þessi án þess að allt fari íkross og ég móðgi mína bestu vini.

Ég er alls ekki að loka á málefnavini mína viljandi.Þetta er bara af því að ég er í vandræðum með Gaukinn sem dritar tíu póstum á hvewrt blogg mitt um óskyld málefni og fælir alla vitiborna menn frá. Ef ég gæti samið við hann um að skrifa mest tvær á hvert eitt blogg skyldi ég opna á hann líka.En hann ræður víst ekki við sig alltaf.

 Meiningin er aldrei að loka á ykkur málefnavini mína heldur barasta kann ég ekki á mekaníkkina sem stýrir blogginui.

Ég vildi gjarnarn hafa þetta allt opið  ef viss aðili er ekki að að reyna að eyðileggja fyrir mer allt bloggið við öll tækifæri. Mér er yfirleitt skítsama þó hann sé með svívirðingar og uppnefni á mig persónulega þar sem ég svara honum helst adrei .  Verði hann til friðs þá væri ekkert vandamál

En nú bið ég einhvern fróðan ásjár. Jón Magnússon birtir athugasemdir eftir að hann hefur samþykkt þær. Ég væri alveg til í eitthvað slíkt ef fyrri samingaleið er ekki fær.Mér sýnist Jón Valur kunna þetta líka. 

Getur einhver sagt mér til hvernig ég stilli þetta?. Viss tegund af Browser gerir útilokað að loka á IP-tölur og það notfæra slyngir  Gaukar sér.

Hjálp!

Ef bloggið skyldi vera í baklás og ekki vera hægt að skrifa á athugasemdir þá vinsamlega sendið leiðbeiningarnar á [e-mail]

Hefur CO2 áhrif til hlýnunar?

Kollega Friðrik Hansen veltir áhrifum CO2 til hlýnunar andrúmsloftsins fyrir sér með mæligögnum frá okkur sjálfum:

"En hefur magn CO2 í andrúmslofti einhver áhrif á hitastig jarðar?

Samkvæmt hitastigsmælingum frá Stykkishólmi sem ná aftur til 1798 þá er lítil sem engin fylgni með auknum útblæstri CO2 af mannavöldum og þeim hitastigsbreytingum sem hafa orðið í Stykkishólmi síðustu 221 ár.  

Vissulega hefur hlýnað frá lokum Litlu ísaldarinnar. Þessi hlýnun hófst hér á landi um 1850 skv. hitamælingum frá Stykkishólmi, sjá myndina hér við hliðina. Sömu breytingar á hitastig á tuttugustu öldinni er að finna í mæligögnum um allan heim.  Það hlýnaði fram til 1940. Á þessum árum frá 1850 til 1940 var brennsla jarðefnaeldsneytis lítil sem engin. Í fyrri heimstyrjöldinni, 1914 - 1918, þá voru í notkun örfá tæki sem brenndu olíu. Hermenn fóru sinna ferða gangandi eða á hestbaki. Einstaka lestir og skip knúin gufuvélum voru í notkun. Það stenst því enga skoðun að halda því fram að útblástur CO2 af mannavöldum hafi valdið því að það hlýnaði á þessum árunum. Það var ekki útblástur á CO2 af mannavöldum sem varð þess valdandi að Litlu ísöldinni lauk um 1850 og það byrjaði að hlýna.

 

 

Í upphafi Seinni heimstyrjaldarinnar þegar notkun á jarðefnaeldsneyti fer fyrir alvöru að aukast þá byrjar að kólna. Á árunum 1940-1980 kólnar samfellt og það þrátt fyrir gríðarlega aukningu í útblæstri CO2 á þessu fjörutíu ára tímabili. Á þessum árum má segja að Vesturlönd hafi iðnvæðst með brennslu jarðefnaeldsneytis. Samt kólnaði á þessum árum. Þessi kólnun í þessi 40 ár átti sér stað um allan heim. Hitastigsmælingar í Reykjavík eru í fullu samræmi við mælingarnar í Stykkishólmi. Sjá mynd hér við hliðina. Í Reykjavík þá sést vel hvernig hitnar fram undir 1940 en síðan tekur að kólna og það kólnar fram til 1980. Ef aukinn útblástur CO2 af mannavöldum er að valda hlýnun jarðar af hverju þá þessi kólnun á þessum 40 árum þrátt fyrir þennan mikla aukna útblástur á sama tíma?  

Á árunum 1980 til aldamóta, á þessum 20 árum, þá hlýnar samhliða auknum útblæstri CO2. Á þessum árum gengur tilgátan um hlýnun jarðar vegna útblásturs CO2 af mannavöldum upp. Hlýnunin sem varð frá 1980 til 2000 er svipuð og hún var á árunum fyrir stríð. Nú er álíka hlýtt í Reykjavík og á árunum 1930-1940. Frá aldamótum hefur hins vegar ekkert hlýnað skv. hitamælingum veðurtungla Veðurstofu BNA. Hitastig hefur verið nokkuð stöðugt síðast liðin 20 ár og það þrátt fyrir að aldrei hafi verið dælt jafn miklu af CO2 út í andrúmsloftið og á þessum árum. Á einu tuttugu ára tímabili frá lokum Litlu ísaldarinnar, þ.e. í 20 ár af 169 árum má finna tímabil þar sem tilgátan um  hlýnun jarðar af mannavöldum stenst skoðun. Hitamælingar hin 149 árin benda hins vegar til þess gagnstæða.  

Horfandi á þessar hitamælingar frá Stykkishólmi og Reykjavík þá er það mér mjög erfitt að að trúa því að aukið magn CO2 í andrúmslofti sé að hafa áhrif á hitastig jarðar. Okkar eigin mæligögn segja okkur aðra sögu. CO2 er ekki að hafa nein áhrif. Ef það er farið í þá vegferð að breyta og falsa þessi mæligögn þá má að sjálfsögðu sýna fram á hvað sem er. Allt bendir til þess að Loftlagsráð SÞ, IPCC, notist við breytt mæligögn frá veðurstöðvum um allan heim til að sanna tilgátuna um hlýnun jarðar af mannavöldum. Sjá meðfylgjandi mynd og sjá þennan tengil hér. Óbreyttar mælingar frá Reykjavík eru merktar GISS 2012 á þessari mynd. Mælingar merktar GISS 2013 hefur verið breytt verulega. Hlýnunin milli 1930-1940 er horfin og kólnunin kringum 1980 hefur verið minnkuð. Allt bendir því miður til þess að spálíkön Loftlagsráðs SÞ, IPCC, notist við breyttar hitamælingar og eru að spá "hamfarahlýnun" á komandi árum á grunni þessara breyttu gagna.  

Það er kannski ekki að undra að mesta tækniþjóð okkar tíma og ein sú best menntaða, sú Bandaríska, að þar hafa stjórnvöld og mikill meiri hluti vísindasamfélagsins sem láta sig þessi mál varða (sjá hér 31.487 trúa ekki á tilgátuna og hér 800 trúa á tilgátuna) hafnað tilgátunni um hlýnun jarðar af mannavöldum og þjóðin sagt sig frá Parísarsamkomulaginu og öllu samstarfi við Loftlagsráð SÞ, IPCC. Brasilía, Indónesía og Ástralía íhuga að gera það sama. Erindreka IPCC sem hingað koma með heimsendaspár byggðar á fölsuðum mæligögnum frá Íslandi eigum við að senda til síns heima. Við eigum að horfa á staðreyndir og okkar eigin ófölsuð hitamælingar sem sýna og sanna að breytingar á hitastigi hér á landi eru óháðar magni CO2 í andrúmslofti. Á grunni þessara gagna eigum við að spyrja okkur hvort við eigum að fylgja fordæmi BNA og segja okkur frá Parísarsamkomulaginu. "

Er ekki  ástæða til að láta af samhljóma jarmi um það að niðurstaða um hnattræna hlýnun vegna útblásturs gróðurhúsalogtegunda sé þegar fengin?

Hversvegna var Vatnajökull í tvennu lagi um landnám og nefndist Klofajökull? Hvað olli Rómverska hlýskeiðinu? Eða hvað olli kuldaskeiðinu Maumnder Minimum á miðöldum til Vesturfara Íslendinga þegar hungusneyð varð vegna kulda?

Er sólin hlutlaus í veðurfari jarðar?

Ég trúi Kollega Friðrik Hansen betur en Grétu Thurman og einhverju Austurvallakrökkum um áhrif CO2 á andrúmsloftið.

Konungsgarður þröngur útgöngu?

er Pétur á Sögu að velta fyrir sér og vill yfirfæra það á það að Sjálfstæðisflokkurinn haldi alltaf sínu í skoðanakönnunum. Hann spurði hvort það væri svona erfitt að ganga úr flokknum?

Það er ekki svo Pétur góður.

Bjarni Ben sagði við okkur i Sjálfstæðishúsinu í gamla daga með Jóhann Hafstein sér við hlið: " Munið þið  piltar að þó við séum vondir þá eru  aðrir verri."

Halda menn virkilega  að nokkur sjálfstæðismaður sem í þeim flokki hefur starfað af hugsjónum sínum að fyrirbrigði eins og þeir Píratar,  Þórhildur Sunna, Björn Leví, Helgi Hrafn, Halldóra Mogensen eða Smári McCarthy geti komið til greina sem valkostur við það að kjósa Sjálfstæðisflokkinn  hvaða frambjóðandi svo  sem í boði væri og hversu slakur? Eða að kjósa Helgu Völu eða Loga Má, Ingu Sæland osfrv.? NEVER!

Sá maður myndi aldrei fara svo á kjörstað að hann tæki upp vopn gegn sínum gamla flokki. Þetta kjarnafylgi fer aldrei frá flokknum sínum, svo gersamlega eru menn handgengnir sjálfstæðisstefnunni sinni.

Lausafylgi flokksins sveiflast til og frá. Það veltur mikið á forystumönnunum hvort þeir sækja inn á þessi svið. Hundleiðinlegt fólk og húmorlaust aflar ekki atkvæða því það hefur ekki kjörþokka sem til þarf.

Davíð sópaði sviðið með sjarma sínum, húmor og hæfileikum. Núverandi forystulið er ekki að takast þetta í neinum mæli heldur búa bara að þessu fastafylgi en afla varla  nýrra liðsmanna þar sem það vantar eitthvað.

Kyrrstaðan í fylginu er ekki af því að það sé svona erfitt að ganga úr  flokknum pappírslega eða konungsgarður sé eitthvað þröngur útgöngu heldur eru valkostirnir sem eru til sýnis niðri á Alþingi svo hræðilegir. 

  

Kjarni O3 málsins

kemur fram í Staksteinum Morgunblaðsins í dag:

"Því er haldið fram að engin hætta sé á ferðum vegna þriðja orkupakkans vegna þess að Alþingi muni ákveða að Alþingi þurfi að veita leyfi fyrir raforkusæstreng, annars verði hann ekki lagður.

Í því sambandi er athyglisvert það sem Arnar Þór Jónsson héraðsdómari ritaði um þetta mál í liðinni viku í framhaldi af viðtali við Katrínu Jakobsdóttur forsætisráðherra, þar sem Katrín sagðist ekki vilja sæstrenginn en að allir lögfræðingar væru sammála um að þriðji orkupakkinn fæli ekki í sér sæstreng nema með ákvörðun þingsins.

Arnar Þór segist ekki treysta sér til að tala fyrir munn allra lögfræðinga eins og forsætisráðherrann, en bendir á:

„Fyrirvarar Alþingis munu engu skipta þegar búið verður að fjármagna þennan sæstreng (hvort sem það verður innlent eða erlent fyrirtæki sem gerir það). Ástæðan er sú að ef íslenska ríkið reynir þá enn að standa í vegi fyrir því að strengurinn verði lagður mun verða höfðað samningsbrotamál gegn Íslandi. Íslenska ríkið mun augljóslega tapa því máli þar sem orka er vara, sbr. fjórfrelsisákvæðið um frjálst flæði á vörum.

Þetta er nokkuð sem menn hefðu þurft að ræða heiðarlega (og ítarlegar) á fyrri stigum. Í framhaldinu hefði þá verið hægt að ræða efnislega um hagkvæmni / kostnað, kosti / galla þess að senda íslenska raforku til annarra landa.

Í þeim þætti umræðunnar hefðu íslenskir stjórnmálamenn a.m.k. fastara land undir fótum en forsætisráðherrann hefur í þessu viðtali.“

Það sem ég hef aldrei skilið í málflutningi stjórnarliða er það, að inntak orkupakkans er að koma á sameiginlegum innri orkumarkaði yfir landamæri. 

Af hverju við erum að samþykkja þessa stefnu ef við ætlum ekki að virða þetta?

Er það heiðarlegt og okkur sæmandi?

Arnar bendir á að hægt sé að lögsækja okkur ef við ætlum að brjóta samninginn eftir að við höfum undirgengist ákvæði hans um frjálst flæði orkunnar sem annarra þátta.

Sæstrengir koma, héðan og frá Grænlandi ef þeir reynast hagkvæmir. Þjóðin mun samþykkja ef hún græðir á þessu í heildina tekið.

Það er kjarni O3 málsins.