Það sem við skuldum Afgönunum?

er fyrirsögn á mikilli grein í Mogga í dag.

Ekki er nóg með það heldur eru allar veitur fullar af því að við skuldum Afgönum framfærslu vegna þess að við reyndum að hjálpa þeim og frelsa frá Talibönum en tókst ekki.

Guðni Forseti er meira að segja farinn að senda út opna gestalista.

Manni skilst að allir Afganir sem tóku þátt í hermanginu á þessu tuttugu árum geti átt yfir sér að þola píslir fyrir.

Hér talar því hver uppí annan að bjóða þeim kost og logi á okkar sósíal, helst ótakmarkað svo að Sema Erla þarf ekki einu sinni að segja neitt í yfirboðunum.

Skulda íslenskir hermangarar sem mökuðu krókinn á Keflavík hjá Kananum okkur hinum kannski ekki hlutdeild í gróðanum?

Í ofangreindri Morgunblaðsgrein er lýst hvernig hermangari í Afganistan verður feitur af svindlinu.

Skuldum við honum eitthvað? Eigum við að sjá fyrir honum hér eftir?

Eða á hann ekki að svara til saka hjá Talíbönum? Er hann ekki bara  landráðamaður í þeirra augum?

Af hverju eigum við að fara að borga fyrir afganska svindlara og fjárplóga? Að menn túlkuðu fyrir Ingibjörgu Sólrúnu og fengu greitt fyrir er allt í einu orðið bótaskylt af okkur?

Er ekki nær að þetta fólk greiði skuldir sínar við afganskt land og þjóð og fari að vinna fyrir þetta?

Hversvegna erum við núna upptekin af því að fara að gera eitthvað sérstakt fyrir fólk sem ekki skuldar okkar neitt né við því heldur?

Var það ekki bara statt þarna þegar heimurinn ætlaði að skaffa Afgönum vestrænt frelsi og democrazy sem ekki tókst. Eigum við að fara að borga fyrir Biden og alla þessa Forseta sem gerðu í buxurnar í Afganistan?

Er það eitthvað okkar mál ef Talíbanar ætla að kúga konur? Hafa engir séð hvernig konur eru meðhöndlaðar i öðrum Múslímaríkjum. Nánast umgangast villimennirnir þær eins og skepnur eins og ég hef horft upp á.

Ég legg til að við hættum þessu tali um að við skuldum þessu fólki eitthvað. Það á ekkert hjá okkur og látum það vera heima hjá sér og í þjóðhöllum störfum þar en ekki hér.

Við breytum ekki svartskeggjuðum fávitum og villimönnum úr flokki Talibana né ráðum við nokkru um þeirra ferli. Komum okkur bara sem lengst í burt frá þessu pakki.

Við skuldum því akkúrat ekki neitt og verði það bara um kyrrt heima hjá sér.

Þórir S. Gröndal email?

veit það einhver?

Sú góðhjartaða

Rósa Björk Brynjólfsdóttir, sem sveik flokkssystkini sín og kjósendur  án þess að depla auga, er nú þess um komin að úthella samúð yfir Afgani og býður þeim hingað í fjölda af sérstakri göfugmennsku sinni. 

Hún skrifar í Fréttablaðið boðsbréf svofellt:

"Mikil óvissa ríkir í Afganistan og algjört áfall að talíbanar hafi lagt landið undir sig.

Eins og í öllum stríðum hafa átökin síðustu 20 ár bitnað mest á saklausum íbúum landsins. Konur og börn eru 80% þeirra tæplega 3 milljóna Afgana sem hafa flúið heimili sín frá því stríðið hófst. Fjöldi Afgana sem flýja til Evrópu hefur vaxið mikið og sérstaklega afganskra barna á flótta.

Þátttaka Íslands í Afganistan var ein umfangsmesta aðkoma okkar að verkefni öryggismála, endurreisnar og eflingu stjórnarfars í erlendu ríki. Landið er eitt af okkar áherslulöndum í þróunarsamvinnu og áherslan á stuðning við afganskar konur og jafnréttismál. Vegna stuðnings íslenskra stjórnvalda við innrásina í Afganistan og þátttöku í friðargæslu, berum við ábyrgð og skyldu til að sýna Afgönum stuðning.

Ekki bara af því að það er hluti af okkar skyldum á alþjóðavettvangi, heldur af því við tókum þátt í því að byggja landið upp eftir stríðsátök.

Nú þegar bæði félagsmálaráðherra og forsætisráðherra hafa lýst því yfir að skoða þurfi nánar móttöku afganskra flóttamanna, þá er rétt að minna á að þessir ráðherrar lofuðu 2019 að taka á móti viðkvæmum hópum afganskra flóttamanna en þau loforð hafa ekki raungerst.

Eins og loforð sömu ráðherra um móttöku barna á flótta í Moria-flóttamannabúðunum sem brunnu til grunna á síðasta ári. Ekkert hefur spurst til þeirra flóttabarna næstum ári síðar. Trúverðugleikinn í málefnum flóttafólks er því ekki mikill. Við þurfum að ákveða strax hvers konar stuðningur gagnast Afgönum í neyð sem okkur ber að styðja við, til dæmis móttaka kvenna og barna og samstarfsfólks Íslendinga í Afganistan.

Við verðum að vinna þétt með hinum Norðurlöndunum, Flóttamannastofnun S.Þ., ESB og taka virkan þátt í umræðum á vettvangi NATO, hjá Sameinuðu þjóðunum og í Mannréttindaráði S.Þ. Setjum núna sérstakan fókus á málefni flóttamanna frá Afganistan og ákveðum strax að setja umsóknir Afgana sem hafa sótt um hæli hér á landi í forgang.

Styðjum Afgana út frá ábyrgð okkar og reynslu. "

Hún telur sig þess umkomna að þenja samúð sína yfir fyrrum flokkssystur Katrínu Jakobsdóttur og segja henni fyrir verkum.Hún þruglar um ábyrgð og skyldur sem sjálf sýndi slíku algera fyrirlitningu.

Mikil lifandis ósköp er manneskja með svona sjálfhverfa skapgerð sem ekkert sér nema eigin fram og frægð mér á móti skapi. Mér finnst óhugnanlegt ef kjósendur meta einskis heillyndi slíkrar manneskju þegar kemur að kjörborði í haust.

Manneskju sem skiptir um flokk og fylgismenn eins og aðrir skipta um sokka.

Og sýnu verra er ef hún á að stjórna því að hingað snjói inn Afgönum sem fengu vinnu á vegum Íslendinga í sinni heimabyggð?

Hvaða skuldbindingar höfum við gagnvart þessu fólki?Verður fólk ekki að taka ábyrgð á sjálfu sér?

Séu þetta landráðamenn í augum Talibana þá er þetta fólk ekkert sem okkur við kemur. Það hlýtur að taka ábyrgð á sjálfu sér og sínum gjörðum alveg eins og hver maður annar.

Allavega er karakter, hentistefna og góðhjarta Rósu Bjarkar  ekki af þeirri gerð að ég marki mikið.

Fleiri veirur eða færri?

þegar skólarnir verða settir?

Verður þeim ekki lokað aftur fljótlega ef fleiri veirur en ekki færri verða kannski staðreynd?

Aflétting sóttvarnaaðgerða er talin óraunhæf núna heyrist manni á Þórólfi.

Hvað þá spyr maður sig?

En verður skólasetningin  væntanlega eitthvað öðruvísi? Fjarlægðarmörk, fjöldatakmarkanir?

Erum við ekki bara að fremja heilbrigðislegt sjálfsmorð með því að fresta henni ekki?

Er eitthvað svo áríðandi á Íslandi að ekki megi fresta því eins og Einar Oddur spurði sig að?

Býst einhver við færri veirum við skólasetninguna heldur en fleirum?

Viðtal við Björn Zoëga

er á vefsíðu Mogga.

Þar kennir margra grasa sem eru í ósamræmi við útgefna speki allskyns kellinga á Útvarpi Sögu og Bloggsíðum.

Mikill hávaði er í kring um það áð banna bólusetningar.Björn upplýsir að enginn bólusettur liggur inni á gjörgæslu á Karólínska.

Enn fremur að launakostnaður er þar 50 % meðan hann er 78 % hér. Ég tek fram að ég heyri kannski ekki allt rétt. Björn leggur hinsvegar áherslu á að að auka við það sem snertir sjúklingana en minnka skriffinskuna þar fyrir utan, jafnvel óþarfa afskipti lækna.

Það hafa allir gott af Því að hlýða á þetta viðtal við Björn Zoëga á Moggasíðunni til að komast frá þeirri blindu trú að framleiðni sé ávallt í hlutfalli við það sem borgað er.

 

 

Hvað myndi Biden gera?

ef hryðjuverk verða aftur rakin til Afganistan?

Tora Bora?

Eða er nokkur hætta á að slíkt gerist þegar þarf að byggja upp eiturlyfjaiðnaðinn í landinu og útflutninginn til Bandaríkjanna?Munu Talibanar ekki hafa viðkptavit?

En hvað myndi Biden gera?

Merkið fundið

í hlíðinni fyrir ofan vegamótin á Reykjanesbraut og Grindavíkurvegi.

EN merkið er bara talsvert hátt í hlíðinni og torfæruvegur upp. Virðist ekki vera ætlaður fyrir bíla þó að ekkert bannskilti sé í augsýn. Þarf ekki að vera þarna vandaður vegur og bílaplan efra?

Varla er ætlunin að bara frískt göngufólk eigi að fá aðgang? Á ekki að leyfa þungfærum að keyra að merkinu til að sjá það? 

Er ekki æskilegt að sem flestir geti komið að minnismerkinu og kannski lagt eitthvað þar í sjóð því til viðhalds og viðgangs? Ég gæti séð fyrir mér að þarna væri flaggað á tyllidögum með stórum þjóðfánum sem vektu athygli ferðalanga? Allt slíkt kostar og því þarf samskot á staðnum.

En fyrsta skrefið er að merkið er fundið á veglegum framtíðarstað.

Kabúl fallin

og Talibanar komnir til valda í Afganistan.Miðaldamyrkrið hefur færst yfir landið og konurnar verða undirdánugast klæddar í svarta ruslapoka frá hvirfli til ilja.

Það er svo sem ekkert að trufla mig sérstaklega, þessi heimski múslímalýður á ekkert betra skilið en svona stjórnarfar.

Það sem mig langar hinsvegar að vita er hversu mörgum Afganskra flóttamanna  Sema Erla ætlar að sturta i hingað inn á okkar sósíal. Því Talibanar eru sagðir stúta þeim hiklaust sem unnu fyrir óvinina eins og Íslendinga þegar átti að kenna þessum fávísu múslímum vestrænt lýðræði að bandarískum hætti.Það verður því væntanlega mikið spjallað um mannúðarsjónarmið á Íslandi á næstunni.

Vestræn lönd ættu að fara að gera sér ljóst að það er erfitt að semja við múslíma nema í gegn um byssuhlaup. Það er erfitt að skilja það að æðstu prestar múslima í Íran telji það myndi Guði þóknanlegast að sjá TelAviv líta út eins og Hirosíma 1945. Eina sem myndi hindra klerkana í  slíkri framkvæmd væri ótti við andsvör í stíl, ef að þá dygði.

Afganistan verður nú mikilvirkt útflutningsland Heróins þannig að þeir munu ekki einangrast viðskiptalega. Formyrkvun fáfræði, illsku  og heimsku hefur hinsvegar lagst yfir landið sem ekki verður að gert með góðu.

Kabúl  er fallin og fjandinn er laus á  alþjóðavísu og í Útlendingastofnun Íslands.

Eitthvað var það!

Fréttir

Laugardagur 17. apríl 2021 kl. 06:31

Minnisvarðinn um „Hot Stuff“ færður

Minnisvarði um „Hot Stuff“, bandaríska sprengjuflugvél af gerðinni B-24D Liberator, sem fórst á Fagradalsfjalli árið 1943 verður færður á næstu vikum úr hrauninu við Grindavíkurveg og upp fyrir Reykjanesbraut. Minnisvarðinn var afhjúpaður fyrir þremur árum, þegar 75 ár voru frá slysinu. Eftir að breytingar voru gerðar á Grindavíkurvegi til að auka umferðaröryggi þá varð aðgengi að minnisvarðanum mjög skert.

Undanfarin misseri hefur verið unnið að því að finna minnismerkinu nýjan stað og hann hefur nú verið samþykktur. Ný staðsetning er í hlíðinni upp af gatnamótum Grindavíkurvegar og Reykjanesbrautar. Þorsteinn Marteinsson, áhugamaður um stríðsminjar, segir í samtali við Víkurfréttir að stefnt sé að því að minnisvarðinn verði kominn á nýjan stað fyrir 3. maí næstkomandi.

Minnismerkið er tilkomumikið og skartar meðal annars gríðarlega stórri eftirlíkingu af B-24 Liberator sprengjuflugvélinni úr ryðfríu stáli. Flugvélin var tekin niður af minnismerkinu á dögunum til viðhalds og hreinsunar.

Hinn 3. maí 1943, fórst bandarísk sprengjuflugvél af gerðinni B-24D Liberator sem bar heitið „Hot Stuff“ á Fagradalsfjalli á Reykjanesi. Flugvélin var á leið heim til Bandaríkjanna í fyrirhugaða sigurför sem fyrsta sprengjuflugvélin sem hafði náð ósködduð að fljúga 25 árásarferðir frá Bretlandi yfir meginland Evrópu í seinni heimsstyrjöldinni.

Í fyrstu voru margar slíkar flugvélar skotnar niður af orrustuflugmönnum Þjóðverja og hét Bandríkjaher áhöfnum sprengjuflugvéla sem lykju 25 árásarferðum að þeir fengju að snúa heim. Áhöfn „Hot Stuff“ var sú fyrsta til að ná þessum merka árangri.

Í flugslysinu fórust fjórtán manns, þar á meðal Frank M. Andrews, hershöfðingi og æðsti maður herafla Bandaríkjanna í Evrópu, sem var á leið til Washington til þess að leggja á ráðin um undirbúning innrásar Bandamanna á meginland Evrópu. Einn maður lifði slysið af, George A. Eisel, stélskytta, og var það í annað sinn sem hann komst lífs af úr slíku flugslysi.

Við fráfall Andrews tók Dwight D. Eisenhower, hershöfðingi, við sem æðsti maður herafla Bandaríkjanna í Evrópu og alls herafla bandamanna í Evrópu og stjórnaði innrásinni í Normandí árið eftir. Eisenhower var síðan forseti Bandaríkjanna á árunum 1953 til 1961. Andrews hershöfðingi var ötull talsmaður þess að bandaríski flugherinn yrði gerður að sjálfstæðri liðsdeild og er honum jafnan eignaður heiðurinn að því að sú skipan komst á árið 1947.

Var Andrews herflugvöllurinn í Maryland, aðsetur einkaflugvélar Bandaríkjaforseta, Air Force One, nefndur til heiðurs honum. Bandaríska herstjórnin á Íslandi nefndi nýreist íþróttahús við Hálogaland í Reykjavík Andrews Memorial Field House til heiðurs hershöfðingjanum en húsið var helsta íþróttahús höfuðborgarinnar í tvo áratugi eftir stríðið. Varnarliðið nefndi einnig samkomuhús sitt á Keflavíkurflugvelli (nú Ásbrú) Andrews Theater til heiðurs Andrews hershöfðingja.

Minnisvarðinn sem nú verður færður á nýjan stað var reistur að frumkvæði Bandaríkjamannsins Jim Lux og ættingja þeirra sem fórust, með aðstoð Þorsteins og Ólafs Marteinssona, en allir eru þeir miklir áhugamenn um flugvélar og flugsögu seinni heimstyrjaldarinnar.

Búið er að taka flugvélina af minnismerkinu til viðhalds og hreinsunar.

Eitthvað er samt galið við þetta úr því að ég keyri framhjá þessu ítrekað  á leð til Grindavíkur.

Þetta er illa merkt. Þarna þarf að vera hægt að stoppa og styrkja merkið með framlagi í sjóð, bæði bauk og posa finnst mér við hæfi. Alla wega hafa þetta þannig að menn keyri ekki blint framhjá þessu. . 

 

Hvað skeður við skólahald?

Tómas Guðbjartsson er ómyrkur í máli hvað hefði gerst ef þjóðhátíð hefði verið framin í Vestmannaeyjum.

"Hefði getað farið mjög illa á stórum útihátíðum

Tómas segist þakklátur fyrir að stórar útihátíðir hafi verið blásnar af þessa Verslunarmannahelgina. Hann telur afleiðingarnar hefðu getað verið skelfilegar, til dæmis ef  veiran hefði náð sér á strik á Þjóðhátíð í Vestmannaeyjum.

Ekki lengur gjafir eða klapp fyrir heilbrigðisstarfsfólk

„Það er rosalegur pirringur í fólki“ segir Tómas. Hann segir andrúmsloftið annað í þessari bylgju en í hinum fyrri. Engar gjafir berist á Landspítala og enginn klappi fyrir heilbrigðisstarfsfólki. Nú séu einnig miklu færri sjálfboðaliðar, fólk sé þreyttara og pirraðara.

„Meiriháttar mál að koma sjúklingum úr hjartaaðgerð á gjörgæslu“

„Ég er auðvitað ekki í allra fremstu línunni sem hjartaskurðlæknir“ segir Tómas. Hann segir þó það sé til dæmis búið að vera mjög erfitt að koma fólki á gjörgæslu eftir hjartaaðgerðir.

„Ég var til dæmis að gera átta klukkustunda aðgerð í gær á sjúklingi sem ekki var með Covid. Það var bara meiriháttar mál að koma honum inn á gjörgæsluna vegna þess að gjörgæslurnar hérna í Reykjavík eru nú eiginlega fullar af Covid sjúklingum“ segir Tómas.

„Það er til pláss á gjörgæslu til þess að hafa um það bil tuttugu rými, það sem vantar er starfsfólk“ segir Tómas. Hann lýsir því að í fyrstu bylgju faraldursins hafi verið ljóst í hvað stefndi og þá hafi verið mögulegt að styrkja heilbrigðiskerfið.

Viljum ekki þurfa að vísa frá deyjandi fólki

Í öðrum löndum segir Tómas heilbrigðiskerfi hafa hrunið í fyrstu bylgjum faraldursins, þar sem þurfti hreinlega að flokka fólk sem mátti leggjast inn á gjörgæslu og aðrir voru sendir heim með verkjastillandi og var ekki hugað líf. „Viljum við þetta á Íslandi? Nei.“

Spurður hvað þurfi að gera segir Tómas vandann greinilega felast í vöntun á mannskap á spítalann. „Það þarf að koma skýrt frá stjórnvöldum það verði hægt að kalla fólk úr fríi - og borga því almennileg laun“ segir Tómas.

En verður skólasetningin  væntanlega eitthvað öðruvísi? Erum við ekki bara að fremja heilbrigðislegt sjálfsmorð með því að fresta henni ekki?

Er eitthvað svo áríðandi á Íslandi að ekki megi fresta því eins og Einar Oddur spurði sig að?