Hræðsluáróður Icesave

dynur á okkur dag og nátt. Ef við ekki skrifum undir förum við sjálfkrafa dómstólaleiðina segja Baugstíðindi. Ekkert annað er í boði. Engir frekari samningar.

En hvaða dómstólar ?

Okkur er sagt að dómur EFTA-eða Evrópudómstólanna muni ekki verða aðfararhæfir hérlendis. Eina dómstólaleiðin sem getur skilað aðfararhæfum árangri  fyrir Breta og Hollendinga er íslenskur dómur eins og Héraðsdómur Reykjavíkjur á Lækjartorgi og svo Hæstiréttur. Erum við sannfærðir um að tapa þar? Trúum við ekki á okkar málstað ?

Eða geta Bretar hugsanlega stefnt okkur fyrir breskan dómstól eins og Jón Ólafsson gerði við Hannes Hólmstein?  Gert síðan lögtak í sendiráðinu eða öðrum eignum ríkisisns íslenska á Bretlandi? Gefið út handtökuskipanir á íslenska menn eða tekið togara ? Sett löndunarbann? Gert innrás í Landhelgina og kvótann ? 

Víða njótum við Íslendingar vaxandi samúðar í Icesave málinu. Fólk er farið að skilja um hvað málið snýst.  En hvað með okkar skaða? Singer og Friedlander  og Heritable bankana sem Bretar eyðilögðu fyrir okkur? Allt tjónið sem við urðum fyrir vegna hryðjuverkalaga Gordons Brown? Eigum við ekki að stefna honum fyrir einhvern Landsdóm eins og Geir Haarde?

 Eru Íslendingar bara þolendur í málinu? Gerði enginn okkur neitt ? Trúum við hræðsluáróðri Evrópusinnanna ?

Þrjár þjóðir?

var ég að skrifa um hér áðan. Svo kemur frétt á Eyjunni:

"Formaður skilanefndar Glitnis, Árni Tómasson, neitar að upplýsa um launahækkun þá er bæði slitastjórn og skilanefnd Glitnis eru sögð hafa skammtað sér nýlega samkvæmt upplýsingum DV. Sömu heimildir segja útselda klukkustund nú kosta 35 þúsund krónur."

Svo halda menn að þessar nefndir muni hætta störfum sjálfviljugar? Þetta er "hin Nýja Stétt" Þriðja þjóðin.

Evran í 220?

fyrir ágústlok ef meiningin er að aflétta gjaldeyrishöftunum þá.  Aflandsmarkaðurinn er sagður vera með 250 kall þegar evran er skráð á 160 kall hjá Mávi. Ekki þarf mikinn spámann til að sjá hvað til þarf eigi þessi dæmi að ganga upp.

Ekki hef ég hugmynd um hversu margir versla á aflandsmarkaðnum þar sem evran kostar 250 kall eða svo. Þó finnst mér ólíklegt að alþjóðleg sjávarútvegsfyrirtæki séu að skila meiri gjaldeyri en þeir þurfa á 160 krónu gengi Seðlabankans ef hægt er að gera millilendingu á aflandsmarkaðnum. Svo er sagt að ýmsir útvaldir hafi getað komið sér upp arðbærum hringekjum með góðum árangri. En það kemur ekki á dagskrá fyrr en löngu síðar.

Svo tala menn um "kjarasamninga" hér innanlands. Valdar stéttir munu auðvitað geta tryggt sér evrulaun við þessar  aðstæður. Það verða því væntanlega tvær eða þrjár þjóðir í landinu um áramót þar sem ein hefur það fínt, önnur stelur frá þeirri fyrstu og hefur það líka fínt og svo sú þriðja sem er varnarlaus, kölluð aldraðir og öryrkjar við hátíðleg tækifæri. Stóraukinn útflutningur vinnufærs fólks mun verða til þess að forsætisráðherrann geti státað af minnkandi atvinnuleysi í áramótaávarpi sínu. Og Forsetinn muni mæla hlý orð til þjóðarsinnar frá Bessastöðum og biðja hana að örvænta ekki og svo framvegis. 

Hvert verður ástandið í þjóðfélaginu þar sem allt verð lífsnauðsynja hefur hækkað um helming við núverandi tekjustig? Skyldi vöruskiptajöfnuðurinn ekki ná nýjum hæðum? Nægur gjaldeyrisforði við minni eftirspurn? Aukin áhersla ráðamanna á þróunaraðstoð? Aukinn straumur flóttamanna til landsins? Hvaða áhrif mun  gjaldeyrisfrelsi hafa við þær aðstæður? Nýir tímar virðast vera lengra úti en margir sjá.

Var það ekki Napóleon Bonaparte sem reið á hesti sínum inn í franska þinghúsið og barði þingmennina út með flötu sverði sínu þegar þeir höfðu sýnt sig ónýta til allra verka?

Breytum stjórnarskránni !

segir Stjórnlaga-Steingrímur. Nú þarf ekkert sérstakt stjórnlagaþing né Þorvald Gylfason  til þess að taka  þessi málskotsréttindi af Forsetanum, það geti Alþingi gert eitt og sér.   

Steingrímur gaf líka Hæstarétti forskrift um það hvernig  ætti að reikna vexti af ólögmætum gengislánum ef svo bæri undir. Ekki varð annað séð en að Hæstiréttur færi samviskusamlega eftir þessu. Þeirri i skoðun hefur þó verið haldið á lofti á vinstri vængnum að ekki sem íhaldið hefði skipað  flesta dómarana í Hæstarétti  og því væri ekki vitað hvort pólitískir ráðherrar í ríkisstjórn Alþýðulýðveldisins gætu notast við úrskurði hans, til dæmis í umhverfismálum. 

Það er auðvitað engu ráði ráðið í þessu landi nema Steingrímur Jóhann komi til og hans menn sem sífelld áhöld eru þó um hversu margir séu. Allavega er Már í Seðlabankanum og gjaldeyrishöftin verða hér áfram  nema við samþykkjum að taka á okkur Icesave-skuldirnar. Þá er okkur sagt að við fáum meira alþjóðlegt lánstraust og lánshæfismat landsins lagist.  

Sumir velta því fyrir sér hvort "Steingrímskan" kunni að verða viðurkennd hagfræðikenning. En hún virðist vera sú að opinberir starfsmenn geti haldið uppi norrænu velferðarkerfi með auknum sköttum af hærri launum. 

 Væri það ekki  með ólíkindum ef íslenska þjóðin, sem á svo glæstan feril að baki allan sinn lýðveldistíma,  tapaði nú áttum í stjórnarskrárbreytingarumræðu og teldi sér trú um að þær væru það sem helst vantar til lausnar viðblasandi vanda í efnahagsmálum ?  

Taka af honum prófið!

er það sem fréttamönnum dettur fyrst í hug þegar ökumanni á Akureyri fatast aksturinn með því að stíga samtímis á bremsuna og bensínið.

Ég lenti í því sama sjálfur langt fyrir sjötugt og er varla kominn yfir sjokkið ennþá. Ég hætti nú ekki að keyra fyrir því. Sumar bíltegundir eru með ABS kerfi sem lætur bremsuna víkja fyrir vélaraflinu. Bremsupedalinn er alltof nálægt bensíngjöfinni og maður getur ekki stoppað bílinn meðan maður skilur ekki hvað er að gerast. Maður paníkkerar og maður þarf að lenda í þessu sálfur til að skilja hvað þetta er skelfilegt. Fólk hefur keyrt inní búðir, farið í sjóinn og drukknað og svo framvegis vegna þessa.

Að aka bíl er nauðsyn sem flestir geta leyst af hendi án þess að teljandi hætta stafi af fyrir aðra. Það stafar hinsvegar ófyrirséð hætta af mörgu misþroska fólki í umferðinni sem er ekki tæknilegs eðlis heldur sálarleg. Það er furðuleg ályktun fréttamanna að gegn þessu eigi bara að taka prófið af eldri ökumönnum.

Hvernig væri að skoða hvaða bíltegundir lenda í þessu oftar en aðrar? Áður en rokið er til að taka prófið af viðkomandi vegna aldurs.

Tveir til Tangó

er sagt að það þurfi til að hægt sé að skemmta sér. Allt fimbulfamb Ríkisútvarpsins og álitsgjafa þss um það að Íslendingar verði dregnir fyrir hina og þessa stríðsglæpadómstóla vegna Icesave málsins tekur ekki mið af þeirri staðreynd að strákurinn sem á að hengja verður að mæta til þess að eitthvað gerist .

Varnarþing máls á hendur íslenskum stjórnvöldum til að borga með íslensku skattfé getur ekki verið annarsstaðar en á Lækjartorgi. Annað samþykkjum við bara ekki. Þetta er ekki milliríkjadeila í sjálfu sér heldur viðskiptamál íslenskra Landsbankabófa og einstakra lögaðila öðrum löndum.

Allt annað tal er ámóta vitlaust og þegar ráðherrar okkar halda því fram að þeir geti ráðið dagskrá þjóðaratkvæðagreiðslunnar. Bætt spurningum á vagninn í því máli sem Forseti Íslands hefur ákveðið að vísa tlil þjóðarinnar.

Er einhver endir á þeirri vitleysu sem hægt er að bera á borð fyrir okkur?

Hverjir dansa einsmanns Tango sér til árangurs? 

Forundran

mín vex eftir því sem líftími ríkisstjórnar skötuhjúanna Jóhönnu Sigurðardóttur og Steingríms J. Sigfússonar lengist.

Það er eins og þau reikni aldrei með því að neitt fari öðruvísi en þau ráðgera. Margt kemur þeim svo í opna skjaldborg. Þau virðast forundrast það sem óvænt er. Þau virðast eins og þau hafi neitt Plan B uppi í erminni til að grípa til þegar Plan A bregst. Eiginlega merkilegt þegar svo sjóað fólk sem þau eru flugfreyjan og jarðfræðistúdentinn.

Forundrun mín minnkaði ekki þegar Jóhanna varpaði því fram að tilvalið væri að kjósa um stjórnlagaþingið í leiðinni. Manni gæti dottið í hug í framhaldi að kosninguna mætti nota sem eina allsherjar Capacent-könnun um öll hugsanleg mál sem þyrftu úrlausnar við á þjóðmálaplaninu?

Eru engin takmörk fyrir því hvað maður getur forundrast?

Gat Ólafur annað?

Forseti Íslands,  benti á það sem ekki hafði verið mikið rætt.  Umboð þeirra  Alþingismanna,  sem nú afgreiddu Icesave málið hefur ekki verið endurnýjað  frá fyrri afgreiðslu 2010.  

Þjóðin var spurð þá um álit á þeirra verkum. Hún var á annarri skoðun.  Hlaut hún þá ekki að verða spurð aftur núna þegar sömu menn afgreiða sama mál ?

Gat Ólafur annað ?

Kratar aftur á erlendum styrkjum ?

Í Mogga eru þessar fréttir:

"Stuðningsmenn aðildar Íslands að Evrópusambandinu eru iðnir við að stofna samtök, ekki síst svokölluð þverpólitísk samtök.

 

 

Ein slík litu dagsins ljós í vikunni og eru kölluð Já Ísland, en ættu frekar að heita Nei Ísland, eða að minnsta kosti Já Evrópa. Eiginlega allt annað en Já Ísland.

 

 

Þessum já-Evrópusambandssamtökum er ætlað að vera »samnefnari fyrir málefnalega umfjöllun og upplýsingamiðlun um aðild Íslands að ESB og leggja þannig grunn að því að Íslendingar geti tekið upplýsta ákvörðun þegar aðildarsamningur liggur fyrir,« að því er segir í frétt frá samtökunum.

 

 

Þetta er auðvitað mjög trúverðugt, sérstaklega í ljósi heilsíðuauglýsingar samtakanna, þar sem innantómum frösum og öfugmælum var slett fram án nokkurs rökstuðnings..."

Ég sé ekki neinar auglýsingar frá Evrópusinnum í Morrgunblaðinu.

Er fjórum fyrstu milljörðunum frá EU til kynningarátaksins nokkuð stýrt af kontór Samfylkingarinnar?

 

 

Landið er að rísa !

er ein af lygum ríkisstjórnarinnar. Forsætisráherra skrifar öfugmælagrein í Baugstíðindin hægra megin á opnu til vinstri við hina  hæstaréttuðu Svandísi. Samantekið er þarna flestu á haus snúið og málað með bláu ofan á svart.

Hvergi örlar á að efnhagslífið sé almennt að taka við sér. Kísilverksmiðjan á Suðurnesjum er ekki að neinu leyti ríkisstjórninni að þakka. Miklu fremur þrátt fyrir hana og Svandísi. Fjölgun opinberra starfa og skipun samráðshópa  vinnur auðvitað á móti atvinnuleysi og skattekjur af skilanefndunum eilífu halda uppi ríkiskassanum. Lánstraustið fer dagvaxandi ef við bara samþykkjum skuldirnar vegna Icesave.  

Grípum niður í Morgunblaðinu: 

"Nokkuð er um að lögreglan á höfuðborgarsvæðinu sé kölluð út vegna ósættis um tölvunotkun unglinga. Geir Jón Þórisson yfirlögregluþjónn segir að lögregla bregðist við útköllum sem þessum enda þótt hún hafi í nógu öðru að snúast. Hann segir ekki merki um aukið ósætti inni á heimilum, þrátt fyrir aukið atvinnuleysi, bæði meðal yngra fólks og eldra. "

Skyldi Geir Jón  fá ofanígjöf fyrir að segja ekki eitthvað hentugra fyrir ríkisstjórnina? Eins og til dæmis að landið sé að rísa og að Jóhanna sé að skapa 15.000 störf með Svandísi ?

Þöggun Hæstaréttardómanna

af hálfu ríkisstjórnarinnar og fjármálkerfisins  um gengislánin vekja furðu.

Kannski er skýringanna að leita í upplýsingum um útlán Arion-banka fyrir 2009. Þá á bankinn útistandandi lán uupá 667 milljarða. Af þeim eru 411 milljarðar með gengistryggingu. Er afskriftahættan þarna meiri en alþýðuvininum Steingrími J. er þóknanleg? 

Athugum hvað lesa má út úr dómum Hæstaréttar  153/2010:(tölur innan sviga eru innskot höfundar þessa pistils)

"... Talið var að samningur aðila bæri skýrlega með sér að hann væri um

 (1) lán í íslenskum krónum.

(2)Kaupverð bifreiðarinnar og

(3)mánaðarlegar greiðslur voru tilgreind í íslenskum krónum. Þá kom berum orðum fram að íslensk fjárhæð hverrar afborgunar ætti að breytast eftir gengi á þeim erlendu myntum, sem mið var tekið af. Af þessum sökum var talið ótvírætt að samningur aðilanna væri um skuldbindingu í íslenskum krónum og félli hann því undir reglur VI. kafla laga nr. 38/2001"   

 (  (4 )4. skilyrðið hlýtur að vera að  erlendur  gjaldmiðill sé afhentur lántaka vegna einhverra l kaupa sem þurfi gjaldeyri til. Sem sést af (2) að svo var ekki gert í þessu tilviki heldur keypt bifreið í íslenskum krónum.) 

 

 

Sé þessu snúið við  til þess að athuga skilyrði fyrir því að  lán  teljist vera veitt í erlendri mynt, þá  hlýtur að vera að sú krafa sé  gerð   að  sami skilyrðafjöldi  sé uppfylltur: Það er:

 Samningurinn sé  í

  (1)erlendri mynt,  

(2)lánsfjárhæðin sé greidd út í erlendri mynt,  

(3)afborgun  sé  af láninu í erlendri mynt og 

(4) eitthvað sé keypt  fyrir lánsfjárhæðina  í erlendri mynt  

Er þetta rangur skilningur ?

 

Nú eru bankarnir í óða önn að fá fólk sem skuldar erelnd lán til að skrifa undir allskyns breytingar og réttindaafsal. Menn gleyma því gjarnan að Banki er einskis manns vinur eða bakhjarl eins og þeir auglýsa. Þeir eru gróðafyrirtæki sem hugsa um eigin hag en ekki þinn. Lán frá þeim er yfirleitt þitt ólán. Faðmlag Bankans er þér banvænt. Þú greiðir fyrir alla vináttuna sjálfur.

Bankarnir  vita þetta best sjálfir og eyða því gríðarlegri orku í að sannfæra þig um allt annað. Hugsaðu andartak um það sem bankinn gerir fyrir þig áður en þú trúir auglýsingaglamrinu og siðferðisyfirlýsingunum.

Íslendingar eru líklega trúgjarnasta þjóð í heimi. Þetta lýsir sér meðal annars í ofvexti íslenska bankakerfisins. Það er 22/7 sinnum mannfrekara en bandaríska bankakerfið og útbúin eru 22/7 sinnum fleiri hér en í Bandaríkjunum. Með miklu minni veltu.

Það er skiljanlegt að reynt sé að þagga niður Hæstaréttardómana sem hafa fallið um gengistryggðu lánin. Þau voru bönnuð með lögum nr.38/2001.

Það ætti engin  þöggun að umlykja þetta.

Hinkraðu aðeins herra Forseti !

meðan við söfnum fleiri undirskriftum. Þær verða komnar yfir fimmtíuþúsund í næstu viku. 70 % landsmanna vilja þjóðaratkvæði samkvæmt nýjustu skoðanakönnun.

Allir sem vilja stuðla að þjóðaratkvæði spyrji sitt nánasta umhverfi: Ertu búinn að kjósa. Ef svo er ekki, þá skaltu bjóðast til að aðstoða úr þinni tölvu. Ég hitti sjálfur fjóra í morgun sem ekki höfðu tölvur en vildu endilega greiða atkvæði. Ég gat liðsinnt þeim. Allt fullorðið fólk sem við þurfum að sinna sérstaklega. Þetta fólk er ekki að hugsa um sig sjálft heldur barnabörnin sem eiga að búa við skert velferðarkerfi í framtíðinni vegna Icesave-greiðslanna.

Hinkraðu aðeins  herra Forseti !