Evrópuherinn

er loksins að taka á sig mynd. Eftir algera uppgjöf EBE í Balkanskagadeilunni um árið þá varð það deginum ljósara hversu ónýtt bandalagið var til hervirkja.Svo segir í fréttum:

 

"..;Tæplega fjögur þúsund hermenn, 18 flugvélar og 105 farartæki stunduðu hernaðaræfingar við Senegal undir merkjum Evrópuhersins. Samkvæmt vefsíðum sem fylgjast með hernaði og vígbúnaði er hernaðarsamstarf Evrópusambandsins að taka á sig ákveðnari mynd eftir að skipulagsform var ákveðið í byrjun aldar.

 

 

The IAE was founded in 2000 by Britain, France, Italy, the Netherlands and Spain to boost European amphibious capacity which can be used by the European Union or within the NATO framework.

 

 

Hernaðaráætlanir Evrópusambandsins gera ráð fyrir 50 til 60 þúsund manna hraðliði sem getur með skömmum fyrirvara mætt á átakasvæði.

 

 

Eða eins og segir í umfjöllun sérfræðingaUnder this objective (known as the "Helsinki Headline Goal"),the Member States undertook to be able todeploy rapidly (within 60 days) andsustain (for at least one year)military forces capable of the full range of Petersberg tasks as set out in the Amsterdam Treaty [humanitarian and rescue tasks, peacekeeping, and crisis management – including peace-making], including those which would requiresignificant forces of up to corps level (up to 15 brigades, or 50 000 to 60 000 persons).

 

The Member States must also be able to deploy smaller rapid response elements with very high readiness. These forces must be self-sustaining, with the necessary command, control and intelligence capabilities, logistics, other combat support services and additionally, as appropriate, air and naval elements. The Member States of the European Union have also established common capability goals (command and control, reconnaissance and strategic transport).

 

Lissabonsáttmálinn skaut traustari stoðum undir hernaðaruppbyggingu Evrópusambandsins

 

Eitt af því jákvæða sem ég hef séð við Evrópubandalagið er að Íslendingar axli skyldur sínar í samfélagi þjóða með því að taka að fullu þátt í hernaðarsamvinnu með öðrum löndum en séu ekki bara í hlutverki kvenna og barna að baki átakanna vegna einhverra séraðstæðna. Þeir menn sem ákafast hafa andmælt hernaðarþátttöku Íslands sem meðlimaríkis, eins og vinur minn sr. Þórir Stephensen,  munu því geta látið af þeirri baráttu. Enda full þörf fyrir herpresta sem ritstjóra í nútíma herjum.Íslensk ungmenni geta varla haft annað en gott af því að fá að kynnast heraga. En margur galdinn folinn hefur skipast við slík kynni.

 

Evrópuherinn er því eitt það skásta sem ég hef séð sem getur breytt þessu aulabandalagi ólíkra þjóða með tuttugoogsjö fána  í bandaríska eftiröpun eins og Uffe Elleman Jensen virðist sjá fyrir sér. En mér er í minni að sá maður hefur komist næst því að gera mig að Evrópusinna að öðrum ólöstuðum.  Án sameiginlegs herstyrks og stjórnmáæasamruna verður EU hvorki fugl né fiskur.

Þessar fréttir af Evrópuhernum eru því jákvæð tíðindi fyrir þá Íslendinga sem hafa efast um ágæti Evrópusambandsaðildar.

Kornið sem fyllir mælinn

með Icesave eru ábendingarnar um það hvaða verði við séum að kaupa flakið af Landsbankanum til NIB. Þetta ónýta drasl sem við höfum ekkert við að gera erum við að kaupa af Icesave-búinu fyrir hundruðir milljarða sem fara beint til Bretanna.

Fellum Icesave lll og ríkið loki Landsbankanum er það sem okkur kemur best. Breytum byggingunni til dæmis í Hótel með málverkunum og marmaranum sem styður við þá við Hörpuna og væntanlegan fallíttreksturinn þar.

Bikar minn er barmafullur og þessi korn fylltu mælinn svo útaf flóir.

Evrópusamstarfið

og íslensk stjórnvöld hafa fært okkar landi margt sem við hefðum líklega viljað vera án.Auðvitað hefur margt jákvætt fylgt með.

Annað sem miður er má að stórum hluta rekja til okkar sjálfskaparvíta. Óhindrað flæði fólks án vegabréfa inn til landsins á grundvelli Schengen samkomulagsins er eitt af þessu. Vandamálin sem þessu fylgja bætast ofan á peningasvelti til lögreglu og fangelsa og leiðir af sér að nú eru engir borgarar lengur óhultir fyrir ofbeldi. Þeir geta ekki lengur treyst því að lögregla geti sinnt þeim vegna liðsfæðar og styrk undirheima sem hafa fengið öll tækifæri til vaxtar í skjóli oftrúar embættismanna á kerlingabækur regluverksins frá EU.

Menn hafa ekki þorað að standa i lappirnar og neita að fylgja heimskupörum út í æsar.Kljúfa RARIK í tvennt og svo framvegis.

Í Morgunblaðinu stendur:

...";Lögregla á Íslandi hefur handtekið menn frá Austur-Evrópu sem bera húðflúr sem vitna um tengsl þeirra við austurevrópsk glæpasamtök. Félagar í rússneskum mafíum og glæpahópum í ríkjum A-Evrópu auðkenna sig oft með húðflúri. Samkvæmt upplýsingum Morgunblaðsins hafa nokkrir austurevrópskir glæpamenn, sem hafa tengsl og starfa með skipulögðum glæpahópum í heimalöndum sínum, sest hér að. Lögreglumaður sem rætt var við sagði að þessir menn hefðu komið sér vel fyrir hér á landi, ækju um á fínum bílum og byggju vel, en væru samt sem áður skráðir atvinnulausir.

Þeir væru með menn í vinnu fyrir sig, yfirleitt landa sína, sem þeir gerðu út til innbrota, fíkniefnasmygls og fleira.Þá hefur Morgunblaðið fengið staðfest að hópur glæpamanna frá Póllandi og Litháen starfi saman, m.a. við að framleiða amfetamín. Þetta séu harðsvíraðir menn, hiki ekki við ofbeldisverk, og að aðrir glæpamenn á Íslandi óttist þá.Menn af þessu tagi eru augljóslega mikil ógnun við íslenska lögreglumenn.

Lögreglumaður sem rætt var við benti á að skemmst væri að minnast grófrar árásar sem óeinkennisklæddir fíkniefnalögreglumenn urðu fyrir á Laugavegi í janúar 2008 en lögreglumenn áttu fullt í fangi með að verjast árásinni. Lögreglumennirnir bentu á að þeir hefðu bæði verið með lögregluskilti og hrópað að hér væri lögregla að störfum en árásarmennirnir, þeir þrír sem voru ákærðir, sögðust ekkert kannast við það.."

Hversvegna eru okkar stjórnmálamenn svo skyni skroppnir að geta ekki tekið á neinum málum sem blasa við að hægt er að leysa vegna þess að Ísland er eyland eins og Stóra-Bretland? Bretum datt ekki í hug að afsala sér þeim kostum sem Ermasundið hefur fært þeim æi sögunni. Er stjórnkerfið orðið svo gegnsýrt af kratisma að það er ekki hægt að breyta neinu nema hækka skatta og gjöld?

Af hverju erum bara við svona kaþólskari en páfinn þegar kemur að Evrópusambandinu ?

Það örlar á viti

í þingflokki Sjálfstæðisflokksins þrátt fyrir nýjustu útspilin í Icesave málinu.

Svc segir í fréttum:

"Sjö þingmenn Sjálfstæðisflokks hafa lagt fram tillögu til þingsályktunar á Alþingi um að fela ríkisstjórninni að hefja viðræður við Reykjavíkurborg um breytingar á aðalskipulagi borgarinnar með það að markmiði að miðstöð fyrir innanlandsflug verði til frambúðar á Reykjavíkurflugvelli..."

Ég hef verið með skoðanakönnun hér á síðunni nokkuð lengi. Um 80 % af nærri 4000 aðspurðum hefur lýst fylgi við að Reykjavíkurflugvöllur verði á sínum stað.

það er stórkostlegt fyrir mig og upplifun að verða vitni að því að það örli núna á einhverju viti þarna niður á Alþingi. Þetta er eins og þjófur úr heiðskíru lofti fyrir mann svo maður bara ræður sér ekki fyrir fögnuði.

En sjálfsagt verður ekkert úr þessu frekar en öðru sem þar fer fram. Þetta líf á Íslandi er orðið eitthvað svo vonlaust og ömurlegt allt saman. Fá ekki þessa stjórnarskrá úr hendi Þorvaldar Gylfasonar sem okkur svo sárvantar. En hann er víst nýbúinn að finna sér annan vettvang. Hann er búinn að finna það út af sinni hagfræðiþekkingu að það sé nauðsynlegt fyrir lýðræðið í Arabaheiminum að hækka skatta á bensíni í Bandaríkjunum og Kína. Hann verður sjálfsagt bundinn við þessi nauðsynlegu alþjóðastörf í einhvern tíma, sem gæti þá komið niður á lesendum Fréttablaðsins eða jafnvel fleiru hugsandi fólki. Hvar værum við ef við hefðum ekki þessa krata alla saman?

Ja, það örlar sumstaðar á viti í veröldinni þrátt fyrir allt. Lifi Sjálfstæðisflokkurinn, - nema þeir í Borgarstjórninni sem vilja loka flugvellinum!

Krataeðlið

kemur vel fram í pistli Þorvaldar Gylfasonar um bensínverðið í heiminum. Lýðræðishallinn á Arabalöndunum er Bandaríkjunum að kenna af því þau leggja ekki nóga skatta á bensínið. Þorvaldur segir:

..."Það er góð regla að styðja lýðræði bæði heima hjá sér og annars staðar. Tvískinnungur á aldrei vel við. Bandaríkjamenn bera hluta ábyrgðarinnar á ástandi arabalandanna. Ef þeir fengjust til að leggja svipaðan skatt á bensín og tíðkast í Evrópu, myndi olíuauður arabahöfðingjanna skreppa saman og andstaða þeirra gegn framsókn lýðræðisins myndi veikjast. Slíkan bensínskatt væri hægt að boða fyrir fram og leggja á smám saman, svo að fólk og fyrirtæki gætu keypt sér sparneytnari bíla, áður en bensínverð vestra næði evrópskum hæðum. Kína þyrfti að fara eins að..."

Nú var sú tíð þegar Jóhanna var í stjórnarandstöðu að hún vildi lækka 60 % álögur ríkisins í bensínverðinu til að létta fólki byrðina og skuldahækkanirnar af bensínhækkunum. Nú er hún forsætisráðherra og bensínverðið hefur aldrei hækkað meira. Nú þegir hún sem sfinxinn. Ekki er mikill skilningurinn á högum einstæðu móðurinnar sem þarf að keyra börnunum á leikskóla meðan hún þrælar í vinnunni.

Krataeðlið er að hækka allar álögur sem mest og úthluta svo bitlingum til sjálfra sín.

Í fyrstu klausu

 

 í Icesave 3 samningnum við Breta(Icesave3.files.wordpress.com) er þýðingarmikið atriði. Á eftir þessu grunnatriði, sem svo er skautað algerlega yfir á þeim 30 blaðsíðna hryllingi sem fylgir  um þær aðfararhæfu píslir og viðurlög sem á Ísland skuli leggjast til þess að endurgreiða fjárhirslu krúnunnar þá milljarða sterlingspunda sem hún hafi lagt út vegna innistæðutrygginga sem nú sé samþykkt með þessum samningi  að íslenska ríkinu beri að greiða, fylgir svo samningurinn sjálfur.

 

 

Í fyrstu málsgreininni segir;..." THE DEPOSITORS´ AND INVESTORS’ GUARANTEE FUND OF ICELAND(Tryggingasjóður Innistæðueigenda og Fjárfesta), a private foundation,incorporated under the laws of Iceland(the “Guarantee Fund”),, ICELAND...…"

 

Þarna stendur að Tryggingasjóðurinn sé einkastofnun. En samningurinn gerir hann að Ríkisstofnun.Í stað þess að geta ekki tengist íslenska ríkinu á nokkurn hátt, þá er allt í einu allt Island orðið aðili að málinu.

 

Það er grunnatriðið í þessu Icesave máli að það er engin ríkisábyrgð á starfsemi ábyrgðarsjóðs innistæðueigenda á Íslandi. Er ekki í neinu ríki á evrópska efnahagssvæðinu heldur. Það er verið að setja upp allsherjar tryggingasjóð á svæðinu sem á að tryggja að innistæðueigendur verði ekki fyrir tjóni þó að einstakir bankar falli. Allir munu taka  þátt í þessu þannig að þetta verði gerlegt. Það er grunnhugsunin í samstarfi þjóðanna.

 Nema núna  í tilviki Íslands.  Núna á Ísland að borga eitt allra ríkja erlendar skuldir óreiðumanna sinna. 

Þetta er þvílíkt ósanngjarnt að brýnt er að þjóðin standi nú saman sem einn maður og segi við þessi voldugu fyrrum  nýlenduveldi:  Hingað og ekki lengra .

Við Íslendingar munum þola eld og brennistein heldur en að gefast upp fyrir ykkur .Leitið fullnustu eignum Landsbankans í útlöndum og stefnið hinum seku  fyrir ykkar dómstóla. En við  minnum ykkur á að þið rýrðuð eignirnar verulega sjálfir með beitingu breskra hryðjuverkalaga.Það verður ykkar eigið tjón. Að öðru leyti eigið þið alla samúð okkar og við viljum vera vinir ykkar eftir sem áður. En gerið okkur vinsamlega ekki að óvinum ykkar með því að beita okkur þeirri nauðung sem í þessum samningum felast. 

 

Íslendingar munu að öllum líkindum fella samningana hinn 9.apríl næstkomandi. Þá verðum við að taka því sem að höndum ber. En við veðsetjum ekki Ísland né framtíð ófæddra barna okkar vegna glæpaverka einstakra eldri borgara okkar. Það er fyrsta klausan í okkar heitstrengingu sem Íslendingar.

 

 

 

 

Ég segi NEI !

Maður er að dunda sér við að reyna að finna eitthvert vit í Icesave málið
sem maður á að afgreiða með já eða nei þann 9.apríl.

Ég hef tínt saman brot af því sem mér skilst að séu innlegg í málið.

1.Samningsaðilum okkar fannst of mikil áhætta að semja við okkur um 47
milljarða eingreiðslu og ljúka málinu með því. Það hefðu þeir ekki gert
nema af því að þeir teldu sig tapa á því.

2.Hljóta þá ekki samningsaðilar okkar þá að búast við að fá miklu meira en
47 milljarða í sinn hlut auk höfuðstólsins úr búi Landsbankans?
Rímar það við það sem haldið er að okkur að greiðslan verði minni en 47
milljarðar?

3. EFTA dómstóllinn hefur ekki neina sjálfkrafa lögsögu í málinu. Við erum
ekkert skuldbundir að leggja málið í hans dóm né hlíta honum.

4. Enginn alþjóðlegur dómstóll tekur mál á hendur okkur fyrir nema að við
samþykkjum að skjóta málinu þangað.

5. Samningsaðilar geta kært okkur fyrir Héraðsdómi Reykjavíkur og látið
reyna á málið þar. Þeir geta kært okkur fyrir hvaða öðrum dómstól sem er
án þess að við þurfum að mæta.

6. Margir telja nú að samningsaðilar okkar vilji ekki fá réttarúrskurð um
innistæðutryggingar.Vegna þess að það er áhætta fyrir þá sjálfa.

8. Landsbankinn var einkafyrirtæki sem sveik fé út úr fólki á eigin
ábyrgð. Af hverju framseljum við ekki glæpamennina til þeirra sem þeir stálu af?

9. Yfirlýsing um ríkisábyrgð á innistæðum Íslendinga gilti bara fyrir
Ísland á neyðarstund í hruninu. Hún studdist ekki við nein lög og var því
marklaus í sjálfu sér. Ábyrgðarlaus stefnuyfirlýsing stjórnmálamanns sem aldrei
reyndi á, gefin af nauðsyn til að róa þjóð í angist.

11.Stakar yfirlýsingar einstakra ráðherra eru ekki ígildi hvorki laga né
milliríkjasamaninga. Einstakur ráðherra getur ekki ráðstafað skattþegnum landsins
til framtíðar með viljayfirlýsingum sínum. Einstakur Ráðherra getur ekki selt,
gefið eða veðsett landið og alla þegna þess til framtíðar.

12.Engin alþjóðleg lagarök hada fundist fyrir því að Íslendingar sem þjóð
eigi að borga útlendingum innistæðutryggingar vegna einkabanka.

13.Ekki hafa verið færð rök fyrir því að lánshæfismat Moodys muni hækka í
kjölfar Icesave-samninga. Né heldur um skaðsemi þess.

15.Felli þjóðin Icesave samningana tefur það fyrir aðild Íslands að
Evrópusambandinu.

16. Allir peningar sem fara frá skattgreiðendum til útlanda lækka
lífskjörin í landinu.

Ég var að enda við að verða langafi. Þegar ég horfi á barnið spyr ég mig hvort ég hafi leyfi til þess að leggja stein í lífsgötu þess vegna einhvers sem einhverjir íslenskir glæpamenn gerðu í útlöndum?

Á ég að greiða því atkvæði að rýra lífskjör þess um alla framtíð af því að einhverjir þá löngu dauðir kallar eins og Steingrímur J.,Tryggvi Þór og Bjarni Ben þótti það sniðugt í gamla daga?

Lögðu á það Versalasamninga til að borga án þess að hafa sjálfir barist í stríðinu og tapað ?

Ég segi NEI !

Alhygð ?

sósíalista er sérkenni þeira á öllum tímum. Kommarnir sögðu við mig í gamla daga: "Það þarf enga stjórnarandstöðu í sósíalistaríkjunum af því að stefnan er rétt."

Nú er búið að vinna kúrs til að sigla Islandi eftir til ársins 2020.

Skipstjórinn er Dagur B. Eggertsson og tveir hásetar hans úr stjórnarráðinu setja fram boðskapinn í Mbl. á laugardag.

Grípum niður í kræsingunum:

Grípum niður í greininni

"Ríkisstjórn Íslands samþykkti 21. desember 2010 stefnumörkunina Ísland 2020. Síðan þá hefur ýmislegt verið rætt og ritað um plaggið og hlutverk þess. Í umræðunni hefur sóknaráætlunarferlinu og stefnumarkandi skjalinu Íslandi 2020 verið blandað saman....

..... Með ferlinu var í fyrsta sinn unnið að heildstæðri áætlun fyrir Ísland.

Meginþættir sem vinna átti að voru viðamiklir og verklag og aðferðafræði krafðist þátttöku margra og mikils utanumhal.....

.....Þetta hefur að mörgu leyti tekist en mikil vinna er eftir. Eftirfylgnin og stefnumörkun stjórnvalda í kjölfar Íslands 2020 verður helsti prófsteinninn á það hvernig til hefur tekist. Kostir Íslands 2020 sem stefnumarkandi skjals eru m.a. að markmiðin eru mælanleg, grunnlína er dregin og 30 leiðir eru ákvarðaðar að markmiðunum. ....Það er svo ætlunin að setja markmiðin upp á aðgengilegan og myndrænan hátt til næstu níu ára svo allir geti fylgst með hvernig okkur gengur að vinna að þeim. Leiðunum hefur verið fundið ábyrgðarráðuneyti þar sem gerðar verða verkefnaáætlanir um það hvernig að þeim sé unnið og innan forsætisráðuneytis hefur verið skipaður tengiliður fyrir allar leiðirnar.

Af leiðunum eru nokkrar sem eru stærstar og krefjast víðtæks samráðs m.a. gerð sóknaráætlana fyrir landshluta sem ekki verða unnar nema í góðu samráði stjórnsýslunnar og aðila í héraði.

Sú hugmyndafræði að allar stefnur og aðgerðir ríkisins skuli í grunninn taka mið af einu stefnumarkandi skjali, Ísland 2020, er ný nálgun sem ekki hefur verið tíðkuð í stjórnsýslunni áður.

Vinnulagið að kalla eftir aukinni þátttöku almennings að stefnumörkun líkt og sóknaráætlunarferlið gerði og endurspeglast í Íslandi 2020 er framtíðarfyrirkomulag en því þarf að fylgja eftir með aukinni þátttöku almennings í verkefnum Íslands 2020. Það er því verkefni stjórnvalda er við göngum til úrvinnslu þeirra 30 leiða sem í upphafi eiga að marka vegferðina að markiðunum 20, að virkja almenning í gegnum t.d. sveitarstjórnir og frjáls félagasamtök til að vinna að þeim í sameiningu.

Ísland 2020 þarf tíma til að hafa áhrif á stefnumótun ráðuneyta, aðgerðaáætlanir og framtíðarsýn heildarinnar. Þegar kúrs skips er settur siglir fleyið ekki að áfangastað nema siglt sé eftir stefnunni. Stefnumarkandi skjalið Ísland 2020 er forskrift að langhlaupi.

Það var því viðleitni okkar við gerð þess að sjá það sem við sem Íslendingar eigum sameiginlegt áður en við einblínum á það sem skilur okkur að, og fyrir það stendur Ísland 2020. Sjá nánar: www.forsaetisraduneyti.is/2020...."

Þvílíkt allsherjar kommaplagg hefur líklega ekki litið dagsins ljós síðan í menningarbyltingu Maós. Vonandi verður stutt í það að slíkar delluhugmyndir framleiddar á kostnað almenning heyri sögunni til þegar stungið verður út úr stjórnarráðinu eftir næstu kosningar.

Hvernig dettur fólki í hug að það geti séð tíu ár fram í tímanna fyrir alla þjóðina?

Slíka Alhygð gefum við lítið fyrir.

Textun á skjánum

Hér í Florida er kominn textun á flestar sjónvarpsrásir. Maður getur lesið hvað fólk er að segja á skjánum jafnharðan. Þarmeð er engin túlkun á táknmál nauðsynleg lengur.

Windows 7 er komið með þann hæfileika að maður talar í tölvuna og hún skrifar prófarkalesinn texta eftir þér. En bara á ensku.

Ég held að það sé mikil nauðsyn á lagt verði stórfé í að þróa svona tækni fyrir íslensku. Hugsið ykkur hvílík ósköp þetta getur sparað í manntímum. Ófingrafimir geta framleitt tölvutækan texta eftir hugsun sinni. Rithöfunndur getur ná margföldum afköstum. Alþingisskrifarar óþarfir og allskyns fundarritarar.

Sem sagt, þetta er hægt. Drífum í þessu. Háskólasamfélagið ætti að fara að sinna þessu fremur en að vera sífellt að darka í því helsta sem þeir geta síst,-að þvælast í pólitík

Hverjir stjórna?

bönkunum?

Vigdís Hauksdóttir skrifar athyglisverða grein í Mbl. í dag. Hún tekur á þeim brennandi spurningum sem á almenningi hafa legið án þess að nokkur ráðamaður hafi svarað nema út í hött. Af hverju? Auðvitað af þeir hafa beinan hag af því sjálfir. Eru ekki 365 miðlar og Samfylkingin tengd órofa tryggðarböndum? Hvað fleira hangir á spýtunni? Hvar eru persónutengslin?

Vigdís segir m.a.:

Forseti Íslands ákvað að vísa Icesave til þjóðarinnar á nýjan leik. Byggist ákvörðunin á öryggisákvæði stjórnarskrárinnar sem er í 26. gr. hennar og e...

 

 

....."Nú er komið að þjóðinni að krefjast svara hjá fjármálaráðherra og verklausu ríkisstjórninni. Fyrsta spurningin sem bera verður upp er: Hvar eru Icesave-peningarnir? Samkvæmt fréttum runnu tæplega 200 milljarðar til fyrrverandi eigenda Iceland-keðjunnar en þeir voru Baugur, Fons o.fl. Félagið liggur nú inni í þrotabúi Landsbankans í London og er ein stærsta eign þrotabúsins. Skuldir Iceland eru himinháar og eru þær tilkomnar vegna arðgreiðslu til þessara fyrrum eigenda félagsins á árinu 2007. Árið 2008 seldu eigendurnir Iceland-félagið til Landsbankans með forkaupsrétti sem síðan var veðsettur hjá Glitni. Á einhvern óútskýrðan hátt blandast Deutsche Bank inn í þessa fléttu og er sá banki allt um kring í íslensku viðskiptalífi í dag. Er talið að Actavis skuldi þeim banka hátt í 1.000 milljarða - tær snilld í ljósi þess að nú er krafist að þjóðin borgi reikninga eigandans vegna Landsbankans. 

..... en ef eignum og skuldum Actavis er haldið til hliðar er hrein skuld  (þjóðarbúsins innskot mitt)aðeins á bilinu 18-38%. Sjá ekki allir hvað hér er í gangi?

 

Síðan verður að svara því hverjir tóku arð eða eignir úr Landsbankanum sem liggur til grundvallar skuldabréfi því sem Steingrímur J. lét nýja Landsbankann taka fyrir 280 milljarða, með fullri ríkisábyrgð og í erlendri mynt. Nú hefur komið í ljós að bankinn er tæpast greiðslufær og hefur ekki gjaldeyri til að standa í skilum. Þessir 280 milljarðar eru fyrirframgreiðsla upp í Icesave.

.... getur verið að skuggastjórnendur séu í »ríkisbankanum« sjálfum? Hvernig stóð á því að nýi Landsbankinn afskrifaði margra milljarða skuldir 365 miðla? - Jú, til að ráða þjóðfélagi þarftu að eiga fjölmiðlanet til að stjórna umræðunni. Hverjir hafa hag af því að »stjórna« fjölmiðli og hverjir eru það sem »ekki« er fjallað um í miðlum 365? Eru það ekki 1.000 milljarða skuldamennirnir tveir?

 

....Þegar þessum spurningum er svarað er hægt að taka afstöðu með eða á móti Icesave. Sú staðreynd liggur samt alltaf fyrir og er grunnurinn í málinu að Íslendingum ber ekki að taka á sig ólögvarðar og ólöglegar skuldir einkabanka og óreiðumanna. "

Vonandi lesa sem flestir þessa grein og hugleiða. Það er nefnilega sama leyndin í kring um allt fjármálakerfið, Íslandsbanka og sérstaklega Aríon banka, sem er beinlínis skuggalegur með allt pukrið um Haga og Vífilfell og önnur stórfyrirtæki. Almenningur veit ekki neitt hverjir eru að víla og díla. Hverjir fá að bjóða í og fá lán fyrir kaupverðinu? Líklegra en ekki er að alltaf séu sömu leikararnir í aðalhlutverkum og svo einhverjir pólitísk nýstirni þóknanleg stjórnarherrunum. Alveg eins og  Kaddafi og hans nótar halda öllu fyrir sig og sína.

Hefur almenningur engan áhuga á því hverjir stjórna?

Sláum þetta stjórnlagaþing af

það liggur á öðru meira en að fikta í einhverri stjórnarskrá. Nei !,   ekki af því endilega að ég féll í kosningunni heldur af því að það er Alþingi sem samþykkir eða fellir allar tillögur um lýðræði í landinu. Það er sama hvaða speki Þorvaldur Gylfason kemur með, það er þingið sem ræður.  Það vill ekki lýðræði í kjördæmaskipun af því að landsbyggparfantarnir láta ekki völd sem þeir hafa ranglega. Hvaða valdafauti gerir það svo sem?  Sýnist einhverjum hann  Kaddafí  vera samningsfús og lýðræðisfullur?  Kvótakallarnir okkar vilja engar breytingar á fiskveiðistjórnunarkerfinu hvað sem stendur  í stjórnarskrá um einhverja þjóðareign á margveðsettum fiskinum í sjónum. 

Einbeitum okkur að Icesave, orkunni  og atvinnumálunum og afnámi gjaldeyrishaftanna. Fyrr verðum við ekki frjáls aftur.  Það er alltaf hægt að búa til einhhverja stjórnarskrá ef hana vantar. Ólafur Forseti passar að þingið rústi ekki þjóðinni ef allt um þrýtur. Til þess dugar sú gamla alveg.  Reynum að hafa kosningar sem fyrst og reynum að fá eitthvað skárra lið en þetta endemis dót sem nú situr sem fastast.  

Vilji er allt sem þarf sagði Gunnar Thoroddsen. Honum tókst ekki að klára stjórnarskrármálið á heilli ævi. Ómari og Þorvaldi tekst það ekki á tveimur mánuðum. Sláum þetta stjórnlagaþingi af.

Sómi Íslands

sverð og skjöldur var Jón Sigurðsson kallaður. Hann var maður sem reyndi að verja þjóða sína við öll tækifæri. Slíkir menn eru kallaðir föðurlandsvinir.

Þórólfur Matthíasson kallaður prófessor hefur vakið á sér athygli hvað eftir annað með yfirlýsingum um allan heim um það hvílíkar skepnur Íslendingar séu og hversvegna þeir verði að samþykkja Icesave og ganga í Evrópusambandið.

Eftirfarandi frétt er hann að dreifa í Noregi:

 

Vi har tjent på boblen og bankenes kollaps»
Økonomiprofessor Thorolfur Matthiasson ved Islands universitet.

 

Mér er raun að því að vita að ég er að borga þessum manni kaup fyrir þá alþjóðlegu ófrægingarstarfsemi sína, sem frá honum streymir um víða veröld. Það er nóg að fá vitleysuna frá honum við öll tækifæri hér innanlands sem álitsgjafa RÚV og Egils Helgasonar þegar hann útmálar það  helvíti sem bíði Íslendinga ef þeir láti ekki að hans vilja.  

Hvaða fræjum sáir svona maður í ungar sálir í Háskólanum?  Hvaða kenningar skyldu streyma frá honum í fyrirlestrasölum skólans? Jafnvel upplýsingafulltrúi Vegagerðar Ríkisins sýnist varla hafa meiri ályktunarhæfileika þegar Icesave er annars vegar. 

Væri ekki ráði að flytja Þórólf Matthíasson yfir í guðfræðideildina?  Þar gæti innblástur hans til prédikana frekar notið sín og til minni alþjóðlegs skaða fyrir land og þjóð.

Slíkir menn verða seint kallaðir föðurlandsvinir, sem reyna sífellt að rakka niður landið og stöðu þess og álit útá við og telja það betur komið undir erlendum kóngum.