Svo fáir .

Í síðustu sviptingum á gamla fjármálamarkaðnum er að koma betur og betur í ljós að  flestir aðalleikendurnir eru örfáir. Og þeir eiga eitt sameiginlegt, að þeir viðskiptatengjast allir stærstu áhrifavöldunum í samanlagðri Íslandssögu fjármálaviskipta. Aðilunum sem tengjast falli BYR, Glitnis, Baugs, Haga, Fons,FL Group,  Kaupþings, 365, Stöðvar 2, Sjóvá, Fréttablaðsins og flestum stærstu gjaldþrotunum.

Helstu jölmiðlar landsins eru skiljanlega látnir koma því inn hjá þjóðinni að þessir aðilar séu helstu vinir alþýðunnar. Þessir áhrifavaldar sitja núna baksviðs meðan aðstoðarmennirnir eru hakkaðir niður í fjölmiðlum, síðast Öskjuhlíðar-Pálmi. Er yfirburðaþekking á kjötfarsi það sem mestu skiptir ? Skulu reglur beygðar og sveigðar því þeir séu einu vinir alþýðunnar og auk þess sérlegir velgjörðamenn Samfylkingarinnar ? Skyldi þeirra yfirleitt verða getið í stóru skýrslunni sem Steingrímur veit ekki hvað stendur í þó hann borgi hana?

Hafa svo fáir nokkurn tímann valdið  jafn mörgum jafn miklum skaða ?

Athugasemdir

[Árni Gunnarsson, 27.1.2010 kl. 11:41]

Þriggja manna rannsóknarnefnd valin af stjórnmálamönnum á að rannsaka tengingu stjórnmálaflokka við spillt fjármálakerfi og samskipti við lykilmenn í meintum þjófnaðarmálum. Rannsóknarnefndin frestar ítrekað að skila skýrslunni en læðir út úr sér að niðurstaðan sé skelfileg, grátleg og muni valda þjóðarsjokki.

Fjölmiðlarnir spila hverja hljómkviðuna af annari um ástandið til að undirbúa hinn mikla konsert væntanlegrar borgarastyrjaldar við frumflutning skýrslunnar.

Á meðan handvelja fjölmiðlarnir svo meinta sakamenn sem daglega eru ákærðir og dæmdir af þjóðinni. 

[Svavar Bjarnason, 27.1.2010 kl. 18:51]

Mér fannst eins og það vantaði Landsbankann í þessari upptalningu.