Talað undir rós

" Hæstiréttur New York RíkisNew York sýslaGlitnir Banki HF, með og í gegn um  skilanefnd, slitastjórn og erlendan fulltrúa; og Steinunni Guðbjartsdóttur, einungis í krafti réttlega skipaðrar stöðu sinnar sem fullgildur erlendur fulltrúi Glitnis Banka hf.                                                                     

                                                                     Stefnendur,                                             

    -gegn-

JÓN ÁSGEIR JÓHANNESSON,

THORSTEINN JÓNSSON,J

ÓN SIGURÐSSON

LÁRUS WELDING

PÁLMI HARALDSSON

HANNES SMÁRASON

INGIBJÖRG STEFANÍA PÁLMADÓTTIR,

Og

PRICE WATERHOUSE COOPERS HF.,                                                                                                                                                                                   Stefndu 

Stefnendur Glitnir Banki hf,,vegna  og  fyrir hönd Skilanefndar, Slitastjórnar og erlends fulltrúa; og Steinunnar Guðbjartsdóttur, einungis í krafti réttlegrar skipaðrar stöðu sinnar sem erlendur fulltrúi Glitnis Banki hf.(saman "Stefnendur“), í gegnum undirritaða lögmenn,Steptoe & Johnson LLP, og ein fyrir sakargiftir gegn ákærðu .....(upptalning nafnanna) ...,  með allri virðingu lýsa yfir og gefa að sök samkvæmt eftirfylgjandi:

Formáli

1.   Milli Apríl 2007 og  og Ferbúar 2008, tóku ákærðu, hópur kaupsýslumanna,  undir forystu hins dæmda hvítflibbaglæpamanns, ákærðs Jóns Ásgeirs Jóhannessonar, þátt í víðfeðmu samsæri til að sölsa undir sig hinn íslenska banka, Glitnir banki hf.(„Glitnir „ eða „Bankinn“) til þess að ná til sín með sviksamlegum hætti, 2 billjónum  Bandaríkjadala  úr bankanum  til þess að fylla eigin vasa sína og hressa við fyrirtæki sín á fallanda fæti. Til þess að fjármagna þessar gerðir, reiddu ákærðu sig mjög á fjármagn sem aflað var með sölu meðallangra skuldabréfa („MTN´s“) til fjárfesta í New York og annarsstaðar í Bandaríkjum Norður-Ameríu. Hinir ákærðu hafa aldrei borgað til baka þær fjárhæðir sem þeir tóku úr bankanum."....

 Þannig hefst 80 bls. stefna Glitnis á hendur ofantöldum útrásarvíkingum fyrir Hæstarétti New York Ríkis. Í henni er rakið hvernig þessi hópur, í aðgerð sem þeir nefndu " Operation Tornado" eða hvirfilvindinn, stálu öllu fé Glitnis Banka hf. fyrir sig og skildu mig og alla aðra meðhluthafa sína eftir á köldum klaka.

Dómurinn úrskurðar sig hafa lögsögu yfir Jóni Ásgeiri og Ingibjörgu þar sem þau eiga heimili í New York.  Og í Bandaríkjunum sleppa menn yfirleitt ekki með þriggjamánaða skilorð fyrir verulegar sakir eins og dómurinn yfir Maddoff og Enron fólkinu sýndi.

Þjóðfélagið okkar lætur sem ekkert sem sé  þó hinn "dæmdi hvítflibbaglæpamaður " ráði yfir stærstu fjölmiðlum landsins og stýri í eigin þágu með leigupennum sínum. Lætur sem ekkert sé þó að félög hans hafi skilð eftir eina 6 milljarða hjá almenningi landsins í leikfléttu með Rauðsól, 365 miðla og íslenzka afþreyingu  til þess eins að geta haldið áfram að verja sjálfan sig og sína

Þóðin lætur sem ekkert sé þegar banki í ríkiseigu er að afhenda honum til baka yfirráð yfir verslunarveldinu Högum sem rekur Bónus og Hagkaup, sem almenningur heldur að hafi verið honum til hagsbóta með lágu vöruverði ! Er ekki allur afslátturinn  fram kominn núna  þó seint sé ?  Hefur reikningurinn fyrir afsláttinn ekki verið réttur almenningi  við hrunið eins og lesa má í stefnuskjalinu og víðar ?

  Hvernig stendur á því að Íslendingar umgangast svona menn á þann hátt sem þeir gera? Af hverju nefnum við ekki hlutina réttum nöfnum ? Af hverju tölum við alltaf undir rós ? 

Ákæruskjalið er hugsanlega ekki bráskemmtilegt aflestrar. En það er spennandi, skipulagt  og yfirþyrmandi. Það ætti brýnt  erindi til almennings og því hvarflar það að manni  að ríkið ætti að láta þýða það og koma því  fyrir almenningssjónir svo menn geti áttað sig á því samsæri sem þessir menn eru virðast hafa skipulagt.  Annað eins þýðir nú Össur af Evróputilskipunum um sveigjur á agúrkum. 

 Og ekki bara sugu þeir allt fé úr Glitni hf. Heldur skipulögðu þeir aðra fléttu, sem líklega enginn eltir þá með, en sú flétta  leiddi til gjaldþrots BYR og ógæfu hundruða fjölskyldna, sem nú sjá fram á að verða settar í gjaldþrot ef ekki vill betur  þegar arftaki Glitnis, Íslandsbanki,  fer að innheimta skuldirnar vegna stofnfjáreigendur tóku á sig vegna fyrrnefndrar fléttu. Örvasa gamalmenni og ungabörn, sem voru skrifuð fyrir lánum verða gerð ábyrg ífyrir greiðslum af þessum lánum sínum. En margir vitnisburðir eru til um það, að starfsmenn BYR töluðu stofnfjáraðila inn á kaupin undir því yfirskyni að ekkert væri lagt undir nema bréfin sjálf. En svo á aldeilis ekki að verða samkvæmt skilningi Íslandsbanka heldur skulu menn gjald með hryggjarstykkjum sínum ef ekki vill betur.

Spurningin verður  hvort sýna megi fram á vísvitandi sviksamlegt athæfi seljandans og lánveitandans, bæði  þar sem sölumenn fengu bónusa fyrir hverja sölu sem þeir komu á svo og það sem eftir fylgdi af hálfu stjórnenda Glitnis gagnvart ólögráða, elliglöptu eða trúgjörnu fólki? 

Á morgun kl. 17 halda þeir sem eiga um sárt að binda vegna stofnfjárfléttunnar miklu, sem hluta af "Operation Tornado" í BYR  fund með sér í húsakynnum BYR við Borgartún. Ein lítil tilraun hinna smáu til þess að reyna halda hópinn og reyna að verjast aðsókninni sem í vændum er.

Vonandi verður ekki talað þar undir rós.

Athugasemdir

[Júlíus Björnsson, 9.6.2010 kl. 21:47]

Líkur sækir líkan heim. Þeir sem hafa velþókun á slíku framferði mæla nátturlega með því sem þeir kalla snilli og hæfileika.

[Sigurður Þorsteinsson, 10.6.2010 kl. 08:38]

Halldór það er merkilegt í ljósi sögunnar, að Jón Ásgeir skuli enn vera látinn halda völdum með því að eiga rúmlega helming fjölmiðla landsins.

[Bjarni Kjartansson, 10.6.2010 kl. 10:04]

Sömu aðilarnir og fóru gegn Fjölmiðlalögunum eru nú í ,,heilögu stríði " við þá sem vöruðu við uppgangi ,,götustráka-gegnja" í viðskiptum.

Þeir ljúga hver í kapp við annann um ,,tæknilegt gjaldþrot" Seðlabanka Íslands en láta ógert að tiltaka hvernig það bar að.  Sömu ,,hagfræðingarnir" sem heimtuðu  aðstoð til ,,þrautarvara" og heimtuðu að þar sem Kaupþingi væri bjargandi til ,,þrautavara" BÆRI að lána þeim fé vegna uppáskrifta flottra endurskoðunarfyrirtækja með löng útlend nöfn.

Svo var þeim aurum líka stolið og þeir fluttir úr landi.

Ekki er enn búið að setja þessa þjófa í dýflissur.

Nóg er af hálfbyggðu húsnæði hér í borg og víðar.  Þar mætti auðveldlega vista þetta lið og láta gnauða um þá þegar haustar að og hríð tekur að berja hálfbyggðar vistarverurútan sem innan.

Miðbæjaríhaldið

[Sigurður Þórðarson, 10.6.2010 kl. 10:57]

Gaman að lesta þennan skeleggja pistil. Það vantar ekki mikið uppá að bröttustu menn innan Sjálfstæðisflokksins tali af jafn mikilli vandlætingu um styrkveitendur Samfylkingarinnar og þessir fyrrum samherjar ræða um ykkur.

Samt er samt sjónarmunur:

Þeir viðurkenna að þeir hafi verið óvirkir hlutdeildarmenn á lokasprettinum.  Þeir voru gabbaðir jafnvel til að þiggja fé eitthvað sem sjálfstæðismenn höfðu alltaf gert en sáu að sér. "Öll mistök Samfylkingarinnar eru Sjálfstæðisflokknum að kenna"