Hversvegna vændishús?

Hefur einhver skýringar á því hversvegna vændi er opinbert og leyft í mörgum löndum? T.d.í Suttgart þar sem ég bjó lengi, er slíkt hús nærri áfast við ráðhús bæjarins. Það er búið að vera þarna í minntsa kosti hálfa öld og er enn í fullum gangi.

Skyldi þetta vera til að létta af einhverjum þrýstingi sem annars gæti birtst öðruvísi? Hugsað tl að draga úr einhverjum perraskap og áreitni ?

Vændi er blómleg atvinnugrein um allt Ísland en auðvitað dreift og óskipulagt. Kannski er þarna ónýttur skattstofn fyrir Steingrím og Indriða?

Samkirkjulegt átak gegn kynferðisofbeldi

Athugasemdir

[Egill Óskarsson, 29.8.2010 kl. 13:44]

Hefurðu eitthvað fyrir þér í því að það sé minna um kynferðisglæpi í löndum þar sem vændi er uppi á yfirborðinu?

[Halldór Jónsson, 29.8.2010 kl. 15:16]

Nei, veit ekkert um þetta nema um þessar staðreyndir, veit ekki um ástæðurnar.

[Egill Óskarsson, 29.8.2010 kl. 16:37]

En af hverju ertu þá að tengja þetta saman? Þ.e. löglegt vændi um kynferðisgæpi (perraskap og áreitni)? Það ætti að vera nokkuð auðvelt að komast að því hvort það væri einhver tenging þarna á milli.

[Halldór Jónsson, 29.8.2010 kl. 17:28]

Ég var að tala um það. Forvarnir.

[Dingli, 30.8.2010 kl. 04:34]

Sæll Halldór

Var ekki aðal-yfirskyn vændislagana og þess að banna súludans, að vernda ætti konur og gott ef ekki, ráðast gegn mansali í heiminum!

Er það til að vernda stelpurnar sem hér störfuðu að þær verði að leita annað eftir vinnu? Er ekki meiri vernd í snyrtilegum klúbb undir opinberu eftirliti þar sem starfsfólk er í verkalýðsfélagi og nýtur sömu réttinda og vinnandi fólk almennt? Fastakaupið er lægsti taxti,svona fyrir skattinn, en skattfrítt þjórfé ríflegra en nokkur fiskvinnubónus.

[Egill Óskarsson, 31.8.2010 kl. 19:28]

Þú varst að tala um það já. Og ég er að reyna að átta mig á því hvernig þér dettur í hug að gott aðgengi að vændi dragi úr kynferðisglæpum. 

[Halldór Jónsson, 31.8.2010 kl. 20:58]

Ja Egill, ég byrjaði nú á því hvað Þjóðverjum dettur í hug þannig að þú ættir að spyrja þá fyrr en mig.

[Egill Óskarsson, 4.9.2010 kl. 22:44]

Nú? Leyfa Þjóðverjar vændi af því að þeir telja að það dragi úr kynferðisglæpum? Það hef ég ekki heyrt áður.

[Dingli, 4.9.2010 kl. 23:34]

Egill, ósköp virðast skrif Halldórs í léttum dúr, um löglegt vændi, hafa farið undir punginn á þér.

Þarf að fara að senda mann til að grúska í borgarsamþykktum áratugi aftur í tíman og hugsanlegum samanburðarannsóknum um tíðni kynferðisglæpa vítt um álfur með tilliti til fjarlægðar við lögleg vændishús, svo þú verðir ánægður?