Stöðvum glæpamennina

Í fréttum stendur:

"Geir Jón Þórisson yfirlögregluþjónn sagði að lögregla hefði ekki getað komið í veg fyrir grjótkastið. Mótmælendur hefðu kastað því af töluverðu færi, hefðu einfaldlega látið vaða ofan í kjallarann og hitt einhverja bíla. Áður hafði skoteldatertu verið kastað ofan í kjallarann.

Gler brotnaði í um 30 rúðum þinghússins og mikill sóðaskapur hlaust af eggjakasti og fleiru.

Jafnvel þótt lögregla hefði séð til grjótkastaranna hefði hún átt erfitt um vik í þéttum hópi mótmælenda. Geir Jón telur að um fimm þúsund manns hafi verið á Austurvelli þegar mest var og eitt til tvö þúsund manns á götunum í kring. Þetta séu fleiri en hafi tekið þátt í mótmælafundum sem haldnir voru í ársbyrjun 2009, í hinni svokölluðu búsáhaldabyltingu, að því er fram kemur í ítarlegri umfjöllun um mótmælin í gærkvöldi í Morgunblaðinu í dag."

Mér hefur verið sagt af viðstöddum, að svona 20 manna hópur illþýðis hefði hlaupið um, barið Óla Björn, brotið rúður og skemmt bíla. Það sést til þessara manna í þrönginni.

Við þessu er hægt að sporna með mismunandi hætti. Best væri ef óeinisklædd lögregla væri í mannfjöldanum og handtæki þessa glæpamenn og handjárnaði fyrir aftan bak.Þeir gætu svo komið síðar á stöðina til að fá járnin tekin af sér. Það er alveg óþarfi að láta þetta lið vaða svona uppi, af þeim stafar stórhætta.

Stöðvum þessa glæpamenn. Þeir eiga ekkert erindi í pólitík.

Athugasemdir

[Jón Ríkharðsson, 5.10.2010 kl. 13:00]

Það er alveg rétt hjá þér Halldór, þetta eru glæpamenn sem brjóta lög með vísvitandi hætti.

Samt vilja mótmælendur ekki vera sóttir til saka á sama tíma og þeim finnst nauðsynlegt að dæma fyrrum ráðamenn fyrir glæp sem enginn veit hver er. 

Ef ráðaleysi og mistök í efnahagshruni eru orðin að glæp og það er orðið löglegt að veitast að alþingishúsinu og þingmönnum, þá er tilveran orðin afar öfugsnúin vægast sagt.

Ég ætla að vona að þeirra hugmyndafræði fái aldrei hljómgrunn, heimskan er slæmur landsstjóri.

[Sigurður Alfreð Herlufsen, 6.10.2010 kl. 10:17]

Þakka þér Halldór, að minnast á óaldarfólkið sem setti ljótan svip á mótmælin á mánudagskvöldð.

Það er einmitt meinið við svona samkomu, að þangað sækir ofbeldisfólk til að koma iðju sinni að í skjóli mannfjöldans. Þeir skíla sér í hópnum við sína ógeðfelldu iðju.

En í það stóra og heila þá eru svona samkomur sprengiefni í sjálfu sér. Þess vegna er mér meinilla við þær. Mér verður hugsað til Falun Gong sem komu fram sínum skilaboðum með mikilli reisn, án alls ofbeldis. Hvenær tekur þjóðin upp þá stefnu að koma sínum skilaboðum fram með svo að segja andlegum hætti. Þeir sem vita hvað hugurinn býr yfir miklu afli, ættu að virkja hinn mikla fjölda í sameiginlega átt.

Það væri hægt að setja fram ákveðna möntru (hugsanaferil - kjarnahugsun) og allir ættu að sameinast um það viðfangsefni. Slíkt kæmi af stað mikilli hugsanaöldu og árangurinn myndi verða umtalsverður, og þá án ofbeldis af öllu tagi.

En aftur að ofbeldismönnunum. Það hlýtur að vera hægt að mynda þessa menn í mannfjöldanum og bera svo kennsl á þá með þeim hætti. Þannig ætti að vera hægt að ná einhverjum lögum yfir þá, sem hafa gerst sekir um refsiverða háttsemi.