Hvað með sjónmengun

þar sem kristin trúarhof blasa við? Eru þau ekki uppáþrengjandi fyrir mannréttindaráðið? Gæti beint huga barna á rangar brautir? Er ekki hættulegt að biflían sé á almannafæri? Gæti það ekki stuðað einhverja?

Er hann ekki óbærilegur þessi léttleiki tilverunnar.

Enn óljóst með samskipti trúarhópa við skólabörn

Athugasemdir

[Helga Kristjánsdóttir, 26.10.2010 kl. 17:38]

        SEGÐU!!

[Hans Miniar Jónsson., 26.10.2010 kl. 22:39]

Þessi athugasemd er hálf rugluð.

Það er ekki verið að leitast við að henda kristinni trú út úr skólum, bara trúboði og þrýstingi á börn til þess að stunda aktíft trúarbrögð í skólanum.

Það er verið að setja þá reglu að kennsla fari fram í skóla og ekki trúboð, og að segja fólki að ef það vill að börnin þeirra fari í kirku þá eigi það að sjá til þess sjálft. Það er ekki í verkahring menntannastofnanna að innræta trú.

[Halldór Jónsson, 27.10.2010 kl. 08:37]

Af hverju ekki Hans þegar Íslendingar eru kristnir með ríkiskirkju? Er Kóraninn bannaður í skólum hjá Islömskum ríkjum?

[Hans Miniar Jónsson., 27.10.2010 kl. 14:51]

Íslendingar eru ekki allir kristnir. Meirihluti íslendinga eru það en það eru það alls ekki allir.

Við erum með "ríkiskirkju" en það eru alls ekki allir sáttir við það hér á Íslandi heldur. Skoðanakannanir á því gefa í skyn að meirihluti íslendinga vilji aðskilnað ríkis og kirkju.

Á Íslandi ríkir trúfrelsi.

Trúfrelsi þýðir að maður hafi frelsi til að velja og stunda eigin trú án þess að verða fyrir aðkasti fyrir það. Þegar trúboð (sem er allt annað en trúarbragðafræðsla) er hlutur af íslensku skólakerfi þá er verið að traðka á trúfrelsi minnihlutans með því að þrýsta á börn þeirra til þess að stunda og meðtaka sömu trú og bekkjarfélagar þeirra.

Það er þetta sem málið snýst um.

Að koma í veg fyrir að það sé settur þrýstingur á börn að "vera með" í trú.

Það er ekki verið að banna börnum að syngja sálma. Það er ekki verið að banna börnum að lesa biblíuna. Það er ekki verið að banna börnum að fara í kirkju. Það er ekki verið að banna börnum að tala um jesú eða teikna engla.

Það er verið að setja þá reglu að á skólatíma meigi ekki nokkur fullorðin manneskja koma og láta börnin gera þetta í trúarlegum tilgangi.

Það á ekki að vera í verkahring menntannastofnanna að innræta trú því það traðkar á trúfrelsi barnanna okkar.

Menntastofnanir eiga að kenna "um" trúarbrögð og halda sig við staðreyndir, ekki segja börnum hvaða trúarbrögð séu réttari en önnur.

Og hvað er bannað í öðrum ríkjum kemur málinu ekkert við.

[Halldór Jónsson, 27.10.2010 kl. 15:51]

Jú það kemur málinu við Hans. Við þurfum ekkert umburðarlyndi umfram það sem aðrir sýna okkur. Ég man eftir því að sumum börnum var bannað að vera í kristnifræðitímum og tóku ekki próf í bibblíusögum þegar ég var í barnaskóla. Ég sótti þessa grein þó heiðinn væri og tók próf. Það var meira að segja eitthvað svona í 1.bekk í Gaggó og krakkarnir gengu til prestsins til að fermast þó ég gerði það ekki.

Málið er að þjóðin ákveður og styðst við stjórnarskrá að námskráin í skólunum skuli vera kristin þá er hún svoleiðis og engar nefndir skipaðar einhverjum kommatittum úti í bæ eiga að breyta því af einhverri tillitssemi við einhverja minnihlutahópa, hvort heldur er illakritnir Íslendingar eða múslímakrakkar. Ef þessir minnihlutar þola ekki meirihlutann þá eiga þeir bara að fara annað og hætta að traðka svona á meirihlutanum.

[Hans Miniar Jónsson., 29.10.2010 kl. 22:02]

Bíddu nú við, ertu að gefa í skyn að við eigum ekki að sýna börnunum okkar meira umburðarlyndi en fólk í öðrum löndum sýnir sínum börnum?

Og ert þú að gefa í skyn að það eigi ekki að standa vörð um mannréttindi minnihlutans? Að hann eigi bara að hypja sig ef hann er ósáttur?

Á þetta bara við trúarbrögð eða áttu kanski við samkynhneigða líka?