Dauðastríð Evrunnar

er hafið. 50 Þjóðverjar hafa höfðað mál fyrir stjórnlagadómstólnum þar í landi vegna þess að þeir vilja ekki að Þjóðverjar taki á sig að borga erlendar skuldir óreiðumanna. Þjóðverjar skiptast nú í tvær jafnar fylkingar að því sagt er um afstöðu til þess að taka upp gamla DM. Jafnvel Angela hefur hreyft þessari spurningu.

Hvað skeður fyrir Evruna ef Þjóðverjar tilkynna um brotthvarf úr myntbandalaginu? Það er nokkuð morgunljóst að það mun verða Evrópu til mikillar blessunar sem þá verður skyndilega orðin samkeppnishæfari á heimsmarkaði. Evran hefur nú engar forsendur til þess að vera hærra skráð en Bandaríkjadalur.

Ný Evra strax án Þýskalands er heimsnauðsyn. Dauðastríð Evrunnar er þegar orðið of langt og kvalafullt.

Útförin verður auglýst síðar.

Athugasemdir

[Sigurður Þorsteinsson, 6.12.2010 kl. 10:12]

Halldór við mætum við jarðaförina, dettum í það og látum ófriðlega

[Magnús Helgi Björgvinsson, 6.12.2010 kl. 18:50]

Evran lendir þá í sömu gröf og krónan og verðtryggða krónan. Nema að krónunni tekst sennilega að gera Íslenskan almenning alvarlega fátækan áður. Minni á að á nokkrum mánuðum tókst Íslenskri krónu að lækka hér kaupmátt um 25 til 30%. Og að Ísland er á góðri leið með að verða láglaunaland í kjölfarið. Sem og að öll verðtryggð lán hækkuð vegna krónunar um 30% á nokkrum mánuðum árið 2008.

Og eins bendi ég á að það eru engir hálfvitar sem stjórna í Evrulöndum og hefðu aldrei tekið upp þessa mynt ef þeir teldu að hún væri ekki til hagsbóta. Og þó að Þjóðverjar séu eitthvað ókyrrir núna, þá er það svipað og Íhaldsmenn í Bretlandi sem alltaf hafa verið á móti ESB þegar þeir eru í stjórnarandstöðu en eru það svo ekki þegar þeir komast í aðstöðu til að gera eitthvað í málunum

[Halldór Jónsson, 6.12.2010 kl. 22:08]

Magnús Helgi

Verðtryggða krónan íslenska er sterkasti gjaldmiðill í heimi og því sá versti að skulda í. Hann er nefnilega ónæmur fyrir verðbólgu. Engin önnur mynt er það

Kaupmáttur lækkaði auðvitað við gengisfall krónunnar. En gengi hennar hafði hækkað verulega á árunum á undan og kaupmátturnáði hæstu hæðum. En hvað hélt honum uppi? Innflæði gjaldeyris knúið áfram af alvitlausri hávaxtastefnu Seðlabankans. Enginn trúir því að þetta hafi verið í lagi.

Menn sem tóku upp evruna trúðu því að þeir væru að gera rétt. Nema að Þjóðverjar voru sárt leiknir á snarvitlausu skiptigengi 2 DM=1 E. Þeir létu svo verðlag fara upp um 100 % og það sem kostaði 1 Dm lostaði ári seinna eina evru. Það voru Frakkar sem píndu þá í þetta og Þjóðverjar hlýddu. Nú er ekkert hagkerfi við lýði á Íslandi. Aðeins miðstýrt Sovét sem ákveður einhliða hversu fátæk við skulum vera. Allir eru í þegnskylduvinnu hjá útgerðinni og útflytjendum. Þjóðarhagur batnar útá við vöruskiptajöfnuður flottari en nokkru sinni. Svo fara flugumferðastjórar og kennarar bráðum í verkfall og þá versnar þetta til muna.

Þjóðverjar eru hinsvegar að ókyrrast verulega og það verður spennandi að sjá hvað verður úr.

Sláðu uppá Nigel Farange leiðtoga hægrimanna í Bretlandi og gáðu hverju hann spáir um framhaldið.