Ekki láta kratana plata

ykkur til að trúa því að þjóðin vilji borga Icesave lll fyrir Steingrím og Má.

Niðurstaða könnunar Gallup, sem Ríkisútvarpið greinir frá, er merkileg fyrir tvennt. Það er ekki meirihluti fyrir því að leggja skuldir einkabanka á skattgreiðendur og mikill minnihluti landsmanna gerir sér grein fyrir hvað í nýjum Icesave-samningum felst. Samkvæmt útreikningum Gamma gæti "skuldin" verið allt að 233 milljörðum króna en í besta falli 26 milljarðar. 

Nú er áróðursvél EU farin að spýta fé í allar áttir til að heilla þjóðina til að samþykkja að borga erlendar skuldir óreiðumanna.

Þjóðin segir nei ef Forsetinn stendur við orð sín á Blomberg. Og auðvitað gerir hann það.

Látum ekki kratana plata okkur.

Athugasemdir

[Björn Birgisson, 13.1.2011 kl. 00:16]

Vegsauki forsetans er mikill í Valhöll. Óli grís er orðinn Herra Ólafur Ragnar Grímsson, gott ef ekki hans hágöfgi, og öll ummæli um skítlegt eðli eru löngu gleymd og fyrnd. Var nokkur að nefna pólitíska vindhana?

[Helga Kristjánsdóttir, 13.1.2011 kl. 00:46]

 Þori að hengja mig upp á,að þannig skrifaði eða talaði ekki Halldór.

[Jón Valur Jensson, 13.1.2011 kl. 00:56]

Góður Halldór!

Það má líka benda á, að "tæp sautján prósent segjast þekkja innihald samninganna vel eða að öllu leyti. Þetta kemur fram í nýjum þjóðarpúlsi Capacent Gallup."

Sem sagt: sjöttu hver maður segist þekkja innihald samninganna vel eða að öllu leyti!

Þegar við þetta er miðað, sem og hitt, að gegndarlaus áróðurs- og fullyrðingaflaumur stjórnarsinna, fjölmiðlamanna og sjálfskipaðra sem og tilkallaðra álitsgjafa hefur verið MEÐ því að þessi Icesave-III-samningur sé "betri" en hinir fyrri (þótt ólöglegur sé!), þá er ekki undarlegt, að menn séu margir ruglaðir í ríminu og hafi ekki enn mótað sér vitræna skoðun á þessu Icesave-III-fyrirbæri.

Andstaðan á eftir að aukast, bæði 17. janúar nk., þegar Alþingi verður sett á ný, og nú þegar í kvöld, eins og margir bloggarar sýna með viðbrögðum sínum við því hneykslunarefni sem fjármálaráðherrann gefur þjóðinni, að ætla að borga 26,1 milljarð króna vegna Icesave á þessu ári, fram hjá fjárlögum (lesið um það HÉR!), stuttu eftir að "ríkisstjórnin ætlaði kinnroðalaust að reka 960 manns, aðallega konur, vegna meints 4 milljarða sparnaðar í heilbrigðiskerfinu"!

Steingrímur og Jóhanna gætu þá reynt að segja upp rúmlega 7.000 manns til að hafa fyrir fyrsta árs neyðargjöfunum til Breta og Hollendinga!

[Halldór Jónsson, 13.1.2011 kl. 08:30]

Björn,

Ég er viss um að værir þú í sjónum að drukkna þá myndirðu frekar sökkva heldur en að láta Sjálfstæðismann  bjarga þér, svo samkvæmur sjálfum þér ertu.

Helga,

hvað skal gera í algerri styrjöld?

Trausti baráttumaður Jón Valur,

Við gefumst ekki upp fyrir auðvaldinu og krötunum.