Það er ekkert að stjórnarskránni

sem réttlætir það að láta Jóhönnu Sigurðardóttir hafa þjóðina og þingið að fíflum með að búa til Stjórnlagaráð eftir að Stjórnlagaþingið klikkaði, eins og það væri einhver þörf á því að búa til nýja stjórnarskrá.

Þjóðin sá stjórnarskrána virka þegar gjá myndaðist milli þings og þjóðar og Forsetinn hlýddi kalli kjósenda. Það er ömurlegt að horfa á það hvernig ríkisstjórninni líðst að brenna upp peningum í þetta hugarfóstur sitt, kosningarnar frægu sem Hæstiréttur ógilti og svo farsinn og óvirðingin á Hæstarétti sem fylgdi á eftir. Ef hér verða kosningar þá ætti það að verða fyrsta verkið á eftir því að skipa annan Seðlabankastjóra að reka stjórnlagaráðið heim og loka sjoppunni.Frá þessu bullráði kemur ekkert sem neinn varðar um. Það er Alþingis að breyta stjórnarskránni ef einhver þörf er á og einskis annars og eitthvað lið úti í bæ hefur þar ekkert að segja.Ekki frekar enn fyrri stjórnarskrárnefndir frá 1944.

Mörgum finnst að Alþingi hafi verið tregt að breyta kosningafyrirkomulaginu þannig að lýðræði myndi ríkja á Íslandi fremur en jöfnuður á milli flokka eins og nú er. Eitthvert ákvæði um einhverja þjóðareign á fiskinum er algerlega óþarft þegar Alþingi ákveður að úthluta honum til gæðinga sinna og gefur skít í einhverja rómantík. Ómar Ragnarsson eða Þorvaldur Gylfason geta engu breytt í þessu efni og ættu þess vegna að sinna einhverju öðru. Ómar að skemmta okkur og Þorvaldur að fara í taugarnar á okkur, hér eftir sem hingað til.

Það er ekkert að stjórnarskránni sem getur batnað við afskipti þessa liðs sem ér stjórnlagaráð Jóhönnu Sigurðardóttur og kommúnista. Það er ekkert annað en venjuleg rakettusýning óhæfrar ríkisstjórnar til að tala um annað en eigið getuleysi.

Athugasemdir

[Kristinn Karl Brynjarsson, 16.4.2011 kl. 00:21]

Það er í það minnsta ekki það mikið að stjórnarskránni að ekki megi kjósa fyrr en þingið er búið að rífast um afrakstur stjórnlagaráðs, sem verður líklega ekki fyrr en á þarnæsta þingi, ætli Jóhönnustjórnin að lafa út kjörtímabilið. 

Líklegast myndu þá þessar  stjórnarskrárbreytingar frestast um tvö ár, yrði kosið nú, eða á næstu vikum eða mánuðum. 

 En auðvitað eru stjórnlagaráðsrökin gegn kosningum, ekkert annað en fyrirsláttur þeirra, sem óttast að kosningar nú, setji þá á atvinnuleysisskrá. 

Því fólki finnst það hins vegar  skipta minna máli, þó þúsundir manna séu atvinnulausar á meðan ónýtt þing og ríkisstjórn heldur áfram að murka síðustu líftóruna úr þjóðinni.

[Halldór Jónsson, 16.4.2011 kl. 06:34]

Takk fyrir nnlitið Kristinn Karl

Ég hef nú ekki heyrt þetta fyrr að það verði að bíða með kosningar eftir því að eitthvað komið frá Þorvaldi Gylfasyni, ég held að það það breyti engu fyrir þessa þjóð héreftir sem hingað til. Hitt segir þú réttilega að það þingliðið þráist við vegna atvinnuöryggis síns.Að þjóðin þjáist vegna getuleysis þess gefur þetta lið minna fyrir.

[Kristinn Karl Brynjarsson, 16.4.2011 kl. 09:10]

Hreyfingin og Siv hafa sagt að ekki sé hægt að boða til kosninga fyrr og auðvitað kattahjörð Jóhönnu.  Enda stór hluti hennar á leið af þingi ef kosið yrði fljótlega.

 Þá er nú að mati þessa fólks, betra að njóta ylsins frá kjötkötlunum aðeins lengur, alla vega í tvö ár til. 

[Halldór Jónsson, 16.4.2011 kl. 18:05]

Ég held að þeir endist ekki svo lengi Kristinn Karl. Ef maður horfir á þá núna með eins manns meirihluta. Ég þekki það til tæpra meirihluta að það má lítið útaf bera til að öðrum í hópnum ofbjóði heimtufrekjan í hinum frekustu og slái undir borðið. Það er einmitt einkennið á jafnaðarmönnum hversu ójöfnuðurinn er þeim eðlislægur. Yfirleitt geta þeir ekki á sárshöfði setið gagnvart hvor öðrum og því fer sem fer hjá þeim og þessar vinstristjórnir springa því með hvellum eins og dæmin sanna..