Vaclav Klaus

forseti Tékklands flutti góðan fyrirlestur í Ástralíu um loftslagsbreytingar og Evrusvæðið. Nálgast má fyrirlesturinn á bloggsíðu Ágústar H.Bjarnason í gegnum snertu hér til hliðar.

Ég hafði mjög gaman af því að hlusta á forsetann, sem er lærður hagfræðingur og vanur tövulíkanagerðarmaðurm ræða hvernig sjálfskipaðir loftlagssérfræðingar hafa komið ár sinni fyrir borð í heiminum. Þeir stefna að því að móta veröldina að sínum vilja og vilja takmarka frelsi mannkynsins, sem þýðir árás á lískjör alls heimsins. Þeir vilja láta fylgja sérvisku sinni sem hefur áhrif á afkomu allra jafnt kolanámumanna í Ástralíu sem sjómanna á Íslandsmiðum og stóriðju í okkar landi.

Vaclav rifjaði upp að hann hefði lifað 40 ár ævi sinnar undir kommúnisma sem reyndi að fella alla hluti að fyrirframgerðum kenningum sínum og áætlunumn. Afleiðingin varð stórtjón á frelsi og hagvexti kynslóða Tékka. (Manni verður hugsað til þess sem Íslendingar líða nú undir stjórn Steingríms J.og Jóhönnu.)

Baclav fór líka í gegnum Evrusvæðið. Hann varaði við stofnun þess fyrir 20 árum og sagðist enn vera sama sinnis. Að stofna eitt myntsvæði hefði tekið Bandaríkin 150 ár og eitt borgarastríð, það væru liðin 150 ár síðan Ítalir settu sitt sameiginlega myntsvæði á stofn með sameiningu Ítalíu. Þeir væru enn á sama stað með vandamálin milli norðurs og suðurs, iðnaðar og landbúnaðarsavæðanna. Það myndi taka ekki skemmri tíma að koma Evrusvæðinu saman í eitt ríki, sem væri ekki lengur efnhagsbandalag heldur Evrópusamband á leið til eins ríkis sem fengi öll fyrirmæli beint frá Brüssel til framkvæmda að viðlögðum refsingum. (Tékkar hafa haldið krónunni sinni).

Það er þess virði að horfa á þennan fyrirlestur.

Ennfremur er á YouTube kappræður Lord Monctons stærðfræðings og Dr. Dennis hagfræðings um það hvort borgi sig að eyða stórfé í dag til að berjast við áhrif af hugsanlegum loftslagsbreytingum af mannvöldum. Moncton segir það vera miklu ódýrara að gera ekkert og sjá til hvert vandamálið verði en Dennis vill eyða stórfé til að reyna að koma í veg fyrir það sem Moncton segir alls óvíst að verði. Þetta á allt beint erindi við Íslendinga sem eru komnir á kaf í verslun með losunarheimildir, sem engin ástæða kann að vera fyrir.

Efnahagsleg áhrif af því að stjórnmálamenn byrji að hlaupa eftir mýrarljósum í hlutum sem þeir ekki skilja til fulls en þeim hefur verið talin trú um af slóttugum kaupmönnum hugmynda, þar sem gróðavon ýmissa afla geta verið undirliggjandi, geta verið gríðarleg.

Vaclav Claus varar okkur við að láta blekkjast af hávaðaseggjum og vefurum keisarans sem vaða uppi í skjóli hálfsannleika eða hreinnar ímyndunar á sviði loftslagsbreytinga og snöggsoðinna hagfræðikenninga. Lord Moncton hefur tímabær skilaboð að flytja til almennings að láta ekki blekkjast af órökstuddum fullyrðingum sem geta komið niður á okkur og börnum okkar í níunda lið.

Athugasemdir

[Helga Kristjánsdóttir, 14.8.2011 kl. 20:33]

  Heimurinn er eitt allsherjar skákborð,þar er alvöru leikfléttur oft upp á líf og dauða.

[Arngrímur Jóhannsson, 14.8.2011 kl. 22:05]

Gott ad einhverjir sjai ruglid. Kv.aj

[Vilhjálmur Eyþórsson, 14.8.2011 kl. 22:38]

Verkurinn er að öll þessi undarlega steypa um „gróðurhúsaáhrif“, sem ég hef reyndar skrifað um, dregur athyglina frá lang alvarlegasta vanda mannkynsins og undirstöðu nánast allra annarra vandamála, nefnilega offjölguninni.

[Halldór Jónsson, 14.8.2011 kl. 23:02]

Komdu þar Vilhjálmur. Og það er sá hluti mannkyns sem verstar hefur aðstæðurnar sem fjölgar sér mest. Mannkyninu hlýtur að miða afturábak þegar vægi menntunar og upplýsinga minnkar hlutfallslega. Sama þróun verður með vaxandi fjölmenningu á vesturlöndum þegar innflutningur á óþjóðum vex stjórnlaust og innfæddum fækkar hlutfallslega.