Sameinum leik-og grunnskóla

og spörum okkur auk þess  tvöfaldar kjaradeilur. En fleira kemur til en það.

Leikskólinn er orðinn miklu meira en geymslustaður fyrir börnin eins og hann var. Þetta er beinn forskóli og á að vera hluti af menntakerfinu. Börn eiga að vera leikskólaskyld frá unga aldri, kannski 4 ára. Þetta er alvöru skóli, það sér maður á því hvað börnin læra mikið og þroskast.

Hættum að flokka leikskólakennara sér. Þetta eru kennarar eins og hinir.

Samfelldur grunnskóli frá 4 ára aldri er vænlegur til árangurs.Hugsanlega myndu þá fleiri börn kunna margföldunartöfluna á fermingardaginn en nú er venja.

 

Athugasemdir

[Helga Kristjánsdóttir, 16.8.2011 kl. 13:07]

 Þar mætti svo lauma inn nauðsynlegum atriðum eins og nægjusemi,tillitssemi og kurteysi,kanski er það gert víða. 

[Anna Sigríður Guðmundsdóttir, 16.8.2011 kl. 19:07]

Halldór. Nú er ég algjörlega sammála þér, eins og stundum áður.

Þetta með margföldunartöfluna er þörf ábending hjá þér. Það er lámarkskrafa, að grunnskólar landsins nái að skila börnum læsum, og með margföldunartöfluna, út í lífið (sem er mikill misbrestur á). Því fyrr sem börn byrja að læra, þeim mun betur gengur þeim að læra.

Staðreyndin er að samfélagið er háð því að börnin séu í gæslu, vegna launakjara og fyrirkomulags kynjanna í dag.

Efnalitlir foreldrar hafa ekki val um hvort þeir eiga að nýta sér leikskóla fyrir börn sín.

Börn eru háð því að eiga vandaða og víðsýna leikskóla-starfsmenn. Þetta snýst í raun meira um kjör leikskóla-barna en leikskóla-kennara. Það er staðreynd að börn læra mikið í leikskólum, og tímaleysi hjá foreldrum nútímans er sorgleg staðreynd, í mörgum tilfellum. Börn eru svo móttækileg til að læra á þessum fyrstu árum ævinnar.

Afi og amma eru því miður ekki alltaf til taks, eins og var áður fyrr. 

Heilsuleysi fólks á öllum aldursstigum, er vaxandi vandi á vesturlöndum, vegna einhæfni vísindalækninga í kerfinu. Einungis vestræn læknisfræði er viðurkennd og studd af ríkinu og tryggingarstofnun á Íslandi, og er því miður oft sjúkdóms-skapandi, öfugt við austrænar lækningar sem taka á rót sjúkdóms-vandans. Vestrænar og Austrænar lækningar þurfa að vinna saman á jafnréttisgrundvelli ef vel á að vera. Vegna þröngsýni heilbrigðis-kerfisins, er margt eldra fólk of heilsulaust til að geta sinnt barnabörnunum eins og þau vilja.

Ég vil nú helst að gamla fólkið sjái að hluta til um uppeldi barna-barnanna, vegna síns þroska og reynslu, en það er ekki alltaf í boði.

Gamla fólkið er oft annað hvort í fullri vinnu, eða of heilsulaust til að sjá um þetta starf að einhverju gagni, í mörgum tilfellum, því miður.

M.b.kv.