Á bara að þegja?

Steingrímur J?

Í Mogga sér maður að Guðlaugur Þór hefur beðið fjármálaráðherra um mat á tjóninu sem varð þegar Gordon Brown beitti okkur hryðjuverkalögum:

"Tjón fyrirtækja vegna hryðjuverkalaganna sem Bretar beittu gegn Ísland haustið 2008 er metið á um 5,2 milljarða króna. Langmestan hluta þess tjóns má rekja til niðurfelldra gjaldfresta.
Þetta kemur fram í skýrslu fjármálaráðherra um mat á áhrifum af beitingu Breta á hryðjuverkalögunum og lögð var fram á Alþingi fyrir stundu. Það var Guðlaugur Þór Þórðarson og fleiri þingmenn sem fóru fram á skýrsluna...."

Flest bendir þó til þess að óbeint tjón af hryðjuverkalögunum sé mun hærra og líklegt sé að laskað orðspor íslensks efnahagslífs, og þar með íslenskra fyrirtækja, hafi langmest tjón í för með sér...."

Er ekki hægt að formúlera kröfu á þetta fólk? Eigum við bara að borga þeim vexti og skaðabætur?

Á bara að þegja?

Athugasemdir

[Kristinn Karl Brynjarsson, 17.9.2011 kl. 20:46]

Það eru meiri líkur á því að Bretum verði þakkað fyrir hryðjuverkalögin af núverandi stjórnvöldum, en að sóttar verði bætur vegna þeirra.

Eins og ESB stóð þétt að baki Bretum og Hollendingum í Icesavedeilunni, þá mun ESB einnig gera slíkt hið sama, verði höfðað mál gegn Bretum.

Slíkt setti aðlögunnarferlið að ESB í uppnám.

Núverandi stjórnvöld, fara ekki að taka upp á því að vernda þjóðarhagsmuni og sækja það sem þjóðinni ber, ef slíkt setur aðlögunnarferlið í uppnám.

[Skeggi Skaftason, 17.9.2011 kl. 21:51]

En ... áttum við ekki aðeins skilið þessi hryðjuverkalög?!

Ég meina, Bretar vissu ekki hvað var að gerast, þar til allt í einu íslenska ríkið sagðist vera að taka yfir Lansbankann, þar sem lágu fleiri hundruð milljarðar af sparifé breskra þegna, sem íslensk stjórnvöld ætluðu ekki að ábyrgjast?!

[Jón Ríkharðsson, 18.9.2011 kl. 00:52]

Íslenska þjóðin átti þetta ekki skilið.

Þó að einstaklingar sem fæddir eru og uppaldir á Íslandi hagi sér með óábyrgum hætti, þá á ekki að refsa öllum íslendingum fyrir það.

Ég neita alfarið ábyrgð á gjörðum bankamanna í útlöndum, ég kom þar hvergi nærri og ég er einn af mörgum sem er alsaklaus af glæpsamlegri hegðun stjórnenda bankanna.

[Elle_, 18.9.2011 kl. 11:58]

Nákvæmlega, Jón.  Leiðinlegt að hlusta endalaust á fólk saka okkur öll um gjörðir okkur ókunnra manna.  Og nei, við eigum ekki að þegja.  Við ættum að fara í skaðabótamál gegn breskum stjórnvöldum, en eins og Kristinn segir, mun það ekki gerast meðan núverandi stjórn er við völd.  ICESAVE-STJÓRNIN. 

[H.T. Bjarnason (IP-tala skráð) 18.9.2011 kl. 12:53]

Í samskiptum þjóða ríkir ekki vinátta, heldur hagsmunir.  Breskra stjórnin var einfaldlega að verja eigin hagsmuni með þessa lagastetningu.  Ef við teljum að um ólöglegan gjörning hafi verið um að ræða, þá skulum við endilega stefna bresk stjórnvöld.