Fleiri áherslupunktar

eru í grein Guðna Ágústssonar í Mbl dagsins.

"... Þjóð sem hefur hærri útflutningstekjur en sem nemur kostnaði við innfluttar vörur og þjónustu til lengri tíma þarf engu að kvíða í efnahagsmálum. Hún þarf ekki að íhuga eða trúa á efnahagsbata sem hlotnast af upptöku evru í stað krónu......

...Við þurfum fyrst af öllu að horfa til vaxtar í útflutningsstarfsemi. Þar gegnir sjávarútvegurinn í dag stærsta hlutverkinu. Sjávarútvegur okkar keppir á alþjóðlegum mörkuðum við sjávarútveg bæði Noregs og landa ESB. Sjávarútvegur Noregs býr við mjög hagfellt umhverfi og lönd ESB-ríkisstyrkja sinn sjávarútveg um þúsundir milljarða...telji rétta tímann nú til að hirða arðinn af útgerðinni og sjómönnunum og færa hann í ríkiskassann? Að árið 2012 ætlum við Íslendingar að ofurskatta og í raun þjóðnýta sjávarútveginn? Sjávarútveg sem ESB segir nú sína fyrirmynd?...

...Iðnaður, ekki síst áliðnaður, er í dag ein sterkasta stoðin í útflutningi okkar, á eftir fiski og matvælum. Nú verðum við að ráðast í hagfellda virkjanakosti í fallvötnum landsins. Öfgafull verndarstefna mun stórskaða þjóðarbúið og draga niður lífskjör. Íslenskur landbúnaður flytur í vaxandi mæli vörur til annarra landa. Mjólkur- og kjötvörur til Evrópu, Ameríku og Asíu. Á sama tíma er gerður út í fjölmiðlum hagfræðiprófessor sem ástundar málflutning og pólitískan áróður. Þórólfur Matthíasson segir ósatt og snýr öllum rökum á hvolf. Það hentar ESB-umræðunni að gera lítið úr starfi bænda....

...Loðdýravörur sköpuðu yfir milljarð í gjaldeyri á síðasta ári. Ef þessi grein næði 1/10 af því sem Danir selja af þessum vörum á heimsmarkaði gætu okkar tekjur orðið 10-15 milljarðar árlega... Íslenski hesturinn, bæði í sölu- og ferðatengdri starfsemi, skilar milljörðum í þjóðarbúið....

...Eitt af því sem þarf sérlega að varast er ofvöxtur í eftirliti og flóknu skatta- og tollakerfi í atvinnulífinu. Slík kerfi leiða eingöngu til ófarnaðar..... .... Erum við á þessari leið?...
ESB er snautt af auðlindum....

... ESB verður, horft til framtíðar, ekki samkeppnishæft við efnahagssvæði á borð við Kína, Indland, Brasilíu, Rússland eða Bandaríkin. Þar ráða mestu um augljósar ástæður. Ríkin sem mynda ESB eru með óhagstæða aldursdreifingu íbúanna, náttúruauðlindir og orkuauðlindir eru takmarkaðar og síðast en ekki síst er ESB með þungt skriffinnsku- og eftirlitsbákn sem veikir samkeppnishæfnina.....

..Frið, vináttu, verslun en ekki bandalög....

Íslandi ber framtíðarinnar vegna að horfa til hagstæðustu markaðssvæða hverju sinni. Það sama gildir hér og um Bandaríkin forðum við stofnun þeirra 1776. Thomas Jefferson forseti sagði við embættistöku sína í upphafi 19. aldar: »Frið, vináttu og verslun við allar þjóðir - en engin bindandi bandalög....

....Sú ríkisstjórn er nú situr gerði mistök er hún afhennti erlendum vogunarsjóðum og í raun erlendum bröskurum og áhættufjárfestum tvo af þremur bönkum landsins. Vogunarsjóðirnir keyptu eignir gömlu bankanna fyrir smánarverð. Íslenskt þjóðfélag getur hvorki né hefur skyldur til að þessir aðilar fari með stórgróða frá þessu hneyksli...."

Standa þessi sjónarmið ekki nærri sjónarmiðum Sjálfstæðismanna? Ég get ekki annað en teki undir með Guðna Ágústssyni þó hann sé meiri framsóknarmaður en ég.

Athugasemdir

[Björn Emilsson, 16.4.2012 kl. 15:10]

Þorkskvótinn er 160 þúsund tonn og skilaði 40% af þjóðartekjum. Reikningsglöggir geta reiknað út þjóðartekjur af 500 þúsund tonna þorskkvóta, eða jafnvel milljon tonna. Er ekki hætt við allar búksorgir hyrfu eins og dögg fyrir sólu. Vísa til að Norðmenn, Rússar og Bandaríkin juku fiskveiðikvótann í milljón tonn.

Tomatar. Væri ekki ráð fyrir Húsvíkinga og aðra norðanmenn að skoða áætlanir sunnanmanna um stórtæka tómatarækt á Hellisheiði.

Það er löngu kominn tími til framkvæmda.

[Halldór Jónsson, 17.4.2012 kl. 16:56]

Satt segir þú vestræni víkingur. Hætt er við að golþorskurinn sem við erum ekki að veiða í Kollafirðinum núna veiðist ekki aftur. Nei, þá ætlar Hafró að geyma hann í sjónum

[Björn Emilsson, 17.4.2012 kl. 18:00]

Já kære ven. Oft finnst mér að menn ættu að líta í vesturátt. Gætu margt lært. Víst er að bandaríkjamenn myndu ekki fúlsa við svona tækifærum, eða nokkur þjóð yfirleitt.