Einar Benediktsson

ambassador skrifar skynsamlega um sölu landsréttinda á Íslandi til útlendinga af gefnu tilefni.

"Í blaðaviðtali í ágúst í fyrra kynnti Hjörleifur Sveinbjörnsson, yfirþýðandi í Þýðingarmiðstöð utanríkisráðuneytins, áform Huangs Nubo, fyrrum náms- og herbergisfélaga síns í Kína:

"Á næstu þremur til fjórum árum hyggst hann byggja upp 120 herbergja lúxushótel á Grímsstöðum, golfvöll og hestabúgarð og í Reykjavík tvöfalt stærra lúxushótel. Þá er hann að spá í flugfélag til að flytja fólk á milli hótelanna. Þetta á að verða heilsársrekstur ... Hann sér fyrir sér að Ísland verði næsta ferðamannaparadís heimsins en þarna er verið að tala um tíu til tuttugu milljarða fjárfestingu, segir Hjörleifur."

Þessi furðufrétt varð til þess, að ég og aðrir fórum að greina þessi óvæntu fjárfestingaráform í víðara samhengi kínverskrar utanríkisstefnu og umsvifa erlendis....

Það er reyndar býsna auðvelt, en stundum tímafrekt, að fá yfirsýn yfir þróunina í Kína....

Heimildir mínar eru sem sagt upplýsingar, sem liggja fyrir og af

þeim dreg ég mínar eigin ályktanir. Varðandi Kína, norðurskautið og Ísland er það auðvelt. Áform Huangs voru að öllum líkindum tilraun kínverskra stjórnvalda eða hersins að ná framtíðar fótfestu á Íslandi. Hvenær það gæti komið sér vel væri óráðið en Kínverjar hugsa til langs tíma. Að festa sér land á norðaustur hluta Íslands til 99 ára væri fyrirhafnarlaus landvinningur....

En af hverju ætti annars nokkur að hafa trúað þessari jólasögu á hásumri um þróun ferðaþjónustu á Hólsfjöllum þar sem óþekktur Kínverji leikur aðalhlutverkið?

Var hægt að fá nokkurt vit í það skilyrði að fylgja skyldu til eignar mörg hundruð ferkílómetrar lands? Og svo yrði hótelið tengt með eigin flugsamgöngum við Reykjavík. Átti flugvélakosturinn annars ekki að koma frá kínverska flughernum? Af hverju var reynt að telja fólki trú um að einmitt þarna í auðn, einangrun og illviðrum vetrar, væri hægt að reka lúxushótel allan ársins

hring? Já, því ekki að hafa golfvöllinn bara á Vatnajökli? Og við skulum ekki vera með neinn barnaskap um að Huang, rétt eins og aðrir kínverskir "auðjöfrar", er settur í þá stöðu í miðstýrðu efnahagskerfi. Ekkert slíkt gerist í Kína nema að fenginni blessun flokks og ríkis...

... En Kína er miðstýrt einræðisríki sem virðir ekki mannréttindi sem við hljótum að harma og mótmæla. Þá er Kína mjög að sækja sig í veðrið sem kjarnavopnavætt hernaðarstórveldi, einnig með öflugan herflota. Kínverjar eiga í deilum um lögsögu við öll löndin í Suður-Kínahafi, sem eiga varnarsamstarf við Bandaríkin. Þar kynni að slá í harðbakkann.

Engum getur dulist að Kínverjar sækja í auðlindir norðurskautsins og þeir munu stunda siglingar í stórum stíl um norðaustur leiðina um pólinn, - siglingaleið sem er að opnast. Þeir hafa sóst eftir umskipunarhöfn í Norður-Noregi en það mál féll niður enda andar köldu frá Kína í garð Norðmanna fyrir það uppátæki að hafa veitt kínverskum andófsmanni friðarverðlaun Nóbels...."

Hér er skynsamlega mælt í anda nafna hans Þveræingsins, hvers vísdómur ætti að lýsa Íslendingum hvað varðar jarðasölu til útlendinga almennt. Þegar hafa verið framin óhappaverk á því sviði.

Látum þetta okkur að kenningu verða og setjum heildarreglur um slík mál.

Einar Benediktsson á þakkir skildar fyrir sínar athuganir á þessu máli.

Athugasemdir

[Óskar Helgi Helgason (IP-tala skráð) 26.5.2012 kl. 13:17]

Heill og sæll Halldór; æfinlega !

Halldór; fornvinur mæti !

Því miður; ber Einar Benediktsson, skikkju hræsninnar, á báðum öxlum.

Þessi fyrrrverandi sendiherra; er einn fremsti hlaupagikkur þeirra afla, sem vilja innlimun Íslands, í Evrópusambandið, með þeim Benedikt Jóhannessyni (Zoega) o.fl. Evrópu undirlægjum; þér, að segja.

Málflutningur Einars; gagnvart Kínverjum og fleirrum fjarlægum, ber vitni hrokafullrar og ómerkilegrar kynþáttahyggju, fornvinur góður.

Bezt; að hafa vara, á slíkum, Halldór minn.

Með beztu kveðum; sem jafnan, úr Árnesþingi / 

[Hrólfur Þ Hraundal, 26.5.2012 kl. 16:26]

Þakka þér Halldór vakandi  skoðun. 

Það er alveg sama hvað ríkið heitir, ef þjóðirnar sem ríkið byggja fá ekki að hafa og segja sína skoðun fyrir stjórnvöldum þar, þá á að hafa allan varan á í viðskiptum.  Það hefur verið barist um lönd í aldir, og það er enn gert.  Kínverjar eru margir og sé þeim, vel stjórnað þá geta húsbændur þeirra fengið mikinn auð fyrir nokkrar hrísgrjónalúkur. 

Kínversk stjórnvöld munar því ekkert um að kaupa eyjuna Ísland sem þá vantar mjög til að ná taki, áhrifum.   En það er ekki eins áberandi að kaupa stóra öræva jörð á hentugu svæði til að þróast útfrá.  Verst var þeirra vegna að þetta  fór í hámæli.  En umhugsunarvert okkar vegna er framkoma sumra ráðherra, sem að mínu viti eru algjörlega ósæmileg.  

Þessi Kínverski útsendari, sem heldur að hann sé skáld og listamaður og kann að brosa og hneigja sig eins og gúmný dúkka,  en er í raun nákvæmlega eins og  hver annar Tróju hestur, er mér ekki að skapi.   

En sé það svo að bændur eigi í vandræðum með að losna við jarðir sínar þá á Ríkið að kaupa þær og leigja til hvers sem er, eða selja til innfæddra Íslendinga. 

En svona til athugaunnar þá eru það ekki bara bændur sem eiga í vandræðum með að losna við eignir sínar nú um mundir.  þannig er og með suma aldraða fyrirtækiseigendur og verður svo á meðan þetta sett skipar Stjórnarráðið.

 

  

[Óskar Helgi Helgason (IP-tala skráð) 26.5.2012 kl. 20:11]

Sælir; á ný !

Hrólfur vélfræðingur; Eyrbyggi góður !

Minni bara á; að ekkert lýðræði svokallað, ríkti hjá hinum gengnu Kína Keisurum - fremur en bræðrum mínum, í hinni göfugu Kuomingtang hreyfingu (þjóðfrelsishreyfingu Lýðveldissins Kína), Chiangs Kai- shek, í þeim skilningi, sem Vestræni mælikvarðinn leggur, á hugtakið.

Hygg; að leita þurfi lengi, að því ríki fullkomleikans, sem Íslenzk mælistika, hinnar þjóðlegu þröngsýni, leggur til grundvallar - og samþykkis, sinni sérvizku, Hrólfur minn.

Með; ekki síðri kveðjum - en hinum fyrri /

frá fyrrverandi þjóðernissinna - núverandi Alþjóðasinna, í anda hins verðuga Falangisma (Francós; og Gemayel í Líbanon), piltar /  

[Guðmundur Kjartansson, 26.5.2012 kl. 20:20]

Mæltu heill Halldór, eins og alltaf:

Nóg er af bjánum á þessu landi sem eru tilbúnir að opna borgarhliðin fyrir þessum síbrosandi asna.

Hann þarf því ekki einu sinni að klífa múrinn, þótt hann sé klyfjaður gulli. 

Kommúnísku gulli.

[Halldór Jónsson, 26.5.2012 kl. 20:20]

Ja fornvinur góður Oskar Helgi.

Einar hefur margs salina séð hátimbraða.Enkég trúi því adri aðhann hafi mjög gleymt Borgarfirði að hann vilji afsala sér honum flremur en þú Arnesþinginu góða.

Hrólfur, þú erlt ekki i vanda meðskilninginn frekaren fyrri daginn.Nupo er ekki allur þar sem hann er séður

[Björn Emilsson, 26.5.2012 kl. 20:22]

Jóhanna er víðsýn kona má segja og lítur í allar áttir. Afturábank og útáhlið. Gælir bæði við kínverja og þjóðverja í sömu andrá. En heilsaði ekki Obama Forseta á NATO fundinum í Chicago

[Halldór Jónsson, 26.5.2012 kl. 20:24]

Ja Giudrmundur,

Fillipus fadir Alexanders, skildi mannlegt edli jafnvel í litlu asíu og a Grímsstøðum

[Halldór Jónsson, 26.5.2012 kl. 23:14]

Hollvinir góðir úr Árnesþingi og lengra að reknir.

Ég reyndi að svara ykkur á IPAD vél en það er basl eins og þið sjáið. Þið takið viljannn fyrir verkið veit ég.

En Björn Vesturvíkingur: Hvað segir þú um Jóhönnu. heilsaði hún ekki Hússein Obama svo eftir var tekið í því landi? Þykir mér leitt ef landar vorir eru ekki lengur ljúfir við alþýðu þó lítilsigldari sé sem þá má kyrrt liggja. Eða treystast okkar menn ekki lengur að etja kappi við aðra?