Snakk

er það víst innantómt þegar Þór Saari talar núna um kosningar. Vegna fyrri reynslu af manninum og Hreyfingunni er hinsvegar ekki gott að átta sig á því hvert hann er að fara. Hefur hann þessa skoðun og hafa hinir tveir þingmennirnir hana líka? Er þetta þá ekki bara skilyrt loðmullubull eins og verið hefur nánast í hverju máli þar sem Hreyfingin hefur að komið hingað til? Allt til sölu á þeim bæ þar sem sannfæring fyrirfinnst hvergi.Eini sýnilegi árangur kjörtímabils Þórs Saari að hann er fyrsti þingmaðurinn sem mætti ekki með hálstau.

»Ég reikna með að það verði sama óreiðan og hingað til. Málþófið hélt áfram á laugardag þar til ræðutíminn var á enda. Það virðast ekki vera nein teikn á lofti um að meirihlutinn ætli að taka af skarið og afgreiða mál samkvæmt 64. grein þingskapa,« segir Þór Saari, þingmaður Hreyfingar, um stöðuna.

»Það hefur verið talað um það í margar vikur að gera það en ekkert orðið úr því. Það var talað um það á laugardag að þingið myndi starfa á mánudag og þriðjudag og svo áfram í júlí. Það er erfitt að festa hönd á því hvað gerist. Það er ekki ólíklegt að ef veiðigjaldið fer ekki í gegn á næstu dögum þá verði júlíþing. Ég lít þannig á eftir að hafa setið ótal fundi með þingflokksformönnum og formönnum flokkanna síðustu daga að þingið sé ekki starfhæft.

Ég held að þingið sé komið á þann tímapunkt á þessu kjörtímabili að það væri skynsamlegt að boða til kosninga sem fyrst. Þetta gengur ekki. Hvernig ætli það verði á haustþingi ef þingið er búið að vera meira og minna óstarfhæft síðan fyrir páska?«

Þór Saari og raunar hvaða þingmaður Hreyfingarinnar sem er, getur svo sem komið fram með svona snakk til að gera sig breiðan því hann veit að Framsóknarmenn hafa ekki Siv og Guðmundur Steingrímsson styður stjórnina þannig að þetta er án skuldbingar sem ekki er hægt að hanka hann á.

Svo mér er eiginlega sama hvaða snakk kemur frá Þór Saari. Það breytir engu héreftir sem hingað til.

Athugasemdir

[Anna Benkovic Mikaelsdóttir, 19.6.2012 kl. 03:51]

hver er munurinn á ÓRG og Þór Saari?

[Anna Sigríður Guðmundsdóttir, 19.6.2012 kl. 19:40]

Sæl nafna. Þetta er góð spurning.

Þegar ég hugsa málið núna, þá finnst mér þeir eiga það sameiginlegt að sveiflast samviskusamlega með straumnum án ábyrgðar á orðum sínum og gjörðum. Ætli Þór Saari langi kannski að verða forseti mafíueyjunnar Íslands í framtíðinni?

Þór Saari hefur snúist í marga 360° hringi frá því hann settist á sveifluþing mafíunnar.

Þetta er nú að sjálfsögðu háði blandið hjá mér, og án sannana, en ég læt þessa vitleysu mína samt fara frá mér, enda er ég langt frá því að vera það sem kallað er fullkomin og virðingarverð innan "rétta(r)- rammans".

M.b.kv.