Sjálfstæðismenn verða að vara sig

á þeirri atlögu Evrópusinna í flokknum sem hafin er í undirbúningi landsfundar.

Þeir vinna skipulega að því að reyna að breiða sig út og láta líta út fyrir að þeir séu armur innan flokksins fremur en það brot sem þeir reyndust á hringborðalandsfundinum. En á þeim fundi reyndu þeir að sveigja umræðuna til samninga um aðlögunarviðræður að ESB. En þá snérist um 95 % landsfundar gegn aðild sem kunnugt er og hefur ekki verið frá því kvikað síðan.

Bjarni Benediktsson og Hanna Birna voru á stórum fundum í vikunni sem leið. Þau voru bæði afdráttarlaus um að fylgja þeirri stefnu landsfundar að telja hagsmunum Íslands betur borgið utan ESB.

Bjarni taldi á laugardaginn að aðrir flokkar en Samfylkingin kynnu að standa Sjálfstðisflokknum nær sem samstarfsaðili í nýrri ríkisstjórn en núverandi ríkisstjórnarflokkar. Aðspurður hvort hann teldi að flokkurinn væri tilbúinn að semja um stöðu sína í ESB málinu taldi hann að svo væri ekki.

Styrmir Gunnarsson lætur hinsvegar ekki deigann síga í langri viðleitni sinni til að fá Sjálfstæðisflokkinn, sem hann trúir augljóslega að hann beri mikla ábyrgð á, að sveigja til samstarfs á vinstra vænginn. Menn muna skrifin um sögulegar sættir og allt það samvinnutal frá fyrri tíð. Hann reynir talsvert til að láta svo líta út að innan flokksins séu miklar fylkingar aðildarsinna undir forystu sterkra talsmanna sem Þorsteins Pálssonar og Benedikts Jóhannessonar.

Með allri virðingu fyrir þessum mönnum öllum þá hafa engir þeirra sett mikinn svið á umræður á mörgum síðustu landsfundum né komið sjónarmiðum aðildar til mikillar fylgdar á fundunum. Áhrif þeirra í þessa veru er tæpast þau sem Styrmir lætur í skína. Það er því hæpið að Samfylkingarinnar bíði ný veiðilönd fyrir sitt eina mál hjá Sjálfstæðisflokknum. Varla mun Samfylkingin sætta sig við að fara í ríkisstjórn með þetta mál í 180 gráðu stefnubreytingu svipað og VG reyndi að sætta sig við á þessu kjörtímabili.

Það er því mikið í húfi fyrir Samfylkinguna að koma inn Trójuhestum á landsfund Sjálfstæðisflokksins til að undirbúa jarðveginn fyrir tilslakanir. Flokksfélög verða því að vera vel á verði að láta ekki slík öfl bora sér til fulltrúakjörs í félögunum. Vera hreinlega á verði gegn glænýjum félögum sem kunna að birtast og krefjast kjörs á landsfund án mikillar kynningar á sjálfum sér.

En hernaðaraðferð talsmanna ESB aðildar er sú að dreifa talsmönnum sem víðast og reyna að bora göt í samstöðu fólks með gagnstæðum málflutningi á sem flestum samkomum flokksins. Reyna að fá fólk til að hlusta á gyllingu aðildar með ýmsum hætti. Þannig virðist fjöldi talsmanna aðildar mun meiri en hann í raun og veru er og sér í lagi þegar innan þeirra raða eru málsnjöllustu og ritfærustu menn landsins.

Mikilvægt er því að að venjulegt fólk og verðandi landsfundarfulltrúar myndi sér skoðun á kostum og göllum aðildar og gæti að sér að sléttmálgir málaflutningsmenn nái ekki að undiroka afstöðu fundarmanna hvar sem er.

Sjálfstæðismenn verða núna hreinlega að vara sig.

Athugasemdir

[Helga Kristjánsdóttir, 13.1.2013 kl. 12:11]

Þetta er stríð,maður á mann. En rétt eins og Samfylkingunni bíður ekki við neinum manni, hvaða flokki sem hann tilheyrir,ef hann aðeins játar brusselska trú ættu Sjálfstæðis menn að fagna brautargengi Framsóknar,Hægri grænna og Kristilega flokknum. Það sækir enginn falsspámaður í Samfylkinguna,sem hefur einungis eitt meginmál á stefnuskrá auk einræðis formanns (hingað til). Væri ekki um sjálfstæði Íslands að tefla og landsmenn fengið að bergja á beiskum mjöðum svika úr öllum áttum,rúlluðu Sjálfstæðismenn þessu upp.En þeirra bíður ekki eingöngu baráttan við höfuðandstæðing,? Heldur einnig eins og þú segir Halldór að verjast talsmönnum Esb aðildar í flokknum,hafi landsfundur boðað að Íslandi sé betur borgið utan þess. Á hvað geta menn treyst sem eru tvístígandi,? Við sjáum andstæðinga hamra á þeim veikleika Sjálfstæðisflokksins,sem þeim voru kærastir í Icesave. Slagurinn verður um gömlu flokkana, það áræða ekki margir að gefa nýjum framboðum atkvæði sitt,til þess er alltof mikið í húfi. Sú er mín persónulega skoðun, Evrópska hagkerfið vegur salt frá norðri til suðurs,plankinn norðan megin,nemur við jörðu,stökkvi þeir af súkka þeir sunnan megin með brambolti og allt verður vitlaust.