LFTR- Afl Ása-Þórs!

er fljótandi flúór-thorium samband sem má brenna i kjarnaofni geislavirkum úrgangi má lesa um á bloggsíðu Ágústar H. Bjarnason verkfræðings. www.agbjarn.blog.is. Þar vísar hann á www.thoriumenergyalliance.com til frekari upplýsinga.

Ágúst sér fyrir sér tífalda Kárahnjúkavirkjun sem orkuver sem noti Atlantshafið sem eimsvala sem aftur getur staðið undir stórkostlegri ylrækt til manneldis. Þetta er hrein kjarnorkuvirkjun sem framleiðir ekki úrgang og getur líka eytt úrgangi auk þess að framleiða nauðsynleg frumefni fyrir læknavísindin.

Það er klofningur þessa efnis sem kyndir ofninn undir jarðhitanum okkar. Við erum ekki að gera neitt annað en herma eftir upprunavarmanum. 

Væri það ekki flott á Skeiðarársandi?

Engin sjónmegnun af háspennulínum ef við seljum rafmagnið í endann á sæstreng til ESB. 

Þóríum-afl. Afl Ása- Þórs. LFTR öðru nafni. 

Athugasemdir

[Ágúst H Bjarnason, 8.2.2013 kl. 08:31]

Sæll frændi.

Það er rétt að ítreka að pistillinn Þórsvirkjun hin mikla og vistvæna er skrifuð í aðeins léttum dúr, en öllu gamni fylgir nokkur alvara. 

Orkuver sem nýta þóríum eru ekki enn til sem slík, en þau eru til á teikniborðinu og tilraunaorkuver hafa verið smíðuð, svo sem 7,5MW(t) orkuver í Oak Ridge National Laboratory sem gekk á árunum 1965-1969. Áhugi á þessari gerð orkuvera er að vakna aftur. 

Tæknin er semsagt til.

Hver veit nema við getum nýtt okkur þessa tækni til góðs í framtíðinni, þ.e. eftir fáeina áratugi.