Kjósum Bjarna !

Ben sem formann á Landsfundi Sjálfstæðisflokksins núna á eftir. Hönnu Birnu sem varaformann og Kristján Þór sem 2. varaformann.

Við spennum þau fyrir vagninn með stífri keðku  og stangabeisli og látum þau saman draga þjóðarvagninn upp úr feninu sem hann situr í núna eftir skötuhjúin Steingrím og Jóhönnu.

Fram til sigur Sjálfstæðismenn !

 

X-D !

 

Athugasemdir

[Jónatan Karlsson, 24.2.2013 kl. 11:47]

Sæll Halldór

Ég las á bloggi þínu frá s.l. föstudegi að einhver utanaðkomandi "spellvirki" hafi í örskots stundu dreift evrópusinnuðum áróðurspésum á borð fundarins og hafi síðan horfið á braut jafnskjótt og áður en grandalausir fundargestir náðu að bregðast við. Nú heyrist mér að sami hrekkjalómurinn hafa endurtekið leikinn og bætt gráu ofan á svart og hreinlega merkt borð samkundunar með stóru E-i og enn án viðbragða. Ég efast ekki um að þú hefur haft öðrum hnöppum að hneppa á meðan sá vondi hafði hendings viðkomu, en enn og aftur læðist sá grunur að mér, að þú sért réttur maður á röngum stað. Ég sá myndasyrpu frá fundinum hér á mbl.is og sé þar greinilega að þrátt fyrir leikni og töfra hirðljósmyndarans, þá fór ekki á milli mála að meðalaldur fundargesta virðist vera ískyggilega hár, eins og viðhorf og nú sannarlega viðbragðs flýtir bera ljóslega vott um og í kjölfar þess að útlit er fyrir að "illræmdur" formaðurinn hljóti endurkjör, þá ættir þú ásamt öðrum lífvænlegum sjálfstæðismönnum að yfirgefa þetta skorpnaða feigðarfley og íhuga einu raunhæfu valkosti þeirra sem ætla að erfa landið og sannarlega lifa og hrærast út næsta kjörtímabil, en þar er ég auðvitað að tala um að kjósa heils hugar annaðhvort Hægri græna eða Lýðræðisvaktina.