Pillið ykkur heim!

Alþingismenn. Þið eruð barasta að eyða fé og fyrirhöfn í að afgreiða ónýt mál sem verður kassérað eftir þörfum um leið og nýtt þing hefur verið kosið. Er ekki hægt að fleygja í ykkur aukamánuði eða tveimur  í kaupi bara fyrir það að pilla ykkur? Er það ekki bara það sem drífur ykkur áfram hvort sem er? Varla get ég komið auga á annað?

Svo segir í Mogga í morgun og er verið að tala um álverið í Helguvík sem kommarnir Steingrímur J. Sigfússon og Svandís Svavarsdóttir haf skipulega skemmdarverkað undanfarin ár til framdráttar kjördæmi Steingríms.

" Suðurnesjamenn vilja að álverið njóti jafnræðis við Bakka hvað varðar uppbyggingu innviða og ívilnanir stjórnvalda. Kynntu þeir drög að slíku frumvarpi á fundi með fjármálaráðherra í marsbyrjun en eins og fram kom í blaðinu í gær vill ráðherra að vinnu verði hraðað vegna Helguvíkur. Hins vegar er ósamstaða um málið milli stjórnarflokkanna. Katrín Jakobsdóttir, formaður VG, segir umræðu um málið ótímabæra. Árni segir afstöðu Katrínar svipaða og Steingrímur J. Sigfússon hafi áður gefið til kynna, um að verkefnin á Bakka og í Helguvík séu ekki sambærileg.

 

»Steingrímur talar mikið um köld svæði en okkur þykir frekar anda köldu í okkar garð. Það virðist ekki vera samhljómur í ríkisstjórninni um hvernig hún lítur á málið,« segir Árni.

 

Óljóst er um þinglok og hvort eða hvenær frumvörp um Bakka fara í gegn. Bergur Elías Ágústsson, bæjarstjóri Norðurþings, segir það hafa alvarlegar afleiðingar ef frumvörpin verða ekki afgreidd.  "

Hvað á þessi farsi að þýða? Tæknilega steindautt Alþingi heldur áfram að þvælast fyrir þjóðinni eins og það sé að reyna að treina kvalir hennar sem lengst. Þær eru orðnar yfrið nógar þegar.

 Það er meira en mál á því að þetta ónýta Alþingi pilli sig heim! 

Athugasemdir

[Samstaða þjóðar, 23.3.2013 kl. 12:57]

 

Lengi hefur andað köldu í garð Suðurnesja og virðist vera um að ræða landlæga fordóma. Á meðan hernámið stóð yfir, var borið við að Suðurnesjamenn væru svo vel haldir af þeim láglaunum sem herinn greiddi, að þeir þyrftu ekki samskonar ríkisaðstoð og veitt var öðrum hlutum landsbyggðarinnar. Afleiðingin var sú, að Suðurnesin glötuðu nær öllum sínum fiskveiðikvóta.

 

Vítaverð yfirlýsing heyrist nú frá frá Bjarna Ben. um að hann styðji Evrópusinnann Þorgerði Katrínu, varðandi þjóðaratkvæði um ESB-innlimun. Bjarni virðist hafa ákaflega einfaldan smekk og ekki geta breytt um stefnu, varðandi hluti sem hann hefur álpast til að láta útúr sér, án þess að skilja hvað hann sagði.

 

Þjóðaratkvæði eða þjóðarkönnun þjónar varla öðrum tilgangi en að eyða peningum. Jú, raunar er kosning um ESB-aðild efst á óskalista kjölturakka Evrópusambandsins. Þeir vildu ekki kosningu þegar þeir voru í ríkisstjórn, en núna ætla þeir að láta fjármútur frá ESB ráða úrslitum í þjóðarkönnun. Nú kemur í ljós að Bjarni er í þessum hópi.

 

Það vekur einnig athygli að Bjarni ætlar ekkert að gera með samþykkt Landsfundarins, varðandi upptöku fastgengis. Stuðningur Bjarna við ríkisstjórn ESB-sinna varðandi Icesave-kröfurnar, var ekki tilviljun. Þetta er úlfur í sauðagæru, sem í hverju málinu á fætur öðru hefur rekið trýnið undan sauðagærunni.

 

Loftur Altice Þorsteinsson.