Asparmorðinginn og Ögmundur

gerðu samkomulag um að myrða hundruð grenitrjáa í Öskjuhlíðinni um leið og þeir loka suðaustur brautinni til að þrengja að flugvellinum. An þess að skilyrðin í Keflavík hafi verið uppfyllt.

Asparmorðinginn Jón Gnarr, sem drap aspirnar fögru við Ráðhúsið, er því miður enn við völd i Reykjavík. Ögmundur verður fellur eftir næstu viku og heldur út á ódáinslönd gleymskunnar.

Þeir gátu í dag með köldu blóði samið sín á milli um þennan siðlausa verknað vegna ímyndaðra ástæðna um að tréín trufli aðflug að þremurtveim. 

Það væri lélegur flugmaður sem getur ekki lent á endanum á þremur tveimur og passað sig á trjánum. Það er miklu verra að vera án suðaustur brautarinnar ef þannig viðrar.  Helsta hættan við Öskjuhlíðaraðflugið gætu verið fáklæddar stelpur í sólbaði milli trjánna sem gæti truflað athyglina. Ég er sjálfur búinn að fljúga þarna í bráðum fimmtíu ár.Og ef ég get það þá geta það áreiðanlega flestir aðrir.

 

Omar Kyjam lýsir örlögum genginna dusilmenna í Rubaiayt meðal annars svo:

 

                            "Þeir spekingar og spámenn hér á fold,

                              sem spreyttu sig á deilu um anda og hold,

                              þeir liggja núna dæmdir fyrir ómerk orð,

                              í eyðiþögn með vitin full af mold. "

 

Fólkið mun horfa á grenitréin grænu við flugvöllinn undir Öskjuhliðinni löngu eftir að allir hafa gleymt þessum tveimur kónum og Gísla Marteini líka. 

Athugasemdir

[Ómar Ragnarsson, 20.4.2013 kl. 22:24]

Ekki láta pólitíkina rugla okkur og taka af það sem Ögmundur á, bara af því að hann er vinstri maður.

Ég veit ekki betur en fanatískasti andstæðingur vallarins se´Sjálfstæðismaðurinn Gísil Marteinn Balndursson. 

Dagur og félagar fóru á bak við Ögmund varðandi niðurlagningu 06/24 og hann brást við eins hart og hann gat í stoðunni, gerði samkomulag sem leyfði aðflugsljósin að 13, tók í burtu fyrirætlanir um að leggja æfingaflugið niður og leyfði byggingu flugstöðvar og skemmubygginga.

Trén í Öskjuhlíðinni skipta okkur smáflugvélareigendur engu máli, rétt er það, en nú þegar hefur það komi fyrir að Flugfélagið hefur þurft að henda út farþegum eða farangri vegna þess að trén hindra orðið stórar tveggja hreyfla flugvélar í flugtaki ef þær missa mótor á versta augnabliki. 

síðan er rétt að hafa það sem sannarar reynist um heiti brautarinnar. Það er 13/31. 

Það var lán Reykjavíkurflugvallar að Ögmundur var ráðherra flugmála á ögurstund þegar flugvallarandstæðingar í öllum flokkum í borgarstjórn gerðu að honum atlögu. 

Ögmundur gekk gegn þessum öflum, líka borgarfulltrúum síns eigin flokks, því mikla Hólmsheiðarfólki. 

[Halldór Jónsson, 21.4.2013 kl. 09:27]

Takk fyrir Ómar

Ég sé að ég flýg of lítið núorðið. Er búinn að gleyma hvenær breyttust númerin? Samt myndi ég stíga hægri rudder og skidda Fokkernum til hægri í flugtaki að trjánum.

Já, veistu það, að mér er í raun hlýtt til Ögmundar sem er langt frá því sá versti og hef iðulega blottað mig í því. En ég er hinsvegar grimmur í pólitík þessa dagana og hegg á báðar hliðar. Og Gísli Marteinn, Gud bevare os. Ég hef líka alltaf haft samúð með Árna Johnsen þó á ýmsu hafi gengið hjá honum.

Jú, ég virði hann Ögmund langt umfram aðra vinstri villinga í pólitík.

Það er löngu tímabært að lengja 13 og setja Suðurgötuna í stokk.

[Aðalsteinn Sigurgeirsson, 22.4.2013 kl. 15:32]

Eftir nokkur ár eða áratugi verða trén í Fossvogskirkjugarði líka farin að vaxa upp í sama hindranaflöt. Þá verður munu borgarstjóri og innanríkisráðherra væntanlega handsala samkomulag um að rjóðurfella Fossvogskirkjugarð og skipta trjánum þar út fyrir lágvaxna runna.
http://wikimapia.org/#lang=en&lat=64.126806&lon=-21.916652&z=15&m=b