Jæja, svona fór það

þessar kosningar.

Suðvestur kjördæmið er það kjördæmið sem mér finnst Sjálfstæðisflokkurinn koma út í líkingu við það sem mér fannst líklegt svona af undirtektum. Enda skynjar maður nærumhverfið kannski öðruvísi en víðara samhengi.Ég viðurkenni fúslega að ég var of bjartsýnn og mín tilfinning fyrir rísandi gengi flokksins stóðst ekki nema í nálægðinni.

Þá er það spurningin hvað tekur við. Það er víst best að hafa sem fæst orð um það. Enda Stefán Jón Hafstein búinn að fara mikinn á Sprengisandi og hefur ráð undir hverju rifi og var langt til búinn að mynda stjórnina að manni fannst. Spekingar hjá Agli Helga voru líka ósparir á aðfinnslurnar og sáu margt sem öðrum er hulið í túlkun sinni.

Líklegt er að einhverjir flokkar  muni breyta sínu innra skipulagi í framhaldi af þessum kosningum. Til dæmis heyrðust raddir um það að forusta Sjálfstæðisflokksins þurfi að sækja umboð sitt lengra en til landsfundar flokksins. Líklega er slíkt kall tímans. Vonandi verður þá líka tækifæri til þess að koma skikki á fjármál flokkanna. Því þeir eru félög í þeim skilningi og menn geta ekki verið í félagi nema leggja eitthvað fé til þess. Hann Birna tók ekki undir þetta sjónarmið á fundi sem ég var á og vildi leyfa öllum skráðum að kjósa sem mér finnst misráðið í ljósi þessa að flokkurinn sekkur æ dýpra fátæktina og er víst búinn að veðsetja Valhöll. Annars verður að blása lífi í styrktarmannakerfið hans Friðriks bjargaði á sínum tíma.

Ég var að fletta yfir þingmannalistann. Þar eru mörg andlit sem maður hreinlega þekkir ekki neitt. Þegar maður hugsar um verkefnið sem við blasir getur sett að manni svima. Hvernig mun ganga að koma þessu liði til samstilltra verka?

81.4 % kjörsókn tekur af tvímæli um pólitíska vitund þjóðarinnar.

Svona fór það og svona er það. 

Athugasemdir

[Jón Pétur Líndal, 28.4.2013 kl. 14:21]

Ætli það skipti miklu máli hvort flokkurinn fer í stjórn með 19 menn eða aðeins fleiri eða færri. Það er ljóst hvað gerist í því efni en hitt veit maður ekki hvernig stjórnin mun standa sig. Almennt eru væntingarnar ekki miklar þannig að Bjarni má vera mikill auli til að standa ekki undir þeim.

[Jóhann Kristinsson, 28.4.2013 kl. 14:29]

Til hamingju með nýja Ríkisstjórn Halldór, hvernig svo sem hún kemur til með að líta út.

Ef (F) og (D) verða í Ríkisstjórnarsamstarfi, þá ættla ég að vona að þau svíki ekki kosningarloforðin eins og (S) og (V) gerðu á síðasta kjörtímabili.

Hvað heldur þú; verður Landsdómur endurvakinn eða er tími hans liðinn?

Kveðja frá Houston

[Ómar Bjarki Smárason, 28.4.2013 kl. 15:07]

Nú er bara að nýta þetta tækifæri vel og þá er hægt að byggja upp til framtíðar. Samkeppnin virðist ekki mikil frá sundruðu vinstri.

Og svo þarf að standa í lappirnar gagnvart ESB og Evruhjali og byggja efnahaginn upp innan frá. Á þarnæsta kjörtímabili verður svo e.t.v. hægt að huga að breytingum í gjaldeyrismálum, nú nema farin verði leið Hægri grænna og farið að prenta "Ríkisdal".

[Halldór Jónsson, 28.4.2013 kl. 17:58]

Jón Pétur

Ég er nú hræddur um að þetta geti orðið eitthvað snúið þannig að ég fer mér hægt í væntingunum. Það sama á við þig Jóhann góður, ekki er sopið kálið...

Ómar vinur Bjarki,

Ég vona að ég heyri brátt orðin framkvæmdir,veitur virkjanir og þjóðarsátt. Þá fengi maður aftur trú á að eitthvað geti breyst

[Ómar Bjarki Smárason, 28.4.2013 kl. 22:04]

Vonandi færðu óskir þínar uppfylltar, Halldór.

Það verður vonandi farið að smyrja og snúa stirðnuðum atvinnuhjólunum á ný. Stöðnun er dýr og hefur í för með sér að færni á ýmsum sviðum tapast. Þetta er sérlega slæmt t.d. í jarðhitavirkjunum, þar sem við höfðum frumkvæði sem er í hættu með að tapast meðan engar framkvæmdir eru. Við gætum hafa dregist aftur úr s.l. 4 ár og það gæti tekið tíma til að vinna það upp aftur. Það þarf að koma OR af stað aftur svo hún geti sinnt viðhaldi og hafið rannsóknir á jarðhita og virkjað að nýju.