Latte-lepjandi liðið

er komið á fullt í fjölmiðlum sínum að heimta sinn Baldur úr helju. Nú í myndbirtingu Snowdens nokkurs. Sem í þjónustu lands síns stal gögnum sem honum var trúað fyrir og seldi fyrir eigin hagnað. Stingur af með peninginn og heldur sig ríkmannlega hjá Kínverjum og telur að honum verði betur borgið sem hælisleitandi á Íslandi.

Fátt gætu Íslendingar gert sem væri eins ódiplomatískt rangt eins og  að bjóða þessum ótínda glæpamanni pólitískt hæli svo hann þurfi ekki að svara til saka í eigin föðurlandi. Sem eins og kunnugt er eru grimmilegt einræðis- og fasistaríki í orðabókum Latte-liðsins og engir vinir né bandamenn Íslands.  Reyna að nota njósnir um einhverja tvo Íslendinga sem eru í vinfengi við annan glæpamann Assange sem heldur til í sendiráði Ekvadors í London, sem rök fyrir vitleysunni. Vilja þeir ekki láta Birgittu koma með Assange hingað líka og taka kannski með sér einhverja valda danska múslíma sem eru að koma heim eftir vináttuheimsókn til Sýrlands?

Við erum kannski ekki merkilegir Íslendingar í augum heimins. En við getum hinsvegar gert asnastrik sem tekið yrði eftir ef við látum Latte-lepjandi liðið um að stjórna traffíkinni til landsins. 

 

Athugasemdir

[Jón Ingi Cæsarsson, 22.6.2013 kl. 22:37]

Veistu hvað er latte. ?

[Gissur Örn, 23.6.2013 kl. 02:52]

Hvað seldi hann upplýsingarnar á mikið? Svona um það bil? Svona innan við skekkjumarka +- milljón. Veistu það? Veistu yfir höfuð eitthvað um þetta mál? Þú ferð ekki með eina rétta fullyrðingu í þessari grein. 

[Halldór Jónsson, 23.6.2013 kl. 10:38]

Jón Ingi

Ég drekk yfirleitt venjulegt kaffi heima hjá mér og annarsstaðar. En þetta er held ég einhver flottari útgáfa, jafnvel blásið með háværri gufu. En þú mátt alveg gefa mér nánar reseft eða mæla með einhverjum veitingastað sem býr þetta til á bestan hátt. Annars kannastu við það orðtak ser notað yfir vissa tegund af menningarvitum sem ég er ekki höfundur að.

Gissur Örn

Til þess að svara þinni spurningu þá þarf líklega að rannsaka bókhaldið hjá "The Guardian" og vísa ég þér þangað ef þér er í mun að fá þessar upplýsingar. Nú eða spyrja Snowden sjálfan. Hann fer ekki að segja ósatt um þetta þvílík gersimi sem hann er.

[Tómas, 23.6.2013 kl. 13:04]

Mæli með því, Halldór, að þú kynnir þér betur öll þessi mál þar sem þú ferð varla með eina rétta fullyrðingu.

Síðan væri einnig ágætt að reyna að tempra rasíska hugsunarháttinn.

[Halldór Jónsson, 23.6.2013 kl. 14:13]

Tómas góður

Sumir æpa bara rasisti rasisti í síbylju og læsa að sér ef einhver vill ræða kynþáttamál

[Tómas, 23.6.2013 kl. 14:16]

Var ég að æpa? Varst þú ekki að gera því skóna að múslimar eða fólk frá Sýrlandi væri glæpamenn?

Það er erfitt að lesa annað í textann. Eeeendilega, ræddu við mig um kynþáttamál, ef þú hefur áhuga.

[Halldór Jónsson, 23.6.2013 kl. 17:26]

Tómas, Af hverju ertu með læst blogg?

[Tómas, 23.6.2013 kl. 18:20]

Af því ég nota það ekki. Skráði mig bara til þess að taka þátt í samræðum þar sem skráningar var krafist.

[Halldór Jónsson, 24.6.2013 kl. 08:52]

OK Tómas

Ég var að vekja athgli á að danskir muslímar hefðu farið til Sýrlands að berjast og að dönsk yfirvöld ætli að tala við þá um það mál þar sem þau telja þetta ekki leyfilegt. Annað rasískt efni get ég nú ekki fundið í þessu skrifi

[Tómas, 24.6.2013 kl. 11:56]

Ahh.. það útskýrir náttúrulega tilvísunina, þekkti ekki þessa frétt. Þá dreg ég til baka ummæli mín um rasismann og afsaka það.

Hvað væri samt að því að fá þá, og Assange eða Snowden til landsins?