Orrustan tapaðist

í kvöld og þar með stríðið líka. Geislafræðingar svínbeygðu viðsemjemdur sína. Ráðamenn lyppuðust niður fyrir ofbeldinu. Þorðu ekki að horfa í augun á áskorandanum af landlægum lúffuhætti sem hefur einkennt allar kjaraviðræður frá þjóðarsátt. "Stingið ykkur til sunds þó þið sjáið ekki til lands" voru heilræin eitt sinn.

 Nú er brautin greið til glötunar krónunnar og óðaverðbólgu. Ríkisstjórnin virtist hafa um annað að hugsa. Kannski er henni bara sama.

Skynsemin er útlæg og tilraun Íslendinga til að ná tökum á sínum málum eftir vinstristjórnarárin virðist ætla að fara út um þúfur. 

Hér er ekki mjög björt framtíð nema hugsanlega hjá Guðmundi Steingrímssyni og hans fólki með það skráða vörumerki. Æ fleiri Íslendingar munu hugsa að það sé fullreynt að halda fram fullveldishusgsuninni. Það sé best að fela arftökum Hákonar Gamla forsjá mála búandkarla og leita samræmdra lausna í kauptöxtum sem og atvinnuleysi við þær þjóðir sem við viljum helst bera okkur saman við. Hnípin þjóð í vanda.

Að 50 % ungs fólks fær aldrei á ævinni vinnu í Evrópuríkjum mun ekki breyta neinu. Geislafræðingar sem aðrir hámenntaðir. Nú koma kennarar og aðrir opinberir starfsmenn. Allir nema  þeir sem ekkert hafa að bjóða nema eymd sína og enginn þarf.

Hvað gerði Napóleon til að vinna  orrustur? 

 

Athugasemdir

[Jón Valur Jensson, 1.8.2013 kl. 01:38]

Hvar fekkstu fregnir af samningunum, Halldór?

[Halldór Jónsson, 1.8.2013 kl. 08:16]

Hef ekki fengið að vita það gjörla hvað var samið um en kröfurnar voru nokkuð ljósar. Niðurstöðurnar eru á dulmáli svo að hægt sé að blekkja einhverja.

[Jón Valur Jensson, 1.8.2013 kl. 09:28]

Ekki ósennilegt, en þú skrifaðir svo fortakslaust, að ég hélt þú vissir, að þetta var gefið eftir. Engar fréttir voru komnar af þessu í Rúv-fréttum á miðnætti, þótt þá væri búið að semja og ég þá búinn að fá fréttir af því. Lestu Moggann í dag, nývaknaður eins og þú kannski ert, félagi!