"Eru moskur ólöglegar á Íslandi?"

spyr Ásgeir Ægisson verkfræðingur í athyglisverðri grein í Morgunblaðinu í dag. Ágeir segir svo:

"Þökk sé því fólki sem gaf okkur stjórnarskrána og samþykkti hana árið 1944. Þau hafa líkast til áttað sig á því að ekki er öll trú eins og að til er trú sem hvetur til níðingsverka og lögleiðir kúgun. Samkvæmt stjórnarskrá Íslands er trúfrelsi háð því að ekki sé kennt eða framið neitt sem er gagnstætt góðu siðferði eða allsherjarreglu eins og það er orðað. Gott siðferði hlýtur að teljast það að ekki megi hvetja til morða og manndrápa, að ekki megi safna fé til hryðjuverkastarfsemi, að ekki megi ala á fordómum og að ekki megi mismuna fólki eftir kyni, trú, skoðunum, kynhneigð o.s.frv., en allt þetta kenna trúartextar og lögmál íslams. Og sá boðskapur kemur fram í þeim hluta Kóransins sem telst nýjastur og hefur meira vægi en eldri textar sem oft virðast friðsamir við fyrstu sýn. Þeir sem ekki trúa fullyrðingum mínum ættu nú að taka sig til og lesa 9. kafla Kóransins. Fordómar og ofbeldisáróður sem þar kemur fram skýrir sig fullkomlega sjálfur og þarf ekki að leita nánari útskýringa eða túlkana eins og í öðrum hlutum þeirrar bókar. Fremstu hryðjuverkaleiðtogar múslima vitna enda stöðugt í þann kafla.

 

Framkvæmdavaldinu á Íslandi er skylt að rannsaka þá starfsemi og boðskap sem fram fer í trúfélögum múslima á Íslandi. Og þar dugar ekki að yfirheyra klerka og spyrja spurninga eða lesa velmeinandi orð á vefsíðum þeirra. Ófrávíkjanleg stefnuskrá íslams er Kóraninn og aðrir trúartextar sem fjalla um Múhameð. Blekkingar til framgangs íslam eru réttlætanlegar í trúartextum íslams. Fyrirmyndin er Múhameð sem beitti lygum og svikum til að komast að andstæðingum sínum og drepa þá. Í moskum á Vesturlöndum hefur starfsemin verið rannsökuð og fram hefur komið að mikill meirihluti klerka stundar ofbeldisáróður og róttæka innrætingu gegn gildum Vesturlandabúa.

Yfirlýst markmið Bræðralags múslima er eyðing Vesturlanda og yfirtaka alls heimsins undir stjórn sharía, eins fáránlegt og það nú hljómar. Margir múslimaklerkar í Mið-Austurlöndum fara ekki leynt með þann boðskap. Slíkur boðskapur og starfsemi flokkast sem landráð samkvæmt íslenskum lögum.

Eins og annars staðar á Vesturlöndum þurfa lögregluyfirvöld nú að leggja í stöðugt eftirlit með starfsemi moska á Íslandi og halda úti flokkum sem fá það erfiða hlutverk að lokka fram þá múslima sem leggja í jihad, en jihad er heilög skylda hvers múslima. Og allt á kostnað skattborgaranna.

Samkvæmt ofangreindu eru íslömsk trúfélög brot á ákvæðum stjórnarskrárinnar og framkvæmdavaldinu er ekki heimilt að samþykkja og skrá félög múslima sem viðurkennd trúfélög og styðja þau með skattaívilnun og styrkjum. Stuðningur sveitarstjórna, eins og nú gerist í Reykjavík, við félagsskap með slíkan boðskap er að sjálfsögðu á móti góðu siðferði og allsherjarreglu. Að sjálfsögðu er ekki hægt að banna einstaklingum að aðhyllast sína trú eða sannfæringu (enda andstætt stjórnarskrá Íslands), en þannig félagsskapur verður einfaldlega að starfa utan skráðra félaga. Þó er heimilt að leysa upp slíkan félagsskap ef hann telst ólöglegur eða gerist brotlegur.

 

 

Atburðarásin í borgarstjórn Reykjavíkur er með ólíkindum. Borgarfulltrúar vilja refsa yfirvöldum í Rússlandi fyrir að setja lög um fræðsluefni til barna um samkynhneigð. Á sama tíma styðja þau félagsskap sem boðar hugmyndafræði þar sem samkynhneigðir skulu pyntaðir og drepnir.

Moska verður tákn Reykjavíkur. Óvinatákn vestrænnar menningar og kristinna gilda sem hún byggir á. Vinstri menn fagna og sjálfstæðismenn samþykkja með þögninni.

Bræðralag múslima og dótturfélög þeirra heyja nú áróðursstríð á Vesturlöndum. Hluti af þeirri baráttu felst í því að byggja moskur og koma þar inn klerkum. Frá 11. september 2001 hefur mikill fjöldi moska verið byggður á Vesturlöndum. Fjármagnið kemur frá Sádi-Arabíu og Bræðralagið útvegar klerka og fræðsluefni. Hlutverk klerkanna er að hafa áhrif á stjórnvöld og fjölmiðla á hverjum stað og stjórna umræðu og kennsluefni um íslam.

Innræting barna múslima er einnig á þeirra könnu og börn múslima eru tekin í kórannám í moskum, oft frá 5 ára aldri. Félög múslima á Vesturlöndum hafa á síðustu árum gengið hart fram í að þagga niður í þeim sem segja sannleikann um íslam og Múhameð. Þar er öllum ráðum beitt. Hótanir, ofbeldi, morð, hryðjuverk og lögsóknir eru þar á meðal.

Lögsóknir hafa farið fram með stuðningi arabískra auðmanna þar sem gagnrýnendur íslams eru ákærðir og lögsóttir fyrir brot á lögum um málfrelsi, trúfrelsi, kynþáttaníð eða guðlast. Búast má við slíkum árásum á einstaklinga á Íslandi ef íslam fær að dafna hér.

Ég hvet þingmenn Íslendinga til að skoða leiðir og setja lög sem verja málfrelsi fólks á Íslandi á ótvíræðan hátt og að fella úr gildi lög sem setja trú og trúfélög ofar málfrelsi hver svo sem guðsmynd þeirra kann að vera. Trú sem ekki þolir gagnrýni á ekki rétt á sér. Og við skulum átta okkur á því að íslam kemur ekki frá Guði. Íslam kemur frá villimönnum af eyðimörkum Arabíu. Frumstæð hugmyndafræði með frumstæð gildi: stríð, heiður og hefnd."

Við Íslendingar teljum okkur heimilt að banna hér starfsemi Vítisengla og meina þeim inngöngu. En prédikarar  haturs og ofbeldis mega hér stunda iðju sína kostaðir af verstu einræðisöflum nútímans sem eru við völd í Saudíu Arabíu. Þversögnin er sú að Vesturlönd skuli mata það glæpahyski á peningum sem að notar til að skaða almenning um víða veröld. Í stað þess ættu Vesturlönd heldur að fara með her á hendur því og reka það frá völdum og frelsa almenning undan kúgun þeirra.

 Í stað þess fara þau með her og fé á hendur upplýstum einvöldum eins og Saddam Hussein verkfræðingi og Assad augnlækni og færa þar með landslýðum þeirra ómældar hörmungar. Vesturlönd skilja ekki að múslímaheimurinn er ekki á því þroskastigi að hann geti lifað við lýðræði fremur en að Egill Skallagrímsson hefði skilð það hugstak.

Við Íslendingar þurfum ekkert að leyfa starfsemi múhameðssöfnuða hér á landi undir yfirskyni trúfrelsis. Það ber nauðsyn til að fylgjast með hvað er kennt í þeirra skólum sem hér starfa alveg eins og fylgst er með starfsemi Hells Angels og Bandidos. Fallist þeir ekki á slíkt eftirlit er það aðeins sönnun þess að eitthvað þoli ekki dagsins ljós. En allt þetta kostar fé sem við eigum ekki og því ástæðulaust að ýta undir slíka starfsemi.

Það er kátlegt að loks þegar Íslendingar eru í auknum mæli hættir að sækjast eftir bókstafstrú þjóðkirkjunnar þá skuli þeir fagna komu múhameðskra afla með öllu sem því fylgir. Starfsemi þessara afla hefur þegar valdið ómældum skaða á Vesturlöndum og því ber að vinna hart gegn myndun slíkra safnaða.

Öfl sem prédika ofbeldi gegn samfélaginu eru ólögleg og því lítil ástæða til að hjálpa til við slíka iðju með moskubyggingum. 

 

 

Athugasemdir

[Guðmundur Pálsson, 19.10.2013 kl. 09:53]

Réttmæt spurning Halldór.

Ég held þetta sé mál sem íslenskir stjórnmálamenn muni ekki hafa hugrekki til að taka afstöðu til. Betra er að einstaklingur eða félag snúi sér til dómstóla og kæri aðgerðir borgarmeirihlutans.