Leita í fréttum mbl.is

Er spurningunni um Reykjavíkurflugvöll

svarað að mati Hönnu Birnu?

Hún skrifar grein í Morgunblaðið við hliðina á Ögmundi Jónassyni þar sem má segja að þau metist á hvort hafi skrifað betur undir friðþæginguna við Gnarristana.

Fulltrúar Isavia eru hafðir með hjá Hönnu Birnu sem fullrúar inannlandsflugsins.  Flugfélagi Ernir sem flýgur á marga þá  staði sem Isavia flýgur ekki lengur til  eru ekki virtir viðlits. Fulltrúar einkaflugs og kennsluflugs sem eiga að fara af vellinum eru heldur ekki boðaðir til kossafundar Hönnu Birni við Gnarrinn.

Tveggja manna samtökin um Betri Byggð skrifa líka sigri hrósandi um að nú muni Vatnsmýrarbyggð rísa með tilheyrandi talnaturnum um fækkun bílslysa í umferðinni þegar Homus vtnsmýrensis fer að hjóla í vinnuna hvar sem hún verður nú.  Líklega hefur Hanna Birna ekki séð þá grein áður en hún gekk frá sinni þar sem hún heldur því fram að nú hafi framtíð innanlandsflugsin verið tryggð. Eru 6 ár eilífð í pólitík og er víst að Hanna Birna sigli með himinskautum að þeim tíma liðnum?

Hönnu Birni finnst það skipta öllu máli að N-S brautin fái að vera fram yfir næstu bæjarstjórnarkosningar. Þar með hefur hún svarað undirskriftalista 70.000 Íslendinga um það að Reykjavíkurflugvöllur skuli vera áfram í Vatnsmýri með kossi á vönd Gnarrsins. 6 ár í viðbót líða því í óbreyttu limbói. Ragna Árnadóttir finnur varla land undir flugvöll né fé frekar en aðrir á undan henni.

Hanna Birna ætlar hinsvegar að flytja það sem eftir er af einkaflugi  og svo kennsluflugið eitthvað annað. Hvort þeim er það ljúft eða leitt að hætti Sverris konungs. Og það strax.

Það getur vel verið að Hönnu Birnu þyki Fluggarðar ljótir sem Magnús Ó Erlingsson lögfræðingur og Gnarrböðull  ætlar að slétta út bótalaust. En það deila margir kjósendur þeim skoðunum ekki með henni. Það getur vel verið að henni finnist það flug sem þaðan kemur ómerkilegt.  En þeir kjósendur eru til sem finnst það ekki.

Þessi gerningur innsiglar það að Sjálfstæðisflokkurinn fær ekki mikið traust grasrótarinnar í næstu kosningum. Hvern varðar líka um það þegar sviðið er Gnarrsins sem sópar til sín fylginu. Hann lætur sér í léttu rúmi liggja hvað sá flokkur segir í pólitík.  Ekki hlusta ég heldur á mikið meira. 

Engri spurningu hefur verið svarað um örlög Reykjavíkurflugvallar nema að hann skuli lagður niður að vilja Gnarrsins og tvímenninganna talnafróðu. Spurningunni um Reykjavíkurflugvöll hefur verið svarað með einu orði:

Burt.


« Síðasta færsla | Næsta færsla »

Athugasemdir

1 Smámynd: Kolbeinn Pálsson

Svarið er einfalt:

Ekki Kjósa undirmálsfólk í stjórnmál!

Þeir sem eru á móti Flugvellinum, eða fara með löndum í stað þess að vera með lengingu 3ja flugbrauta, eru án vafa, einfaldlega varasamt undirmálsfólk, smásálir og þeim er alls ekki treystandi fyrir neinum af þeim mikilvægu borgarmálefnum sem taka þarf afstöðu til, þegar á reynir og dómgreind ráðamanna skiptir öllu máli.

Kolbeinn Pálsson, 29.10.2013 kl. 20:46

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (8.5.): 323
  • Sl. sólarhring: 546
  • Sl. viku: 6113
  • Frá upphafi: 3188465

Annað

  • Innlit í dag: 289
  • Innlit sl. viku: 5195
  • Gestir í dag: 282
  • IP-tölur í dag: 278

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband