1500 milljónir út um gluggann

samtals í gerð Rannsóknarskýrslna um hrunið.

Þessir þykku doðrantar munu til einskis gagns verða þegar upp er staðið. Engan lærdóm mun neinn draga af því sem þar stendur.

Það eru margar ástæður fyrir þessu. Þeim leikendum fer fækkandi með tímanum sem stóðu að þeim gjörningum sem um er fjallað. Nýtt fólk með nýjar aðferðir hefur tekið við forystunni. Aðrir halda áfram uppteknum hætti. Þetta fólk les ekki þessar skýrslur því því koma þær ekki við. Þetta fólk hefur sinn eigin stíl og mun fara þannig fram. Lærdómar eru því engir af þessum pappírsbunkum. Árið 2024 veerða þær ekki nefndar á nafn nema sem dæmi um vanhugsuð viðbrögð við veraldarslysi.

Miklu nær væri að athuga hvað er skynsamlegt að gera í núinu til að endurreisa þjóðfélagið og hag almennings. Grein Kjartans Ö. Kjartanssonar í Morgunblaðinu í dag er þáttur í þeim hugleiðingum. Hugmyndir Hægri Grænna um magnbundna íhlutun Seðlabankans í verðtryggðu lánin hafa fengið allt of litla umfjöllun. Það eru mörg líkindi til þess að sú lausn væri til góðs fyrir Íslendinga og víðtækari en þær sem nú standa efstar.

En hinn nýi pappírshaugur  Alþingis þjónar litlum tilgangi öðrum en að skjalfesta það sem margir vissu fyrir, að tiltektir Steingríms J. Sigfússonar og síðustu vinstri stjórnar  hans og Jóhönnu sambandi við sparisjóðina voru líklega þær vitlausustu sem hægt var að velja og ollu hámörkun tjónsins.

Kostnaðurinn við gerð þessara doðranta er sjálfsagt hagvöxtur og happ fyrir þá sem sömdu.Það er hinsvegar  samkvæmt stjórnarskránni ekki bannað að vera  hálfviti, hvorki á sviði fjármála né í flugmálum. Hvern varðar um vitleysurnar þegar skaðinn er skeður.  Þessvegna var óþarfa sóun að henda 1500 milljónum út um gluggann þó maður tali ekki um þetta áreiti við regnskógana sem pappírsausturinn er  til þess að staðfesta slíkt.

Athugasemdir

[Eyjólfur Jónsson, 12.4.2014 kl. 16:38]

Það þarf nú að taka þennan Steingrím J. alveg úr umferð og eins hann Þostein.

[Halldór Jónsson, 12.4.2014 kl. 18:08]

Mér finnst meira um vert að þj´pðin átti sig á því að þessir menn eru ekki svo spakvitrir að menn þurfi ekki að treysta á sjálfa sig líka. Vonandi að Eyjólfur hressist.

[Halldór Jónsson, 12.4.2014 kl. 18:09]

þjóðin átti það að vera

[Sigurður Þorsteinsson, 12.4.2014 kl. 20:23]

Einhverjum Kópavogsbúum þykir sem bæjarstjórinn eigi eftir að gera upp hrundæmi sitt. Hann fékk hundruði milljóna að láni. Var eitthvað af því afskrifað? Halldór minn þú ert í góðri aðstoðu að upplýsa þjóðina um þetta.

[Þórir Kjartansson, 12.4.2014 kl. 21:45]

Þar sem ég þekki fjölda marga sjálfstæðismenn veit ég að þar er að finna margt af vænu fólki.  En það virðist grípa suma þar á bæ óvenju mikið göfuglyndi ef eitthvað á að fletta ofan af Hrunverjum.  Það á ekki að vera að líta í baksýnisspegilinn, segja menn. Göfugmennskan virðist svo minnka allmikið þegar Steingrímur og Jóhanna koma inn í umræðuna. Þá má horfa fast í baksýnisspegilinn.  Auðvitað er grátlegt að sjá hvað þessar skýrslur hafa kostað en finnst einhverjum skrýtið þó venjulegt fólk, sem nú berst í bökkum vegna framferðis þessara fjárglæframanna vilji ná fram einhverju réttlæti? Þessi kostnaður bætist við syndaregistur þeirra. Og hinn almenni Íslendingur er nú og verður um langa framtíð að þræla fyrir því. 

[Kristmann Magnússon, 12.4.2014 kl. 23:54]

Rétt hjá þér Þórir

[Ómar Ragnarsson, 13.4.2014 kl. 00:15]

Talan 5000 milljarðar hefur verið nefnd sem lágmarkstala um það tjón sem uppleggið í Hrunið olli.

Þetta er 3000 sinnum hærri tala en nefnd er sem kostnaður við að skoða hvað fór úrskeiðis.  

En 1,5 milljarður, 1/3000, - einn þrjúþúsundasti hluti af Hruninu, þetta brotabrot er eins og vænta mátti orðið að aðal hneykslinu.

[Þorkell Guðnason, 13.4.2014 kl. 01:42]

Ómar: Nú vantar bara að þú margfaldir 5000 MILLJARÐA með þykkt hvers þúsundkrónaseðils og sýnir okkur, vesalings fáfróðri alþýðu, hversu hár seðlabunkinn var - eða hvað langt hann hefði náð frá heimahögum okkar sem kantsteinn úr þúsundköllum...!