Veröldin er full af snillingum

á maídögum ef menn hafa tekið eftir því.

Í dagsins önn dettum við sífellt um einstök atriði sem bara snillingar hafa gert. Maður heyrir lag í útvarpinu og maður spyr sig hver gerði þetta fallega lag? Og þennan texta? Ótrúlega fallegt hvorutveggja. En það má helst ekki minnast  a textahöfundinn án afleiðinga. Perlur sem þjóðin á í pússi sínu um ókomna tíð.

Maður heyrir samræður fólks um litla hluti. Maður sér vini faðmast, börn að ærslast, gamlingja staulast eins og Louis Armstrong syngur um. Allt saman núna í  maímánuði á laugardegi þegar sól skín í heiði. Sumarið er ávallt framundan í maí með fyrirheit um eitthvað betra, eitthvað stórkostlegt. Hvað sem það nú annars er. Stemningin verður öðruvísi í júní og júlí.

Maður heyrir kannski  fyrirlestur hjá manneskju sem maður hefur aldrei heyrt né séð fyrr. Og maður tendrast upp af hrifningu. Maður fær nýja sýn á ákveðið málefni. Svo heyrir maður aðra manneskju hræra sömu pólitísku steypuna frá í vetur sem  maður er orðinn dauðleiður á og búinn að afgreiða sem ranga niðurstöðu. Stundum er  maður heldur engu nær eftir að hlusta á samherja tala um daginn í dag og hvernig framtíðin muni verða svo miklu betri þegar búið verður að  laga hlutina.  Þú ert ef til vill efins vegna langrar reynslu af öðru, margra gamalla vonbrigða og mistaka. Og vegna hækkandi aldurs er ólíklegt að framtíðin verði eitthvað skárri en núið.

En það er samt maímánuður. Lítið barn kemur þér á óvart með sjónarhorn sem þú hefur ekki hugsað út í áður. Þú sérð fugl á götunni sýna allt að mennska greind í að þekkja umhverfi sitt. Þú sérð grösin gróa, tréin laufgast og öll veröldin virðist syngja á þessum maídögum. Hvað er það sem í raun og sannleika skiptir máli? Pólitík? Kosningarnar framundan?  Réttlætið sem fæstir ná þessa heims en sífellt þrá? Meiri peningar, leiðréttingar, meiri peningar." Penger og penger" söng Bör Börsson á Öldurstad þegar hann gekk þjóðveginn og maður veltist um að hlæja undir lestri Helga Hjörvar. Allir vilja meira en þeir hafa en réttlæta það með því að það sé í rauninni bara leiðrétting og viðurkening á gömlu ranglæti.

Veröldin er full af snilld og snillingum. Þú ert kannski snillingur bara af því að skynja snilldina í söng fuglanna og þá aðsra snilld sem er á ferð allstaðar á þessum fögru maídögum. Kannski er enginn snillingur bara venjuleg manneskja. En er ekki manneskjan sjálf bara snilld í sjálfu sér.

Louis Armstong lofsyngur veröldina eins og hún getur best orðið. Vissulega er hún margbreytileg og ekki allir sem eru að upplifa daginn í dag á sama hátt. En einhvern tímann finna eða hafa fundið flestir maídag í hjartanu. Kannski ekki í ár, en kannski næsta ár. Og fyrir suma er hann kannski  liðinn eða bara kom aldrei?

En samt finnst mér að veröldin sé full af snillingum sem ég vildi frekar líkjast en ekki. 

Athugasemdir

[Rafn Haraldur Sigurðsson (IP-tala skráð) 17.5.2014 kl. 21:53]

Það er náttúrulega snilld hvernig landið vaknar af svefni vetursins, allt verður grænt á nokkrum dögum, fuglar syngja í heiði, birtan ólýsanleg langt fram á nótt.

I see trees of green, red roses, too,

I see them bloom, for me and you

And I think to myself

What a wonderful world.

I see skies of blue, and clouds of white,

The bright blessed day, the dark sacred night

And I think to myself

What a wonderful world.

The colors of the rainbow, so pretty in the sky,

Are also on the faces of people going by.

I see friends shaking hands, sayin', "How do you do?"

They're really sayin', "I love you."

I hear babies cryin'. I watch them grow.

They'll learn much more than I'll ever know

And I think to myself

What a wonderful world

Yes, I think to myself

What a wonderful world

[Halldór Jónsson, 17.5.2014 kl. 22:04]

Takk fyrir þetta Rafn Haraldur. það er aldeilis að þú ert ljófimur og gaman að fá þennan fallega texta fram fyrir sig í heild. Mér finnst þetta eitt það besta sem frá Louie gamla kom og var þó margt frábært.

[Halldór Jónsson, 17.5.2014 kl. 22:04]

ljóðfimur átti það að vera

[Kristján B Kristinsson (IP-tala skráð) 17.5.2014 kl. 23:06]

Veröldin var full af snillingum, í dag er hún full af kjánum.

[Halldór Jónsson, 18.5.2014 kl. 01:02]

Kristján,

getur þú upplýst mig um á hvaða skalla kjánar eru mældir. Er Löggildingarstofan með í því dæmi. Eða er kjaánaskallinn afstæður eins og brautarpallurin hjá Einstein sem hreyfðist öfugt við hreyfinguna eftir því har þú varst staddur. Ég held að það sé meira af snillingum nuna en var þá vegna upplýsingarinnar í gegnum Google, mesta mannfrelsunarátak allra tíma. Allir hafa aðgang að hinni mestu speki og enginn kemst lengur upp með lygi til lengdar. Snillin er staðreynananleg mótsett því sem var á dögum Hitlers. Það er ekki hægt lengur að blekkja alla alltaf.

[Rafn Guðmundsson, 18.5.2014 kl. 01:42]

hún er líka 'full' af dauðum ómissandi mönnum - svona er þetta