Lánleysi Sjálfstæðisflokksins

er eiginlega að renna manni til rifja.

Hið stórkostlega mál fyrir allan almenning, niðurfelling allra vörugjalda á áramótum, kemst bara ekki til skila til fólksins.

Stjórnarandstaðan kemst upp með að garga matarskattur, matarskattur, árás á lítilmagnann og þá sem minnst hafa. Endurtaktu lygina nógu oft og hún verður að sannleika sagði dr. Jósef. Samt er matarskattur aðeins innan við 10 % af allri virðisaukaveltunni. Það skiptir miklu meira máli að lækka efsta þrepið um 1.5 % heldur en að krukka í 7% matar-og bókaskattinn. En það áróðurstríð er tapað og búið spil að flokkurinn geti komið þessu til skila. Og Framsókn sjálfsagt líka á móti enda þekkt af góðmennsku mótsett við Store Stygge Ulv.

Þessi niðurfelling vörugjaldanna á áramótum er stórkostleg lífskjarabót fyrir okkur sem minnst mega okkar. 90 % af öllu sem við vesalingarnir þurfum að kaupa, flatskjáir, sykruð matvæli,byggingavörur, þvottavélar,bílavarahlutir bera vörugjöld og hæsta þrepið í VSK kerfinu. En bara enginn tekur eftir þessu einu sinni. Ekki getur Sjálfstæðislfokkurinn komið þessu frá sér óbrjáluðu svo að skiljist. Hinsvegar skilst það alveg að Sjálfstæðisflokkurinn er til í að hækka skatta með því að innleiða náttúrupassann. Framsókn er auðvitað stikkfrí í þessu og er helst á móti passanum. Svo til hvers er Ragnheiður Elín að þeysa um landið að tala fyrir þessu þegar Framsókn er á móti? Talar ríkisstjórnin ekki saman?

Skyldi Sjálfstæðisflokkurinn vera á móti því að hætta að blanda lífdísil að hætti kratanna í bensínið til að gera það dýrara? Frosti og Willum í Framsókn vilja það. Er Sjálfstæðisflokknum umhugað um að móðga eki ESB? Þessvegna má ekki ræða um Schengen og vegabréfaskyldu upphátt innandyra í Valhöll? Og alls ekki innflytjendastefnu.

Af hverju getur Sjálfstæðisflokkurinn ekki komið frá sér óbrengluðum áróðri?

Hvaða lánleysi er þetta?

Athugasemdir

[Kristmann Magnússon, 11.12.2014 kl. 20:52]

Já ég er þér sammála Halldór minn - Sjálfstæðisflokkurinn hefur ekki staðið sig nógu vel í því að koma kostum vörugjaldalækkunar til skila.  Það eru ekki bara stór raftæki, baðherbergisvörur, eldhúsvörur, húsgögn, lampar o.fl. sem koma til með að lækka vegna vrugjaldanna - það er fjöldi vara í þeim svokallaða matvörugeira sem einnig á eftir að lækka.
Ég fullyrði að Bjarna á eftir að verða minnst sem þess ráðherra sem afnám vörugjöldin alveg eins og við munum í dag að það var Matti Matt sem afnám verðlagshöftin og sonur hans HEFÐI alveg getað fetað í fótspor föður sins og tekið þessi bölvuðu vörugjöld af.  Hugsið ykkur Bjarni er að gera þetta með ríkissjóð í bullnadi skuldum upp fyrir haus, en hér aður fyrr þorðu menn ekki að snerta á þessu þrátt fyrir ágæta stöðu ríkissjóðs á sínum tím.
Ragnheiður Elín er svo þáttur út af fyrir sig, en hún á greinilega ekki heima í Sjálfstæðisflokknum með svona vinstri villu skattastefnu á sinni könnu.

[Bjarni Jónsson, 11.12.2014 kl. 21:15]

Fólk mun taka eftir auknum kaupmætti, þegar VSK á flestu lækkar úr 25,5 % í 24,0 %, þó að VSK á t.d. matvörur hækki.  Það munar ekkert smáræði um mótvægisaðgerðir á borð við afnám vörugjalds, þó að það hverfi ekki af bílum og eldsneyti.  Verðstöðugleikinn er líka tekinn að skila sér í vasa almennings, enda er nú kaupæðið, sem verðbólgan knúði, runnið af fólki.  Almenningur mun dæma stjórnmálamennina með buddunni sinni, og þá má nú stjórnarandstaðan biðja Guð að gleypa sig.

[Rafn Guðmundsson, 12.12.2014 kl. 00:06]

ekki trúi ég því að þetta verði mér til hagsbóta og ekki hef ég séð dæmi um það.  en ég er auðvitað ekki að kaupa bíla, húsgögn alla daga.  

[Halldór Jónsson, 12.12.2014 kl. 07:55]

Eins máls Mannsi minn

Vörugjöldin eru okkur báðum ókær. En ég vil láta farþegana á skemmtiferðaskipunum borga. Hvernig er best að koma því við? Ragnheiðurr að reyna að finna leið. Kannski er hún að flækja þetta of mikið. Það er eins og venjulega að þetta helv.  EES  og Schengen er að þvælast fyrir okkur vi alla hluti. Af með þetta allt saman.

Bjarni, ef fólkið tekur eftir einhverju til bóta þá sjá RÚV, Stö2 og Fréttó til þess að telja því trú um þetta séu afleiðingar af góðum verkum vinstristjórnarinnar sem eru bara að koma seint fram. Syore Stygge Ulv er bara til þess að pína alþýðuna. Hlustaðu bara á stjórnarandstöðufíflin á Alþingi

Rafn er líklega dæmi um komma sem aldrei sér nokkurn glaðan dag.

[Stefán Örn Valdimarsson, 12.12.2014 kl. 09:45]

Rafn: Bílar, raftæki, húsgögn, varahlutir, bensín, föt, matur ofl. Sykurkatturinn burt en á hann leggst vsk þannig að fólk þarf að borga skatt af skatti.  Rafn ég hef áhyggjur af þér þú átt greinilega ekki bíl, gengur ekki í fötum og borðar ekki mat.  Það er rétt Halldór að vinstri menn eru mjög flínkir í að búa til hávaða. Tekst ávallt að gera upphrópanr sem byggja á litlum eða engum rökum og alls ekki á staðreyndum að einhverskonar allherjar sannleika.  Mistök ríkisstjórnarinnar er að vanmeta þessi ahrif eða kannski að ofmeta skynsemi fólks að sjá í gegnum slíkt innihaldsleysi. 

[Bjarni Jónsson, 12.12.2014 kl. 20:17]

Það þarf tröllheimsku eða blinda trúgirni á vinstri vaðalinn til að trúa því, að fjárlagafrumvarpið með afnámi sykurskatts, afnámi vörugjalda á öllu, nema bílum og eldsneyti, og lækkun á VSK á öllum vörum og þjónustu í efri flokki úr 25,5 % í 24,0 %, en hækkun VSK á matvörum úr 7 % í 11 %, jafngildi skattahækkun, þegar reiknað hefur verið út, og útreikningarnir ekki véfengdir með rökum, að afleiðing þessara gjörninga er tekjumissir ríkissjóðs.  Svo hreytir formaður VG út úr sér, að hún sé á móti auknum álögum á almenning.  Samþykkti hún ekki yfir 100 skattahækkanir sem ráðherra á síðasta kjörtímabili ?