Einföldun á virðisaukaskatti

segja þeir á Alþingi að felist í að hækka 7 % þrepið í 12 % eða 11 % þegar afslátturinn til stjórnarandstöðunnar er innreiknaður. Er þetta augljós einföldun?

Mér hefði fundist það einföldun á kerfinu ef verið hefði um að fjalla að breyta öllu í eina virðisaukaskattsprósentu. Hugsanlega lægri en 24 % Það væri einföldun og hefði gert kerfið skilvikara og þéttara. An skrækirnir í stjórnarandstöðunni gera þetta erfitt. Bókin er í hættu segja þeir.Bóklæsið hverfur hjá bókaþjóðinni.Aumingja fólkið á ekki fyrir mat, bla bla bla.

Ef einhverntíman verðurlagt fram slíkt frumvarp sem öll skynsemi stendur auðvitað til, þá þarf sjálfsagt að gera mótvægisaðgerðir til að hamla gegn fyrstu áhrifum hækkunar kostnaðar  vegna matar og bókakaupa. Hækkun persónuafsláttar væri ein leið. En þá fengju feitu kettirnir líka og það eiga sumir bágt með að þola. Önnur væri hugsanlega sérstök endurgreiðsla á tekjuskatti til barnmargra og tekjulágra. Ekki flóknara reikningsdæmi en niðurfellingin. Tryggvi Þór myndi án efa geta leyst það verk með ágætum.

Kostirnir hreint kerfislega væru augljósir. Engar undanþágur, ein prósenta á allt. Engar deilur um flokkun eða innsköttun. 

Væri þetta ekki sú einföldun á virðisaukaskattkerfinu  sem vantar?

 

 

 

Athugasemdir

[Predikarinn - Cacoethes scribendi , 12.12.2014 kl. 17:55]

Sæll kæri Halldór.

Sá sem flest atkvæðin hefur í skoðanakönnuninni þinni á síðunni skrifaði um daginn í leiðara Morgunblaðsins að hún væri furðuverk nokkur þessi breyting - þvílík sjónhverfing í „einföldun“ á kerfinu. Þeim væri að takast að einfalda kerfið úr tveimur þrepum yfir í tvö ! ! !

[Kristmann Magnússon, 12.12.2014 kl. 22:24]

Stjórnarandstaðan er í molum og málflutningur þeirra alveg hörmulegur - ekkert nema væl um hækkun á matarskatti þrátt fyrir að fjöldinn allur í þeim flokki lækkar vegna niðurfellingar á vörugjöldum.  Auk þess koma almennar vörur eins og fatnaður, byggingarvörur, stærri raftæki og svo margt margt fleira til meðað lækka vegna niðurfellinga á vörugjöldum.  Upphæðin allt að 5 milljarðar !, 

Astæður stjórnarsndstöðunnar er að sjálfsögðu leikaraskapur sem allir heilvita menn sjá í gegn um, og svo sjá þeir allt í einu núna að þessa niðurfellingar hefðu þeir sjálfir átt að framkæma, en höfðu bara ekki þor til að gera það.  Og svo kalla þeir þetta niðurfellingu fyrir ríka fólkið og tuða og tuðs um að frekar hefði átt að halda áfram með auðlegðarskattinn.  Meðaumkunarverður málflutningur hjá stjórnarandstöðunni og ömurlegast er að hlusta á Árna Pál og Katrínu  

[Halldór Egill Guðnason, 13.12.2014 kl. 07:45]

Eitt VSK stig, 12% á allt, sama hvada nafni thad nefnist. Haekka skattleysismörk í 300.000.- Aukin neysla, sökum haerri rádstöfunartekna, skilar mögulega meiri tekjum í ríkiskassann, thrátt fyrir laegri VSK%, eda hvad? Ef til vill er thetta mikil einföldun á mjög flóknu fyrirbaeri og ekki á faeri fávíss sjóarahunds ad vera ad gaspra um thessi mál.Skil samt ekki hvers vegna í ósköpunum skattheimta tharf ad vera svona flókin. Sósíalismi andskotans virdist teygja anga sína í allar kitrur stjórnmálaflokkanna, sama hvada nafni their nefnast. Er verid ad verja embaettismannakerfid med thessari flaekju allri saman, eda hvad gengur stjórnmálamönnum eiginlega til med thessari dellu allri saman?   

[Halldór Jónsson, 13.12.2014 kl. 22:47]

Cachoetes, það er nokkuð til í þessu þó í léttum dúr sé. En Sjálfstæðisflokkurinn er algelega húmorlaust fyrirbrigði síðan að viss maður hvarf úr brúnni.

Mannsi, það veldur mér slíkri gleði að jafnvel þú skulir  viðurkenna upphátt a' stjórnarandstaðan sé svo hræðileg að menn kjósi jafnvel íhaldið frekar.  Sem sagt sama ástæða og við Sjálfstæðismenn höfum alltaf gripið til þegar okkur hefur liðið verst hjá flokknum okkar. Bjarni Ben gamli sagði við okkur: "Munið þið piltar, að þótt við séum vondir, þá eru aðrir verri." Þannig hefur flokkurinn haldið kjörfylginu í gegn um árin svona ótrúlega vel. Árni Páll og Katrín gera vitlausustu þingmenn okkar að vitringum þegar kjördagur kemur, svo vitlaus eru þau. 

Nafni á Suðurpólnum, hetja hafsins

Mér sýnist að það mætti prófa 23-23.5 % ef einn skattur væri á allt. Ríkið færi á hausinn ef þetta færi neðar og sægreifar  og hátekjumenn yrðu annars að borga miklu meiri skatta.