Halldór Jónsson

2.2.2015 | 08:57

Framsóknarhræsni

á háu stigi er að grafa um sig hjá gömlu maddömunni.

Í stað þess að fagna hinum glæsilegu konum sem björguðu flokknum frá útrýmingu í Reykjavík hópast afturhaldsmenn með svívirðingum að þeim og kerfjast þess að formaðurinn grýti þær. Fyrir það eitt að vilja ekki skrifa upp á skemmdarverk Dags Bé og Essbjarnar um að gera moskubyggingu að borgarhliði Reykjavíkur. Hann kallar þær rasista af því tilefni og krefst þess að þær verði brenndar á báli sem nornir á flokksþinginu.

Það verður happ fyrir Framsókn ef þessir menn hlaupa fyrir pólitísk björg og láta Framsóknarflokkinn standa eftir sem samstarfshæfan íslenskan raunsæisflokk á víðsjárverðum tímum. Ég hef óskað þess að þessar ungu konur væru í mínum flokki. Það vantar svona fólk í stjórnmál. Að sama skapi er of mikið af upphlaupsliði með hræsnina eina og einelti réttrúnaðarins að vopni.

Guðfinna og Sveinbjörg. Standið keikar og grátið ekki yfir árásum afkáramanna sem unnu Framsóknarflokknum svo til ófrægingar um ótalmörg ár að til útrýmingar horfði.Þið eigið hræsnilausa stuðningsmenn víða og ykkar er framtíð Framsóknarflokksins.

Flokkur: Stjórnmál og samfélag | Facebook

Athugasemdir

Sæll Halldór. Þarna er ég þér sammála. Það er ömurlegt að horfa upp á þessar liddur sem eru í brú þjóðarskútunnar, sem skríða undan og þora ekki að tjá afstöðu sína. Vegna þessa geta fámennir hópar náð ýmsu fram, þrátt fyrir andstöu þjóðarviljans.

Eðvarð Lárus Árnason, 2.2.2015 kl. 10:51

Það er víst enginn spámaður í sínu heimalandi Halldór ekki heldur stúlkurnar tvær sem virðast vera einu framsóknarmennirnir með bein í nefinu.

Kjartan Sigurgeirsson, 2.2.2015 kl. 10:55

Ég er ekki alveg viss um það Halldór að þú áttir þig á hvað flokkssystkin þeirra eru að gagnrýna.

Jón Ingi Cæsarsson, 2.2.2015 kl. 12:18

Mikið er ég sammála þér Halldór. Það er dapurlegt að horfa upp á þessar lyddur sem flæða yfir allt pólitíska sviðið. Vandamálið er augljóst en stjórnmálastéttin lokar bara augunum og reynir allt hvað hún má til að forðast að taka á því.

Þessar tvær dömur ættu að stofna sinn eigin flokk. Held ekki að fylgið skorti.

Ragnhildur Kolka, 2.2.2015 kl. 12:19