Strákarnir okkar

eru loksins að gera það.

Sigmundur Davíð,Bjarni Benediktsson hafa núna talað á vel undirbúinn hátt með tveimur hrútshornum við slitastjórnirnar og kröfuhafana.  Þessir aðilar mega vinsamlega samþykkja það sem í boði er. Annars.....Már Guðmundsson og Seðlabankinn mega eiga það sem þeir eiga í góðum undirbúningi aðgerðanna sem kynntar voru í dag. 

Allt málæðið sem skilanefndunum hefur liðist að hafa uppi til lítils gagns nema fyrir þeirra eigin buddur frá 2009, skal taka enda.

Þeirra erindsbréf er núna klippt og skorið. Fáið samþykki kröfuhafanna til að ganga að okkar boði eða ekki. Ríkisstjórnin og löggjafinn hafa ákveðið leikreglurnar. Samþykkið þær ekki bara að hluta til heldur í öllum atriðum. Annars greiðið þið 39 % stöðugleikaskatt eftir áramótin. Áætlað til greiðslu í apríl 2016 850 milljarðar.Það var íslenska þjóðin sem varð fyrir mesta skaðanum. Nú er komið að því greiða bætur fyrir hann.

Ég er bara upp með mér af frammistöðu strákanna okkar í dag. Þeir eru búnir að sýna það að þeir geta látið hendur standa fram úr ermum. Ekkert BS heldur beinharðir peningar.

Alþingi samþykkti þessa áætlun samljóða. 

Er ekki endurheimt bankanna og viðsnúningur afglapa Steingríms Jóhanns næsta mál á dagskrá? Hljóta ekki erlendu kröfuhafarnir að skilja nauðsyn samninga fyrir þá  þegar heil þjóð stendur sameinuð á móti þeim undir einbeittri forystu? 

Hafa strákarnir okkar ekki aldeilis tekið á því?

 

 

 

 

 

Athugasemdir

[Kristmann Magnússon, 8.6.2015 kl. 16:40]

Alveg sammála 

[rhansen, 8.6.2015 kl. 16:42]

Eg samgleðst þer sannarlega með "strákana" ,en er með ugg i hjarta að það geti orðið erfið glima við slitastjórnirnar !

[Helga Kristjánsdóttir, 9.6.2015 kl. 08:59]

 Skemmtilegur pistill hja þér og virkileg þjóðhátíðarstemmning hjá okkur.Munum svo eftir stelpunum sem lögðu hönd á plóg,eru virkar í "næsta máli á dagskrá"....