Er hún ekki einlæg?

                                                                                                                                                                          blessunin hún Katrín í Vinstri Grænum?

Hún vekur alltaf aðdáun mína fyrir sitt barnslega opna andlit og augnaráð. Hún meinar það sem hún segir um viðleitni flokksins hennar um að varðveita stöðu lítilmagnanna og stuðla að jöfnuði meðal manna. Sama gat mér aldrei fundist um forvera hennar í formennsku flokks vinstri grænna. Ég hef aldrei séð neitt til hans sem gefur til kynna að þar fari maður sem ber hagsmuni lítilmagnans fyrir brjósti. Það svigna ávallt einhverjir feiknstafir í andlitinu og einhver óútskýrð heift til þeirra óverðugra  brennur úr augnaráðinu  sem gætu hugsanlega haft eitthvað til að vera ánægðir með. Hann vill líklega fremur dvelja í hátimbruðum höllum hins alþjólega fjármagnsveldis þar sem hann yfirhafna vizka getur notið sín heldur en meðal undirmálsfólks. Enda fór sjálfsálit og hróður hans víða og svo sagði hann sjálfur að hann hefði á tímabili verið orðaður við að verða einskonar landsstjóri á Grikklandi. Skyldu þeir vera í betri málum núna ef..?

Ég saknaði þess að Katrín  Jakobsdóttir talaði ekki í eldhúsdagsumræðunum og gæfi okkur einhverjar vísbendingar um hvort við megum eiga von á að sjá hana á leið til Bessastaða á næsta ár. Um fátt er talað af meiri áhuga meðal fólks um það hvort hún ætli, hvort hún ætli ekki?

Englasvipur hennar myndi svo sannarlega njóta sín á Bessastöðum þar sem hún myndi boða okkur frið og jöfnuð af sinni einlægni sérstaklega ef ný stjórnarskrá bjartrar framtíðar og pírata sæi dagsins ljós?

Athugasemdir

[Elle_, 1.7.2015 kl. 23:02]

Guð nei, alls ekki. 

[Elle_, 1.7.2015 kl. 23:10]

Og engilbrosið var frosið meðan heiðarlegir VG-menn voru niðurlægðir og kastað úr stjórn af Jóhönnu og Steingrími fyrir að vilja ekki lúta þeirra vilja. Mundu að Kata er og var alltaf hægri hönd Steingríms mikla. Það þarf harðlínumann en ekki engil til að horfa á menn lúbarða og haggast ekki.

[Halldór Jónsson, 4.7.2015 kl. 00:44]

Engilssvipurinn haggast ekki , hvað sem staðreyndirnar um úlfshárin rauðu segja

[Elle_, 4.7.2015 kl. 14:02]

Gat ekki annað verið en þú værir að djóka. Maður verður að vera bláeygari en þú til að trúa þessu falska engilbrosi.