Slá í gegn

slá í gegn

þú veist að ég ^Aþrái 

^F#mað slá í ^Bmgegn ^E

af ^Aeinhverjum ^F#mvöldum

^Bmhefur það ^Dmreynst ^Gmér um ^Amegn

þessar línur komu í hugann þegar ég leit Guðmund Steingrímsson vonsvikinn á fundi með Jón Gnarr á fundi Bjartrar Framtíðar. Það eru víst komin ský á himni hugsjónanna.

Hvaða gagn hafði nú þjóðin af því að ráða Guðmund Steingrímsson  til að ráða málum sínum? Eða þetta bjarta fólk allt saman sem er orðið svona leitt á þessum fjórflokki að það þarf að leita nýrra stranda.

Á furðuströndum velkjast sprekin í fjörunni og verða að kringlóttum keflum í fjörunni sem henta vel í forystuboðhlaup

Á eyjunni Shangríla eru allir vinir og græðgin er útlæg. Þar ríkir jöfnuður og vandamál eru óþekkt. Mikið vildi ég að ég vissi leiðina þangað. En úr því að Guðmundur Steingrímsson, EssBjörn og sjálfur Jón Gnarr hafa ekki sagt hana fyrir samankomnir á nýjum stefnumörkunarfundi , þá mun vesalingur minn trauðla finna þann veginn.

En í næstu kosningum mun einhver bjóðast til að slá í gegn og í alvöru. Og þá hlaupum við til og trúum og fögnum því að allt sé betra en Íhaldið eins og hann sagði hann afi hans Guðmundar Steingrímssonar.

Þá sláum við í gegn svo um munar. 

Athugasemdir

[Þorkell Ásmundsson (IP-tala skráð) 22.8.2015 kl. 21:36]

Allt er betra en íhaldið:

-- Hannes frá Undirfelli, afi Hannesar H. Gissurarsonar, smíðaði þetta kjörorð og var því trúr. Margur annar hefir japlað á því.

ÞÁ.

[Anna Sigríður Guðmundsdóttir, 22.8.2015 kl. 23:11]

Halldór minn. Er ekki rétt að kjósa bankastjórnar/lífeyrissjóða-formenn í næstu kosningum? Völdin og embættislögfræðingarnir eru þar, og ráða öllu!

Hættum að tala um eitthvað sem ekki er raunverulegt í samfélaginu.

M.b.kv.