Hvað heitir það réttlæti ?

þegar Steinþór Pálsson hækkar í launum við að stýra banka sem er rekinn í sama húsi, með sömu málverkum á veggjunum, sömu kaffivélum og borðbúnaði og banki sem ég átti áður með sama nafni á sama stað. Ég lagði þá stóran hlut af ellilífeyrinum mínum í að kaupa hlutabréf í Landsbanka Íslands sem heitir núna gamli Landsbankinn en þessi nýji nýji Landsbankinn eða NIB. Maður átti að styrkja atvinnulífið sagði ríkið með því að kaupa hlutabréf.

Svo stendur í Kjarnanum:

" Mánaðarlaun Steinþórs Pálssonar, bankastjóra Landsbankans, hafa hækkað um 36 prósent frá því um mitt ár 2014. Með nýjum sérúrskurði kjararáðs í byrjun desember voru laun hans hækkuð um 20 prósent. Morgunblaðið greindi frá því í morgun að laun Steinþórs hefðu hækkað um 41 prósent með nýjustu ákvörðun kjararáðs fyrr í þessum mánuði. Það reyndist ekki rétt samkvæmt upplýsingum á vef kjararáðs. Laun Steinþórs eftir hækkunina eru 1.950 þúsund krónur á mánuði. 

 

 Landsbankinn er að nánast öllu leyti í eigu íslenska ríkisins og þess vegna ákvarðar kjararáð laun Steinþórs en ekki hinna bankastjóranna. Þetta er í þriðja sinn sem laun bankastjórans hafa verið hækkuð frá bankahruni."

Íslenska ríkið á þennan banka í dag. Ég á ekkert í þessu íslenska ríki. Ég kem því ekkert við nema ef það getur náð af mér einhverju.Til viðbótar bankanum sem ég átti og skildi eftir sig skuldir en varð ekki gjaldþrota heldur fékk peninga til að halda áfram rekstri.

Voru þetta bara ekki gervipeningar sem voru bara búnir  til í Seðlabankanum. Skuldirnar eru eftir ógreiddar. Átti ég þær ekki líka? Var ekki hlutaféið mitt tekið til að greiða þær?

Þarna var sett inn fólk sem ég þekki ekki, fyrst einhver Elín sem endaði fyrir dómi eða eitthvað svoleiðis og svo þessi Stein þór?

Nú segir Fjármálaráðherra að hann ætli að gefa einhverju fólki úti á landi, flóttamönnum og nýbúum líka,  hlut í þessum banka sem ég átti sannarlega og hefur aldrei orðið formlega gjaldþrota samkvæmt íslenskum lögum. Af hverju á ég ekkert í þessum banka?

Var ekki einhverntíman talað um Hrifluréttlætið sem þótti ekki gott? En nú hækkar Steinþór meðan ellilífeyririnn minn skerðist?

Hvað heitir það réttlæti?

 

Athugasemdir

[Predikarinn - Cacoethes scribendi , 3.1.2016 kl. 00:55]

Gleðilegt ár kæri Halldór og þökk fyrir þau gömlu á blogginu.

Mér finnst reyndar að tæpar tvær milljónir í mánaðarlaun Landsbankastjóra ekki mikið þar sem bankinn er eitt af stærstu fyrirt´kjum þessa lands með mikinn fjölda starfsmanna og ótrúlega veltu. Hann er vart hálfdrættingur á við bankastjóra hinna stóru bankanna, svo ekki sé talað um Grím í Bláa lóninu sem er ekki stórt í mannafla en hann mun vera með um átta millur á mánuði.

[Davíð12 (IP-tala skráð) 3.1.2016 kl. 02:11]

Það heitir að uppskera eins og maður sáir. Þegar þín kynslóð var upp á sitt besta og þið réðuð öllu þótti sjálfsagt að ræna sparnaði landsmanna. Glötuð er geymd króna er máltæki sem varð til á ykkar vakt. Topparnir óðu í peningum og gamla fólkinu var smalað á stofnanir. Smakkast grauturinn sem þú eldaðir illa?

[Húsari. (IP-tala skráð) 3.1.2016 kl. 22:14]

Sæll Halldór.

Svo má ekki gleyma því að launin tengjast árangri
við stjórn þessa banka og því vænir bónusar
sjálfsagt jafnháir launum eða hærri auk annarra fríðinda
sem ekki eru nefnd.
Heildarlaun gætu því verið miklu hærri
og tæpast undir 8 miljónum en trúlega hærri.

Hvað heldur þú, Halldór, að fái íslenska þjóð
til að samþykkja svona lagað æ ofaní æ?
Því verður ekki til svo öflugt og sterkt afl
meðal almennings að flónska af þessu tagi
taki enda, að menn leyfi sér ekki að misvirða
sjálfa sig og almenning með sjálftöku af þessu
tagi?

Ég spyr mig ekkert síður þeirrar spurningar hvort
þeir sem taka við þessum launum trúi því að
þeir eigi þau skilið og hvort þeir geti réttlætt
þau fyrir sjálfum sér.