Heiðra skaltu skálkinn

svo hann skemmi þig ekki. Þetta er gamlt praktískt ráð. Skálkar allstaðar eru tilbúnir að láta þig í friði ef þú borgar það sem upp er sett.

Í Mogga segir:

"Yf­ir­vinnu­bann og veik­indi flug­um­ferðar­stjóra hafa haft áhrif á 3.000 ferðir flug­véla á milli Evr­ópu og Am­er­íku. Sam­kvæmt út­reikn­ing­um Isa­via hef­ur þetta valdið alþjóðlegu flug­fé­lög­un­um auka­kostnaði vegna meiri brennslu eldsneyt­is sem nem­ur eitt­hvað á ann­an millj­arð króna."

Félag flugumferðarstjóra er fremur fámennt félag fólks sem greip tækifærið til að læra fremur einfalt starf hjá þeim eina atvinnurekanda í landinu sem rekur þessa starfsemi. Þarna eru borguð full laun meðan á námi stendur og einu kennararnir eru flugferðarstjórarnir sjálfir. Ekki verður sagt að námið sé erfitt né langt en stéttarinnrætingin byrjar greinilega á degi eitt.

Launin eru sögð slá flest út sem þekkist. Þetta félag hleypur til í skjóli BSRB og beitir vinnuveitandann blackmail til að þvinga fram mun hærra kaup en annarstaðar gerist þar sem fjöldi félagsmanna er svo lítill og launagreiðslur til þeirra lítið brot af fjárlögum.

Félag flugumferðarstjóra er enn eitt dæmi um skaðsemi og siðleysi verkalýðsbaráttunnar þegar mönnum er löglega fengið kúgunarvald mannræningja og leyfi til að setja byssuhlaup  á gagnauga saklauss þolanda. En þannig fer hin heilaga verkalýðsbarátta fram. 

Þjóðin getur ekki horft upp á þennan árlega farsa mikið lengur.Það er yfirleitt ekki hægt að semja við skálka því þeir svíkja jafnharðan og heimta meira. Tímabundið er hugsanlega fátt annað fært en að heiðra skálkinn og láta sem ekkert sé. Ríkið verður að leysa þessa deilu þegar í stað vegna hagsmuna heildarinnar. Pólitískt er það alveg óhætt á þessum tímapunkti þó að grípa þurfi til lagasetningar.

En er eitthvað annað til í stöðunni en að undirbúa einkavæðingu á þessum störfum? Ef skrifað er undir kröfurnar núna þá koma þeir bara aftur  næsta ár og þá hálfu verri.

Þarf ekki að bjóða út flugumferðarstjórn á hlutum í íslenska flugstjórnarsvæðinu. Fækka ríkisráðnum  og ríkismenntuðum flugumferðarstjórum að hætti Ameríkumanna, sem reka marga stóra flugvelli án turna. Og banna þeim sem eftir eru að vera með kúnstir. Láta Keilir útskrifa fullnuma flugumferðarstjóra án fjöldatakmarkana sem geta þá gerst verktakar með öllu því sem fylgir. Framfarir í simulatortækni eru orðnar svo miklar að raunveruleikastigi hefur verið víða verið náð.

Endalaus eftirgjöf og heiðrun skálksins leiðir ekki til neins.

 

 

Athugasemdir

[Þórir Kjartansson, 28.5.2016 kl. 11:24]

,,Heiðra skaltu skálkinn svo hann skaði þig ekki"   Þannig hef ég heyrt þennan málshátt

[Halldór Jónsson, 28.5.2016 kl. 12:02]

É hef heyrt hvorutveggja og veit ekki hvort oftar.Meningen er den samme.

[Hrólfur Þ Hraundal, 29.5.2016 kl. 01:12]

Það er einmitt, meiningin sem gildir. 

Flugumferðarstjórar sem vilja ekki vinna yfirvinnu eru auðvita í fullum rétti, en þá þarf að fjölga þeim og lækka kaupið hjá þeim sem eru til vandræða. 

Heilagur réttur er ekki til, alveg sama hvað Hanna Birna segir, bara sanngirnis sjónarmið. 

[Helga Kristjánsdóttir, 29.5.2016 kl. 01:50]

 Minnir mig á löngu liðna frænku sem var alltaf ákveðin með rétt sinn í umferðinni,þótt aðrir gerðu sig líklega að brjóta á hennar.við sögðum gjarnan "en elsku besta er hann meira virði en líf okkar". Þá sljákkaði í "töntunni" 

[Halldór Egill Guðnason, 29.5.2016 kl. 05:42]

Fjölga þeim um fimm hundruð prósent. Tungumálið er enska, málið dautt. 

Góðar stundir, með kveðju að sunnan.

[Húsari. (IP-tala skráð) 29.5.2016 kl. 07:48]

Sæll Halldór.

Ábending Þóris Kjartanssonar hér að ofan er ekki að
ástæðulausu því hún styðst fyllilega við
Ritmálssafn Orðabókar Háskólans sem og
við Orð að sönnu e. Jón G. Friðjónsson.

Þetta segir sig annars sjálft því sögnin að skemma
í þessu samhengi á við um dauða hluti en ekki lifandi.

[drilli, 29.5.2016 kl. 11:46]

Mæli með að þú stofnir fyrirtæki sem sér um þessi mál fyrir okkur flugfarþega þessa lands.

það gæti heitið „talað út um rassgatið".

[Davíð12 (IP-tala skráð) 29.5.2016 kl. 15:45]

Ríkið og Isavia fá greiðslur erlendis frá fyrir að halda úti flugumsjón sem eru töluvert hærri en kostnaðurinn. Laun flugumferðarstjóra koma úr þeim potti og kosta því ríkið ekkert. Hækkun launa flugumferðarstjóra hefur aftur á móti áhrif á aðra launasamninga og leiðir til hækknar á töxtum hjá stórum hluta launþega og bótum öryrkja og ellilífeyrisþega.

Laun byrj­un­ar­laun flug­um­ferðar­stjóra séu 430 þúsund krón­ur á mánuði eða 550 þúsund skipta engu máli út af fyrir sig. Hækkanir á töxtum launafólks og bótum almannatrygginga eru það sem barist er gegn. Og það með stuðningi öfundsjúkra launamanna og bótaþega sem þola ekki að einhverjir séu á þokkalegum launum og hafi bein í nefinu til að sækja þau.

[Elín Sigurðardóttir (IP-tala skráð) 29.5.2016 kl. 21:15]

Ég heyrði þetta eins og Þórir.  Skálkurinn var Sjálfstæðisflokkurinn svo öllu sé til haga haldið.

[ls (IP-tala skráð) 30.5.2016 kl. 12:05]

Ég hef ekki séð því mótmælt sem flugumferðarstjórar hafa sagt að vandamálið sé m.a. að það vanti mannskap. Íslendingar sem hafa unnið hér fara út til að vinna á betri launum (og betri vinnustað) og það segir þá sig sjálft að ekki er straumur manna að utan að reyna að fá vinnu hér.