Til hamingju flugumferðarstjórar

með fullnaðarsigur á því smámenni sem er að rífa við ykkur kjaft.

Hið heimska Alþingi hélt að það gæti sagt ykkur fyrir verkum. Þið ættuð að hætta aðgerðum eins og veikindum. Auðvitað höfðuð þið svoleiðis að vettugi. Ykkar er jú mátturinn og dýrðin. Þið eigið auðlindina flugumferðina. Alveg eins og útgerðarmenn fiskveiðiauðlindina. Þetta verður ekkert frá ykkur tekið því það getur enginn bent á neitt annað betra segið þið eins og þeir.

Þið gerið grín að hinum heimska almenningi með því að segja honum sögur um það hversu þjakaðir þið séuð af yfirvinnu. Um leið þá stjórnið þið þjálfun nýrra flugumferðarstjóra. Þið setjið auðvitað Numerus Clausus á fjöldann sem þið ákveðið að kenna svo að næg yfirvinna sé tryggð.

Núna unnuð þið fullnaðarsigur með því að fresta aðgerðum um eitt ár gegn því að fá flestu framgengt. Ríkið og ráðherrarnir eru svo vitlaus að halda að það að þau stjórni.

Fjölmiðlar kalla ykkur stéttarfélag. Er það ekki dásamlegur áróðurssigur. Svona eins og ef ríkissaksóknarinn á Sikiley myndi skilgreina visst þarlent félag sem slíkt sem hann hefur ekki gert upphátt en allir vita að ræður.

Þið eruð langfremstir meðal íslenskra jafningja þegar kemur að kjarasjálftöku.Ekkert félag stjórnar öllum hliðum vinnunnar, vinnustaðnum, vöktunum, nemendafjöldanum og yfirvinnunni. 

Ykkar nám er sagt svo fremur létt og löðurmannlegt að varla þarf neitt til að geta lært það nema að kunna ensku. Ég hugsa að það sé miklu erfiðara að stjórna steypuútsendingu með tugum steypubíla þar sem sá ræður engu um aðsóknina, vinnutímann né flækjustigið.  Ef sá ekki stendur sig er hann rekinn bótalaust. Ykkur er ekki hægt að reka og það er heldur ekki hægt að ræða hvorki um ykkur né við ykkur um neitt fyrirkomulag vegna stórveldishrokans sem einkennir yfirleitt svona snöggsoðin lið. 

Ég er fullur aðdáunar á ykkur hvernig þið snúið bjálfana niður sem ætla að ybba gogg gegn ykkur. Hvernig ríkið er búið að gefast upp fyrir ykkur, já og ekki bara ykkur, heldur löggunum, ljósmæðrunum,kennurunum. Leggur ávallt niður skottið og skrifar undir þegar menn nenna að stríða þeim í einhverjar vikur.

Reagan forseti kunni lagið á því að fást við vandamál ríkisins.Margret Thatcher bjargaði Bretum frá nokkurskonar sjálfsmorði á sinni tíð. Aðeins íslensk stjórnvöld geta ekki neitt. Já, auðvitað hafa þau ekki formlegan her en þau gætu reynt að stjórna stöku sinnum.

Þið eruð standa ykkur flugumferðarstjórar eins og hinir strákarnir á EM!

Eitt ár er ekki lengi að líða í huggulegu stéttarfélagi. Þið eigið alla mína aðdáun.

Athugasemdir

[Jóhann Kristinsson, 28.6.2016 kl. 02:06]

Halldór why don't you tell us how you really feel about air traffic controllers ;>)

Hvað finnst þér um að flugumferðarstjórar eru að reina að standa í vegi fyrir að íslenskir fótbolta aðdáendur komist til Frakklands til að styðja undralið Gullaldar Drengjana?

Eftir Frakka þá eru það Ítalir eða Þjóðverjar, Makedóníu No difference they both are ESB tæma.

En það er mikið til í því hjá þér, það er ekki mikið sem að þarf til að vera flugumferðarstjóri nema að kunna ensku.

Kveðja frá Houston

[ls (IP-tala skráð) 28.6.2016 kl. 10:22]

Það er þá líklegast nóg að kunna að lemja á tölvu til að vera verkfræðingur. Og kunna á Google til að vera læknir. Og Youtube til að gera við flugvélar.