Mjólkursamsalan

á önga sjóði sem nota má til að borga 480 milljóna sektina sem hún verður að snara út vegna ákvarðana  forstjórans Ara Edwalds. Þrautreynds manns úr þjónustu Baugsveldisins gamla,

Það liggur nú fyrir samkvæmt upplýsingum forstjórans að við neytendur verðum að borga þetta í formi hærra mjólkurverðs.

Forstjórinn blásaklausi borgar ekki neitt auðvitað, hann gerði ekki neitt, það eru þessi fyrirtæki sem sitja um að klekkja á almenningi sínkt og heilagt.

Þegar tímabili sektargreiðslna er liðið þá er verðlagið orðið orðið hærra til langframa á afurðunum og við orðin vön því.Því hér lækkar aldrei neitt og það lækkar þá ekki aftur. Orðin verðbólga og varanlegt mjólkurverð.

Væri ekki hægt til að efla kostnaðarvitund almennings að prenta á mjólkurpottinn svona margir aurar af verði þessa lítra renna í sjóð til að borga sektir sem lagðir hafa verið á Mjólkursamsöluna vegna samkeppnisbrota. Gjarnan falleg mynd af forstjóranum með. Þegar þeim lýkur mun verðið lækka aftur. Þannig væri almenningur betur upplýstur um gang mála og meðvitaður um vonsku fyrirtækisins og sakleysi forstjórans.

Getur ekki samkeppniseftirlitið sett reglugerð um þetta. Almenningur verður sáttari við það að verð hækki vegna samkeppnisbrota á þennan hátt og geti svo lækkað aftur. Verður ekki ferlið gagnsærra, sem er jú móðins orð núna í pólitíkinni.

Mjólkusamsalan ríður á vaðið.

 

 

Athugasemdir

[Aðalsteinn geirsson (IP-tala skráð) 11.7.2016 kl. 11:06]

Meint brot gerðust ekki í tíð Ara sem forstjóra. Ef Samsaalan á enga sjóði og verður á endanum að borga sekt hlýtur hún að afla fjárins eins og önnur fyrirtæki sem fá svona sekt.

Fyrri úrskurður Samkeppnisstofnunar ver dæmdur ógildur.

[Ómar Ragnarsson, 11.7.2016 kl. 11:52]

Söm eru ummæli Ara um þetta afbrigði af "kapítalisma andskotans" sem Vilmundur landlæknir kallaði það, að tap fyrirtækja væri þjóðnýtt ef þau töpuðu, en eigendurnir hirtu annars gróðann ef þau græddu.

[Halldór Jónsson, 11.7.2016 kl. 12:13]

Hvar aflar Samsalan peninga? Haldi tombóli, bílsskúrssölu, spili í Lottó? Hvað finnst þér vænlegast að hún reyni til fjáröflunar?

[Halldór Jónsson, 11.7.2016 kl. 12:14]

Já Ómar, hann er veluppalinn hjá Jóni Ásgeiri. Það eru tveir ríkisfjölmiðlar í landinu, annar er beint á ríkissjóði en hinn er á ríkisbönkunum. Er einhver munur?

[Sindri Karl Sigurðsson, 11.7.2016 kl. 16:48]

Sæll Halldór.

Ég hefði haldið að það væri nú einfaldlega hægt að frysta heildsöluverð á mjólk í svona 10 ár í stað þess að borga út aur.

Eina leiðin fyrir samlagið væri þá að vinna  að hagræðingu í rekstri og það þyrfti að borga til neytandans í formi lækkaðs vöruverðs, að teknu tilliti til verðlagsbreytinga.