Trump trompar

á Hildiríði.Þó á sinn stórkarlalega hátt. karlinn á greinilega erfitt með að hemja málgleði sína í ræðustól þegar hann kemst í stuð í  hita augnabliksins þegar áhorfendur æpa í fögnuði.

Hildiríður hefur talað um að hún vilji takmarka byssueign. Trump snýr málinu á hana og spyr hvort hún vilji taka byssurnar af lífvörðum sínum? Svo fer hann fram úr sér kallinn og segir, já endilega leggi þeir af sér byssurnar, þá sjáum við hvað getur skeð, þetta væri mjög hættulegt.

Þarna fá Demmarnir færi á að segja að Trump vilji Hildiríði feiga. Túlka þetta blákalt svoleiðis og trompeta þetta um alla heimsbyggðina og ekki síst í RÚV. 

Þetta er broslegt.Frambjóðendur þarna westra rífa þvílíkan kjaft að kjördæmisþing Framsóknarmanna með Höskuld innanborðs er núna eins og Sunnudagaskóli í samanburði.

Allt þetta kjaftaæði GF og Krata um að taka byssur af öllum nema glæpamönnum gengur hvorki upp hér á landi, Sviss, Noregi,Canada,eða annarsstaðar. Bæði Hildiríður og Trump vita það. Byssur eru verkfæri sem eru hættuleg og verður að fara með sem slík alveg eins og naglabyssur, dynamit,áburður(ammonium nitrate), skrúfjárn,keðjusagir, sportbílar, mótorhjól,brennivín, bjór, sígarettur,ruslfæði og sykur.

Trump hefur ekki verið talinn út ennþá hvað sem GF og Kratar hérna hamast.

 

 

Athugasemdir

[Rafn Haraldur Sigurðsson (IP-tala skráð) 17.9.2016 kl. 12:54]

[Ómar Ragnarsson, 17.9.2016 kl. 13:52]

Það er enginn að tala um það að afvopna lífverði og lögreglu. Málið snýst um það að í Bandaríkjunum eru byssumorð margfalt fleiri miðað við fólksfjölda en í nokkru öðru sambærilegu ríki, svo sem Kanada og Ástralíu. 

[Bjarni Gunnlaugur (IP-tala skráð) 17.9.2016 kl. 15:19]

Þó ég verði að taka undir með Ómari að byssueign Bandaríkjamanna er í tómri vitleysu þá er þetta óvanalega fyndinn pistill hjá þér Halldór og hreint ekki útséð um annað en að þú hafir jafnvel húmor! ;-) 

[Gunnar Rögnvaldsson, 17.9.2016 kl. 17:14]

Tja, athyglisverðar tölur hér á "The Crime Prevention Research Center (CPRC)"

US BECOMING SAFER COMPARED TO EUROPE IN BOTH FATALITIES AND FREQUENCY OF MASS PUBLIC SHOOTINGS: US NOW RANKS 11TH IN FATALITIES AND 12TH IN FREQUENCY

[Halldór Jónsson, 17.9.2016 kl. 18:52]

 'omar, ég held að þú verðir að fara á slóðina sem Gunnar Rögnvaldsson tilgreinir. Samkvæmt því veður þú reyk.

Það eru víða byssufjöldi svipaður og í Bandaríkjunum. það er bara eins og að menn fari víðar betur með en í US. Bjarni Gunnlaugur þarf líka að spá í orsakir þessa.

[Predikarinn - Cacoethes scribendi , 19.9.2016 kl. 15:49]

Er ekki byssueign, eða aðgengi að vopnum, á íbúa einna mest í Sviss?