Áfram Reykjavíkurflugvöllur

í Vatnsmýrinni segir Sjálfstæðisflokkurinn.

Nema hvað.  Þó að þetta þýði að Dagur B. og Hjálmar gangi ekki í flokkinn alveg á næstunni, þá vonum við að þeir geri það þegar þeir hafa hugsað málið til enda.

Aðalatriðið er að Reykjavíkurflugvöllur verður áfram í Vatnsmýrinni og verður áfram djásnið í Kvosinni og í miðbænum. Verra er samt finnst mér ef á að fara að niðurgreiða flugið fyrir sveitavarginn og Steingrím Jóhann eins og lagt er til í framhaldi.

Aðalatriðið er að Reykjavíkurflugvöllur verður áfram í Vatnsmýrinni nema fólk kjósi ekki D-listann 26.maí n.k. og nýr holóttur Dagur renni þá upp yfir Reykvíkinga og landsmenn alla.  

Athugasemdir

[Símon Pétur frá Hákoti (IP-tala skráð) 18.3.2018 kl. 20:45]

En þjóðarsjúkrahúsið hvar?  Blessunarlega ekki út í mýri og heldur ekki í Hringbrautar bútasaumsteppinu, en hvar?  Annars er dáldið spaugilegt að sjá Sjálfstæðisflokkinn vera orðinn að Framsókn og flugvallarvinum.  En það er samt jákvætt, þannig séð.  En hvar eru aftur peningarnir sem fengust fyrir einkavæðingu Pósts og síma?  Þeir áttu að fara í byggingu nýs þjóðarsjúkrahúss.  Ææ, en hvað núna, eiga Arion peningarnir að fara í það?

[Þorsteinn Briem, 18.3.2018 kl. 23:09]

20.3.2001:

"Í kosningunni, sem var rafræn, var hægt að kjósa á milli þriggja kosta.

Í fyrsta lagi að flugvöllur yrði áfram í Vatnsmýri eftir 2016.

Í öðru lagi að flugvöllur færi úr Vatnsmýri eftir árið 2016 og í þriðja lagi var hægt að skila auðu."

Meirihlutinn vill flugvöllinn burt í kosningum um framtíð Vatnsmýrarsvæðisins og staðsetningu flugvallarins

[Þorsteinn Briem, 18.3.2018 kl. 23:10]

Ómar Ragnarsson segir að ekkert sé að marka kosningarnar í mars 2001 um flugvöllinn á Vatnsmýrarsvæðinu, þar sem þessar kosningar séu ekki nýlegar.

Skipulag á flugvallarsvæðinu er að sjálfsögðu gert til langs tíma en ekki til nokkurra ára og fjórar borgarstjórnarkosningar hafa farið fram hér í Reykjavík á þessu tímabili.

Meirihluti borgarfulltrúa hefur allan tímann viljað að flugvöllurinn fari af Vatnsmýrarsvæðinu og þetta mál er stærsta málið í öllum  þessum borgarstjórnarkosningum.

Þar af leiðandi hefur að sjálfsögðu verið kosið um flugvallarmálið í öllum kosningunum.

Sumir skoðanabræðra Ómars Ragnarssonar í þessu máli hafa reynt að tefja það að flugvöllurinn fari af Vatnsmýrarsvæðinu með löngum málaferlum, sem þeir hafa tapað en vilja að sjálfsögðu ekki sætta sig við það.

Og þá kemur að sjálfsögðu söngur þeirra um að langt sé liðið frá kosningunum um flugvöllinn.

Því meira sem þeir tefji málið því betra að þeirra dómi, því þá sé lengra liðið frá sérstökum kosningum um málið.

[Þorsteinn Briem, 18.3.2018 kl. 23:11]

Ekki ætti að vera til betri skoðanakönnun um flugvöllinn á Vatnsmýrarsvæðinu en þessi undirskriftasöfnun með öllum sínum auglýsingum:

Undirskriftir árið 2013 um Reykjavíkurflugvöll voru um 29% af þeim sem voru á kjörskrá í síðustu alþingiskosningum.

20.9.2013:

"Rétt rúmlega 20 þúsund Reykvíkingar skrifuðu undir á síðuna lending.is.

Að sögn Njáls Trausta Friðbertssonar, formanns undirskriftarsöfnunarinnar höfðu 20.626 Reykvíkingar skrifað undir en um tvö prósent þeirra eru yngri en 18 ára og hafa því ekki náð löglegum kosningaaldri.

Samkvæmt upplýsingum frá Hagstofu Íslands voru tæplega 88 þúsund manns á kjörskrá í Reykjavík árið 2009, engar nýrri tölur er að finna á síðunni.

En ef miðað er við þær tölur má ætla að tæplega 23% kosningabærra Reykvíkinga hafi skrifað undir til þess að mótmæla flutningi flugvallarins."

[Halldór Jónsson, 19.3.2018 kl. 17:49]

Það var ekkert að marka kosninguna Steini Briem, það sjá allir nema þú.