Leita í fréttum mbl.is

Uppákoma á Alþingi

þar sem þingheimur er krafinn svara um hvar Haukur sé niðurkominn.

Einhver nafnlaus byltingarmaður krefur þingmenn svara í ræðu sem hann flytur af áheyrendapöllum um það hvar Hauk sé að finna?

Sama Hauk og niðurlægði Alþingi og Alþingishúsið í sumra augum hér um árið með því að hífa upp Bónusflaggið á fánastönginni fyrir ofan skjaldarmerkið. Hress klifurmaður og léttur á sér hann Haukur miðað við okkur hjassana sem treystum okkur ekki í að hífa flaggið niður.

Af hverju koma örlög stríðsmannsins Hauks sem fór með byssur og skot til liðs við Kúrda Alþingi íslendinga eitthvað við?  Voru hann og móðir hans ekki í bardaga við hurðir á Lögreglustöðinni á Hverfisgötu við eitthvað tækifæri? Eiga engir aðrir rétt á að hafa skoðanir í stjórnmálum en þetta fólk sem lætur verkin tala?

Hvað var gert þegar Haraldur Íshólm til dæmis lét lífið í skipalest Bandamanna á leið úr Hvalfirði til Múrmansk með hergögn fyrir Stalín? Var rukkað fyrir hann inni í Alþingishúsinu?

 

Voru þau Haukur og móðir hans eitthvað tiltakanlega hrifin af þeirri hugmynd að almenningur mætti hafa sitt Alþingi, lögreglu og ríkisvald í friði fyrir upphlaupum samkvæmt Stjórnarskrá lýðveldisins Íslands? Eða áttu þau einhvern annan og meiri rétt til aðgerða og mótmæla en vesalingur minn?

Er þetta viðurkennd aðferð héðan í frá að fólk af götunni geti lagt undir sig áheyrandapalla í ákveðnum tilgangi óátalið af þingvörðum? Haft sína fundi, sett upp skilti þar og flutt sínar ræður óháð því sem kjörnir Alþingismenn eru að bauka við  niðri í þingsalnum? Helst var af forsætisráðherra að sjá að hún vissi ekki hvernig við skyldi bregðast. Hvað þá hinir minni spámenn meðal þingmanna? Nema Píratarnir auðvitað sem voru greinilega vel undirbúnir.

En RÚV sagði okkur að mótmælin hefðu farið friðsamlega fram. 

Eru svona uppákomur kommúnista og byltingarsinna það sem koma skal í stjórnkerfi Íslands? 


« Síðasta færsla | Næsta færsla »

Athugasemdir

1 Smámynd: Ragnhildur Kolka

Já, það er ekki öll vitleysan eins.

Ragnhildur Kolka, 11.4.2018 kl. 00:50

2 Smámynd: Jóhann Elíasson

Var þessi byltingamaður með leyfi forseta Alþingis, til að ávarpa þingmenn?????

Jóhann Elíasson, 11.4.2018 kl. 07:10

3 identicon

Var að sjá að byltingamaðurinn á þingpöllum væri móttekin í hóp  þingskörungana, því forseti þingsins hamaðist á bjöllunni sem aðeins er notuð til að fá ræðuskörunga þingsins til að virða ræðutíma.

Eðvarð L. Árnason (IP-tala skráð) 11.4.2018 kl. 10:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (26.9.): 258
  • Sl. sólarhring: 719
  • Sl. viku: 7539
  • Frá upphafi: 2324255

Annað

  • Innlit í dag: 210
  • Innlit sl. viku: 5389
  • Gestir í dag: 204
  • IP-tölur í dag: 185

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband